Egungo Euskararen Hiztegia (EEH)

urdin 1 izond zeru garbiaren edo itsasoaren kolorekoa.

Ez-inoren lurraldea, zuria, estatu-muga berdeen arteko bi lerro urdin, ibaiak. Joxe Austin Arrieta «Homo Faber» - Max Frisch, 2001 - 19. orr.

Txamar urdina, galtza gorriak, eta uhal dotoreak aurrealdetik gurutzaturik. Txillardegi «Putzu», 1999 - 115. orr.

Tunika urdin bat darama, oinetaraino, aberatsa oso. Felipe Juaristi «Itzarri nahi ez zuen printzesa», 2002 - 205. orr.

Uranok ere eraztun urdin bat du, eguzki sistemako bigarrena. Berria - Gaiak 2006-04-08

Lan-jantzi urdineko gizon batek palanka bat zerabilen. Lopez de Arana «Manhattan Transfer» - John Dos Passos, 1999 - 104. orr.

Gona urdina zeraman batak, argia besteak. Felipe Juaristi «Airezko emakumeak», 2003 - 206. orr.

Hamabi bat urteko mutikoa, bekoki urdineko amazona batekin. «Loroaren teorema» - Denis Guedj, 2006 - 77. orr.

Uniforme urdinez jantziak. Xabier Montoia «Baina bihotzak dio», 2002 - 186. orr.

Zain urdinez beteriko esku bat estutu zuen. Lopez de Arana «Manhattan Transfer» - John Dos Passos, 1999 - 115. orr.

Halaxe zihoan Hanna, aurretik, ile urdin eta motxeko andere hura, kareizko lenteduna, arrotz, ezezagun. Joxe Austin Arrieta «Homo Faber» - Max Frisch, 2001 - 200. orr.

Sabaiak armiarma-lanparaz hornituak zituzten areto gorri, urdin, berdeak. Xabier Olarra «Azken hitzordua» - Sandor Marai, 2003 - 11. orr.

Eraztunek sugar txikiak pizten zituzten, urdinak, berdeak, horiak, moreak. Karlos Zabala «Parisen sabela» - Emile Zola, 2004 - 260. orr.

Neskatxa eta emakume asko ikusi genituen segidan, denak ere guztiz ederrak, beren ile txirikordatu, gerruntze gorri eta urdin bikain egindakoekin. Koldo Izagirre «Idi orgaren karranka» - Victor Hugo, 2002 - 15. orr.

Lau helizeak dirdiraka hantxe, zeru ezin urdinago hartan. Joxe Austin Arrieta «Homo Faber» - Max Frisch, 2001 - 28. orr.

Begirada urdin, ezpain sentsual eta su itzalezineko ofizialaren aurrean. Juan Martin Elexpuru / Bego Montorio «Filosofia apaingelan» - Sade, 2001 - 14. orr.

Oliba-olioa eta arrain urdina jateak kontrakoa eragiten dute. Berria - Gaiak 2004-10-19

2 (beste izenondo baten ezkerrean)

Begi urdin handiak zabalik. Karlos Zabala «Parisen sabela» - Emile Zola, 2004 - 27. orr.

Bularrekodun mantal urdin handi bat zeraman soinean. Karlos Zabala «Parisen sabela» - Emile Zola, 2004 - 151. orr.

Tximeleta urdin txiki bat zegoen han orratz batez zeharkatua. Bernardo Atxaga «Soinujolearen semea», 2003 - 330. orr.

Gar urdin labur bat hasi da irteten errauts artetik. Anjel Lertxundi «Konpainia noblean», 2004 - 16. orr.

Aparatutik begiak aldendu eta kamiseta urdin tirantedun batekin egin nuen topo. Aingeru Epaltza «Rock'n'roll», 2000 - 120. orr.

Kolore samur horiek guztiak, edredoi bat zirudien beroki urdin polit hura, zira argia. Monika Etxebarria «Goragalea» - Jean Paul Sartre, 2003 - 35. orr.

Bere bekoki altu eta begi urdin garratzekin. Anton Garikano «Farorantz» - Virginia Woolf, 2001 - 11. orr.

Haren atzetik ertzain-auto ulukaria, goiko argi urdin birakariak piztuta. Juan Luis Zabala «Agur, Euzkadi», 2000 - 48. orr.

Jack Cunninghamen begi urdin alkoholikoak begira zituen. Lopez de Arana «Manhattan Transfer» - John Dos Passos, 1999 - 454. orr.

Galtza zuriak, arraia urdin fin-finekin. Matías Múgica «Hiltzaile baten aitormena» - Joseph Roth, 2004 - 37. orr.

Arrasto urdin galduak ageri dira batelaren izenaren letrak behar zutenen erretenetan. Anjel Lertxundi «Konpainia noblean», 2004 - 79. orr.

Ehun eta berrogeita hamar dolarreko kirol-oinetako urdin fosforeszenteak. Fernando Rey «Hobe nuen etxean gelditu» - Horace McCoy, 2002 - 28. orr.

Laku urdin garbi batera jotzen zuen gela batean bildu ziren. Felipe Juaristi «Airezko emakumeak», 2003 - 260. orr.

Haren bekoki urdin distiratsuan, lerro mehe ilun batek seinalatzen zuen zauri orbaindua. «Loroaren teorema» - Denis Guedj, 2006 - 26. orr.

Haren begi urdin borobilegi eta doi bat irtenak. Oskar Arana «Brooklyngo erokeriak» - Paul Auster, 2006 - 67. orr.

Nesken gonaska urdin kanpai-erakoak. Joxe Austin Arrieta «Homo Faber» - Max Frisch, 2001 - 262. orr.

Begiak urdin obalatuak izango ditu, biziki argi eta ernaiak. Josu Zabaleta «Sei pertsonaia autore bila» - Luigi Pirandello, 2003 - 29. orr.

Ondoren ilea, zeru urdin-lehertu hartan, pinu beltzaren adasketan trabatua zirudien ile gorri hura. Joxe Austin Arrieta «Homo Faber» - Max Frisch, 2001 - 172. orr.

3 (beste izenondo baten eskuinean)

Mantar zuri zimur bat zuen jantzita, eta "sukaldean jarduteko" erabili ohi zuen gona zahar urdina. Mirentxu Larrañaga «Hona hemen gu biok» - Dorothy Parker, 2006 - 62. orr.

Izaki sexugabe urdinak dira, robotak iduri. Xabier Montoia «Baina bihotzak dio», 2002 - 90. orr.

Zerbitzu militarretik libre gelditzen zela zioen Freistellung vom Wehrdienst oharra, letra gotiko urdinetan. Anjel Lertxundi «Ihes betea», 2006 - 55. orr.

Juduentzat jotzen zuten, gela itxi txikietan, gela kez beteetan, gela lizun urdinetan. Felipe Juaristi «Airezko emakumeak», 2003 - 220. orr.

4 (adizlagun gisa)

Arratsaldeko lau t'erdiak ziren eta kanpoan zerua urdin zegoen. Harkaitz Cano «Pasaia blues», 1999 - 81. orr.

Elurra ari zuen, elkarrekin Tuilerietan eseri ginenean, elur-bisutsa, zerua urdin egon arren. Joxe Austin Arrieta «Homo Faber» - Max Frisch, 2001 - 150. orr.

Behin, badia bare eta urdin zegoela [...] Hernani kalean Kintana eta Zaragueta eskola lagunekin topo egin zuen egunaz oroitu zen. Ramon Saizarbitoria «Gorde nazazu lurpean», 2000 - 18. orr.

Sailetan ikusten ditut langileak, denak urdin, denak bizikletan, astiro, ia oinezko pausoan. Josu Zabaleta «Gauza baten ametsa» - Pier Paolo Pasolini, 1998 - 6. orr.

Lacaillek, garrazturik, ilea urdin jada, gauero bizkarra makur-makur Parisko kaleetan barrena betiereko bidaia eginda, [...]. Karlos Zabala «Parisen sabela» - Emile Zola, 2004 - 165. orr.

Baina, argitasunez blai, ileak urdin, azala arrosa, besoak eta magala dir-dir. Karlos Zabala «Parisen sabela» - Emile Zola, 2004 - 64. orr.

Zoragarri zegoen Sena ibaia, urdin-griskara, pintore flandriar bat gaixotzerainokoa. «Loroaren teorema» - Denis Guedj, 2006 - 322. orr.

Beraren atzean, zerua urdin, dirdaitsu, garden. Txillardegi «Putzu», 1999 - 257. orr.

Begiak urdin eta handi, ezpain-matelak gorri. Janbattitt Dirassar «Bihotzeko mina», 1997 - 59. orr.

Zerua urdin eta garbi beti alderdi hartan. Fernando Rey «Paradisuko Almanaka» - Gianni Celati, 2005 - 41. orr.

Zerua, aldiz, urdin garbia zegoen, bezperako langarraren inolako arrastorik gabe. Anjel Lertxundi «Ihes betea», 2006 - 203. orr.

5 (hitz elkartuetan lehen osagai gisa, bigarren osagaia beste kolore bat delarik)

Zauri inguruan halako puztura urdin-gorriska bat zuela erreparatu nion. Joxe Austin Arrieta «Homo Faber» - Max Frisch, 2001 - 194. orr.

Bitsezko olatu urdin-beltzetan itotzen ari zen, labanaren distira urrunak ebakiriko olatuetan. Lopez de Arana «Manhattan Transfer» - John Dos Passos, 1999 - 37. orr.

Itsasoa mantso zegoen, olatuak bazterreko harrietan hausten ziren, eta urak eguneko urdinberdea galdua zuen betunaren alde. Joseba Sarrionandia «Lagun izoztua», 2001 - 242. orr.

Haren ileak lumajearen antza zuen: beltza, distira urdin-berdeskaz zipriztindua. Joxe Austin Arrieta «Homo Faber» - Max Frisch, 2001 - 57. orr.

Begitarteak gantzatsuak zituzten, jaspeztatuak, zain urdin-horiz margotuak. Karlos Zabala «Parisen sabela» - Emile Zola, 2004 - 324. orr.

Gero Maríarena bere gorputz urdin laruz jantzitakotik bereizi zituenean. Felipe Juaristi «Airezko emakumeak», 2003 - 172. orr.

Zeruaren ganga eskerga urdin-anilaren azpian. Lopez de Arana «Manhattan Transfer» - John Dos Passos, 1999 - 377. orr.

6 (hitz elkartuetan bigarren osagai gisa, lehen osagaia beste kolore bat delarik)

Tarteka, bandera zuri-urdinak eta ikurrinaren bat ere ikusi ahal izan nuen gazte jendearen eskutan. Ramon Saizarbitoria «Gorde nazazu lurpean», 2000 - 201. orr.

Uhartearen gaineko izotzezko geruza zuri-urdina. J.M. Olaizola "Txiliku" «Bizitza eredugarriak», 2006 - 176. orr.

Bularrean marka beltz-urdin bat zuela esnatu zen goiz hura ere gogorarazi zion. Koro Navarro «Zortzi kontakizun» - Isaac B. Singer, 2002 - 21. orr.

Ñabardura gris-urdin amaigabeen tirabira lausoan. Anjel Lertxundi «Argizariaren egunak», 1998 - 106. orr.

Oihan itsua besterik ez izaki, ordea, baztergabea, berde-urdina, laua, ozeanoa bezalakoxea... oihan itsua! Joxe Austin Arrieta «Homo Faber» - Max Frisch, 2001 - 62. orr.

Napoli-ko badiaren bi pintura berde-urdinen artean pilaturik. Lopez de Arana «Manhattan Transfer» - John Dos Passos, 1999 - 483. orr.

Marra zuri-urdineko korbata eta lastozko kapela zeramatzan. Lopez de Arana «Manhattan Transfer» - John Dos Passos, 1999 - 20. orr.

Paretak faiantzazko xafla zuri-urdinez estaliak zeuden gizonaren garaieraraino. Karlos Zabala «Parisen sabela» - Emile Zola, 2004 - 126. orr.

Minutuak aurrera, talde txuri-urdina suspertu egin zen. ik xuri 5. Berria - Kirola 2004-03-14

7 (hitz elkartuetan bigarren osagai gisa, elkarketa izenondoa delarik)

Annie Parmentier, esan dudanez, emakume horaila da, begi-urdina, alsaziar petoa. Ramon Saizarbitoria «Gorde nazazu lurpean», 2000 - 239. orr.

Buhame begi-urdin batek argitu zizkion erregeari begiak eta esperantza. Anjel Lertxundi «Konpainia noblean», 2004 - 77. orr.

Karrozan, ondoan eserita, gizon bizar-urdin bat zihoan. Felipe Juaristi «Itzarri nahi ez zuen printzesa», 2002 - 142. orr.

Zaindari txano-gorri eta txamarra-urdinen kasernatxoaren aurretik pasa. Txillardegi «Putzu», 1999 - 36. orr.

Ingeles kasaka-gorriak muino baten gainean dituk, frantses kasaka-urdinen erasoaren esperoan. Aingeru Epaltza «Rock'n'roll», 2000 - 112. orr.

Txantxangorriez, txonta horiez eta eskilaso luma-urdinez. Oskar Arana «Brooklyngo erokeriak» - Paul Auster, 2006 - 194. orr.

Txori txiki moko-luze kolore-urdinak. Felipe Juaristi «Itzarri nahi ez zuen printzesa», 2002 - 143. orr.

Neure oroimenean atxikitzen nuen irudian baino ile-horiago eta begi-urdinago. Txillardegi «Putzu», 1999 - 55. orr.

Haietako batean, uharteetako antzinako gerlariak -garaiak, sendoak, begi-urdinak- norgehiagoka ageri ziren. Bernardo Atxaga «Lekuak», 2005 - 152. orr.

Ile-urdina bere gizonengana bihurtu zen. Aingeru Epaltza «Mailuaren odola», 2006 - 199. orr.

8 (hiru osagaiko hitz elkartuetan)

Horizontean zeutzan hodeiek lilatik grisera egin zuten: mendi-islei itsatsiak, baina, zeru-urdin puska batzuk ikusten ziren, argiaren azken hasperenak urreztatuak. Joan Mari Irigoien «Oilarraren promesa», 2003 - 33. orr.

· Las Vegasko joko-etxe horietako batean [...] bozgorailuen burrunba, nire izena etengabe errepikatzen; automata urdin-gorri-horizko kaosa, non dirua irabaz zitekeen, loteria. Joxe Austin Arrieta «Homo Faber» - Max Frisch, 2001 - 20. orr.

9 (predikatu gisa)

Airea urdina da, zigarreten keak eta jantzi hezeei darien lurrunak eraginda. Monika Etxebarria «Goragalea» - Jean Paul Sartre, 2003 - 105. orr.

Isiltasuna urdina da. Pako Aristi «Gauza txikien liburua», 2004 - 74. orr.

Ekuazioan hainbat ezezagun baldin bazegoen, bigarrena beltza zen; hirugarrena, urdina. «Loroaren teorema» - Denis Guedj, 2006 - 190. orr.

Urdinak zituen zapatak eta urdinak zapata-sokak; urdina zuen gona eta urdina gona gaineko jaka; urdina zen jertsea estaltzen zuen berokia eta urdina hegal txikiko kapelua; urdinak ziren begiak, mineral kolorekoak. Felipe Juaristi «Airezko emakumeak», 2003 - 250. orr.

Horia baitzuen ilea eta urdinak begiak. Xabier Montoia «Baina bihotzak dio», 2002 - 121. orr.

Buruan kapela, urdin iluna. Felipe Juaristi «Airezko emakumeak», 2003 - 214. orr.

Gaztelutikako militarrak ere bai, baionetak agerian, fusilak ordu laurdenero-edo besaburuan pausatzen zituztela; kapeluak eta galtzak gorri, eta txamarrak urdin. Txillardegi «Putzu», 1999 - 33. orr.

10 (kolore hitzarekin)

Lehen begiratuan gris-esnekara ematen zuen, ke-kolorea, baina, luzaroago begiratuz gero, kolore urdina agertzen hasten zen. Jose Morales «Zazpi urkatuak» - Leonid Nikolaievitx Andreiev, 2006 - 24. orr.

Kanpoko argitasun biziegiak ehunaren kolore urdin leuna margul ez zezan. Karlos Zabala «Parisen sabela» - Emile Zola, 2004 - 89. orr.

Itsas aingira, kolore urdin lokaztuko suge lodi hori. Karlos Zabala «Parisen sabela» - Emile Zola, 2004 - 146. orr.

Hormak kolore urdin argi gris-antzeko batez pintaturik. Jose Morales «Arima hilak» - Nikolai Gogol, 1998 - 54. orr.

Zeren eta Thule izena kolore urdin ilunean imajinatzen bainuen. Bernardo Atxaga «Soinujolearen semea», 2003 - 35. orr.

Soineko erantsi bat darama, kolore urdin argikoa, eta gainetik lihozko txaketa. Bernardo Atxaga «Soinujolearen semea», 2003 - 45. orr.

Pintzela kolore urdinean bustitzean, garai bateko iraganean ere busti zuen. Anton Garikano «Farorantz» - Virginia Woolf, 2001 - 170. orr.

Suaren indarrarekin bakoitzak bere izaera gaindituz, kolore urdineko egiten dira. Santiago Iruretagoiena «Arkitekturaz hamar liburuak» - Vitruvio, 2000 - 3510. orr.

Berotegi moduko bat, kolore urdin motelezko, arrosa kolore apalezko, berde kolore arinezko beirategi batzuek tapizeriazko poesia girozko paisajez inguratzen zutena. Josu Zabaleta «Fantasiazko ipuinak» - Guy de Maupassant, 2000 - 381. orr.

Bidexkatik, bi ume txiki doaz kolore urdin eta zuriko uniformearekin eskolara. Joseba Sarrionandia «Lagun izoztua», 2001 - 16. orr.

Urdin kolorea jabetu zen gelaz, Ilargia zen, bere zenitaren goialdean. Joxan Elosegi «Ahardikeriak» - Marie Darrieussecq, 2004 - 111. orr.

Sekulan ezagutu dudan zerurik argiena, urdin kolore bizi-bizikoa. Koro Navarro «Kontakizunak» - Edgar Allan Poe, 2000 - 69. orr.

Gauero oroitzapenak ordenatzen eta urdin-kolore pixka bat ematen saiatzen. Juan Kruz Igerabide «Hauts bihurtu zineten», 2005 - 197. orr.

Haren masailak beltzera lerratzen zen urdin kolorekoak ziren. Monika Etxebarria «Goragalea» - Jean Paul Sartre, 2003 - 49. orr.

Edonon jaio ohi diren hortentsiak maite ditut, urdin kolorekoak batez ere. Ramon Saizarbitoria «Gorde nazazu lurpean», 2000 - 296. orr.

Elastiko bat eta urdin ilun koloreko txandal baten galtzak zituen jantzita. Joxemari Iturralde «Euliak ez dira argazkietan azaltzen», 2000 - 259. orr.

Zeruak urdin bizi-bizia zuen kolore. Anjel Lertxundi «Konpainia noblean», 2004 - 187. orr.

Zilueta gardenak zituzten, urdin hits kolorekoak. Iban Zaldua «Gezurrak, gezurrak, gezurrak», 2001 - 81. orr.

• 11 iz kolore urdina.

Zeruaren urdina zurbila zen. Monika Etxebarria «Goragalea» - Jean Paul Sartre, 2003 - 98. orr.

Euriaren urdina. Josu Zabaleta «Gerrako pilotu» - Antoine Saint-Exupéry, 2003 - 120. orr.

Hormak urdina jaten zion. Unai Elorriaga «SPrako tranbia», 2001 - 13. orr.

Etxetxo kareztatuak, burua galtzeko moduko urdinez margotuak ateak eta leihoak. «Loroaren teorema» - Denis Guedj, 2006 - 181. orr.

Kutxa bat urdinez pintatua. Felipe Juaristi «Airezko emakumeak», 2003 - 210. orr.

Oholtzako lau kantoietan, arkabuzero bana, zuri-urdinez jantzirik. Txillardegi «Putzu», 1999 - 364. orr.

Mika urdinek galdua zuten distira: haien urdina, harrigarriro, gris argia zen. Xabier Olarra «Antropologo bat Marten» - Oliver Sacks, 2003 - 30. orr.

Jendetza handia zebilen, gazte ugari zuri-urdinez edo zuri-gorriz jantzirik Alde Zaharrean eta inguruetan. Migel Angel Mintegi «Denak du bere prezioa», 2002 - 66. orr.

Armeniako urdinak eta indigoak, beraiek adierazten dute beren izenez zein lekutan sortzen diren. Santiago Iruretagoiena «Arkitekturaz hamar liburuak» - Vitruvio, 2000 - 3490. orr.

Euriaren urdina. Josu Zabaleta «Gerrako pilotu» - Antoine Saint-Exupéry, 2003 - 120. orr.

Olibondo iladak, euren gris-urdin berezian. Xabier Amuriza «Gauzen izaeraz» - Lukrezio, 2001 - 383. orr.

12 ileaz mintzatuz, zahartzaroan-edo hartzen hasten den kolorekoa. ik urdindu 5.

Gure aitona laurogeita hamar urte zituela hil zen, eta ez zuen ile urdinik ia. Koro Navarro «Zortzi kontakizun» - Isaac B. Singer, 2002 - 122. orr.

Biolinjolea, haizeak ile urdinezko xerlo batzuk soilune higatuan inarrosten zizkion bitartean, kapela luzatuz, jendetzaren artean zebilen eskean. Lopez de Arana «Manhattan Transfer» - John Dos Passos, 1999 - 20. orr.

Gidaria emakumea da, emakume heldua, berrogeita hamar urte ingurukoa, ile urdinekoa. Iban Zaldua «Traizioak», 2001 - 43. orr.

Lacaillek, garrazturik, ilea urdin jada [...] burgesen baretasun gozoari begiratzen zion begi uherrez. Karlos Zabala «Parisen sabela» - Emile Zola, 2004 - 165. orr.

Haren ileak lumajearen antza zuen: beltza, distira urdin-berdeskaz zipriztindua. Joxe Austin Arrieta «Homo Faber» - Max Frisch, 2001 - 57. orr.

Ilea harrotuta izaten zuen, eta nahiz eta berez beltza izan, urdina zirudien hautsagatik. Pello Lizarralde «Denak hasperenka» - Gianni Celati, 2005 - 24. orr.

Ba nik utzi diot berezko koloreari, gaur, zuri bisitatzera etorri baino lehen, ileapaindegira joan eta nire urdin beneragarriak tindatu ditut. Jon Alonso «Lisboako Setioaren Historia» - José Saramago, 2000 - 308. orr.

13 urdin argi

Alkandora urdin argi bat zeraman, bakeroa. Bernardo Atxaga «Soinujolearen semea», 2003 - 11. orr.

Txarolezko oinetako urdin-argiak. Karlos Zabala «Parisen sabela» - Emile Zola, 2004 - 307. orr.

Sudurra painolu itxurako mukizapi urdin argi zabal batez estaltzen zuen. Aingeru Epaltza «Rock'n'roll», 2000 - 239. orr.

Urdin argia zen [telefono mugikorra], ikaragarri ñimiñoa. Aingeru Epaltza «Rock'n'roll», 2000 - 12. orr.

Galtzak urdin argiak ziren, garbi-garbiak, lisatu berriak. Felipe Juaristi «Airezko emakumeak», 2003 - 209. orr.

Batez ere begietan, haren bitxirik ederrenak baitziren haiek: bi aintzira urdin argiak, gizonezko eta gaztetxo sentiberen igerileku. Felipe Juaristi «Itzarri nahi ez zuen printzesa», 2002 - 9. orr.

Horia zuen ilea, eta urdin argiak begiak. Jose Morales «Arima hilak» - Nikolai Gogol, 1998 - 44. orr.

Eguzkia aurki agertuko zen alde gero eta urdin-argi, urdin margulagorantz. «Kuskue tanden», 2004 - 187. orr.

Espaloiaren muturrean jantzi urdin argiko emakume gazte bat lasterka ari zen atzeraka. Monika Etxebarria «Goragalea» - Jean Paul Sartre, 2003 - 34. orr.

Lo egongo zen seguru asko, lasai ederrean, bere etxean, pijama urdin argiarekin. Unai Iturriaga «Berandu da gelditzeko», 1999 - 169. orr.

Urdin argiarekin kontrastean, hodeien gorri-laranja bizia. «Kuskue tanden», 2004 - 188. orr.

Traje galtzadun beltza, urdin argiz zipriztindua, eta oinetakoak ere beltzak, takoirik gabeak. Ramon Saizarbitoria «Gorde nazazu lurpean», 2000 - 106. orr.

Harrigarriki aldatzen zen haien kolorea: gorri, hori, urdin argi, urdin ilun edo berde agertzen ziren, zein beirakitatik begiratzen zien. Jose Morales «Zazpi urkatuak» - Leonid Nikolaievitx Andreiev, 2006 - 197. orr.

· Eguna argitzen ari zen, eta gero eta tarte urdin-argitsu gehiago ikusten ziren. Anjel Lertxundi «Argizariaren egunak», 1998 - 79. orr.

14 urdin ilun (orobat urdinilun g.er.)

Jantzi urdin ilunak dituen andre bat. Monika Etxebarria «Goragalea» - Jean Paul Sartre, 2003 - 89. orr.

Segituan iritsi zen Villoslada kapitaina, Seat 124 urdin ilun batean. Unai Iturriaga «Berandu da gelditzeko», 1999 - 182. orr.

Soineko urdin ilun diskretu batean biltzen zuen bere gorputz biribildua. Unai Iturriaga «Berandu da gelditzeko», 1999 - 250. orr.

Palto beso motx urdin ilun bat eta gerriko gorri bat atera zituen kutxa batetik. Elena Touyarou «Hautsi da katea» - Toti Mtz. de Lecea, 2004 - 201. orr.

Begi urdin ilun parea nabarmena zen aurpegi biribil zurbil eta hauskor hartan. Lopez de Arana «Manhattan Transfer» - John Dos Passos, 1999 - 189. orr.

Liburuaren azala urdin iluna zen; letrak, urre kolorekoak. Bernardo Atxaga «Soinujolearen semea», 2003 - 15. orr.

Jertse bat zeraman leporaino itxia, hegoaldeko itsasoaren kolorekoa, eta buruan kapela, urdin iluna. Felipe Juaristi «Airezko emakumeak», 2003 - 214. orr.

Mercedes berri-berri bat zen, urdin iluna. Migel Angel Mintegi «Denak du bere prezioa», 2002 - 51. orr.

Zerua ere urdin ilun zegoen egunsentiko une hartan, mantxa laranja eta horiekin. Bernardo Atxaga «Soinujolearen semea», 2003 - 263. orr.

Nini urdin ilunez zegoen jantzita, beti bezala, eta panazko gona urdin ilun bat eta kolore bereko brusa bat zeuzkan soinean. Xabier Olarra «Azken hitzordua» - Sandor Marai, 2003 - 16. orr.

Urruneko mendietan berdea urdin bihurtzen zen, urdin ilun. Bernardo Atxaga «Soinujolearen semea», 2003 - 263. orr.

Lorontzi estuan zut, bi arrosek tanto zuriak ipintzen dizkiote gelako urdin ilunari. Jon Alonso «Lisboako Setioaren Historia» - José Saramago, 2000 - 287. orr.

Aurrez aurre neukan dorrea zeruaren urdin ilunaren azpian. Rafa Egiguren «Mentxakaren aitorpena» - Jose Ramon Goikoetxea, 2006 - 198. orr.

Kanpoan zerua bizkor ari zen aldatzen; belusezko urdin ilunetik altzairuzko gris hotzera. Iñaki Mendiguren «Harry Potter eta sorgin harria» - J.K. Rowling, 2000 - 44. orr.

15 urdin-urdin

Itsasoaren aurrera iritsitakoan ez zuen gerra itsasontzirik, ez arrantzale txaluparik ikusi, itsaso urdin-urdina, itsaso amaigabea baizik. Betile luzeek tankera malenkoniatsu eta tristea gehitzen zieten bere begi handiei, begi urdin-urdinei. Felipe Juaristi «Itzarri nahi ez zuen printzesa», 2002 - 234. orr.

Paradisu itxura ematen dioten ezti koloreko arrokez eta ur urdin-urdinaz inguratutako paisaiari esker. Berria - Mundua 2004-04-20

Morse andreak luzaroan begiratu zien bere eskumutur meheetako zain urdin-urdinei. Mirentxu Larrañaga «Hona hemen gu biok» - Dorothy Parker, 2006 - 170. orr.

Iratxo haiek urdin-urdinak ziren, eta hogei zentimetro inguru ziren altu. Iñaki Mendiguren «Harry Potter eta sekretuen ganbera» - J.K. Rowling, 2001 - 88. orr.

Zisne-lepo luzea zuen, begiak urdin-urdinak. Fernando Rey «Ararat mendiaren sumina» - Yasar Kemal, 2003 - 32. orr.

Hori bai, begiak urdin-urdinak ditut. Pako Aristi «Venezuela, iraultza isilaren hitzak», 2000 - 125. orr.

Zerua urdin-urdin zegoen, eguzkiak ertz batean egiten zuen argi. Bernardo Atxaga «Lekuak», 2005 - 171. orr.

Urdin-urdina zegoen itsasoa. Xabier Montoia «Baina bihotzak dio», 2002 - 21. orr.

Zerua urdin-urdin jarri da bat-batean. Anjel Lertxundi «Konpainia noblean», 2004 - 69. orr.

16 zeru-urdin izond

Gela zeru-urdin bat zen, urrinez gozatua, zoruan piztia larruak zabalduta zituena. Josu Zabaleta «Fantasiazko ipuinak» - Guy de Maupassant, 2000 - 262. orr.

Errezel zeru-urdinen artetik argi izpiak iragazten dira. Xabier Paya «Desio izeneko tranbia» - Tennessee Williams, 2006 - 23. orr.

Barnealdea zeta zeru-urdinez forratua zuen kotxe baten atzealdean jarririk. Xabier Olarra «Azken hitzordua» - Sandor Marai, 2003 - 32. orr.

Kolore zeru-urdina edo sagar-berdea zituen gustuko. Karlos Zabala «Parisen sabela» - Emile Zola, 2004 - 259. orr.

Ohean etzanda zegoen, kotoizko txabusina zeru-urdin bat jantzirik. Lopez de Arana «Manhattan Transfer» - John Dos Passos, 1999 - 128. orr.

Hainbat koloretako ohe-estalkiak ikus zitezkeen zintzilik bertan: batzuk, zeru-urdinak; beste batzuk, izokin-kolorekoak; eta beste batzuk, berriz, hori ilunak. Lopez de Arana «Manhattan Transfer» - John Dos Passos, 1999 - 29. orr.

Hain betaurreko lodi konkaboak zeramatzan, ezen, aurrez aurre so eginez gero, begiek, zeru-urdin ia zuri batekoak baitzituen, urrun-urrunak baitziruditen, burezur barrenean josiak. Juan Garzia «Sistema periodikoa» - Primo Levi, 1998 - 160. orr.

hitz multzoen maiztasunak (gutxienez 4 aldiz agertzen direnak)

alkandora urdin (6); ara urdin (8); argi urdin (13); argi urdin birakariak (5); azal urdin (4); begi urdin (83); begi urdin argi (4); begi urdin argiak (7); begiak urdin (7); begirada urdin (5); berde eta urdin (6); bere begi urdin (7); beroki urdin (4); bizar urdin (7)