KLASIKOAK bilduma
1990eko hamarkadan jarri zen abian pentsamenduaren klasikoak euskaratzeko proiektua. Horretarako elkarte berezi bat bultzatu zuten BBV Fundazioak (gero BBVA), Bizkaiko, Gipuzkoako eta Arabako Kutxek, Euskal Herriko Unibertsitateak eta Deustuko Unibertsitateak. Elkarteak 2010ean erabaki zuen helburuak beteak zirela eta, 130 liburu argitara eman ondoren, urte horretan erabaki zuen amaitutzat ematea proiektua.
|
Metodoari buruzko diskurtsoa / Meditazio metafisikoak
René Descartes
 Itzultzailea:
Xabier Arregi Gordoa
Berrikuslea:
Joxe Azurmendi Otaegi
Testu zuzentzailea:
Lorea Arrieta Zubillaga
Hitzaurrea:
Wolfgang Röd
Argitaratze data:
1997-08-07
Orrialde kopurua:
199
ISBN:
84-88303-47-5
Metodoari buruzko diskurtsoa 1637an argitaratu zen Dioptrika, Meteoroak eta Geometria gaiak biltzen zituen liburuaren hitzaurre bezala. Frantsesez idatzi zuen autobiografia intelektual modura, zeren latina menperatzen ez zuen jendearen artean ere bere pentsamendua zabaldu ahal izateko; aise irakurtzen den testu horretan bere sistemaren oinarriak eskaintzen ditu laburbildurik. Meditazio Metafisikoak du bere metafisika-lan nagusia, 1641ean latinez argitaratu zuen, bere lagunek eta zenbait jakintsuk ezarritako eragozpenekin eta berak emandako erantzunekin. Frantsesezko lehen argitarapena 1647an agertu zen. Lluynesko dukeak itzulia eta Descartesen oniritziarekin. Bertan zientzien oinarri irmoak finkatu nahi ditu Ni pentsatzaile bakartu batetik abiatuz eta aurretiko iritzi guztiak zalantzan jarriz; bere helburua da Jainkoaren ezaugarri nagusiak, gure arimarenak eta gure baitako ideia argi eta bereizienak argitzea.
|
(0.40 Mb)
(0.25 Mb)