Egungo Euskararen Hiztegia (EEH)

zati 1 iz zerbait haustean, ebakitzean edo banatzean gertatzen diren gauzetako bakoitza; gauza batez mintzatuz, gauza horretatik bereiz daitekeen edo berezitzat har daitekeen osagarria. ik parte.

Euskal Y-aren egitasmoan 28 zati bereizi dira. Berria - Harian 2006-04-25

Ez nuen eskua soilik galdu: besoaren zati handi bat ere bai. Harkaitz Cano «Neguko zirkua», 2005 - 122. orr.

Garuneko bi zatiri egiten die kalte bizkarrezurreko min kronikoak: talamoari eta kortex prefrontal dortsolateralari. Berria - Gaiak 2004-11-26

Horra nola zen gertatu Frantzia bi zatitan ezarri zuen haustura. Piarres Xarriton «De re publica edo politikaz», 2003 - 63. orr.

Hiru zati dauzka: glandea, edo mokoa; zurtoina, eta zuztarrak. Luis Elberdin «Sexua noiznahi», 2005 - 227. orr.

Labana hartu eta librako ogitik hiru zati ebaki zituen. Joseba Sarrionandia «Lagun izoztua», 2001 - 79. orr.

Gero, aitak bere ogia sei zati egin zuen. Juan Kruz Igerabide «Nire aitaren fusila» - Hiner Saleem, 2004 - 26. orr.

Hango ogia jatean, zati bat bereizi eta Jaunari eskainiko diozue. Elizen arteko biblia Zen 15,19

Mandarina zuritu eta zati bitan banatu zuen; atal batzuk alde batera, besteak bestera. Unai Elorriaga «Van't Hoffen ilea», 2003 - 138. orr.

Elkartasun-oparia Jaunari eskaintzean, eskaintzaileak Jaunari dagokion zatia aurkeztuko du. Elizen arteko biblia Lb 7,29

Soilik greziar zipretarren zatiko biztanleek izango dute bozkatzeko aukera. Berria - Mundua 2004-06-12

Munduko zati berean bi mila urte geroago. Iñaki Mendiguren «Historiaren azterketa II» - A.J. Toynbee, 2000 - 35. orr.

Mendixkaren zati horretatik ehun bat oineko jauzia zegoen Tom ibairaino. Karlos Zabala «Mikel Strogoff» - Jules Verne, 2002 - 304. orr.

Kostaren zati horretan ez dago farorik, ez porturik. Joxean Agirre «Romain zen bere izena», 2003 - 158. orr.

Ez, zati bat bakarrik, ez Euskal Herri osoa. Pello Salaburu «Euskararen etxea», 2002 - 24. orr.

Oregondik Los Angelesera eta Ozeano Baretik Nevadako erdiraino, 400.000 km2tik gorako zati handi batean nabaritu zen lurrikararen ondorioa. Pello Salaburu «XX. mendearen argi-itzalak», 2001 - 56. orr.

Zuzenak zirkulua bi zati berdinetan zati dezan, zentrotik pasatu behar du nahitaez. «Loroaren teorema» - Denis Guedj, 2006 - 39. orr.

Koadroaren zati bat ikusteko moduan zegoela. Unai Elorriaga «Van't Hoffen ilea», 2003 - 110. orr.

Feudoak bizi artekoak zirenean, ez zegoen feudoaren zati bat ematerik, azpifeudo gisa betiko edukitzeko. «Legeen espirituaz II» - Montesquieu, 1999 - 347. orr.

Nork bere feudoari zatia kentzea. «Legeen espirituaz II» - Montesquieu, 1999 - 347. orr.

Angelu bat bi zati berdinetan erdibitzeak erdikariak eraikitzea dakar. «Loroaren teorema» - Denis Guedj, 2006 - 157. orr.

Diruaren zati bat familiaren zorrak ordaintzen joaten zitzaion. «Loroaren teorema» - Denis Guedj, 2006 - 321. orr.

Telebista edo irratietan emititutako irudi edo soinu zatiek, ezingo dute 45 segundo baino luzeagokoak izan. Berria - Harian 2005-10-27

Lizuna duen zatia ebakiko dio jantzi, larru nahiz ehunari. Elizen arteko biblia Lb 13,56

Eremu horretatik, zati bat, karratua -berrehun eta berrogeita hamar metrokoa luze-zabalean-, tenpluarentzat izango da. Elizen arteko biblia Ez 45,2

Goiko esferak egiten duen eguneko mugimenduaren bitartez gainerako esfera guztiak mugitzen direlako, zatia guztiarekin mugitzen den bezala. Xabier Kintana «Alderraien gidaria» - Mose ben Maimon, 2006 - 181. orr.

Bev errepresio-aparatuaren zati dela uste duzu? Oskar Arana «Lotsaizuna» - John Maxwell Coetzee, 2004 - 121. orr.

Nire zati batek hegan egin nahi zuen eta Taniaren ondora itzuli. «Ispiluen gainean lotan» - Jordi Sierra i Fabra, 2004 - 264. orr.

Estrabonek aipatzen duen Polibioren zati batean ikusten denez, [...]. «Legeen espirituaz II» - Montesquieu, 1999 - 47. orr.

Piknostiloak altueraren zortzi zatiko diametroa izango balu, kolomarteen itxitasunaren eta estutasunaren eraginez, oso itxura zarratua eta desatsegina hartuko luke tenpluak. Santiago Iruretagoiena «Arkitekturaz hamar liburuak» - Vitruvio, 2000 - 1610. orr.

Bi minutuan osatzen zituen bostehun zatiko puzzleak umetan. Xabier Olarra «Antropologo bat Marten» - Oliver Sacks, 2003 - 209. orr.

2 (gauza abstraktuena)

Zerbait beste zerbaiten zati izateko, osoa den hori behar da eta, ba al dute hori gizonek? «Eta emakumeari sugeak esan zion», 1999 - 91. orr.

Gazteriaren zati handi baten gainbeheraren erantzule egin zituzten drogak. Juan Kruz Igerabide «Hauts bihurtu zineten», 2005 - 92. orr.

Nolatan ez da hartzen linguistikaren zientzia, psikologiaren zati gisa? Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 33. orr.

Sindromea nortasunaren zati bihurtu zaiola ere sentitzen du. Xabier Olarra «Antropologo bat Marten» - Oliver Sacks, 2003 - 113. orr.

Honela eliza bat zibilizazioen ugaltze-sistemaren zati litzateke. Iñaki Mendiguren «Historiaren azterketa II» - A.J. Toynbee, 2000 - 100. orr.

Administrazioaren zati handi bat presoen eskuetan uzten zuten. Urtzi Urrutikoetxea «Zoririk ez» - Imre Kertész, 2003 - 12. orr.

Burtsan ez dago garbi osotasuna eta zatien batura gauza bera diren. Berria - Ekonomia 2006-04-07

Hark mundura dakarren dohainaren zatia delako. Oskar Arana «Lotsaizuna» - John Maxwell Coetzee, 2004 - 25. orr.

Erakunde terrorista bateko zati direlakoan. Eneko Bidegain «Anbroxio», 2002 - 8. orr.

Osotasun baten zati gisa, hots, begiespenen lotura sintetikoa den esperientziaren zati gisa. Ibon Uribarri «Arrazoimen hutsaren kritika» - Immanuel Kant, 1999 - 35. orr.

Estetikan gertatzen den eraldaketa hori, halere, mugimendu filosofiko handiago baten zati bat da. Askoren artean «Filosofiako gida», 2004 - 238. orr.

Gure garaiotako masen kulturan kulturaren zati handi bat bakarka eta pribatuan kontsumitzen da. J. Garzia / A. Egaña / J. Sarasua «Bat-bateko bertsolaritza», 2005 - 54. orr.

Printzipio hauek izan duten famaren zati bat gestaltisten lege-hotseko hizkuntzari zor zaio. Josu Zabaleta «Irudia» - Jacques Aumont, 2004 - 70. orr.

Ez omen da sekula etxetik osorik alde egiten, oroitzapen eta sentimenduen zati inportante bat etxean gelditzen omen da. Anjel Lertxundi «Ihes betea», 2006 - 151. orr.

Hala ere, zerua beti da oraina; lurra, aldiz, iraganaren zati bat besterik ez, mendeek, gurinezko azala bailuen, izur-ireki dutena. Pako Aristi «Urregilearen orduak», 1998 - 178. orr.

3 (izenondo eta izenlagunekin)

Kausalitatea da, ondoren, Fisikaren bigarren liburuko zati handiena hartzen duen gaia. Askoren artean «Filosofiako gida», 2004 - 54. orr.

Urtearen zati handiena itsas zabalean iragaiten zuen arrantzale batekin ezkondua zen. Elena Touyarou «Hautsi da katea» - Toti Mtz. de Lecea, 2004 - 18. orr.

Kalteturiko zati txikiak, bada, berehalaxe konpontzen dira. Irene Aldasoro «Giza gorputza lanean» - John Lenihan, 2006 - 208. orr.

Estrukturalismoaz esaten dena esan daitekeenaren zati txiki-txiki bat besterik ez da. «Fonetika fonologia hitzez hitz», 2004 - 18. orr.

Lisa, zutik, odolki zati bero-bero bat jaten ari zen. Karlos Zabala «Parisen sabela» - Emile Zola, 2004 - 141. orr.

Zati berdinetan banatuko duzue lurraldea. Elizen arteko biblia Ez 47,14

Konturatuko zara ez dituzula paperak hartu, pasaportea itsasoaren zati izoztu horretan galdu duzula. Joseba Sarrionandia «Lagun izoztua», 2001 - 378. orr.

Mutikoa zuhaitzaren zati elurtu baten gainean jarri zen. Julen Gabiria «Peter Pan» - James Matthew Barrie, 2004 - 292. orr.

Bi zati orokorretan banatzen da sarrera hau. Horiek izan ezik, zati narratibo guztiak bildu ditugu hemen. Askoren artean «Filosofiako gida», 2004 - 7. orr.

Kritikaren zati analitikoan frogatzen da espazioa eta denbora sentsuzko begiespenaren formak baino ez direla. Ibon Uribarri «Arrazoimen hutsaren kritika» - Immanuel Kant, 1999 - 2627. orr.

Ez nuen aurreikusten nikelaren bereizgarritasun magnetikoari buruzko nire teoriak zati funtsezko batean erraturik zegoela. Juan Garzia «Sistema periodikoa» - Primo Levi, 1998 - 112. orr.

Azkeneko zati garden horrek, korneak, eragiten du argi-izpien konbergentziaren parte gehiena. Josu Zabaleta «Irudia» - Jacques Aumont, 2004 - 20. orr.

Ez dugu ahaztu behar autoek gero eta zati elektroniko gehiago dituztela. Berria - Gaiak 2004-07-01

Lehen zatian, Platonez ari da, haren bizitzaz, haren lehenengo elkarrizketez eta teoria politikoaz eta elkarrizketa metafisikoez. Askoren artean «Filosofiako gida», 2004 - 7. orr.

1224ko irailaren bigarren zatian edo urriaren lehen egunetan. Askoren artean «Asisko Frantzizko, Asisko Klara», 2002 - 40. orr.

Lehen zatiko azken minutuetan Baionak berriz ezarri zuen Paris zailtasunean. Berria - Kirola 2004-02-11

Gertakaria 1225. urteko bigarren zatikoa da. Askoren artean «Asisko Frantzizko, Asisko Klara», 2002 - 359. orr.

4 (hitz elkartuetan lehen osagai gisa) ik partzial.

Morganek agerian jarri zuen kromosoma homologoen arteko zati-trukeen bidez birkonbinatzen direla geneak. Juan Garzia «Sagua, eulia, eta gizakia» - François Jacob, 2004 - 51. orr.

Tw formaldatzeak [...] what will he eat "zer jango du" edo what has he been eating "zer jaten egon da" gisako zati-galderak ere azal ditzake. Itziar Laka «Egitura sintaktikoak» - Noam Chomsky, 2003 - 102. orr.

Koadroa zati bakoitzak bere espaziozko logika -eta askotan bere denborazko logika berezia ere bai- duen zati-collage bat bezala antolatzea. Josu Zabaleta «Irudia» - Jacques Aumont, 2004 - 219. orr.

5 (hitz elkartuetan bigarren osagai gisa)

Opil bana, haragi-zati bana eta mahaspasa-opil bana eman zizkien. Elizen arteko biblia 2 Sm 6,19

Hil aurretik anaiei azaldu zien maitasuna, bakoitzari, Kristok bezala, ogi zati bana emanez. Askoren artean «Asisko Frantzizko, Asisko Klara», 2002 - 699. orr.

Sakelak pastel-zatiz beteak zituzten. Iñaki Mendiguren «Harry Potter eta Azkabango presoa» - J.K. Rowling, 2002 - 130. orr.

Mikroorganismoak aurkitu dituzte 115 milioi urteko anbar zati batean. Berria - Gaiak 2004-06-04

Asiatik eramandako banbu zatietan. Berria - Gaiak 2004-09-15

Han topatu genuen kandela zati bat piztu eta lauron erdian jarri genuen. Joseba Sarrionandia «Lagun izoztua», 2001 - 347. orr.

Izara zati bat gerrian lotu eta Bilboraino joan zen oinez. Joseba Sarrionandia «Lagun izoztua», 2001 - 299. orr.

Metraila-zati batzuk zituelako belaunean sartuta. Unai Elorriaga «Van't Hoffen ilea», 2003 - 104. orr.

Pergamino-zati handi bat zen, karratua eta oso higatua. Iñaki Mendiguren «Harry Potter eta sorgin harria» - J.K. Rowling, 2000 - 157. orr.

Larru-zati haiek oin karratu batekoak ziren, orladunak eta diseinuz apainduak. Iñaki Mendiguren «Historiaren azterketa II» - A.J. Toynbee, 2000 - 77. orr.

Haurra, gorputz-zati guztiak beren kokapen normalera itzulita, sendaturik gertatu zen. Askoren artean «Asisko Frantzizko, Asisko Klara», 2002 - 873. orr.

Eskoriatzako Udalak Arlaban-Eskoriatza autobide zatiko azterketa eskatu du. Berria - Euskal Herria 2004-04-27

Etxebizitza eman zion Hadadi, bai eta janaria eta lur-zati bat ere. Elizen arteko biblia 1 Erg 11,18

Goi-ordoki mortuaren erdia zeharkatzen zuten horma zati hondatuak. «Loroaren teorema» - Denis Guedj, 2006 - 471. orr.

Doinu eta kanta-zatiak igarotzen zaizkio lasterka buruan. Oskar Arana «Lotsaizuna» - John Maxwell Coetzee, 2004 - 11. orr.

ADN zati horietariko bakoitzak kate polipeptidiko bat ekoizten du, eremu bati dagokiona: proteina-eredu bat, alegia. Juan Garzia «Sagua, eulia, eta gizakia» - François Jacob, 2004 - 61. orr.

Zuei dizuet emango Kanaan lurraldea hauxe da zuen ondare-zatia. Elizen arteko biblia 1 Kro 16,18

Irudikapen-lana, hain zuzen, diegesi bat, edo diegesi zati bat irudi bihurtzean datza. Josu Zabaleta «Irudia» - Jacques Aumont, 2004 - 231. orr.

6 (hitz elkartuetan bigarren osagai gisa, lehena izenondoduna dela)

Esate baterako txokolate beltz zati bat eskaintzen zidanean, oroitzapen samurrak ekartzen baitzizkidan gogora. Juan Kruz Igerabide «Hauts bihurtu zineten», 2005 - 48. orr.

Gibelean, hamabi oin karratuko baratze landu bat, zur erre zatiz betea. Koldo Izagirre «Idi orgaren karranka» - Victor Hugo, 2002 - 147. orr.

7 (hiru osagaiko hitz elkartuetan)

Neskak orduan aloe egur zati bat atera zuen, eta ezpal bat kendurik, sutara bota zuen. Patxi Zubizarreta «Mila gau eta bat gehiago» - Anonimoa, 2002 - 73. orr.

Terrazan eseri nintzen sagar-tarta zati bat jatera. Ramon Saizarbitoria «Gorde nazazu lurpean», 2000 - 173. orr.

· Bizidunak, elkarren irudikoak ginen, handikoiak eta burlariak halaber, ADN firindila bikoitz zatiz moldatuak. Itxaro Borda «%100 basque», 2001 - 126. orr.

8 (bat, bateko, baterako... formen ezkerran) denbora-bitartea.

Urte haren zati bateko kontsulen izenen arabera. «Legeen espirituaz II» - Montesquieu, 1999 - 109. orr.

Baina Jaungoikoaren eraginez zati baten ez dira hondatzen eta zati baten osasuna berreskuratzen dute hondatutakoek. Imanol Unzurrunzaga «Hainbat idazlan» - San Agustin, 2003 - 201. orr.

Esan eitekean Rufino zati baterako kontsolauta geldituko zala. Xabier Amuriza «Rufino Arrola, Vulkanoren atzamarrak», 2002 - 14. orr.

9 aritmetikan, zatiketaren ikurraren (: edo /) izena.

256 zati 365 egin dut; 0,701369 ematen du horrek. «Loroaren teorema» - Denis Guedj, 2006 - 428. orr.

2 zati 3 zati 5, zenbat da? «Loroaren teorema» - Denis Guedj, 2006 - 309. orr.

Zenbakiak faktore lehenetan deskonposatzen eta zati 2, zati 3, etab. egiteko irizpideak ikasi. «Loroaren teorema» - Denis Guedj, 2006 - 276. orr.

AB barra zati AC barra berdin A prima B prima barra zati A prima C prima barra. «Loroaren teorema» - Denis Guedj, 2006 - 47. orr.

Bat gehi bat zati bi gehi hiru ber bi zati bi gehi bost ber bi zati bi gehi zazpi ber bi zati bi gehi bederatzi ber bi... «Loroaren teorema» - Denis Guedj, 2006 - 400. orr.

10 zatiz adlag partez.

Hizkuntzari dagokionez, joera bi nabari dira: osoz edo zatiz euskalkian oinarritu zena da bata, eta Leizarragaren bidea, bestea. Koldo Zuazo «Euskararen sendabelarrak», 2000 - 27. orr.

Klaustroko bazter batean, ojiba luzexka batzuk, tapiatuak zatiz, gela misterios antzeko baten inguruan hedatzen dira. Koldo Izagirre «Idi orgaren karranka» - Victor Hugo, 2002 - 199. orr.

Liburu horiek izkiriatzen hasi eta jada zatiz bederen osaturik neuzkanean. Xabier Kintana «Alderraien gidaria» - Mose ben Maimon, 2006 - 32. orr.

11 bi zati/zati bi egin ik zatibitu.

Ekaitzak bi zati egin zuen masta, lemazaina buruan jo, eta buruko hezur guztiak kraskatu zizkion. Juan Kruz Igerabide «Ulises» - Homero, 2000 - 88. orr.

-Bestela, bi zati egingo dut kandela, eta bat hemen utziko dizut, poxpoloekin. Xabier Mendiguren Elizegi «Arima enkoniatuak», 2006 - 145. orr.

Bularra zati bi egingo diat, hik aitari gurutzea nola jarri hion, halaxe. Edorta Jimenez «Sukar ustelaren urtea», 2004 - 373. orr.

Egun haren garrantzia argi azaldu zitzaidaan; nire bizitza bi zati egin zidaan, lurrikara batek erdibitutako lurralde baten antzera. Xabier Olarra «Azken hitzordua» - Sandor Marai, 2003 - 168. orr.

Irribarrea bi zati egin eta bat-batean hasperen bihurtu zen, baina ez zuen dardararik egin edo begirik itxi. Anton Garikano «Maitea» - Toni Morrison, 2004 - 220. orr.

«Gerrak erdibitutako gizona» izan zen Artetxe, eta barrua bi zati egina izate horrexek eraman zuen «bakezko zubigintza eta bitartekotza paregabea eta emankorra» egitera. Berria - Kultura 2006-03-12

12 zati-zati egin txiki-txiki egin.

Beti aurrera egiten duen bizitzaren oldarrak zati-zati eginda utziko du eraikin hauskorra. Iñaki Mendiguren «Historiaren azterketa II» - A.J. Toynbee, 2000 - 271. orr.

Belak zati-zati egin ziren eta, itsasontziak, gobernatu ezinik, hondoa jo zuen. Patxi Zubizarreta «Mila gau eta bat gehiago» - Anonimoa, 2002 - 194. orr.

Lau zigor-mota bidaliko dizkiet: gerra, hiltzeko; txakurrak, zati-zati egiteko; hegazti harrapariak eta basapiztiak, irentsi eta haiekikoa egiteko. Elizen arteko biblia Jr 15,3

Piztiaren batek zati-zati egin duela uste dut. Jose Antonio Mujika «Agindutako lurraren bila I», 2002 - 125. orr.

Parisen, hiri katolikoa inon katolikorik bada, duela bortz egun, miliziakoek zati-zati eginen zuten, beren alabardekin, Kalbinoren alaba blasfemaria. Aingeru Epaltza «Mailuaren odola», 2006 - 17. orr.

Barrutik zati-zati eginda eta pipiak janda sentituko edo balitz bezala. Juan Garzia «Pedro Páramo» - Juan Rulfo, 2001 - 44. orr.

Pentsatzen dut ez didazula esango zergatik bidali nahi ninduzun etxera zati-zati eginda, ezta? Iñaki Mendiguren «Harry Potter eta sekretuen ganbera» - J.K. Rowling, 2001 - 151. orr.

hitz multzoen maiztasunak (gutxienez 3 aldiz agertzen direnak)

arazoaren zati (8); argazki zati (8); arimaren zati (7); aurrekontuaren zati (9); azal zati (7); azken zati (7); bere zati (31); beste zati (51); beste zati bat (24); bi zati (112); bi zati berdinetan (9); bi zati ditu (13); bide zati (9); bidearen zati (24); bidearen zati bat (9); bigarren zati (64); bigarren zati osoa (9); bihotzaren zati (8); bizitzaren zati (15); bizitzaren zati bat (9); denboraren zati (9); diruaren zati (14); diruaren zati bat (9)