Egungo Euskararen Hiztegia (EEH)

1937ko martxoaren 20an iritsi zen Olerongo uhartean prestatutako udalekura Bilbotik abiatutako lehen ebakuatu multzoa, bost eta hamabi urte bitarteko 450 ume taldea.  Jokin Urain   «Errotarria», 2006 - 24. orr.

Badator, oraingoan bai, haurrak hamabost egunerako udalekura eramango dituen autobusa.  Xabier Mendiguren Elizegi   «Uda betiko balitz», 2003 - 13. orr.

Oporrak hurbil zeuden, eta gaztea udalekuetara hamabostaldi baterako bidaltzeko proposamena egin zion Mirenek amari.  Iban Zaldua   «Gezurrak, gezurrak, gezurrak», 2001 - 182. orr.

Udan udalekuetan begirale aritzen ginen koadrilako batzuk.  Joxerra Garzia   «Kurrin-kurrun vitae», 2004 - 58. orr.

Hik ez al dakik, udalekuko ligeak ez duela balio hortik kanpo?  Xabier Mendiguren Elizegi   «Uda betiko balitz», 2003 - 156. orr.

Udalekuetan egon berria naiz, eta han oso gaizki jan genuen, asko gogoratu naiz zutaz, baina ez otordu txarrak ematen zizkigutelako bakarrik.  Koldo Izagirre   «Agirre zaharraren kartzelaldi berriak», 1999 - 106. orr.

Ezin zuen jasan udalekuaren ardura zuten mojen diziplina itsua, eta, apala eta txiki samarra izanik, beste haurren irainen eta are erasoen jomuga bihurtu zen.  Iban Zaldua   «Traizioak», 2001 - 113. orr.

Handik hamar egunera, udalekura zihoazen umeak geltokira bidean eliza aurretik igaro zirenean, On Camillo korrika joan zitzaien agur egitera eta santu-irudiak banatzera.  Koldo Biguri   «On Camillo» - Giovanni Guareschi, 2001 - 223. orr.

Aste bikaina eman nuen autistentzako udaleku batean, Camp Winstonen, Ontarion.  Xabier Olarra   «Antropologo bat Marten» - Oliver Sacks, 2003 - 239. orr.

Udan, bertso-udalekuak antolatzen dira Aubixan.  Joxerra Garzia   «Kurrin-kurrun vitae», 2004 - 179. orr.

Egungo hezkuntza-sistemaren gabezia zenbait berdintzeko moduko ikasgaiak beregana ditzake bertso-eskolara edo bertso-udalekuetara doan gaztetxoak.  Andoni Egaña   «Hogeita bina», 2004 - 156. orr.

Taldeka doaz alde batetik bestera, berdintsu jantzita -bisera gorria, alkandora zuria, aurrezki kutxaren anagramaz apaindutako bizkar-zorroa-, eta begirale gazteen zaintzapean: egun erdiko hiri-udalekuen denboraldi betean gaude.  Iban Zaldua   «Traizioak», 2001 - 15. orr.

bertso udaleku (3)

bertso udalekua (3)

bertso udalekuak (5)