KLASIKOAK bilduma
1990eko hamarkadan jarri zen abian pentsamenduaren klasikoak euskaratzeko proiektua. Horretarako elkarte berezi bat bultzatu zuten BBV Fundazioak (gero BBVA), Bizkaiko, Gipuzkoako eta Arabako Kutxek, Euskal Herriko Unibertsitateak eta Deustuko Unibertsitateak. Elkarteak 2010ean erabaki zuen helburuak beteak zirela eta, 130 liburu argitara eman ondoren, urte horretan erabaki zuen amaitutzat ematea proiektua.
|
Politika eta zientzia lanbide
Max Weber
 Itzultzailea:
Pello Zabaleta Kortaberria
Testu zuzentzailea:
Lorea Arrieta Zubillaga
Argitaratze data:
2007-12-12
Orrialde kopurua:
164
ISBN:
84-96455-15-7
Max Weber zientzia-gizona izan zen, ez gizaki politikoa edo estatu-gizona, inoiz edo behin kazetari politiko izan bazen ere. Gauza publikoaz biziki kezkaturik egon zen bizitza osoan, eta nostalgia moduko bat sentitu zuen beti politikari dagokionez, haren pentsamenduaren azken xedea ekintzan parte hartzea izan balitz bezala. Heldutasunera iristean, inperio alemaniarraren loratzea, Bismarcken erorketa eta enperadore gaztearen aldetik bere erantzukizunak hartzea ikusi zituen belaunaldikoa da. XIX. mendeko azken hamabost urteak —Max Weberren heziketa-garaia, hogei eta hogeita bost urteen artean— legedi sozialaren garapenak, enperadorearen lehen esku-hartzeak diplomazian eta, sakonago oraindik, Bismarcken ondareari buruzko gogoetak markatzen dituzte. Zein da Alemaniaren egitekoa, batasuna lortu duenean? Zein izan behar du haren papera munduko eszenatokian? Zein erregimen da nazioaren batasuna berreraikitzeko gai? Max Weberren belaunaldiak berez planteatzen ditu historiak gero erantzun tragikoa emango dien arazoak.
|
(0.76 Mb)