Egungo Euskararen Hiztegia (EEH)

urre (orobat urhe g.er.) 1 iz gai bakuna, kolore hori distiratsuko metal bikaina, urak, aireak eta azidoek erasotzen ez diotena (Au; at. z. 79).

Urrea material bolkanikoan barreiatuta dago. Berria - Gaiak 2004-08-26

Zilar, urre, harribitxi, usainki, babeski eta era askotako gauza baliotsu ugari bildu zuen. Elizen arteko biblia 2 Kro 32,27

Gurtu nahi genuke, goratu eta ohoratu ere bai erregalia mistikoekin, urre, intsentsu eta mirrarekin. Joan Mari Lekuona «Mistika liburuak» - Eckhart-Tauler, 1997 - 48. orr.

Urrea eta zilarra jainkoen tenpluak eta erregeen jauregiak edertzeko baino ez baitzituzten erabiltzen. «Legeen espirituaz II» - Montesquieu, 1999 - 62. orr.

Urrearen "egiazko" esanahia "izpirituala" da -ekonomiko, estetiko, sinbolikoa-, ez kimiko naturala; baina urreak gauza material, natural bat izatea ez du uzten horregatik. Joxe Azurmendi «Espainiaren arimaz», 2006 - 214. orr.

Handik itzuli garelarik, urrea eman dit: nik banaka arakatu ditut hogei barratxoak. Juan Garzia «Sistema periodikoa» - Primo Levi, 1998 - 123. orr.

Harryk Gringottseko urre guztia emango zukeen han bertan lurrundu eta desagertzeagatik. Iñaki Mendiguren «Harry Potter eta sekretuen ganbera» - J.K. Rowling, 2001 - 201. orr.

Baduzu nahikoa urre ardi eta gamelu asko erosteko. Xabier Aranburu «Alkimista» - Paulo Coelho, 2001 - 165. orr.

Edozein metal urre bihurtzeko gai dela. Xabier Aranburu «Alkimista» - Paulo Coelho, 2001 - 97. orr.

Beruna urre nola bilakatzen den jakin nahi dut. Xabier Aranburu «Alkimista» - Paulo Coelho, 2001 - 186. orr.

Sakeletan urre eta zilarrezko txanponen hotsa. Iñaki Mendiguren «Harry Potter eta Azkabango presoa» - J.K. Rowling, 2002 - 94. orr.

Munduko urre guztiaren truke ere ez zirela hara hurbilduko, pasatu zituzten miseria eta neke ikaragarriak gogoan. Ramon Saizarbitoria «Gorde nazazu lurpean», 2000 - 24. orr.

Iraganaren bila dabilena, urre bila dabilena bezala, erotu egiten da. Anjel Lertxundi «Konpainia noblean», 2004 - 175. orr.

Urre bila etorritako asko indio ehizara dedikatu ziren. Joseba Sarrionandia «Lagun izoztua», 2001 - 427. orr.

Hartu zorro hau bete urre, eta etortzen diren mirabe, kantari eta ileapaintzaileei eskukada bana eskaini. Patxi Zubizarreta «Mila gau eta bat gehiago» - Anonimoa, 2002 - 42. orr.

ik beherago 8. Askoren artean «Asisko Frantzizko, Asisko Klara», 2002 - 574. orr.

Urreak adina balio dik horrelako emakume batek denda batean. Karlos Zabala «Parisen sabela» - Emile Zola, 2004 - 79. orr.

Behin ikusi zuen urrearen distira. Iñaki Mendiguren «Harry Potter eta Azkabango presoa» - J.K. Rowling, 2002 - 169. orr.

Ez dut nire alaba zure semearekin ezkonduko, ezta haren pisua urrean ematen badidazu ere. Patxi Zubizarreta «Mila gau eta bat gehiago» - Anonimoa, 2002 - 37. orr.

Monsieur, bere pisua urretan balio du. Xabier Olarra «Deabruaren hiztegia» - Ambroise Bierce, 2001 - 59. orr.

Ez du ahantzi behar 150 miliun urretan pagatu ziola Haitik Frantziari bere libertatearen erosteko. Herria 2004-09-30

1a (bitxiak eta kidekoek egiteko erabili den gai gisa)

Urrearekin eginiko bitxiak, zeramikazko piezak, litografiak eta arkatz zein ur margoekin sortutako koadroak. Berria - Kultura 2004-08-15

Zerbitzu bakoitzerako behar ziren urrezko ontziek zenbat urre eta zilarrezkoek zenbat zilar beharko zuten zehaztu zion. Elizen arteko biblia 1 Kro 28,14

Eskuina altxatu eta urrezko eztei-eraztuna erakutsi dio Imanoli. Iban Zaldua «Gezurrak, gezurrak, gezurrak», 2001 - 176. orr.

-Benetan bekatu larria egin du herri honek, urrezko jainkoa eginez. - 0. orr.

Pantea artile finez eta urrez jantzirik zegoen. Juan Garzia «Bizi alegiazkoak» - Marcel Schwob, 2002 - 30. orr.

Beltzez jantziriko eta urrez koroaturiko gizonak bere tronuan igurikatzen zuen meteoroaren etorrera. Juan Garzia «Bizi alegiazkoak» - Marcel Schwob, 2002 - 131. orr.

Urrez bordaturiko eta harribitxi zizelkatuz ederturiko jantzi sakratuak. Askoren artean «Asisko Frantzizko, Asisko Klara», 2002 - 263. orr.

Argi berdeko esmeralda handiak urrean kokatzen dira. Xabier Amuriza «Gauzen izaeraz» - Lukrezio, 2001 - 295. orr.

Bi izaki hegadun egingo dituzu, urretan landuak. Elizen arteko biblia Ir 25,18

2 (izenondoekin)

Urre ona hangoa; badira han erretxina eta harribitxiak ere. Elizen arteko biblia Has 2,12

Ematen zuen auzoak zerua erakartzen zuela, argia erakartzen zuela, urre zaharraren koloreko iragan bat erakartzen zuela. Anjel Lertxundi «Konpainia noblean», 2004 - 176. orr.

Konparatu ohi da urre finarekin, urre garbiarekin, inolako aleaziorik ez duenarekin. Joan Mari Lekuona «Mistika liburuak» - Eckhart-Tauler, 1997 - 93. orr.

Santutegia hamar metro zen luze, hamar metro zabal eta metro bat gora, eta urre garbiz jantzi zuen Salomonek. Elizen arteko biblia 1 Erg 6,20

Urre trinkozko bularrekoa, harribitxiz inguratua, zeraman agureak. Xabier Aranburu «Alkimista» - Paulo Coelho, 2001 - 51. orr.

Azpilak, labanak, ixipu-ontziak, intsentsu-ontziak eta errauts-ontziak, urre hutsezkoak. Elizen arteko biblia 1 Erg 7,50

Harri horrek urre puru bihurtzen du edozein metal. Iñaki Mendiguren «Harry Potter eta Azkabango presoa» - J.K. Rowling, 2002 - 198. orr.

Irudiaren burua urre finezkoa zen; bularra eta besoak zilarrezkoak; sabela eta izterrak brontzezkoak. Elizen arteko biblia Dn 2,32

Loreak, kriseiluak eta su-hatzak, urre garbizkoak. Elizen arteko biblia 2 Kro 4,21

Gizonak urre trinkozko erlojua atera zuen poltsikotik. Matías Múgica «Hiltzaile baten aitormena» - Joseph Roth, 2004 - 154. orr.

Printzeari gustatzen zitzaion, bada, bere arrotzei tabakontzi horiek, urre pisuzkoak, marfilez eta esmeralda txikiz inkrustatuak, erregalatzea. Matías Múgica «Hiltzaile baten aitormena» - Joseph Roth, 2004 - 71. orr.

Begiak sakon-ilun, larrua urre errearen pareko, adatsa luze. Edorta Jimenez «Europako mugetan barrena», 2000 - 80. orr.

3 (koloreak diren izenondoekin)

Nahiko behean zegoen eguzkiak argitzen zuen, eta arnesak distiraka ari ziren urre gorriaren indarrarekin. Agustin Otsoa «Eraztunen Jauna III» - J.R.R. Tolkien, 2004 - 324. orr.

Beltza da armadura eta urre gorrizko pinportak ditu. Felipe Juaristi «Airezko emakumeak», 2003 - 36. orr.

Sartaldera ematen zuten etxeetako leihoko kristalek hodei-barra handi baten urre gorrizta islatzen zuten. Irene Aldasoro «Dublindarrak» - James Joyce, 1999 - 20. orr.

Urre zuria, esan zidatenez. Ander Irizar «Eszterren ondarea» - Sandor Marai, 2003 - 26. orr.

Urre zuria trumilka ekoizten zen Euskal Herrian. Itxaro Borda «%100 basque», 2001 - 11. orr.

Ez zuen arrazoirik falta petrolioari urre beltza deitu zion hark. Berria - Ekonomia 2006-04-16

ik beherago 19. Askoren artean «Asisko Frantzizko, Asisko Klara», 2002 - 574. orr.

Haren esku zuhurrean dirdir zegien bi errubi zurbil-nahasiz txertaturiko eraztun urre berdezko batek. Juan Garzia «Bizi alegiazkoak» - Marcel Schwob, 2002 - 47. orr.

4 (hitz elkartuetan lehen osagai gisa)

Urre-xaflak egin eta xaflak hari bihurtuz, purpura more, gorri eta gorrimina eta liho fina urre-hariz bordatu zituzten. Urre-harizko apaingarriak eginen dituzu. Elizen arteko biblia Ir 39,3

Urre-orriak dituen garezur trepanatua. Berria - Kultura 2004-04-06

Hiri honetako zeta eta urre-oihalak entzutetsu egin ziren Txinan eta Persian. Gotzon Garate «India harrigarria», 2001 - 190. orr.

Hire idunekoaren haria trenkatua dun eta hire lepo inguruan barreiu zautzan urre aleak. Juan Garzia «Bizi alegiazkoak» - Marcel Schwob, 2002 - 47. orr.

Munduko urre pipitta guziekin betetako larruxaku xahar ximurtu haietako bakoitza. Patziku Perurena «Trapuan pupua», 2001 - 84. orr.

Haietako bat irekirik, urre hauts ezinago finez beterik zegoela ikusi zuen. Patxi Zubizarreta «Mila gau eta bat gehiago» - Anonimoa, 2002 - 148. orr.

Nire ahuntzak egunero pasatzen dituk urre-meategi baten gainetik. Anjel Lertxundi «Mentura dugun artean», 2001 - 19. orr.

Zilar-meategietako lana urre-meategietakoa baino pixka bat emankorragoa dela. «Legeen espirituaz II» - Montesquieu, 1999 - 63. orr.

Marmol harrobiak, gatzagak, platino eta urre erauztokiak, ikatz meatzeak ustiatzen dira bertan handizka. Karlos Zabala «Mikel Strogoff» - Jules Verne, 2002 - 129. orr.

Metal arruntezko mea artean urre-zain bat bezala. Juan Garzia «Hamlet» - William Shakesperare, 2002 - 158. orr.

Haitzuloko urre-altxor hura guztia. Anjel Lertxundi «Konpainia noblean», 2004 - 10. orr.

Urre-poltsa leiho batera jaurti zuen, lokatz zikina balitz bezala mespretxatuz. Askoren artean «Asisko Frantzizko, Asisko Klara», 2002 - 880. orr.

Zizelkatu bi harrietan Israelgo leinuen izenak, zilarginak zigiluak zizelkatzen dituen eran, sartu urre-begietan. Elizen arteko biblia Ir 28,11

Onize harriak urre-begietan sartu zituzten. Elizen arteko biblia Ir 39,6

-Urre pila bat -esan zuen La Sarriettek miraz. Karlos Zabala «Parisen sabela» - Emile Zola, 2004 - 330. orr.

Lausengari urre-gurtzailea. Xabier Olarra «Deabruaren hiztegia» - Ambroise Bierce, 2001 - 287. orr.

Hondoa jotako aitoren seme, zimarkun eta urre-bilatzailezko jende olde bat lehorreratu zen Potomak-eko urertzean. Juan Garzia «Bizi alegiazkoak» - Marcel Schwob, 2002 - 121. orr.

5 (hitz elkartuetan lehen osagai gisa bigarrena izen abstraktua denean)

Harako ezkur haiek urre-aroa gogorazi baitzioten. Patxi Ezkiaga «On Kixote Mantxako» - Miguel de Cervantes, 2005 - 47. orr.

Urre Mendeko teatro espainola. Joxe Azurmendi «Espainiaren arimaz», 2006 - 29. orr.

Urre-goseak bultzatuta salatu zuen Trabukok Berdabioko jauna. Anjel Lertxundi «Konpainia noblean», 2004 - 136. orr.

Gune erromantikoa, Igeldoko harri hareatsuez eraikitako etxeen horaila ilunabarrean, Victoria Eugenia Antzokia, Kursaal zubiko farolen urre dirdira ibai azalean. Ramon Saizarbitoria «Gorde nazazu lurpean», 2000 - 114. orr.

Urre-distira baten bila. Iñaki Mendiguren «Harry Potter eta sorgin harria» - J.K. Rowling, 2000 - 213. orr.

Hantxe urre-orbanez josiriko argizko estalki orlegi bat. Juan Garzia «Bizi alegiazkoak» - Marcel Schwob, 2002 - 51. orr.

Urre soluzioetan disolbagarria. Xabier Olarra «Deabruaren hiztegia» - Ambroise Bierce, 2001 - 82. orr.

Gabaondarrak erantzun zioten: -Saulekin eta beronen senitartekoekin duguna, ez da zilar, ez urre-kontua. Elizen arteko biblia 2 Sm 21,4

Bizirik zirauen beti ere haren oroitzapena, eta, gertatu ohi denez, elezaharrezko urre-patina batez estaliz zihoan. Juan Garzia «Sistema periodikoa» - Primo Levi, 1998 - 98. orr.

Katuak oso pipertuta ematen zuen, lepoan lotuta urre-antzeko letoi-xafla bat baitzeukan. Iñaki Mendiguren «Harry Potter eta sorgin harria» - J.K. Rowling, 2000 - 183. orr.

Urre-masa batek pisu bereko zilar-masa batekin bolumenean duen diferentzia. Santiago Iruretagoiena «Arkitekturaz hamar liburuak» - Vitruvio, 2000 - 4130. orr.

Baliagarria zen jakitea urre kilo batek zenbat balio zuen garai hartan. J.M. Olaizola "Txiliku" «101 gau», 2000 - 16. orr.

6 (hitz elkartuetan lehen osagai gisa, elkarketak izenondo balioa duela)

Trapobaniako xinaurri urre-zaintzaileez eta bertze hainbat gauza miresgarriez. Aurelia Arkotxa «Septentrio», 2001 - 78. orr.

6a (hitz elkartuetan lehen osagai gisa, elkarketa kopulatiboetan)

Hartu zituen Akazek Jaunaren etxean eta jauregiko altxortegian zeuden urre-zilarrak eta Asiriako erregeari bidali zizkion. Elizen arteko biblia 2 Erg 16,8

Kartagotarrek, urre-zilarren merkataritzan nagusi, berunaren eta eztainuaren merkataritzan ere nagusi izan nahi zuten. «Legeen espirituaz II» - Montesquieu, 1999 - 48. orr.

7 (hitz elkartuetan bigarren osagai gisa)

Urre-urrezkoak batzuk eta alkimia-urrezkoak besteak. Patxi Ezkiaga «On Kixote Mantxako» - Miguel de Cervantes, 2005 - 115. orr.

Haren familia azti-urrez leporaino egongo zen. Iñaki Mendiguren «Harry Potter eta sekretuen ganbera» - J.K. Rowling, 2001 - 31. orr.

Azti-urre pixka bat geratzen zitzaion kutxa barrenean. Iñaki Mendiguren «Harry Potter eta sorgin harria» - J.K. Rowling, 2000 - 31. orr.

7a (hitz elkartuetan bigarren osagai gisa, elkarketa kopulatiboetan)

Ezin izango dituzte beren zilar-urreek ere salbatu Jaunaren haserre-egunean Elizen arteko biblia So 1,18

8 (neurriekin eta kidekoekin)

Lakari bat urre izango banu... Xabier Etxabe «Lurtarra da begiratua», 2004 - 32. orr.

Sami zakuto bete urre oparitu zion. Agustin Otsoa «Eraztunen Jauna III» - J.R.R. Tolkien, 2004 - 331. orr.

3.000 txanpon urre. Martin Anso «Elezaharren bidetik», 2004 - 85. orr.

Ehun tonelada urre fin ematen dut eta berrehun eta hogeita hamar tonelada zilar garbi tenpluko hormak janzteko. Elizen arteko biblia 1 Kro 29,4

Hogeita biren bat mila kilo zilar, zilarrezko ehun ontzi eta hiru mila eta laurehunen bat kilo urre pisatu eta eskuratu nizkien. Elizen arteko biblia Esd 8,26

Hiramek emanak zizkion Salomoni lau tonelada inguru urre. Elizen arteko biblia 1 Erg 9,14

Urte oroz Salomon erregeari hogeita bi mila inguru kilo urre etorri ohi zitzaion. Elizen arteko biblia 1 Erg 10,14

9 (ekonomiaren alorrean)

Sistemaren oinarria urrearen eta dolarraren arteko truke finkoa zen: urre ontza bakoitzeko, 35 dolar. Iñaki Heras «Txanponaren bi aldeak», 2003 - 39. orr.

Truke-tasak finkoak ziren, beraz, herrialde bakoitzeko diruak urreari eta dolarrari buruz truke jakin bat finkatua baitzuen. Iñaki Heras «Txanponaren bi aldeak», 2003 - 39. orr.

Diru Sistema berri baten oinarriak; sistema horrek urrearen ordez libra esterlina eta dolarra ezarri zituen oinarri, biak ere urrearekiko bihurgarriak. Iñaki Heras «Txanponaren bi aldeak», 2003 - 39. orr.

FMIren porrota etorri zen 1971n, Richard Nixon AEBtako presidenteak dolarraren urrearekiko bihurgarritasuna bertan behera utzi, eta erabaki horren ondorioz, trukerako urre-patroia desagertu zenean. Iñaki Heras «Txanponaren bi aldeak», 2003 - 262. orr.

Urrearen prezioaren igoerak adierazten ditu ziurgabetasun handia dagoela merkatuan. Berria - Ekonomia 2004-11-25

Gizarteek hainbat diru mota izan dituzte historian zehar, bai gatza, kakaoa edo urrea, bai gaur egungo diru papera, plastikozko dirua (kreditu eta debitu txartelak) bai diru elektronikoa. Iñaki Heras «Txanponaren bi aldeak», 2003 - 31. orr.

Urrea eta zilarra kreditu-sistema oraindik garatugabe baten oinarri eta, hortaz, printzearen azken baliabidea zirelako. Koro Navarro «Ekonomiaren globalizazioa» - Jacques Adda, 2004 - 36. orr.

Urrearen balioa, ordea, ez da berez datorren zerbait, gizakumeen artean horrela erabaki zen zerbait baizik, konbentzio bat. Pako Aristi «Urregilearen orduak», 1998 - 356. orr.

Garbi dago nazioarteko inbertsiogile askok urretara jo duela, azken 25 urteotako prezio handienean baita metal hori. Berria - Ekonomia 2006-01-21

10 (ekonomiaren alorrean, hitz elkartuetan lehen osagai gisa)

Estatu Batuak ziren beren diruaren urre-bihurgarritasuna segurta zezakeen herrialde bakarra. Koro Navarro «Ekonomiaren globalizazioa» - Jacques Adda, 2004 - 93. orr.

Urre-patroiak bermatu egiten zituen, teorian, herrialdeen arteko urrearen zirkulazio askea. Iñaki Heras «Txanponaren bi aldeak», 2003 - 39. orr.

Urre-ereduaren erregimenaren baitan [...] nazioarteko maileguak, eta baita zuzeneko inbertsioak ere, sekula ez bezalako lastertasunaz garatu ziren. Koro Navarro «Ekonomiaren globalizazioa» - Jacques Adda, 2004 - 71. orr.

Estatu Batuak izan ziren gerrak suntsitu ez zuen herrialde industrial indartsu bakarra, eta, 1945ean, harenak ziren munduko urre-erreserben hiru laurden. Koro Navarro «Ekonomiaren globalizazioa» - Jacques Adda, 2004 - 93. orr.

Historialariak bat datoz oro har urrearen gosea aipatzerakoan, urre-urritasuna eragozpena baitzen merkatarientzat. Koro Navarro «Ekonomiaren globalizazioa» - Jacques Adda, 2004 - 27. orr.

Urre- eta zilar-kantitate handiagoa, beraz, onerako da metal horiek merkantziatzat hartzen direnean. «Legeen espirituaz II» - Montesquieu, 1999 - 71. orr.

11 irud/hed

Egunaren lehen urre-izpiek ferekatu zuten. Juan Garzia «Bizi alegiazkoak» - Marcel Schwob, 2002 - 48. orr.

Jende guztia, elkarri ezer galdetu gabe, bere soroetako laborea aldatzen hasi zen, garia eta laboreak baztertu eta mahastiak jartzen; Alcoleako ardo-ibaia urre-ibai bihurtu zen laster. Josu Zabaleta «Jakintzaren arbola» - Pio Baroja, 2006 - 213. orr.

Istorioak ondo kontatzen jakitea, berdin dio hitzez edo idatziz, hori da gure [eskimalen] urrea, eta hori egiten dakiena aberatsa da. Pako Aristi «Urregilearen orduak», 1998 - 358. orr.

Horrek urrea balioko zion geroan. Aingeru Epaltza «Mailuaren odola», 2006 - 85. orr.

1926an Europara heldu zen, bertan haren estiloa gustatu, Lumiansky manager berriarentzako urre mina bat bilakatu zen. Pablo Sastre «Eguzkipekoak», 2003 - 225. orr.

Normalean agenda estu izaten badu, minutuak urre ditu egunotan. Berria - Euskal Herria 2006-01-12

Maiatzeko ihintzak urrea balio du. Pello Zabala «Naturaren mintzoa», 2000 - 191. orr.

12 (erkaketan)

Zapi moduko batek estaltzen zion burua, eta handik ihesi ile ugaria zihoakion kopetan behera, urrea bezain horia. Karlos Zabala «Mikel Strogoff» - Jules Verne, 2002 - 76. orr.

Ofirko urrea baino urriago bihurtuko dira gizakiak. Elizen arteko biblia Is 13,12

Besteek zapaldu baino egiten ez zituzten landareak, urrea balira bezala kutxatxo batean gordetzen. Hasier Etxeberria «Mutuaren hitzak», 2005 - 115. orr.

Proba nazala, urrea bezain garbi aterako naiz. Elizen arteko biblia Jb 23,10

Harkaitzak argi beranduan: urrea bezala. Joxe Austin Arrieta «Homo Faber» - Max Frisch, 2001 - 296. orr.

Apirileko zizea, urrea baino hobea! Pello Zabala «Naturaren mintzoa», 2000 - 157. orr.

13 (kolore gisa)

Sala eta ganbara guzietan urrez, gorriz, horiz, berdez eta urdinez baziren hainbat pintura eder non animalien historia frango agertzen baitziren. Aurelia Arkotxa «Septentrio», 2001 - 76. orr.

Kupula bizantziarrak, berdez eta urrez koloreztatuak. Karlos Zabala «Mikel Strogoff» - Jules Verne, 2002 - 240. orr.

14 urre peza; urre pila.

Aristotelesen liburutegi osoa, Ptolomeok -ahalegin handien, urre askoren eta gaiztakeria frankoren ondoren- azkenean bereganatzea lortu zuena. «Loroaren teorema» - Denis Guedj, 2006 - 151. orr.

Emadazu urre hori, eta nik, berriz, bertatik emango dizut zuk aukeratzen duzun kokalekua. «Loroaren teorema» - Denis Guedj, 2006 - 262. orr.

Horra zein etekin emango dizuten urreek, gaztetandik arduraz zaindu dituzun horiek. Anjel Lertxundi «Azkenaz beste», 2005 - 54. orr.

15 olinpiar joko edo kidekoetako urrezko domina.

Naroa Agirrek bi urre irabazi ditu Euskadiko Txapelketan. Berria - Kirola 2006-02-07

Palmaresa: Paralinpiar Jokoetan, sei urre, zilar bat eta bi brontze; Munduko Txapelketetan, zazpi urre; Europako txapelketetan, zortzi urre eta zilar bat; Espainiako Txapelketetan, 33 urre. Berria - Kirola 2004-09-29

Garaipenak: 2003ko Munduko Txapelketan urrea 200 eta 400 metro estiloetan, eta 200 metro tximeleta estiloan. Berria - Kirola 2004-08-10

11 domina lortu dituzte guztira (bost urre, bost zilar eta brontze bat). Berria - Kirola 2004-09-28

Sara Carracelas: hiru urre (50 eta 100 metrokoetan, eta bizkar estiloko 50 metrokoan). Berria - Kirola 2004-09-28

Javier Otxoa: urre bat (konbinatuan) eta zilar bat (hiru kilometroko jazarpenean). Berria - Kirola 2004-09-28

Urrea Australiarentzat eski artistikoan. Berria - Kirola 2006-02-16

Agirre, urrearekin konforme ez eta luzera jauzian brontzea lortu zuen, 6,14ko jauziarekin. Berria - Kirola 2006-02-28

16 joko kartetako lau irudietako bat.

Aitzitik, ezin pausatuago solastatu zitzaidan, mahukapean zazpiko urrea gorderik duen jokalariaren segurtasunaz. Joan Mari Irigoien «Ipuin batean bezala», 2002 - 132. orr.

Esleitu zion bateko bakoitzari hiriburu bat: bateko urreari Bilbo, kopakoari Donostia, ezpatakoari Gasteiz eta bastoikoari Iruñea; nahastu zituen lau batekoak behin eta berriro, kartei begiratu ere gabe. Joan Mari Irigoien «Odolean neraman», 2004 - 79. orr.

Ezin duzu sinetsi amona hilda dagoela, ez zaretela gehiago ikusiko, ez zaretela inoiz gehiago bateko urrean arituko elkarrekin. «Eta emakumeari sugeak esan zion», 1999 - 120. orr.

17 ontza urre ik ontza 8; ontza 9.

18 ontzako urre ik ontza 11; ontza 12.

19 urre beltz adkor petrolioa.

Greenspanek garrantzia kendu nahi izan die urre beltzak munduko ekonomian eragin ditzakeen kalteei. Berria - Ekonomia 2004-08-26

Gatazka geopolitikoak areagotu diren heinean joan da urre beltza garestitzen. Berria - Harian 2006-04-19

Munduko ekonomia %4,9 haziko da, urre beltzaren prezioak gora egin arren. Berria - Ekonomia 2006-04-20

Kurioski, gerla honetan, ministerio gehienak suntsituak izan direlarik edo lapurtuak, gelditu da osorik, deus demasiarik gabe, urre beltzarena. Herria 2003-04-24

20 urre diru (orobat urrediru)

Hantxe bertan, urre diru faltsoa egin, eta Frantziara pasatzen zuen. Patziku Perurena «Trapuan pupua», 2001 - 149. orr.

Elama alde hartan urrediru faltsoa egin eta, mugaz Fraintzi aldera pasatzen omen zuen zaldiz. Patziku Perurena «Harrizko pareta erdiurratuak», 2004 - 85. orr.

21 urre kolore (orobat urre-kolore) iz urrearen kolorea.

Eguzkiak han urre kolorea hartzen du, eta urak urrea ekartzen, hondar aleen artean nahastuta. Felipe Juaristi «Airezko emakumeak», 2003 - 24. orr.

Duela bi hilabete zaukan urre kolore hura galdua du. Herria 2005-05-05

Itzalak luzatzen ari ziren, eta berriro ere urre-kolorea zuten oihan debekatuko zuhaitz-gainek. Iñaki Mendiguren «Harry Potter eta sorgin harria» - J.K. Rowling, 2000 - 321. orr.

Gabonetako mila-orriko tarten urre kolore kitsch hura. Harkaitz Cano «Neguko zirkua», 2005 - 197. orr.

Desagertuta edo desagertzear dauden ugaztunak ere aurkitu dituzte, esaterako Indonesiako urre koloreko kanguru bat, arboletan ibili ohi dena. Berria - Gaiak 2006-02-08

Gehienek urre koloreko ile oparoa zuten. Agustin Otsoa «Eraztunen Jauna III» - J.R.R. Tolkien, 2004 - 382. orr.

Urre-koloreko platerei eta kopei dir-dir eginaraziz. Iñaki Mendiguren «Harry Potter eta sekretuen ganbera» - J.K. Rowling, 2001 - 67. orr.

Liburuaren azala urdin iluna zen; letrak, urre kolorekoak. Bernardo Atxaga «Soinujolearen semea», 2003 - 15. orr.

Martinikako urre kolorezko ondartzak eta itsaso urdinak lilluratuko zituzte, kanpoari kasu egiten baduzu bakarrik. Herria 2004-06-17

Bihotzak ere baziren ttipi-ttipiak zilar eta urre kolorezkoak. Aurelia Arkotxa «Septentrio», 2001 - 119. orr.

22 urre-kolore (orobat urrekolore) izond urre kolorea duena.

Gales osoan barrena nenbilenean, borrokan, Swanseako komentuko printzesa lirain, zuhur, urre-kolore baten bila. Koro Navarro «Artistakume baten erretratua» - Dylan Thomas, 1999 - 15. orr.

Zeren garai batean Marteko atmosfera gorria zela uste baitzen, baina horia da, izan, hori urre-kolore eder batekoa. Josu Zabaleta «Fantasiazko ipuinak» - Guy de Maupassant, 2000 - 392. orr.

Liburuko azal eta bizkarreko letra urre-koloreak hatz-puntez ferekatzen hasi nintzenean. Anjel Lertxundi «Azkenaz beste», 2005 - 10. orr.

Irakurtzen zuenean, arrasto berdeak eta urre-koloreak ikusten zituen begien azpian. Koro Navarro «Zortzi kontakizun» - Isaac B. Singer, 2002 - 179. orr.

Hondartza luze urre-kolorearen gaineko amildegian. Koro Navarro «Artistakume baten erretratua» - Dylan Thomas, 1999 - 163. orr.

Aire urre-kolorean hegabiraka. Josu Zabaleta «Fantasiazko ipuinak» - Guy de Maupassant, 2000 - 392. orr.

Harribitxien moduko argi-izpiak ispilukatzen zituzten tanta lodi urrekoloretan erortzen zen azidoa. Juan Garzia «Sistema periodikoa» - Primo Levi, 1998 - 227. orr.

Dantzaldiak zeuden gauero areto zuri eta urre-koloreetan, tximeleta-hegalen antzera dardaratzen ziren gas-lanparen gar dardartien argiaren pean. Xabier Olarra «Azken hitzordua» - Sandor Marai, 2003 - 65. orr.

Haren atzean, armairu handi bat, beltz eta urre-kolorekoa. Iñaki Mendiguren «Harry Potter eta sekretuen ganbera» - J.K. Rowling, 2001 - 111. orr.

Irudiak, oraindik ere, astiro igaro ziren, udaberriko arratsalde gozoaren argitasun urre kolorekoaren eraginez. Ramon Saizarbitoria «Gorde nazazu lurpean», 2000 - 52. orr.

Vilanov-eko noble baten etxera joateko eskaria nuen, girlanda urre-kolorez apaindutako pianoforte zahar bat konpontzera. Koro Navarro «Zortzi kontakizun» - Isaac B. Singer, 2002 - 138. orr.

23 urre meatz (orobat urremeatz.)

Tren batean sartu eta Siberiako puntara eraman zuten, Kolymako urre-meatzetara, behartutako langile moduan. Felipe Juaristi «Airezko emakumeak», 2003 - 283. orr.

Espainiako zilar- eta urre-meatzak berenganatzeko. Elizen arteko biblia 1 M 8,3

Hurritzezko makiltxo batekin saiatzen baitziren lurpeko urbegiak eta urremeatzak bilatzen. Patziku Perurena «Harrizko pareta erdiurratuak», 2004 - 178. orr.

24 urre-meatzari urre meatzetan lan egiten duen pertsona.

Urre-meatzari batek bezala sukaldean aztarrikatutako burdina forjatuzko labirintoa ez zen, berez, orbain mordoska nazkagarri bat besterik. Anton Garikano «Maitea» - Toni Morrison, 2004 - 43. orr.

25 urre pigmentu (corpusean urrepigmentu soilik)

Urrepigmentua, grekoek arsenicon deitzen dutena, Ponton ateratzen da. Santiago Iruretagoiena «Arkitekturaz hamar liburuak» - Vitruvio, 2000 - 3450. orr.

26 urre-zale ik urrezale.

27 urrezko eztei pl ezkontza egunetik berrogeita hamar urte betetzen diren eguna.

Maddi eta Battit Bidart-en urrezko ezteiak ospatu ditugu joanden igandean. Herria 2001-11-01

Urriaren 6 an larunbatarekin Michel Jean eta Emilienne BARRE senar emazteek ospatu dituzte beren urrezko ezteiak. Herria 2001-10-25

Jakoteiko Maite eta Jeannot Beyrie-k ospatu dituzte urrezko ezteiak, meza sainduarekin hasi dute eguna, ondotik Lekornen Etchebarne ostatuan apairu on baten aintzinean, familia eder batez inguratua, omore onean iragan dute besta hori. Herria 2001-06-21

Beren urrezko ezteiak ospatzeko aukera ere izan zitean. «Loroaren teorema» - Denis Guedj, 2006 - 462. orr.

27a hed

Joanden igandean Emile Larre kaseta hunen zuzendaria ohoretan ginuen, bere urrezko ezteiak ospatu ditu, 50 urte apeztua dela. Herria 2001-07-12

Zornotzako probak urrezko ezteiak ospatuko ditu, hilaren 11n. Berria - Kirola 2004-04-03

Honako bertso hau bota zion Basarrik Maria Dolores Agirreri Euskal Izketa eta Iztunde ikastolak urrezko ezteiak (1915-1965) ospatu zituen egunean. Berria - Kultura 2004-02-03

28 urre zuri adkor esnea; gazta. ik urrezuri.

Jakin dut goizean irratia hautematean, enpresek urre zuriaren ekoizle penatuei ardi esne pintak duela bederatzi urteko prezioan pagatuko dizkietela. Itxaro Borda «%100 basque», 2001 - 50. orr.

Urre zuria trumilka ekoizten zen Euskal Herrian. Gauzetaranzko euskal literaturaren bidaia burutu du liburu honek: Baleen Berbaroa-ko higanauten gurutzeak, Bihotz bi-ko dominak, Agirre zaharraren kartzelaldi berriak-eko giderrik gabeko koilarak, gasnaraino ekarri gaituzte, eta urre zuriaren arimak deskiribildu dizkigu Bordak. Itxaro Borda «%100 basque», 2001 - 11. orr.

hitz multzoen maiztasunak (gutxienez 4 aldiz agertzen direnak)

bere urre (6); beruna urre (12); bete urre (6); bi urre (4); gorri eta urre (5); guztia urre (5); hainbeste urre (4); hamabost kilo urre (4); hiru urre (6); kilo urre (21); munduko urre (13); munduko urre guztia (4); ontza urre (5); ontzako urre (5); tonelada urre (5)