Egungo Euskararen Hiztegia (EEH)

banaketa 1 iz banatzea, (zati) bana ematea. ik partiketa; distribuzio.

Datu horiek, bestalde, berretsi egiten dute [...] 100 enpresa multinazional handienen aktiboen stockaren banaketa: %40 Estatu Batuetako enpresena da, %38 europarrena eta %22 japoniarrena. Koro Navarro «Ekonomiaren globalizazioa» - Jacques Adda, 2004 - 74. orr.

Horrela burutu zuten lurraldearen banaketa. Elizen arteko biblia Jos 19,51

Desberdintasuna handitu egiten baita nazioa aurreratu ahala, eta banaketarik gabe aberastasunak esku bakar batean geratuko bailirateke. Juan Martin Elexpuru «Delituez eta zigorrez» - Cesare Beccaria, 1999 - 94. orr.

Maiztasunen eta banaketen azterketa. Xabier Arregi «Jakitearen arkeologia» - Michel Foucault, 2003 - 17. orr.

Bloomfieldarrentzat, bestalde, banaketa edo distribuzio osagarrian azaltzen ziren hotsen sailkapen-tresna zen fonema. «Fonetika fonologia hitzez hitz», 2004 - 77. orr.

Harexek menderatzen baitzuen katea osorik, ekoizpenetik banaketaraino. Koro Navarro «Ekonomiaren globalizazioa» - Jacques Adda, 2004 - 127. orr.

Hezkuntza masibo eta ez elitista horrek eragin positiboa du errenten banaketan. Koro Navarro «Ekonomiaren globalizazioa» - Jacques Adda, 2004 - 121. orr.

Lurren banaketaren legeak agintzen zuen familia bateko ondasunak ez zirela pasatu behar beste familia batera. «Legeen espirituaz II» - Montesquieu, 1999 - 181. orr.

Sistema ekonomikoa, ekoizpenari eta produktuaren banaketari zegokienez, ez zen antolatzen gizabanakoen irizpide arrazionalen arabera. Koro Navarro «Ekonomiaren globalizazioa» - Jacques Adda, 2004 - 18. orr.

Oraindik gaztetxo zela, frantziskotar egin zen Laredon, baina geroztik han eta hemen ibili zen, ondasunen banaketa eta karitatea predikatzen. J.M. Olaizola "Txiliku" «Bizitza eredugarriak», 2006 - 205. orr.

Aberastasunaren banaketa eta natura-baliabideen erabilera arrazoizkoa. Itziar Eizagirre / Amaia Lizarralde «Garapen iraunkorra», 2005 - 14. orr.

Gero eta handiagoa da lanaren banaketa, eta merkataritza-eremua zabaldu ahala zabaltzen da banaketa ere. Koro Navarro «Ekonomiaren globalizazioa» - Jacques Adda, 2004 - 18. orr.

Nazioarteko merkataritzaren hazkundeak lanaren banaketaren printzipioaren mundu mailako zabalkundea islatzen du. Koro Navarro «Ekonomiaren globalizazioa» - Jacques Adda, 2004 - 17. orr.

Lanaren nazioarteko banaketak eskainitako aukerak ahalik eta ondoena ustiatzera. Koro Navarro «Ekonomiaren globalizazioa» - Jacques Adda, 2004 - 37. orr.

1998ko lizentzien banaketa argituko duen epaiaren zain dira orain Euskalerria Irratian. Berria - Euskal Herria 2004-08-03

Parisen Lizeoetako gazteek egindako olerki-lehiaketako sarien banaketara gonbidatu ninduten. Edorta Jimenez «Europako mugetan barrena», 2000 - 83. orr.

Txinpantzeak eta giza primateak sortu ziren adarraren banaketa duela 6 milioi urte baino ez zen gertatu. Luis Elberdin «Sexua noiznahi», 2005 - 17. orr.

Betekizunen banaketak honela laburbil zitezkeen: Bilbok hiriburu ekonomikoa izan behar zuen, Gasteiz hiriburu administratibo ezarri zuten, [...]. «Kuskue tanden», 2004 - 63. orr.

Bakoitzari bere platerean ematen zaio dagokiona, baina banaketa nahiko okerra da. Josu Zabaleta «Anne Franken egunkaria» - Anne Frank, 2004 - 95. orr.

2 (izenondo eta izenlagunekin)

Arazoa egungo indar politiko eta sozialen oreka da, errenten banaketa igualitarioaren erabat kontrakoa dena. Iñaki Heras «Txanponaren bi aldeak», 2003 - 154. orr.

Diru laguntzen banaketa «egokia». Berria - Euskal Herria 2004-06-05

Errenta eta aberastasunaren banaketa arbitrario eta zentzugabea. Iñaki Heras «Txanponaren bi aldeak», 2003 - 56. orr.

Triglifoen eta metopen banaketa nahasia zelako eta desegokia. Santiago Iruretagoiena «Arkitekturaz hamar liburuak» - Vitruvio, 2000 - 1910. orr.

Aberastasun handiagoak ahalbidetzen ote duen banaketa ekitatiboagoa, edo aitzitik, banaketa igualitarioak ahalbidetzen duen hazkunde handiagoa. Iñaki Heras «Txanponaren bi aldeak», 2003 - 276. orr.

Berrikuntzek ahalbidetzen baitute ekoizpenaren nazioarteko banaketa: adibidez, produktuaren diseinua herrialde batean egin daiteke, osaketaren fase desberdinak beste hainbatetan, eta azken ukituak eta banaketa zentralizatua, berriz, beste batean. Iñaki Heras «Txanponaren bi aldeak», 2003 - 243. orr.

Uraren bidegabeko banaketarengatik protestatzeko kalera atera ziren gizarte taldeak, besteak beste indigenak. Berria - Gaiak 2006-03-18

Erabilgarritasunak, bestalde, eskatzen du lekuen banaketa akatsik gabea eta erabiltzeko inolako trabarik gabea izatea, eta eskualdearen arabera, edozein motatakoa dela ere, banaketa egokia eta erosoa izatea. Santiago Iruretagoiena «Arkitekturaz hamar liburuak» - Vitruvio, 2000 - 590. orr.

Denak berresten zuen gela hartan bi-bitako banaketa. Josu Landa «Odolbildua», 2002 - 22. orr.

3 (hitz elkartuetan lehen osagai gisa)

Diskoetxearen marketing eta banaketa lan eredugarriari esker, Billboardeko lehenengo postura heldu ziren berriro ere. Patxi Iturritegi «Behi eroak», 2003 - 35. orr.

Merkatuez eta baliabideez (lehengaiak, lan-eskua, banaketa-sareak, teknologia, ikerketa, dirua aurreztea, etab.) jabetzeko konkurrentzia orokorra dago gaur. Koro Navarro «Ekonomiaren globalizazioa» - Jacques Adda, 2004 - 14. orr.

Eroski banaketa katea kontuan izanik, Euskadin bazkidetza-tasa %70 ingurukoa omen da. Iñaki Heras «Txanponaren bi aldeak», 2003 - 183. orr.

Banaketa zerbitzuak, polizia, funtzionarioak, denak ahalegintzen dira herritarrei laguntzen. Josu Zabaleta «Anne Franken egunkaria» - Anne Frank, 2004 - 258. orr.

Maddalenek argitu zion Antton banaketa enpresa batean ari zela lanean. Joxemari Iturralde «Euliak ez dira argazkietan azaltzen», 2000 - 253. orr.

Harpideak lortu behar ditugu, baita banaketa puntu berriak ere, dirulaguntzak eskatu, publizitatea lortu... Berria - Kultura 2006-01-12

Ekonomiaren ekoizpen eta banaketa bideen jabego kolektiboan. Iñaki Heras «Txanponaren bi aldeak», 2003 - 61. orr.

Zabalkunde handia lortu nahian, banaketa zerrendetara eta berri taldeetara bidali ohi diren publizitate mezuak dira spam-ak. Berria - Gaiak 2004-11-05

Egunkari baten banaketa-autoa lehenengoa, bestea Mercabilbaotik abiatua ziurrenik, arrainez eta ortuariz betea. Urtzi Urrutikoeetxea «Auzoak», 2005 - 11. orr.

Banaketa-furgoneta baten atzean ezkutatu nintzen. Joxemari Iturralde «Euliak ez dira argazkietan azaltzen», 2000 - 56. orr.

Ezen ekoizpen funtzioaren inputen kostu egitura eta ia sektore guztien ekoizpen eta banaketa egoerak aldatzen baitituzte. Iñaki Heras «Txanponaren bi aldeak», 2003 - 158. orr.

Enuntziatu-multzo bat bere indibidualtasunean definitzea objektu horien sakabanaketa deskribatzea izango da, eurak banatzen dituen zirrikitu guztiak atzematea, euren arteko distantziak neurtzea, beste hitz batzuetan esanda, euren banaketa-legea formulatzea. Xabier Arregi «Jakitearen arkeologia» - Michel Foucault, 2003 - 41. orr.

Grafiko bat, hazkunde-kurba bat, adin-piramide bat, banaketa-hodei bat enuntziatuak dira. Xabier Arregi «Jakitearen arkeologia» - Michel Foucault, 2003 - 97. orr.

Ekologia ikuspegitik egun indarrean dagoen ekoizpen, banaketa eta kontsumo eredu tekniko-soziala erabat okerrekoa da. Iñaki Heras «Txanponaren bi aldeak», 2003 - 315. orr.

4 (hitz elkartuetan bigarren osagai gisa)

Lan-banaketaren txanponaren ustezko alde teknikoari lotutako auziak oihartzun handia izan du Europan zehar. Iñaki Heras «Txanponaren bi aldeak», 2003 - 138. orr.

Morgan eta kuatreroak hizketan hasi ziren, swahiliz edo; lan-banaketaz, zirudienez. Joxean Sagaztizabal «Kutsidazu bidea Ixabel», 2003 - 39. orr.

Botere-banaketaren errealitatea ez zegoen islatuta errealista ez zen "estatu bat, boto bat" printzipioa gorpuztu zuen konstituzio baten zabarkerian. Iñaki Mendiguren «Historiaren azterketa II» - A.J. Toynbee, 2000 - 377. orr.

Bi bertsolarien arteko funtzio-banaketak garrantzi handia du. Andoni Egaña «Hogeita bina», 2004 - 77. orr.

Ibarretxek eta Zapaterok telefonoz hitzartutako akordioak «kromo banaketa» ematen duela dio. Berria - Euskal Herria 2004-06-24

Gaur egun lanaldiaren murrizketaren inguruan bizi-bizirik dagoen eztabaida errenta-banaketaren ikuspegitik aztertzen denean soilik uler daiteke bere osotasunean. Iñaki Heras «Txanponaren bi aldeak», 2003 - 139. orr.

Beste faktore garrantzitsu bat ekoizpen prozesu berrietan behar den baliabide banaketa da. Iñaki Heras «Txanponaren bi aldeak», 2003 - 168. orr.

Galera-banaketa bat izango da merkatari frantsesaren eta holandarraren artean. «Legeen espirituaz II» - Montesquieu, 1999 - 78. orr.

Horietako bat, Karlomagnok bere hiru semeen artean egindako inperio-banaketaren kapitularra da. «Legeen espirituaz II» - Montesquieu, 1999 - 329. orr.

Komunismo libertarioa aldarrikatu eta lurralde-banaketa egin zuten. Unai Elorriaga «Van't Hoffen ilea», 2003 - 160. orr.

Haien andre alargunak eguneroko janari-banaketan bazterrera gelditzen zirelako. Elizen arteko biblia Eg 6,1

Azken batean, nolako zerga sistema, halako tarta banaketa. Iñaki Heras «Txanponaren bi aldeak», 2003 - 284. orr.

Sari banaketarako egun gutxi batzuk falta zirela, idazle gazteak igorlearen izenik ez zekarren gutun bat jaso zuen. Patxi Zubizarreta «Pospolo kaxa bat bezala», 2005 - 121. orr.

5 banatzea, bereizketa.

ETAren alde dauden indar politikoen artean ere banaketak gertatu direlako. Pello Salaburu «XX. mendearen argi-itzalak», 2001 - 196. orr.

Ez pentsa munduari bakea ekartzera etorria naizenik; bakea ez, baina banaketa ekartzera etorria naiz. Askoren artean «Asisko Frantzizko, Asisko Klara», 2002 - 483. orr.

Dibortzioak eta banaketak halako garaipen txikiekin eraikitzen dira, eta gainditzen. Iban Zaldua «Etorkizuna», 2005 - 69. orr.

Orain banaketa eta dibortzioen fasean gaude bete-betean. Iban Zaldua «Traizioak», 2001 - 97. orr.

Mariak banaketa Elizaz egitea lortu zuen. Xabier Etxabe «Lurtarra da begiratua», 2004 - 56. orr.

Banaketak badu eraginik seme-alabengan? Berria - Euskal Herria 2004-04-13

Gure familiaren banaketaren errudun nagusi eta bakar gisa azaldu zitzaidan. Xabier Montoia «Baina bihotzak dio», 2002 - 25. orr.

Lehenago pentsatzen nuen banaketa bat egongo zela, are leize bat, bere autismoaren erresuma pertsonalaren -nolabait esateko, pribatuaren- eta bere lanbidearen artean. Xabier Olarra «Antropologo bat Marten» - Oliver Sacks, 2003 - 258. orr.

Azkenean aurkitu zuen errezelen arteko banaketa, zabaldu zituen errezelak, eta une berean Dean Thomasek bere kriseilua piztu zuen. maila bakoitzeko bi gela ginen hor ere, baina banaketa ez zen hizkuntzaren araberakoa, alfabetiko hutsa baizik. Iñaki Mendiguren «Harry Potter eta sorgin harria» - J.K. Rowling, 2000 - 218. orr.

Lehen baino argiago ezarri beharko dugu lehen aipaturiko eskuduntza federalen eta ez-federalen inguruko banaketa hori. Berria - Mundua 2004-06-12

Azken inkesten arabera, %43 banaketaren aldeko dira, %31 Serbiarekin batera jarraitzearen aldeko eta herritarren %24, berriz, zalantzan daude. Berria - Mundua 2006-03-02

LABen ustez, «langile klasearen banaketak», besteak beste, «elkartasun eza ekarri du». Berria - Ekonomia 2004-02-13

Suitzarren baietzak Europa eta AEBen arteko banaketa areagotu du. Berria - Gaiak 2004-11-30

Hezkuntza dagoen lekuan ez dago klaseen arteko banaketarik. Berria - Gaiak 2004-02-18

6 (izenondo eta izenlagunekin)

Mendebaldeak badu orain banaketa negargarria gutxiengo menderatzailearen eta barne- eta kanpo-proletalgoen artean. Iñaki Mendiguren «Historiaren azterketa II» - A.J. Toynbee, 2000 - 461. orr.

Hiru mailatako banaketa soziala, aberats, klase ertain eta langileena bitara murriztu da. Pako Aristi «Note book», 2005 - 35. orr.

Emigrazio hori gertatu zenetik banaketa soziala dago, amildegia. Berria - Kultura 2006-01-08

Hala ere, banaketa orokorragoak ere badituzte liburuok: 1 Zel, adib., hiru partetan zatitua dago, lehenak 30 kap. dituelarik eta bigarrenak 10. Askoren artean «Asisko Frantzizko, Asisko Klara», 2002 - 18. orr.

Traszendenteak existitzen zirela irudikatze hutsari esker, zenbaki errealen banaketa bikoitza ezarri ahal izan zen. «Loroaren teorema» - Denis Guedj, 2006 - 436. orr.

Bera ez zen Jugoslaviaren banaketa odoltsua bultzatu zuen bakarra. Berria - Mundua 2006-03-14

7 (hitz elkartuetan lehen osagai gisa)

Banaketa-operazioa egin ezean hiltzeko arrisku handia dute biek; banaketa-operazioa egiten bada, ostera, bietatik ahulena hilko da. Askoren artean «Filosofiako gida», 2004 - 381. orr.

Ondare eta zereginen banaketa-prozesu antzekoa ari zen gertatzen aldi berean monjeen beren artean. Iñaki Mendiguren «Historiaren azterketa II» - A.J. Toynbee, 2000 - 137. orr.

Begietatik hurbilegi ditugun gauzak ongi ikusten ez diren bezala, ideia moralen hurbiltasun handiegiak eragiten duela bere osagarri diren ideia soil eta ugarien nahasketa, eta ez ongi ikustea beren arteko banaketa-marrak. Juan Martin Elexpuru «Delituez eta zigorrez» - Cesare Beccaria, 1999 - 43. orr.

Banaketa hesia legez kanpokotzat jo eta eraisteko esan du Hagak. Berria - Mundua 2004-07-10

8 (hitz elkartuetan bigarren osagai gisa)

Zuzenbide Estatuak botere banaketa errespetatzen zuenez inor ez dagoela legearen gainetik gehitu zuen. Berria - Mundua 2004-08-27

Doktrina marxistaren azken helburua da klase banaketarik gabeko gizartea iristea. Iñaki Heras «Txanponaren bi aldeak», 2003 - 47. orr.

Kolore-banaketako irudiak edo nerbio-sisteman haiek zituzten korrelazioak. Xabier Olarra «Antropologo bat Marten» - Oliver Sacks, 2003 - 43. orr.

Urte horretan ezabatu zuten, betiko nonbait, arraza banaketa Estatu Batuetan, uztailaren 2an. Pello Salaburu «XX. mendearen argi-itzalak», 2001 - 81. orr.

9 banaketazko izlag

Azken bi betebeharrak burutzean, hizkuntz egituraren teoria orokor bat eratzeko gai izango gara, bertan "Hko fonema", "Hko osagaia" edo "Hko formaldatzea" bezalako kontzeptuak, zeinahi H hizkuntzatarako definiturik egongo baitira, Hko esaldien ezaugarri fisiko eta banaketazkoen arabera, eta Hren gramatiken ezaugarri formalen arabera. Itziar Laka «Egitura sintaktikoak» - Noam Chomsky, 2003 - 79. orr.

hitz multzoen maiztasunak (gutxienez 4 aldiz agertzen direnak)

aberastasunaren banaketa (10); aberastasunen banaketa (4); alde bakarreko banaketa (4); arteko banaketa (29); arteko lan banaketa (5); auzitegiak banaketa (5); bakarreko banaketa (4); baliabideen banaketa (6)

banaketa berria (7); banaketa bertan behera (6); banaketa bultzatu (4); banaketa egin (13); banaketa egingo (5); banaketa egiten (10); banaketa egokia (6); banaketa ekitaldia (6); banaketa enpresa (5); banaketa eragin (4); banaketa eta (34); banaketa hesi (4); banaketa hesia (74); banaketa hesia eraikitzeko (5); banaketa hesia eraikitzen (8); banaketa hesia legez (7); banaketa hesiak (23); banaketa hesiaren (87); banaketa hesiaren eraikuntza (6); banaketa hesiaren ibilbidea (4); banaketa hesiaren kontra (5); banaketa hesiaren kontrako (15); banaketa hesiaren zati (6); banaketa hesiari (9); banaketa hesiaz (4); banaketa izan (8); banaketa justuagoa (4); banaketa operazioa (4); banaketa sarea (4); banaketa sareak (4); banaketa sisteman (4); banaketa zerrendetara (4)