Egungo Euskararen Hiztegia (EEH)

Orain jatetxe begetariano batean lan egiten omen du kamarera bezala. Dieta begetariano zorrotz bat arretaz planifikatu behar da, gorputzak behar dituen funtsezko aminoazido guztiak falta ez daitezen.  Harkaitz Cano   «Piano gainean gosaltzen», 2000 - 111. orr.

Orain berton baditugu urdaiazpiko edota gazta zaporeko patata frijituak, antxoa gustuko olibak, oilasko zaporedun zopa begetariano hutsak, ganba gustuko arroz egosiak, etc.  Edorta Agirre   «Baietz okerreko bidea aukeratu! », 2006 - 93. orr.

Mojatarako ibilia, komentutik atera eta komuna begetariano batean bizi izan zen bizpahiru urtez.  Anjel Lertxundi   «Zorion perfektua», 2002 - 108. orr.

Hor duzu apostolu erlijioso eta laiko handi horien kasua ere; haragi taupakariz elikatu ordez ogiz elikatzen diren arranoak dira, otso begetarianoak dira.  Josu Zabaleta   «Jakintzaren arbola» - Pio Baroja, 2006 - 129. orr.

Hots, itsaskia besterik saltzen ez dutenak, begetarianoak, txerrikietan espezializatutakoak, eta abar.  Edorta Agirre   «Baietz okerreko bidea aukeratu! », 2006 - 126. orr.

-Amona, gaur ongi ulertu dut zergatik zen aitona begetarianoa, eulia platerera erori zaidanean, ajjj...!  Joan Mari Irigoien   «Odolean neraman», 2004 - 16. orr.

Swapper-en artean talde batzuk, edo klub batzuk, orduan esaten genuen bezala, astun-astunak ziren, erlijiosoak, begetarianoak, esperantistak, imajinatu dezakezun guztia.  Karlos Zabala   «Buda zoriontsuen etxea» - João Ubaldo Ribeiro, 2003 - 118. orr.

Barazkijalea zen gainera zarauztar hau [...] eta horrek berehala ekarri zion goitizena, Bejetariano.  Xabier Mendiguren Elizegi   «Nerabearen biluzia», 1999 - 84. orr.

Begetarianoak dira egun, Mendebaldean, sintetizatu eta lurrindutako elikagai gehien kontsumitzen dituzten pertsonak. Begetariano ortodoxoentzako egokiak diren elikagai asko eta asko gustura dastatu ahal izango ditu haragizaleak aurrerantzean.  Edorta Agirre   «Baietz okerreko bidea aukeratu! », 2006 - 88. orr.