Egungo Euskararen Hiztegia (EEH)

sostengu (1274 agerraldi, 57 liburu eta 845 artikulutan; orobat sustengu 530 agerraldi, 16 liburu eta 381 artikulutan, eta sustengo g.er.; Euskaltzaindiaren Hiztegian sostengu agertzen da) 1 iz euskarria.

Maite du arranoak bere bakardadea, haizearen sostengu eta bulkada laguntzailea. Filipe Bidart «Bakartasunaz bi hitz», 2004 - 7. orr.

'Aldeko axolagabezia' da sistemaren sostengua. Patziku Perurena «Trapuan pupua», 2001 - 79. orr.

Ez dugu asmatu antolaketa politiko bat euskal kultura hartzen duen eremu osoari erantzungo diona, eta haren sostengua izango dena. Ana Urkiza «Zortzi unibertso, zortzi idazle», 2006 - 221. orr.

Justizia eta epaiketa zure tronuaren sostengua dira. Xabier Kintana «Alderraien gidaria» - Mose ben Maimon, 2006 - 180. orr.

Daviden tronuan izango da errege, eta justizia eta zuzenbidea izango dira haren erregetzaren oinarri eta sostengu. Elizen arteko biblia Is 9,6

Bere saio etimologiko burugabeek ere isilunearen estetikan dute sostengu, hizkuntzatik kanpo, alegia. Anjel Lertxundi «Mentura dugun artean», 2001 - 135. orr.

Ezin liteke esan, beraz, haien ustez, akzidente bat beste baten sostengua denik, ez eta berau substantziak sostengatua denik ere; aitzitik, akzidente guztiek, aldi eta maila berean, substantzia bera dute sostengu. Xabier Kintana «Alderraien gidaria» - Mose ben Maimon, 2006 - 210. orr.

Anaiaren bizitzak gurutzearen misterioa baitu sostengu eta berme. Askoren artean «Asisko Frantzizko, Asisko Klara», 2002 - 67. orr.

Elkarriren proposamenak sostengu handia lortu du. Berria - Euskal Herria 2004-04-03

Neurriak sostengu zabala du herritarren artean, baina kezka ere eragin du. Berria - Mundua 2006-05-03

Musika sortzeko eta ekoizteko sostengu publikoa eta diru laguntzak areagotu. Berria - Kultura 2004-10-29

2 laguntza.

Hori gertatzen balitz, erretore bakoitzak beharko omen zuen fededunen sostengua eskatu. Elena Touyarou «Hautsi da katea» - Toti Mtz. de Lecea, 2004 - 41. orr.

Haren sostenguarekin, Henrikek tropa handia altxarazi zuen bortuz haraindiko bere jabegoetan. Aingeru Epaltza «Mailuaren odola», 2006 - 42. orr.

Bazuten Ingalaterrako erreginaren eta printze alemaniarren sostengua. Aingeru Epaltza «Mailuaren odola», 2006 - 97. orr.

Tokian tokiko ezaugarriak, erritmoa eta herriaren sostengua kontuan hartuz. Filipe Bidart «Bakartasunaz bi hitz», 2004 - 20. orr.

Biziaren une erabakigarrietan -dolu nahiz bozkario- elkarri eskaini genion sostengu eta laguntzaz. Aingeru Epaltza «Rock'n'roll», 2000 - 309. orr.

Joanes joan zelarik, lagun eta seme-alaben sostengua bazeukan. Eneko Bidegain «Anbroxio», 2002 - 31. orr.

Luzaz, Marcosek jaso zuen Estatu Batuen sostengu osoa. Ramuntxo Etxeberri «Skyroom», 2004 - 190. orr.

Seaskaren sostenguzko atorra bat baizik ez genuen saltzeko. Itxaro Borda «%100 basque», 2001 - 33. orr.

Haurrak erabiltzen dituzten talde paramilitarrei sostengua eman diete agintariek. Berria - Gaiak 2004-11-18

ik beherago 5. Askoren artean «Asisko Frantzizko, Asisko Klara», 2002 - 574. orr.

Etxe Zuriak, beraz, oposizioari orain arte emandako sostengu baldintzagabea erretiratu dio. Berria - Mundua 2004-08-19

3 aipatzen dena sostengatzen duen persona edo kidekoa.

Diru asko irabazten zuen, eta familiaren sostengu bilakatu zen. J.M. Olaizola "Txiliku" «Bizitza eredugarriak», 2006 - 22. orr.

Emakume gazteek nagusiek haina behar dute norbaiten sostengua, konfiantza emango dion elementu estrinsekoa. Ana Urkiza «Zortzi unibertso, zortzi idazle», 2006 - 218. orr.

-Etxeko harroina eta etxeko sostengua izanen haiz biharko egunean, Mattin. Joan Mari Irigoien «Lur bat haratago», 2000 - 70. orr.

Emakumeak bere burua eskaintzen du, batzuetan ahularen sari, besteetan indartsuaren sostengu. Xabier Etxabe «Lurtarra da begiratua», 2004 - 59. orr.

· Eta horiekin guztiekin batean, beste horrelako zenbait, sostengu eta mezenas zeukatela Frantzizko Nafarroakoa. Piarres Xarriton «Enkiridion» - Martin Azpilkueta, 2006 - 139. orr.

4 (hitz elkartuetan lehen osagai gisa)

Egunkari batean irakurri du "Demoak" eta "Askatasuna" euskal presoen sostengu elkarteak erakus mahai batzuk zituztela arratsalde parteko ekitaldiaren kari. Herria 2005-03-17

Lapurdi, Nafarroa Beherea eta Zuberoako mila lagunek osatzen duten sostengu komitea aurkeztu zuen atzo Herritarren Zerrendak. Berria - Euskal Herria 2004-06-03

Uztaritzeko sostengu batzordeak antolaturik. Herria 2003-06-12

Jende ugari bildu da Bidarten aldeko sostengu taldea osatzeko. Berria - Euskal Herria 2004-09-05

Egunkari batean irakurri du "Demoak" eta "Askatasuna" euskal presoen sostengu elkarteak erakus mahai batzuk zituztela arratsalde parteko ekitaldiaren kari. Herria 2005-03-17

Bien [Bush eta Blair-en] sostengu maila inoizko txikiena denean euren estrategia defendatzeko politikari eutsi diote. Berria - Mundua 2006-03-22

Sasoian dagoenak, berriz, badaki ezerk ezin duela elkartu izaki bereizi horrekin, salbu eta sostengu-lanak, makuluarena ongi egiteak. Imanol Zurutuza «Errautsera arteko sugarra», 2002 - 92. orr.

Sostengu mugimendu handia sortu da zure baldintzapeko askatasun galdegitearen inguruan, Ipar Euskal Herrian bereziki. Berria - Euskal Herria 2006-02-01

5 sostengu eman ik sostengatu.

Zeren gurpilak estaltzen zituen lurra eta beheko plataforma makurtuari sostengu ematen ziona bera baitzen. Jon Alonso «Lisboako Setioaren Historia» - José Saramago, 2000 - 371. orr.

Praktikari sostengu emateko balioko duen basamentu intelektualaren ideia hori indartu egiten da sarreraren ondoren. Santiago Iruretagoiena «Arkitekturaz hamar liburuak» - Vitruvio, 2000 - 170. orr.

Milaka lagun biltzen dira senideei sostengu ematera. Berria - Harian 2005-09-28

Gazteluko gizonen bertze eginbide bat zen erresumako zerga-biltzaileari sostengu ematea, beren arkabuzen aho konbentzigarrien bertutez. Aingeru Epaltza «Mailuaren odola», 2006 - 65. orr.

Hebrongo kolono hauei sostengu ematera azken egunetan joan ziren 150 judu estremistek alde egin zutela. Berria - Mundua 2006-01-18

hitz multzoen maiztasunak (gutxienez 3 aldiz agertzen direnak)

aldeko sostengu (9); bere sostengu (9); bere sostengu maila (3); bere sostengu osoa (3); duen sostengu (3); gure sostengu (3); herritarren sostengu (6); inoizko sostengu maila (7); nahikoa sostengu (3)

sostengu bakarra (3); sostengu bila (6)

sostengu ekonomikoa (4); sostengu emateko (3); sostengu eske (3); sostengu gehiago (6); sostengu handia (14); sostengu handiagoa (9)

sostengu irmoa (3); sostengu komitea (4); sostengu komiteak (6); sostengu komitearen (3); sostengu komiteko (4); sostengu maila (17); sostengu maila baxuena (3); sostengu nahikoa (6); sostengu nahikorik (3)

sostengu osoa (19); sostengu politikoa (3); sostengu publikoa (5); sostengu talde (8); sostengu talde bat (4); sostengu taldea (4); sostengu taldeak (7); sostengu taldearen (3); sostengu taldeko (5); sostengu txikia (3)

sostengu zabala (27); sostengu zabala du (4); sostengu zabala jaso (7); sostengu zabalagoa (8); sostengu zabalagoa du (3); sostengu zabalarekin (3); sostengu zabalena (4)

abertzaleen sostengua (3); aeben sostengua (3); alderdien sostengua (8); alderdien sostengua izan (3); arabiarren sostengua (3); armadaren sostengua (3); baldintzarik gabeko sostengua (4); batasunaren sostengua (4); bere sostengua (9); bere sostengua erakutsi (3); beren sostengua (6); diru sostengua (3)