Egungo Euskararen Hiztegia (EEH)

Artega nago.  Patxi Zubizarreta   «Pospolo kaxa bat bezala», 2005 - 166. orr.

Behia urduri eta artega doa pasabide estu batetik aurrera; odolaren usaina aditu du, nonbait.  Patxi Iturritegi   «Behi eroak», 2003 - 152. orr.

Zer egin ez dakitela dabiltza, estu eta artega.  Berria - Kultura   2006-01-13

Artega hurbildu zen mahaira eta kartak ematen ari zen gizonari so egin zion.  Iñaki Zabaleta   «110. Street-eko geltokia», 2003 - 77. orr.

Artega hartuko duzu zerra zorrotza esku artean.  Joseba Sarrionandia   «Lagun izoztua», 2001 - 267. orr.

Edonor artega jartzeko moduko heriotzez idatzi zuen Bergerrek Fusilamentu pelotoia olerkian, eta haren lerro batzuk errezitatu zituen.  Berria - Kultura   2004-05-08

Artega sumatzen zitzaion ordurako epaileari, eta akaso urduritasun horren eraginez adierazi zuen sumarioaren inguruan zer pentsatzen duen: "Diligentzia hauek oso-oso gaizki daude", aitortu zuen.  Berria - Harian   2006-01-10

Buxi doktorea beldurrak zegoen eta artega sentitzen zen.  Patxi Zubizarreta   «Mirarien kalezuloa» - Nagib Mahfuz, 2006 - 289. orr.

Raymond alaiegi zegoen artega egoteko.  Mirentxu Larrañaga   «Hona hemen gu biok» - Dorothy Parker, 2006 - 269. orr.

Goio artega itzuli zen ohera.  Joseba Sarrionandia   «Lagun izoztua», 2001 - 78. orr.

Egunero, Hamidak ezinegonez eta artega itxaroten zuen gizonaren etorrera.  Patxi Zubizarreta   «Mirarien kalezuloa» - Nagib Mahfuz, 2006 - 207. orr.

Une horretan aldameneko gaixo poloniarra ohetik artega altxatu eta errieta egin digu: [...].  Urtzi Urrutikoetxea   «Zoririk ez» - Imre Kertész, 2003 - 236. orr.

Loaldi llabur bat besterik egin gabe baina izerdi patsetan itzartzen zen Herbert, lehen baino askozaz artega eta urduriago.  Xabier Mendiguren Elizegi   «16 ipuin amodiozko», 2002 - 49. orr.

-Esaten zuten gerra ez zela sekula amaituko -aitzakiatu zion, artega-.  Patxi Zubizarreta   «Mirarien kalezuloa» - Nagib Mahfuz, 2006 - 271. orr.

Hildakoaren ohekoen artean Maisuaren gauzak bilatu nituen, artega.  Edorta Jimenez   «Sukar ustelaren urtea», 2004 - 273. orr.

'Egia esango dizut!' esan zuen artega.  Joseba Sarrionandia   «Lagun izoztua», 2001 - 389. orr.

Artega, ahurraz bekokia ukitu eta telefonora joan zen.  Lopez de Arana   «Manhattan Transfer» - John Dos Passos, 1999 - 114. orr.

Lanari utzi eta, artega, idazmahaian atzamarrak kriskitinka erabili zituen.  Patxi Zubizarreta   «Mirarien kalezuloa» - Nagib Mahfuz, 2006 - 97. orr.

Eta bestea, haur-kotxetxoari begira, artega, zer gehiago esan ez zekiela.  Anjel Lertxundi   «Zorion perfektua», 2002 - 42. orr.

Aurreko gelan, Jimmy harat-honat zebilen, artega.  Lopez de Arana   «Manhattan Transfer» - John Dos Passos, 1999 - 412. orr.

Branek eskuak miazkatzen zizkien artega, hura azkeneko aldia zela nabarituz.  Joanes Urkixo   «Gerlari zuria», 2004 - 205. orr.

Pippin mugitu egin zen, artega.  Agustin Otsoa   «Eraztunen Jauna III» - J.R.R. Tolkien, 2004 - 15. orr.

Ez zuten deus esan, noizean behin begiratu besterik ez hankak bihurrituta eserita zegoen hari, kopetilun eta artega.  Anton Garikano   «Farorantz» - Virginia Woolf, 2001 - 162. orr.

'Ni pregoilaria baino ez naiz eta!' zioen artega.  Joseba Sarrionandia   «Kolosala izango da», 2003 - 26. orr.

Gizona oso artega zegoela ikusi zuen.  Gotzon Garate   «New Yorkeko kronika beltza», 2004 - 164. orr.

Oso artega zegoen txakurra, jauzika eta saltoka ari zen etengabe.  Joanes Urkixo   «Gerlari zuria», 2004 - 70. orr.

Zuk, berriz, oso artega dirudizu.  Patxi Zubizarreta   «Jeans-ak hozkailuan», 2000 - 125. orr.

Haritz lasaiago zegoen baina artega oraindik.  Urtzi Urrutikoeetxea   «Auzoak», 2005 - 47. orr.

Ni handik gutxira atzetik joan natzaio, benetako detektibeak baino askoz artega eta traketsago.  Patxi Zubizarreta   «Jeans-ak hozkailuan», 2000 - 34. orr.

Bai, artega egon naiz, biziki artega.  Patxi Zubizarreta   «Pospolo kaxa bat bezala», 2005 - 34. orr.

Haize bafada bat bezalaxe sartu zen, aulki batean eseri, emozio bortitz batek arnasa estuturik, eta gero, hango guztiak nahiko artega iruditu zitzaizkionean, lehertu zen: [...].  Josu Zabaleta   «Fantasiazko ipuinak» - Guy de Maupassant, 2000 - 73. orr.

Goizean zehar, jendea zinez artega eta bere onetik aterea ikusi dut, opor hasiera honetan oraindik ere urtean zeharreko egonezina kendu ezinik balute bezala.  Patxi Zubizarreta   «Jeans-ak hozkailuan», 2000 - 62. orr.

Artega samar nengoen, atzerapena nabaria baitzen.  Urtzi Urrutikoetxea   «Zoririk ez» - Imre Kertész, 2003 - 186. orr.

Hilabete bat lehenagotik-edo nagusiak artega samar zirudien.  Josu Zabaleta   «Fantasiazko ipuinak» - Guy de Maupassant, 2000 - 189. orr.

Burua artega zerabilen alde batera eta bestera.  Josu Landa   «Odolbildua», 2002 - 164. orr.

Animaliak artega mugitu dira gernu usaineko ilunpe epelean, zerbait kezkagarria sumatuko balute bezala.  Patxi Iturritegi   «Behi eroak», 2003 - 146. orr.

-Berriro ezkontzeko benetako asmoa baldin badu -gaineratu zuen abokatuak, artega antzean-, zerbait egin beharko dugu haren dirua zekenen esku gera ez dadin...  Patxi Zubizarreta   «Mirarien kalezuloa» - Nagib Mahfuz, 2006 - 310. orr.

Norbaitek barazkiak batera eta bestera bereiziz gero, han ikusten zituen, elkarren ondoan, beren hosto ohatzean etzanda, begia erne, sasi artean aurkituriko txoriak bezain artega.  Karlos Zabala   «Parisen sabela» - Emile Zola, 2004 - 239. orr.

Isilune artega.  Patxi Iturritegi   «Behi eroak», 2003 - 100. orr.

Bai, pornografia iritsia zen gure esku artega eta herabeetara.  Xabier Mendiguren Elizegi   «16 ipuin amodiozko», 2002 - 117. orr.

Zergatik duzu halako itxura artega?  Juan Garzia   «Sistema periodikoa» - Primo Levi, 1998 - 282. orr.

Badu halako trebetasun zalu eta artega bat keinuetan.  Oskar Arana   «Brooklyngo erokeriak» - Paul Auster, 2006 - 195. orr.

Horrela taxutu zuen gogoan: amodioaren eta heriotzaren gaineko ganbera-obra baten moduan, emakume gazte pasionatu batekin eta pasioa galdu duen gizon zaharrago batekin: musika zail eta artega batek lagundutako ekintza baten moduan, ingelesez kantatua baina irudizko italiera bateranzko joera etengabearekin.  Oskar Arana   «Lotsaizuna» - John Maxwell Coetzee, 2004 - 235. orr.

Nasatik, artega batean joan zen etxeraino arineketan.  Joseba Sarrionandia   «Lagun izoztua», 2001 - 353. orr.

Artega batean egongo zara, Bobbik ekarritako salda beroak epelduko dizu barrua, haizearen zirimolak entzunda, kanpoko gau luzean behelainoa eta elur itsugarria sentitzen dituzun artean.  Joseba Sarrionandia   «Lagun izoztua», 2001 - 365. orr.

Artega-artega zeuden elkarri begira, batak besteari hasteko eskatzen bezala.  Gotzon Garate   «New Yorkeko kronika beltza», 2004 - 109. orr.

artega dago (3); artega jartzen (4); artega nago (5); artega nengoen (3); artega samar (6); artega zegoen (9); emakumea artega (3); oso artega (4)