Egungo Euskararen Hiztegia (EEH)
arteka2Zerbait arrabots bazenean, so luze bat atearen arteka batetik, eta gertakari ttipi batzuren lekuko nintzen, sartzeak eta ateratzeak S.S. bat lagun. Marzel Etxehandi «Alemaniara deportatua» - Grégoire Joannateguy, 2003 - 18. orr.
Itxura biribil hori lortzen da izai adar lodienak gurutzatuz, gero izai adar meheagoak, eta azkenik adar hostodunez arteka guziak betez. Aurelia Arkotxa «Septentrio», 2001 - 113. orr.
Mireiaren gutiziak bezala, haren gorputzaren bazter eta arteka guztiak ere ezagutzen ditudala atera zait. Patxi Zubizarreta «Pospolo kaxa bat bezala», 2005 - 32. orr.
Eguzki zirrintek begi-begietan kausitu ninduten, pertsiana erdi ustelduetako arteka ugarietatik. Aingeru Epaltza «Rock'n'roll», 2000 - 207. orr.
Etxearen eta hangarraren arteka hertsian, gizonak eta haurrak taldean eleka ikusten zituen, baina ez zuen hargatik ametsetako lukainkak zenbatzeko astirik galdu. Itxaro Borda «Zeruetako erresuma», 2005 - 11. orr.
Zabalik zegoen eta ixteari ekin zion, harik eta kanpora begiratzeko arteka estu bat utzi zuen arte. Patxi Zubizarreta «Mirarien kalezuloa» - Nagib Mahfuz, 2006 - 47. orr.
Beinatek zinez maite zuen arrats apaletan, eguzkiak gorritzen zituen mendi arteka gordeetan gauerako borobilean kuzkurtzen zirenean Georgesekin hitz egitea. Itxaro Borda «Zeruetako erresuma», 2005 - 250. orr.
Irriak eta trufak izan ziren herrian fama barreiatu zelarik, Ermitak basoilar kolpatu bat harroka arteka batean atzeman zuela. Michel Oronoz «Oilandoiko ermita», 2001 - 22. orr.
Erdiko arteka (antzina "Rolandoren arteka") goi-mailako ugaztunen garunak goi aldean duen zirriztu bat da. ETC-entziklopedia Erdiko arteka, Wikipedia
Horregatik, atzetik aurrerako erradiografian eskuineko erdiko arteka ikus daiteke, zeinak goiko gingila eta erdikoa bereizten baititu, erdiko atala zeharkatzen duen lerro horizontal mehe gisa. ETC-zientzia, zuzenbidea Miaketa-gida Askoren artean, EHU, 2008
Erdiko arteka sakonune handi-handia da, eta lobulu frontala eta lobulu parietala (bestea baino txikiagoa eta haren atzean dagoena) bereizten ditu. ETC-literatura, saiakera Neanderthal kantariak, Steven Mithen (Iraia Yetano), Pentsamenduaren Klasikoak, 2008
Hemisferioarteko arteka garuna euren artean gorputz kailukararen bidez elkartutako bi garun-hemisferio hemisferiotan luzetara banatzen duen arteka sakon bat da. ETC-entziklopedia Hemisferioarteko arteka, Wikipedia
Kalkarinar arteka garunaren kanpo kortexean dauden arteka ugarietako bat da, garun hemisferio bakoitzaren barne aurpegiko atzealdeko zatian dagoena, ibilbide horizontal bat jarraituz, parieto-okzipital artekarekin bat egin arte (garun hemisferioaren barnealdeko aurpegitik). ETC-entziklopedia Kalkarinar arteka, Wikipedia
