Egungo Euskararen Hiztegia (EEH)

literatura 1 iz hitzaren bidezko adierazpenaren antzea; idazlanak, bereziki estetika arduraren ezaugarria duten aldetik; idazlearen lana edo antzea. ik elerti.

Literatura egiterakoan, doinua dela funtsezkoa dio eta ez hizkuntza. Ana Urkiza «Zortzi unibertso, zortzi idazle», 2006 - 18. orr.

Literatura eta aingira irrist eta ihes eginez bizi dira. Anjel Lertxundi «Mentura dugun artean», 2001 - 14. orr.

Batzuetan, dialekto bati hizkuntza izena eman zaio literatura bat sortu duelako; hori da hain zuzen portugesa eta nederlanderaren kasua. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 247. orr.

Edozein literaturak du irakurketa politikoa, baina literatura oro ez da konprometitua. Ana Urkiza «Zortzi unibertso, zortzi idazle», 2006 - 369. orr.

Hizkuntza bateko tradizioa hizkuntza horretan garatzen den literaturak osatzen badu ere, [...]. Anjel Lertxundi «Mentura dugun artean», 2001 - 182. orr.

Kazetaritza eta literatura elkarrengandik gertuago zeuden garai haiek. Iñigo Aranbarri «Hizlandia», 2006 - 78. orr.

Literaturaren grina hezurretaraino sartua duenak. Juan Kruz Igerabide «Ulises» - Homero, 2000 - 9. orr.

Ez da esan behar "literatura", esan behar da "liburuak". Bernardo Atxaga «Groenlandiako lezioa», 1998 - 30. orr.

Nire liburu hauek guztiak [...] erreak izan litezke, suntsituak, eta ez luke horregatik literaturaren ozeanoak malko pare bat baino galduko: nireak. Karlos Linazasoro «Ez balego beste mundurik», 2000 - 196. orr.

Isaac Bashevis Singerri eman zioten 1978ko Literatura Nobel saria. Koro Navarro «Zortzi kontakizun» - Isaac B. Singer, 2002 - 7. orr.

2 (izenondo eta izenlagunekin)

Euskarazko literatura idatzia indartu zenean. Koldo Zuazo «Euskara batua», 2005 - 12. orr.

Hebrear literaturan hark egin zituen lorpenei buruz. Koro Navarro «Zortzi kontakizun» - Isaac B. Singer, 2002 - 115. orr.

Ahozko literaturaren alorrean ere, doinuak, errimak eta neurriak egiten dute bertsoa bertso. Iñaki Arranz «Hitza azti», 2006 - 252. orr.

Literatura idatzian, testua da idazlearen eta irakurlearen zubi ia bakarra. J. Garzia / A. Egaña / J. Sarasua «Bat-bateko bertsolaritza», 2005 - 141. orr.

Urre Mendeko literatura handian. Joxe Azurmendi «Espainiaren arimaz», 2006 - 32. orr.

Zerbait ere bai nazioarteko literatura modernotik. Xabier Mendiguren Elizegi «Nerabearen biluzia», 1999 - 79. orr.

Unibertsitatea apenas arduratzen da literatura garaikideaz. Anjel Lertxundi «Mentura dugun artean», 2001 - 68. orr.

Literatura katolikoak indar handia zuen garai haietan. Anjel Lertxundi «Mentura dugun artean», 2001 - 85. orr.

Literatura urbanoaren aldarrikapenak bazuen [...] gure narraziogintzaren hastapenetako jatorrizko bekatutik ihes egiteko halako premia begi-bistako bat. Anjel Lertxundi «Mentura dugun artean», 2001 - 152. orr.

Literatura nazionala kontzeptuaren mugak gero eta lanbrotuagoak ikusten diren honetan. Anjel Lertxundi «Mentura dugun artean», 2001 - 125. orr.

Filosofia eta literatura unibertsalak txabolako sutondoan sortu zirela. Patziku Perurena «Trapuan pupua», 2001 - 13. orr.

Erregistro, ahots, gai eta formen ugaritasunaren metaketak osatzen du literatura jakin bat. Anjel Lertxundi «Mentura dugun artean», 2001 - 153. orr.

Borgesek zioenari jaramon egin behar badiogu, metafisika ez da literatura fantastikoaren alor bat baino. Anjel Lertxundi «Mentura dugun artean», 2001 - 136. orr.

3 (hitz elkartuetan lehen osagai gisa; orobat literatur) ik literario.

Literatura hizkuntzaren eta tokian tokiko dialektoen artean dagoen auzi handia Guretzat "literatura hizkuntza" ez da bakar-bakarrik literaturaren hizkuntza, baizik eta [...] komunitate osoaren zerbitzuan dagoen hizkuntza landu oro, ofiziala edo ez. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 48. orr.

Euskal Herri osorako literatura hizkera eraikitzea. Koldo Zuazo «Euskara batua», 2005 - 101. orr.

Literatura euskara nazionala. Koldo Zuazo «Euskararen sendabelarrak», 2000 - 146. orr.

Hizkuntza orekatuagoa egoten da dialektoa baino, literatura tradizioa izaten du, eta tradizio handiagoa izaten du orobat gramatiketan eta hiztegietan. bereizten hasita nengoen zer den hizkuntza bateko tradizioa eta zer literatur ideologia. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 19. orr.

Lehen lan horiekin Londreseko literatura giroa astindu zuen. Koro Navarro «Artistakume baten erretratua» - Dylan Thomas, 1999 - 7. orr.

Literatur kritikaren ikuspuntutik begiraturik. Anjel Lertxundi «Mentura dugun artean», 2001 - 17. orr.

Hizkuntza baten literatura garapena, dena den, fenomeno orokorragoa da, historia politikoari lotua dagoelako. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 48. orr.

Borges ez da pertsona bat, ez eta pertsonaia bat ere, literatur kategoria bat baizik. Juan Garzia «Ipuin hautatuak» - Jorge Luis Borges, 1998 - 9. orr.

Literatura lehiaketa guztietara bidali zuen, non edo non sarituko zutela guztiz konbentziturik. Jon Arretxe «Ostiralak», 2000 - 118. orr.

Literatura irakurlea naiz, nobela irakurlea. Hasier Etxeberria «Mutuaren hitzak», 2005 - 84. orr.

Imitazioaz, aipabideaz, plajioaz, literatur lapurretaz eta beste antzeko arazoez. Bernardo Atxaga «Groenlandiako lezioa», 1998 - 158. orr.

Literatura kafetegira joan gara Pablo eta biok. Edorta Jimenez «Europako mugetan barrena», 2000 - 240. orr.

Zer dela-eta New Yorkeko judu poloniar batek alemanierazko literatura aldizkari bat argitaratu? Koro Navarro «Zortzi kontakizun» - Isaac B. Singer, 2002 - 91. orr.

Herriak ez ditu literatura merituak aintzat hartzen. Askoren artean «Rataplan» - 90. orr.

Espainiako Literatura Sari Nazionala. Pello Salaburu «Euskararen etxea», 2002 - 50. orr.

4 (hitz elkartuetan bigarren osagai gisa)

Baina batez ere jolas-literatura da hau. Berria - Kultura 2006-01-12

Aztertzaile gisa, geletara herri-literaturaren azterketa eramatea egokitu zitzaion. Berria - Harian 2005-12-06

Euskarazko aho literaturaren barruan, inprobisazioa da, dudarik gabe, gauzarik deigarriena. J. Garzia / A. Egaña / J. Sarasua «Bat-bateko bertsolaritza», 2005 - 135. orr.

Beharbada, haur literaturako klasiko handietan besteetan baino nabarmenagoak izaten dira autoreen patologiak, baina Peter Pan muturreko adibidea da. Julen Gabiria «Peter Pan» - James Matthew Barrie, 2004 - 14. orr.

Orduko gazte literatura Diario de Ana Frank, Michel Quoist-en Diario de Ana María... eta antzeko liburuek osatzen zuten. Ana Urkiza «Zortzi unibertso, zortzi idazle», 2006 - 76. orr.

Pontevedran 2003an bidaia literaturari buruz egin ziren beste jardunaldi batzuen inguruan. Patxi Zubizarreta «Pospolo kaxa bat bezala», 2005 - 179. orr.

Haur eta Gazte literaturako Euskadi Saria. Berria - Kultura 2004-12-08

5 (irakasgai gisa)

Literatura suspenditu duzu! Jon Alonso «Euskal karma», 2001 - 129. orr.

Literaturako irakaslea emakume txiki bat zen. Anjel Lertxundi «Zorion perfektua», 2002 - 108. orr.

Literaturako klasearen bukaera eta matematikako osoa galdu ditut. Anjel Lertxundi «Zorion perfektua», 2002 - 125. orr.

Hamaika urterekin ekin zion Hizkuntza eta Literatura Ingelesa ikasteari, Oxforden, eta 1915ean lizentziatu zen. Agustin Otsoa «Eraztunen Jauna III» - J.R.R. Tolkien, 2004 - 5. orr.

Zientzia irakatsiko diot, eta literatura, eta aritmetika. Patxi Zubizarreta «Mila gau eta bat gehiago» - Anonimoa, 2002 - 89. orr.

Margot Frank: ikasketak: ingeles, frantses, latin postaz, ingeles, aleman eta nederlanderazko takigrafia, [...], aljebra, ingeles, frantses, aleman eta nederlanderazko literatura, kontabilitatea, geografia, gaur egungo historia, biologia, ekonomia. Josu Zabaleta «Anne Franken egunkaria» - Anne Frank, 2004 - 311. orr.

Literatura eta soziologia klaseetara joaten nintzen. Joseba Urteaga «Gertakizuna» - Annie Ernaux, 2003 - 22. orr.

Literatura Eslaviarreko irakurlea Turingo Unibertsitatean. Fernando Rey «Gure etxeko kontuak» - Natalia Ginzburg, 2004 - 282. orr.

6 gai bati buruzko liburu-multzoa.

Lehenago ere literatura ugari irakurria nintzen, banantze eta dibortzioek seme-alabengan uzten dituzten ondorio deitoragarriez. Aingeru Epaltza «Rock'n'roll», 2000 - 52. orr.

1973ko azterlanaren ondoren, hasi ziren berriro agertzen, medikuntzako literaturan, giza akromatopsiaren kasu gehiago. Xabier Olarra «Antropologo bat Marten» - Oliver Sacks, 2003 - 46. orr.

Irudiari buruzko literatura guztian. Josu Zabaleta «Irudia» - Jacques Aumont, 2004 - 117. orr.

Ikuspegi horretatik begiratuta, aipatu beharra dago urrezko epaia deitu izan denaz idatzi den literatura oparoa. Josu Zabaleta «Irudia» - Jacques Aumont, 2004 - 250. orr.

hitz multzoen maiztasunak (gutxienez 5 aldiz agertzen direnak)

literatur aldizkari (16); literatur aldizkaria (8); literatur aldizkariak (5); literatur aldizkarien (16); literatur aldizkarien gordailua (9); literatur aldizkarien gordailuan (5); literatur genero (9); literatur ibilbidea (6); literatur ibilbidean (6); literatur kritika (12); literatur kritikari (19); literatur kritikaria (9); literatur kritikariak (8); literatur kritikariaren (5); literatur lan (15); literatur lana (13); literatur lanak (15); literatur lanen (10); literatur lanetan (6); literatur lantegi (6); literatur lehiaketa (8); literatur lehiaketako (7); literatur lehiaketan (5); literatur obra (9); literatur ondare (5); literatur sari (10); literatur saria (10); literatur sarien (6); literatur sistema (8); literatur sorkuntzarako (5); literatur testu (7); literatur tradizio (9); literatur tradizioa (6); literatur tradizioaren (5); literatur zaletasuna (5)