Egungo Euskararen Hiztegia (EEH)

urduri 1 izond lasaia edo geldia ez dena, egonezinera edo kezkara joera duena. ik ekurugaitz. (pertsonez)

Osaba gizon urduria zen, eta, iduri egite hartan, batzuetan, igarri egiten zitzaion urduritasuna. Joan Mari Irigoien «Lur bat haratago», 2000 - 221. orr.

Andres bezalako gizon urduri eta kezkatsu batentzat deprimigarria izan behar zuen ikuskari hark. Josu Zabaleta «Jakintzaren arbola» - Pio Baroja, 2006 - 73. orr.

Neska urduri eta neurotikoek ohi dituzten isilaldi gogoetaz bete horiek izaten zituen. Josu Zabaleta «Jakintzaren arbola» - Pio Baroja, 2006 - 105. orr.

Harryk Quirrell maisua ere ikusi zuen, Pertz Jarioduneko gazte urduria. Iñaki Mendiguren «Harry Potter eta Azkabango presoa» - J.K. Rowling, 2002 - 112. orr.

Ez nintzen Baionako trena hartu zuen mutiko urduri hura, nesken beldur zena. Alberto Ladron Arana «Eguzki beltzaren sekretua», 2004 - 298. orr.

Zuzendariak, maisu urduriak ez bezala, bere lasaitasun zuri eta zitalarekin nahasi nahi ninduen. Pello Lizarralde «Denak hasperenka» - Gianni Celati, 2005 - 155. orr.

Ez bakerik ez lorik ezagutzen ez zuten gaixo urdurien berriketa monotono ulergaitza entzuten zen. Jose Morales «Zazpi urkatuak» - Leonid Nikolaievitx Andreiev, 2006 - 217. orr.

2 (bestelakoez)

Tabernariaren alaba, bularretan bi uso urduri gordeta dituzun neska. Sigi-saga zebilkidan Sara, tximeleta urduri bat bezala. Bere begi urduriak alde guztietarantz bihurtu zituen. Felipe Juaristi «Itzarri nahi ez zuen printzesa», 2002 - 22. orr.

Hitz haiek aditu ondoren so egin nion Pedrori eta irri urduri bat egiten sumatu nuen. Joan Mari Irigoien «Lur bat haratago», 2000 - 352. orr.

Norbaitek, atzetik etorririk, sastakaia sartu zion bihotz urdurian, eta hilik utzi zuen lurrean. Felipe Juaristi «Itzarri nahi ez zuen printzesa», 2002 - 137. orr.

Odolaren ibili urduriak masailak dardararazten zizkion. Jose Morales «Zazpi urkatuak» - Leonid Nikolaievitx Andreiev, 2006 - 127. orr.

Gaztaroko irakurketa urduriak. Iban Zaldua «Gezurrak, gezurrak, gezurrak», 2001 - 140. orr.

Hirurek baiezko urduri bat egin zioten elkarri. Alberto Ladron Arana «Eguzki beltzaren sekretua», 2004 - 118. orr.

Oihu urduri batzuk zetozen urrunetik. Joan Mari Irigoien «Lur bat haratago», 2000 - 445. orr.

Maizak entzun zezakeen beste aldekoaren arnasketa urduriaren zurrumurrua. Migel Angel Mintegi «Denak du bere prezioa», 2002 - 89. orr.

Keinu urduri batez, aitak sorbalda estutu zidan. Alberto Ladron Arana «Eguzki beltzaren sekretua», 2004 - 272. orr.

Hermioneren hankak halako tik urduri bat egin zuen. Iñaki Mendiguren «Harry Potter eta sorgin harria» - J.K. Rowling, 2000 - 166. orr.

Sergioren poztasun urduriaz ohartu zen Sara. Joan Mari Irigoien «Ipuin batean bezala», 2002 - 59. orr.

Ni, berriz, loak ez baina ezinegon urduri batek hartu ninduen. Juan Luis Zabala «Agur, Euzkadi», 2000 - 58. orr.

Geldiezintasun urduri baten jabe zen, beti zeukan zerbait egiteko. Anjel Lertxundi «Ihes betea», 2006 - 59. orr.

Ezinegon urdurizko dardara batek astindua. Karlos Zabala «Parisen sabela» - Emile Zola, 2004 - 36. orr.

3 (predikatu gisa)

Osaba Joanikot urduria zen, eta laket nuen haren urduritasuna. Joan Mari Irigoien «Lur bat haratago», 2000 - 144. orr.

Urduria izan naiz beti, ikaragarri urduria, eta halakoxea naiz orain ere. Koro Navarro «Kontakizunak» - Edgar Allan Poe, 2000 - 87. orr.

Gelako isiltasun goibelean bi bihotzen taupadak entzuten ziren: batenak sarriak, lasterrak, urduriak; bestearenak sendoak, geldiak, izugarri bakanak. Jose Morales «Zazpi urkatuak» - Leonid Nikolaievitx Andreiev, 2006 - 168. orr.

Kumetxoa urduria, ezinegona eta ederra izango da, bere amaren alboan jolasten diren umetxo guztien modukoa. Joseba Sarrionandia «Lagun izoztua», 2001 - 360. orr.

Bada gizon bat, bisitetatik ezagutzen dudana, gaztea oraindik, baina artritikoa, urduria. Josu Zabaleta «Jakintzaren arbola» - Pio Baroja, 2006 - 291. orr.

Meheegia eta urduriegia iritzi nion tipo luze ilehori hari. Alberto Ladron Arana «Eguzki beltzaren sekretua», 2004 - 29. orr.

Alazneren aurpegiarekin egin zuen topo: zurbila, urduria, nahasia. Fernando Morillo «Ortzadarra sutan», 2003 - 28. orr.

Hain urduria zen, mintzaidea ere urduritzea lortzen zuen. Lander Garro «Orain galdera berriak ditut», 2004 - 127. orr.

Apala zuen begiratua, urduria ibilera. Anjel Lertxundi «Konpainia noblean», 2004 - 24. orr.

4 (izen gisa)

Eder du, bere urdurian, ibilera. Anjel Lertxundi «Argizariaren egunak», 1998 - 24. orr.

Urdurientzat eta gogaikarrientzat txokeko terapiak daude erietxeko zuritasun garratzean. Joseba Sarrionandia «Lagun izoztua», 2001 - 66. orr.

Urduri plantak egin, ea horrela. Jon Arretxe «Ostiralak», 2000 - 90. orr.

5 adlag egonezinak edo kezkak larriturik. ik artega.

Urduri, estu eta larri, hartutako mezuen karpeta zabaltzen du. Antton Olano «<//jokoa.com>» - Gemma Lluch, 2002 - 98. orr.

Urduri eta kezkaturik, soldadua azalpenak ematen hasi zen: [...]. Jose Morales «Zazpi urkatuak» - Leonid Nikolaievitx Andreiev, 2006 - 98. orr.

Urduri eta ikarati, eta lurrean geratuko ote zen beldurrez. Iñaki Mendiguren «Harry Potter eta Azkabango presoa» - J.K. Rowling, 2002 - 134. orr.

Guztiak joan baitziren, ohi ez bezala, isilik, urduri eta ekurugaitz, barren-kezka batek erraiak janen balizkie bezala. Joan Mari Irigoien «Lur bat haratago», 2000 - 129. orr.

Behia urduri eta artega doa pasabide estu batetik aurrera. Patxi Iturritegi «Behi eroak», 2003 - 152. orr.

Hegazkera astuneko albatroak ere inguratuko dira, kezkaturik eta urduri. Joseba Sarrionandia «Lagun izoztua», 2001 - 199. orr.

Emakumea besokoa lotzen hasi zen, baldar eta urduri. Anjel Lertxundi «Ihes betea», 2006 - 76. orr.

Harry, urduri eta lur jota, bere lumazko ohean etzan zen. Iñaki Mendiguren «Harry Potter eta sorgin harria» - J.K. Rowling, 2000 - 38. orr.

Kokospekoa igurtzi zuen, urduri. Fernando Morillo «Ortzadarra sutan», 2003 - 221. orr.

Guztiok isilik geunden, urduri. Joan Mari Irigoien «Lur bat haratago», 2000 - 243. orr.

Ez nuela urduri egoteko motiborik. Ramon Saizarbitoria «Gorde nazazu lurpean», 2000 - 209. orr.

Urduri bizi nintzen bolada hartan. Txillardegi «Putzu», 1999 - 9. orr.

Alai eta urduri joan dira; muturrez eta zapuzturik itzuli dira. Xabier Mendiguren Elizegi «Uda betiko balitz», 2003 - 146. orr.

Harryk eta Ronek urduri begiratu zioten elkarri. Oskar Arana «Brooklyngo erokeriak» - Paul Auster, 2006 - 50. orr.

Gau hartan urduri oheratu nintzen. Joan Mari Irigoien «Lur bat haratago», 2000 - 220. orr.

-Polizia? -urduri galdetu zuen, irakurtzeko asmorik azaldu gabe, halere. Migel Angel Mintegi «Denak du bere prezioa», 2002 - 170. orr.

-E... kaixo -esan zion Harryk urduri. Iñaki Mendiguren «Harry Potter eta sekretuen ganbera» - J.K. Rowling, 2001 - 17. orr.

-Ba..., bahoa? -esaten dio Danik, urduri. Antton Olano «<//jokoa.com>» - Gemma Lluch, 2002 - 37. orr.

Azken zigarroa piztu eta erretzen hasi zen urduri. Irene Aldasoro «Dublindarrak» - James Joyce, 1999 - 86. orr.

-Pentsatzekoa da -urduri mugitu zen besaulkian Maiza-. Migel Angel Mintegi «Denak du bere prezioa», 2002 - 16. orr.

Isiltasunak urduri jartzen zuen. Anjel Lertxundi «Zorion perfektua», 2002 - 153. orr.

Ez nuen urduri jartzeko motiborik ikusten. Anjel Lertxundi «Ihes betea», 2006 - 131. orr.

Gero eta urduriago ari zen jartzen. Iñaki Mendiguren «Harry Potter eta sorgin harria» - J.K. Rowling, 2000 - 255. orr.

Hiru bekadunak begiradaz lokal hartako bazter guztiak arakatzen hasi ziren, gero eta urduriago. Jon Arretxe «Ostiralak», 2000 - 95. orr.

Urduri irakurtzen jarraitu du. Xabier Paya «Desio izeneko tranbia» - Tennessee Williams, 2006 - 134. orr.

Italiako mahastizainak urduri. Berria - Harian 2005-09-11

A.D. jarrera?, amak, urduri. Anjel Lertxundi «Ihes betea», 2006 - 124. orr.

Bitartean burtsak urduri eta mugimenduarekin: 1.968 milioi euroren salerosketa izan zen Ibex-35en. Berria - Ekonomia 2004-01-29

Urduri, ezinegon batek erotua bezala. Iñaki Segurola «Gaur ere ez du hiltzeko eguraldirik egingo», 2005 - 199. orr.

-Nor zen? -oihu egin zidan amak ohetik, ahotsa urduri. Daniel Landart «Anaiaren azken hitza», 1999 - 12. orr.

Laguntza iraultzailearen eske inguratzen gara geure anaiengana, pozak urduri. Koldo Izagirre «Sua nahi, Mr. Churchil?», 2005 - 150. orr.

6 (beste adizlagun edi kideko batekin batekin)

Sedanori deitu, eta oso urduri nengoela esan nion. Ramon Saizarbitoria «Gorde nazazu lurpean», 2000 - 199. orr.

Urduri nengoen oso; dardaraka. Ramon Saizarbitoria «Gorde nazazu lurpean», 2000 - 354. orr.

Urduri oso, aitortu beharko. Txillardegi «Putzu», 1999 - 311. orr.

Halako berriak entzunik, erregea harri eta zur gelditu zen, oso-oso urduri. Elizen arteko biblia 1 M 6,8

Gizajo hura benetan urduri zegoen. Harkaitz Cano «Pasaia blues», 1999 - 33. orr.

Broma tonua baliatuko zitzaidalakoan egin nuen galdera, baina nahiko urduri. Bernardo Atxaga «Soinujolearen semea», 2003 - 32. orr.

-Ea... nahiko urduri nagok, eta ez diat urduriago jarri nahi. Rafa Egiguren «Mentxakaren aitorpena» - Jose Ramon Goikoetxea, 2006 - 132. orr.

Ezin zen igarri lasai zegoen ala izugarri urduri. Jose Morales «Zazpi urkatuak» - Leonid Nikolaievitx Andreiev, 2006 - 26. orr.

Urduri samar bideratu zen apartamentuen aitzinaldean zegoen lorategi zabaletik barrena. Migel Angel Mintegi «Denak du bere prezioa», 2002 - 99. orr.

Urduri antzean jaiki zen Justo Badiola larunbat hartan. Joxemari Urteaga «Ordaina zor nizun», 2001 - 237. orr.

Beti ohar doituak egiten ohi zituen notarioa hain urduri ikustean atsegin hartuz. Elena Touyarou «Hautsi da katea» - Toti Mtz. de Lecea, 2004 - 43. orr.

Gorroto dut hau esatea, baina, egia, pixka bat urduri nago. Karlos Zabala «Buda zoriontsuen etxea» - João Ubaldo Ribeiro, 2003 - 21. orr.

7 urduri-urduri

Beste batean harekin ohean nengoela, aurreko aldiarena Fernandori kontatu niola esan nion garrantzirik eman gabe, eta urduri-urduri jarri zen, ez zuen asmatu tutik esaten. Karlos Zabala «Buda zoriontsuen etxea» - João Ubaldo Ribeiro, 2003 - 114. orr.

Oihanaren txandan, urduri-urduri jarri nintzen, eta harro pentsatu nuen Malenek kantatzeko zuen joera sendaezin horrekin ikaragarri ondo abestuko zuela. Lander Garro «Orain galdera berriak ditut», 2004 - 23. orr.

Arratsalde osoan jai umore bitxi batez ibili ziren Faediseneko neskak, urduri-urduri. Josu Zabaleta «Gauza baten ametsa» - Pier Paolo Pasolini, 1998 - 205. orr.

8 urduriaren urduriz

Urduriaren urduriz, agente alemanak konpartimentuaren ateko bere zaindari postua utzi eta maletaren gainera makurtu zen. Alberto Ladron Arana «Eguzki beltzaren sekretua», 2004 - 83. orr.

Potoloa, berriz, urduriaren urduriz izerditurik, ausartu da halako batean bere begiko ilehori xarmantari dantzan egiteko eskatzera. Xabier Mendiguren Elizegi «Uda betiko balitz», 2003 - 58. orr.

hitz multzoen maiztasunak (gutxienez 4 aldiz agertzen direnak)

ama urduri (5); apur bat urduri (4); barre urduri (4); beti urduri (4); bezain urduri (11); denak urduri (4)

erabat urduri (4); erreus eta urduri (4); ez dago urduri (5); ez nago urduri (6); hain urduri (32); horren urduri (4)

irri urduri (6); irri urduri bat (4); jendea urduri (6); keinu urduri (6); nahiko urduri (6); ni urduri (8)

oso urduri (125); oso urduri dago (9); oso urduri jarri (14); oso urduri jartzen (12); oso urduri nago (8); oso urduri nengoen (8); oso urduri zegoen (13); oso urduri zeuden (4); pixka bat urduri (9)

urduri antzean (15); urduri aritu (14); urduri aritu ziren (5); urduri atera (5); urduri baino urduriago (7); urduri begiratu (11); urduri begiratu zioten (8); urduri begiratzen (6); urduri dabil (6); urduri dago (37); urduri dagoela (8); urduri daude (23); urduri daudela (7)