Egungo Euskararen Hiztegia (EEH)

landu, landu/lan (orobat lant), lantzen (orobat lantu g.er.) 1 du ad (zerbait) lanaren bidez prestatu, egokitu, onuragarri edo onuragarriago bihurtu.

Landu itzazu zeure lurrak. Elizen arteko biblia Is 23,10

Biztanleen ugaltzearen ondorioz emankortasun gutxiagoko lurrak landu behar baitziren. Koro Navarro «Ekonomiaren globalizazioa» - Jacques Adda, 2004 - 40. orr.

Eta ez da nahikoa gizaseme geratzen, ia, labore-lurrak lantzeko. Mirentxu Larrañaga «Peaceful soldadua» - Michael Morpurgo, 2006 - 163. orr.

Lur-sail oraindik goldatu gabeak lantzera behartuta. Jose Morales «Arima hilak» - Nikolai Gogol, 1998 - 227. orr.

Landu soro berriak, ez erein arantza artean. Elizen arteko biblia Jr 4,3

Goldeaz lantzen diren alor apalak. Aingeru Epaltza «Rock'n'roll», 2000 - 90. orr.

Arto alorrak lantzen eta golf zelaiak zaintzen. Iñigo Aranbarri «Hizlandia», 2006 - 207. orr.

Elizak itxiak edo gerrako babes bihurtuak; landak, alorrak, baratzeak landu gabe. Patziku Perurena «Trapuan pupua», 2001 - 53. orr.

Ibaia gurutzatu eta egun zoriontsuagoetan Ithilien ederrean biziko gara, lorategia lantzen. Agustin Otsoa «Eraztunen Jauna III» - J.R.R. Tolkien, 2004 - 302. orr.

Herriko jende xehea baizik ez zuen utzi, alorrak eta mahastiak landu zitzaten. Elizen arteko biblia 2 Erg 25,12

Eta horrela egin ziren [...] Amerikako hainbat lurraldetan kafea lantzeko lehen ahaleginak. J.M. Olaizola "Txiliku" «Bizitza eredugarriak», 2006 - 189. orr.

Baratzezainari, berriz, baratzeko ertzak landu gabe uzteko agindu zion. Askoren artean «Asisko Frantzizko, Asisko Klara», 2002 - 383. orr.

ik landugabe.

2 (materialak)

Badaki urrea, zilarra, brontzea, burdina, harribitxiak eta zura lantzen. Elizen arteko biblia 2 Kro 2,13

Esmeraldak eta diamanteak lantzeko teknikak. J.M. Olaizola "Txiliku" «Bizitza eredugarriak», 2006 - 74. orr.

Berunginak gara nire herrian: guztiek dakite beruna urtzen eta lantzen. Juan Garzia «Sistema periodikoa» - Primo Levi, 1998 - 114. orr.

Eltzegilea buztin biguna lantzen saiatzen da. Elizen arteko biblia Jkd 15,7

Etxea eraikitzeko harriak lantzen. Elizen arteko biblia 1 Kro 22,2

Baina kontu egik burdina gori-gori landu ostean uretan sartu duala. Edorta Jimenez «Sukar ustelaren urtea», 2004 - 23. orr.

Itsasoak labarretan landu dituen uztai handiengatik. Koldo Izagirre «Idi orgaren karranka» - Victor Hugo, 2002 - 65. orr.

Pieza hau ikusgarri landua dago Karlos V.aren gustu goibel eta dotorearekin. Koldo Izagirre «Idi orgaren karranka» - Victor Hugo, 2002 - 169. orr.

Lehengo sarrera Felipe II.aren garaiko zutabedun ataria da, Errenazimentuko artista zoragarriek landua. Koldo Izagirre «Idi orgaren karranka» - Victor Hugo, 2002 - 119. orr.

Egin urre garbizko argimutila, mailuz landua. Elizen arteko biblia Ir 25,31

Estalkiaren bi ertzetan, bi izaki hegadun egingo dituzu, urretan landuak. Elizen arteko biblia Ir 25,18

Entsaladarako tresnak, olibondo zurean landuak. Joxan Elosegi «Nola hustu nuen gurasoen etxea» - Lyidia Flem, 2005 - 84. orr.

Goi lautadan dauden gas erreserbak Mexiko eta [...] Ameriketako Estatu Batuei landu gabe esportatzeko proiektua.· Bere mihi txit trebeak zakilburua lantzen zidan beste inork inoiz ez bezala. Juan Martin Elexpuru «Esku bakarrarekin irakurtzeko kontuak» - Pilar Cristobal, 1999 - 68. orr.

3 irud/hed

Lantzen ari zen liburuaz galdetu nion. Anjel Lertxundi «Ihes betea», 2006 - 280. orr.

Urte hartan Verlaine landu genuen. Piarres Aintziart «Azken apeza», 2005 - 110. orr.

Ahozkotasuna nola landu. Andoni Egaña «Hogeita bina», 2004 - 41. orr.

Eskolako kide guztiek landu beharra zeukaten oroimena. «Loroaren teorema» - Denis Guedj, 2006 - 125. orr.

Luzaroan landu ditugu ekuazio aljebraikoak. «Loroaren teorema» - Denis Guedj, 2006 - 435. orr.

Hirugarren mailako ekuazioaren ebazpenak landu zituen Tartagliak. «Loroaren teorema» - Denis Guedj, 2006 - 284. orr.

Gairik modernoenak lantzeko ere balio zuela euskarak. Ana Urkiza «Zortzi unibertso, zortzi idazle», 2006 - 34. orr.

Biologiaren Filosofia, bizitza artifiziala, Zientziaren Filosofia eta zientzia kognitiboa dira landu dituen gaiak. Askoren artean «Filosofiako gida», 2004 - 12. orr.

Pascalek orobat landu zitinan analisi konbinatorioa. «Loroaren teorema» - Denis Guedj, 2006 - 370. orr.

Silogismo gisako argudio-formak landu zituen. Askoren artean «Filosofiako gida», 2004 - 137. orr.

Estrategia hori konparaziozko abantaila berriak lantzean datza, eta, horren ondorioz, etekinik hoberena ateratzen zaio munduko eskariaren luzerako joerari. Koro Navarro «Ekonomiaren globalizazioa» - Jacques Adda, 2004 - 118. orr.

Begiratu ea landu ez duzun, edo gehiago lant dezakezun, ideiarik badagoen. Askoren artean «Filosofiako gida», 2004 - 366. orr.

Bestelako eredu narratiboak landu behar dira. Txema Ramirez de la Piscina «Ikus gaitzazuen», 2004 - 86. orr.

4 (era burutua izenondo gisa)

Tinko heltzen zion agureak makila landu baten bolizko eskutokiari. «Loroaren teorema» - Denis Guedj, 2006 - 446. orr.

Armairu landu bateko intxaur-zurezko atea berez ireki zen. Jose Morales «Arima hilak» - Nikolai Gogol, 1998 - 411. orr.

Zeren iduri hura bertze diamante landu bat baitzen. Joan Mari Irigoien «Lur bat haratago», 2000 - 613. orr.

Baserrietako arto landa zaharretatik hirietako arlo landu berrietara. Pello Salaburu «Euskararen etxea», 2002 - 15. orr.

"Pneumatiko" hitz landu eta dotorea. Pello Salaburu «Euskararen etxea», 2002 - 47. orr.

Irribarrea batez ere, irribarre landu miresgarri hori. Monika Etxebarria «Goragalea» - Jean Paul Sartre, 2003 - 90. orr.

Zer den kultura landua eta zer kultura primitiboa. Joxe Azurmendi «Euskal Herria krisian», 1999 - 130. orr.

Doktrina talmudikoei buruzko iruzkin aparta eta landu- landua dela. Xabier Kintana «Alderraien gidaria» - Mose ben Maimon, 2006 - 12. orr.

Fisikaren eta biologiaren aurrerabidea dela eta, gero eta tresneria landuagoa eskatzen du ikerkuntzak. Juan Garzia «Sagua, eulia, eta gizakia» - François Jacob, 2004 - 143. orr.

Kamala emakume landua da. Gotzon Garate «India harrigarria», 2001 - 106. orr.

5 landu gabeko (orobat landugabeko g.er.) izlag landugabea.

Andy sekulakoa zen, landu gabeko diamante bat. Karlos Zabala «Buda zoriontsuen etxea» - João Ubaldo Ribeiro, 2003 - 121. orr.

Landu gabeko harriak hartu eta lehengoa bezalako aldarea eraiki zuten. Elizen arteko biblia 1 M 4,47

Landu gabeko mahastia ere Jaunaren usain gozoa hedatzen zuten kimuak ematen hasi zen. Askoren artean «Asisko Frantzizko, Asisko Klara», 2002 - 205. orr.

Jorratu gabeko eta landu gabeko landak. Joan Mari Irigoien «Lur bat haratago», 2000 - 48. orr.

Erabat landugabeko lurra garbitu eta zelaitu. Ibon Uribarri «Arrazoimen hutsaren kritika» - Immanuel Kant, 1999 - 22. orr.

Slytheringo egongela lur azpiko gela luze eta apal bat zen, hormak eta sabaia harri landugabekoak zituen. Iñaki Mendiguren «Harry Potter eta sekretuen ganbera» - J.K. Rowling, 2001 - 186. orr.

Orain arte landu gabekoak jada ez dauka konponbiderik. Berria - Kirola 2004-08-29

· Inoiz landu eta erein gabeko tokira. Elizen arteko biblia Dt 21,4

hitz multzoen maiztasunak (gutxienez 4 aldiz agertzen direnak)

asko landu (20); bereziki landu (6); egitasmoa landu (4); euskara landu (5); gaia landu (6); harremanak landu (4); harrobia landu (4); historia landu (4); hizkuntza landu (7); irudimena landu (4); landu eta aztertu (4); landu eta garatu (4); landu gabe (16); landu gabea (6); landu gabeko (20); lurra landu (11); proiektua landu (5); taldeak landu (5); tantoa landu (4); txostena landu (4)