Egungo Euskararen Hiztegia (EEH)

teknologia (orobat teknolojia g.er.) 1 iz tekniken, lanabesen eta makinen ikerketa; zientzien aplikazioa industrian; aplikatze hori zuzentzen duten metodoak eta jarduerak. ik teknika 6.

"Zientzia, Teknologia, Gizartea" esparruan aditua da. Askoren artean «Filosofiako gida», 2004 - 11. orr.

Zientzia eta teknologia sozialki eratutako errealitateak direla. Askoren artean «Filosofiako gida», 2004 - 246. orr.

Zientziak eta teknologiak gizartearekin duten harremana aztertzeko metodologia. Askoren artean «Filosofiako gida», 2004 - 245. orr.

Horretan ere, teknologiak izadia imitatzen duela ikusten da. Irene Aldasoro «Giza gorputza lanean» - John Lenihan, 2006 - 91. orr.

Hala eta guztiz ere, zientzia eta teknologia ez dira gauza bera; desberdinak dira bakoitzaren interesak, bakoitzaren funtzionamendu-arauak. Juan Garzia «Sagua, eulia, eta gizakia» - François Jacob, 2004 - 143. orr.

Medikuntza teknologia bat izango da, baina ingeniariak enplegatzen dituzten beste teknologia edo industrien antzik ez du. Irene Aldasoro «Giza gorputza lanean» - John Lenihan, 2006 - 267. orr.

Hitza ere teknologia bat da, seguruenik sua bezain garrantzitsua gizateriaren iraupenerako. Joxerra Garzia «Itsasoan euri», 2003 - 91. orr.

Politikan zatiturik eta teknologian atzeraturik, herri germanofonoen lorpen artistikoak eta intelektualak. Askoren artean «Filosofiako gida», 2004 - 301. orr.

Hori bai izan zela teknologiak eragindako bizimodu aldaketa. Iñaki Heras «Txanponaren bi aldeak», 2003 - 159. orr.

Giza gorputzaren teknologiari buruzkoa da liburu hau. Irene Aldasoro «Giza gorputza lanean» - John Lenihan, 2006 - 8. orr.

Inprentaren teknologiak liburua du ikur nagusi, eta euskarazko lehen liburuan argi eta garbi ageri da bere garaiko teknologia harengandik zer espero zuen Beñat Etxeparek. Joxerra Garzia «Itsasoan euri», 2003 - 92. orr.

Uraren Teknologiak saileko burua. Berria - Gaiak 2004-04-03

2 (izenondo eta izenlagunekin)

Teknologia handiko industrien babesa zilegi bihurtzen duen argudio garrantzitsu bat da, izan ere, berrikuntzaren kostua aski handia izan daitekeela. Koro Navarro «Ekonomiaren globalizazioa» - Jacques Adda, 2004 - 68. orr.

Teknologia berriek aukera berriak eskaintzen dituzte. Txema Ramirez de la Piscina «Ikus gaitzazuen», 2004 - 44. orr.

Teknologia aurreraturik gabe ere berdin-berdina izaten da berriaren aurreko ustekabea. Xabier Mendiguren Elizegi «Arbelaren gainean», 2004 - 11. orr.

Zientziak bere aurrerabiderako baliatzen dituen ereduak garaian garaiko teknologia modernoan oinarritu ohi dira. Irene Aldasoro «Giza gorputza lanean» - John Lenihan, 2006 - 8. orr.

Teknologia oso zaharkituak erabiltzen ditu, ordea, oso kutsatzaileak eta baliabide fisiko ugari agortzen dituenak. Iñaki Heras «Txanponaren bi aldeak», 2003 - 313. orr.

Teknologia garbiagoak garatzen direlako. Iñaki Heras «Txanponaren bi aldeak», 2003 - 312. orr.

Teknologia hutsak ez du ezertarako balio. Berria - Harian 2005-11-11

Teknologia mekanizatuak bazter utzia zuen orain gizarte- eta ekonomi testuinguru hura, non famili ugalkortasunaren gurtzak zentzu ekonomiko eta soziala izan baitzuen. Iñaki Mendiguren «Historiaren azterketa II» - A.J. Toynbee, 2000 - 395. orr.

Teknologia digitala mundu harmonikoagoa lortzeko bide dugu, mundu hori sortaraz dezakeen indar naturala baita. Txema Ramirez de la Piscina «Ikus gaitzazuen», 2004 - 125. orr.

Gaurko teknologia silizioan oinarritzen da. Pello Salaburu «XX. mendearen argi-itzalak», 2001 - 72. orr.

Dokumentu historikoak egungo teknologiekin tartekatzen dira, eta ordenagailuak baliatuz erakundearen artxiboetara jo dezake bisitariak. Berria - Kultura 2004-02-04

Oliba olioa erraz ekoizten da, ingeniaritza genetikoaz haratago, puntako teknologiaren premiarik gabe. Edorta Agirre «Baietz okerreko bidea aukeratu! », 2006 - 37. orr.

Nazkatuta zegoen punta-puntako teknologiaren emaitza hotz eta monotonoaz. Patxi Iturritegi «Behi eroak», 2003 - 167. orr.

Gaur egungo teknologia berriek irakurketa pluralak bideratzeko eta sustatzeko aukerak eskaintzen dituzte. Ana Urkiza «Zortzi unibertso, zortzi idazle», 2006 - 410. orr.

Azken orduko teknologia izango dugu eskura. Javi Cillero «Hollywood eta biok», 1998 - 233. orr.

Valentziako Unibertsitate Politeknikoko Teknologia Nanofotonikorako Zentroan ADSLa baino mila aldiz azkarragoa den Interneterako konexio bat diseinatu dute. Berria - Gaiak 2004-01-24

3 (hitz elkartuetan lehen osagai gisa; orobat teknologi) ik teknologiko.

Teknologia-maila altuko sektoreetan. Koro Navarro «Ekonomiaren globalizazioa» - Jacques Adda, 2004 - 81. orr.

Argi utzi behar da hori: finantza globalizazioa ez dela hutsetik sortu; areago, ez dutela teknologia aurrerapenek sortu, erabaki politikoen ondorio izan dela. Iñaki Heras «Txanponaren bi aldeak», 2003 - 229. orr.

Herren dago gure zientzia eta teknologia garapenerako sistema. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 139. orr.

Gehien aipatzen diren teknologia-aldaketa iraultzailearen adibide dira lurrin makinak eta argindarrak sortutakoa, aldaketa erabatekoak horiek ere. Iñaki Heras «Txanponaren bi aldeak», 2003 - 161. orr.

Munduan egin diren gerra guztietako luzeena, setatiena, hildako gehien eragin zituena eta teknologi berrikuntzetan emankorrena. Iñaki Mendiguren «Historiaren azterketa II» - A.J. Toynbee, 2000 - 374. orr.

Estatuak nazioarteko zuzeneko inbertsioentzat egokia izango den giroa sortzen ahalegintzen dira, aldi berean teknologia transferentziak gehitzen saiatuz. Koro Navarro «Ekonomiaren globalizazioa» - Jacques Adda, 2004 - 111. orr.

Informazio teknologien gizartean buru belarri murgildurik gaude, eta gizakiaren historian zehar gertatu den teknologia iraultza sakonena bizi omen dugu. Iñaki Heras «Txanponaren bi aldeak», 2003 - 157. orr.

Unibertsitateek txertatuta egon beharko lukete Euskal Zientzia eta Teknologia Sisteman. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 207. orr.

1965. urtean, ARPAk Berkeleyko eta Massachussetseko Teknologia Institutua konektatzea lortu zituen, telefono hariak baliatuta. Berria - Gaiak 2004-09-03

4 (hitz elkartuetan bigarren osagai gisa)

Gorputzaren mekanismo gehienen konplexutasun handiak ia gainditu ezineko arazoak sortzen ditu, giza teknologiaren baliabide guztiak erabilita ere. Irene Aldasoro «Giza gorputza lanean» - John Lenihan, 2006 - 254. orr.

Aldatuk sare bat osatua du mintegiko bereko eta inguruko dotzena bat enpresekin, komunikazio teknologiak menperatzeko. Herria 2003-07-24

Ematen zuen industri teknologiak ezarritako arauketak enpresa pribatuaren industriaurreko espirituari bizia kenduko ziola; eta aukera honek beste arazo bat sortzen zuen. Iñaki Mendiguren «Historiaren azterketa II» - A.J. Toynbee, 2000 - 388. orr.

Zientzia eta teknologia sozialki eratutako errealitateak direla erakutsi ostean, zuzenzuzenean zientzia-teknologiaren erregulazioaren (kontrol publikoaren) arazoari helduko diogu. Askoren artean «Filosofiako gida», 2004 - 246. orr.

Ingurumen teknologiak garapen bidean dauden herrialdeen eskura jarri behar dira. Itziar Eizagirre / Amaia Lizarralde «Garapen iraunkorra», 2005 - 115. orr.

hitz multzoen maiztasunak (gutxienez 3 aldiz agertzen direnak)

berrikuntza eta teknologia (4)

egungo teknologia (4); georgiako teknologia institutuko (3); goi mailako teknologia (4); horretarako teknologia (3)

ikerketa eta teknologia (5); industria eta teknologia (3); informazio teknologia (4); internet eta teknologia (3); kaliforniako teknologia institutuko (4); komunikapen teknologia (4); komunikazio teknologia (3); komunikazioaren teknologia (4); massachussetseko teknologia institutuko (3); nazioarteko teknologia nuklearra (3)

punta puntako teknologia (5); puntako teknologia (16)