Egungo Euskararen Hiztegia (EEH)

bizkor (ETCn 11.446 agerraldi; orobat pizkor ETCn 267 agerraldi, bixkor ETCn 52 agerraldi eta pixkor ETCn 189 agerraldi) 1 izond bizitasun handikoa; azkarra, lasterra; kementsua. ik zoli.

Idazten dute gutuna, bilatzen mezulari bizkor bat eta, aurkitutakoan, abiatzeko prestatzen da. Askoren artean «Asisko Frantzizko, Asisko Klara», 2002 - 434. orr.

Aldaketa oso bizkorra izan da, erro-errokoa, eta gertatu denaz jabetzeko astirik ere ez dugu izan oraindik. Berria - Gaiak 2006-02-10

Zaldi bizkorrak, euren gorputza lo datzala ere, izerditzen eta arnasestu etengabean ikusiko dituzu, giharre guztiak atezatuz. Xabier Amuriza «Gauzen izaeraz» - Lukrezio, 2001 - 287. orr.

Emazteari masailean musu bizkor bat eman eta semetxoari ere musu ematen saiatu zen. Iñaki Mendiguren «Harry Potter eta Azkabango presoa» - J.K. Rowling, 2002 - 8. orr.

Galerian zehar jarraitu zituzten, gero eta pauso bizkorragoz: bide bat seinalatzen zutela ematen zuen. Iban Zaldua «Traizioak», 2001 - 127. orr.

Noizbehinka txori gorriren bat ibai gainean hegada bizkorrean, eta oroz gain isiltasun mortu hura. Joxe Austin Arrieta «Homo Faber» - Max Frisch, 2001 - 75. orr.

Bihotzaren taupada bortitz eta bizkorrek min ematen zioten orain. Iñaki Mendiguren «Harry Potter eta sorgin harria» - J.K. Rowling, 2000 - 32. orr.

Ama garai bizkorrean sartu zen; aita, berriz, garai geldian. Juan Kruz Igerabide «Hauts bihurtu zineten», 2005 - 107. orr.

Presioaren alternantzia bizkorrak dira soinu-bibrazioak. Irene Aldasoro «Giza gorputza lanean» - John Lenihan, 2006 - 111. orr.

Arartekoaren zerbitzua eraginkorra izango bada, bizkorra izan behar du nahitaez. Berria - Harian 2005-03-31

Javierrek galdera keinua egin zuen bere bekain bizkor haiekin, eta nire egoeraren berri eman nion. Bernardo Atxaga «Lekuak», 2005 - 232. orr.

Media eta Pertsiako Erregeen Kronika Liburuan daude idatzirik erregearen egintza indartsu eta bizkor hauek. Elizen arteko biblia Est 10,2

Suak etxe sapaietaraino jauzi egiten eta gar bizkorrez zurak eta zutabeak mihizkatzen dituenean. Xabier Amuriza «Gauzen izaeraz» - Lukrezio, 2001 - 109. orr.

Egun hartan, Lebiatan, suge iheskor eta makurra, zigortuko du Jaunak bere ezpata zorrotz, handi eta bizkorraz. Elizen arteko biblia Is 27,1

Euskal presoen sustengu elkarteak kanpaina bizkor bat abiatua du presoen urruntasunak eskatzen dituen diru beharreri buruz. Herria 2002-11-28

Dardara bizkor batek eragiten dio etengabe. Irene Aldasoro «Giza gorputza lanean» - John Lenihan, 2006 - 92. orr.

Ahots hari jarraitzea, abeslariaren aurpegira begiratu gabe, hegada bizkor ziur baten zirrara sentitzea eta partekatzea zen. Irene Aldasoro «Dublindarrak» - James Joyce, 1999 - 287. orr.

Lehen kolpe bizkor erabakiorra jo zuen. Anton Garikano «Farorantz» - Virginia Woolf, 2001 - 157. orr.

Malfoy jaunak begiratu bizkor eta zorrotza bota zion Harryri. Iñaki Mendiguren «Harry Potter eta sekretuen ganbera» - J.K. Rowling, 2001 - 280. orr.

Urrats-hots bizkor, kementsu eta ziurra aditu zen etxe-ezkaratzean. Mirentxu Larrañaga «Hona hemen gu biok» - Dorothy Parker, 2006 - 245. orr.

Lehoiak bezain beldurgarriak eta mendiko gazelak bezain bizkorrak. Elizen arteko biblia 1 Kro 12,9

Bi metal-hots bizkor, ateak zabaldu eta Harry konturatu zen bere eserlekuak kanpora botatzen zuela. Iñaki Mendiguren «Harry Potter eta sekretuen ganbera» - J.K. Rowling, 2001 - 67. orr.

Lehengo baserritarrari kalea urrutitxo gelditzen bazitzaion, gaurkoari etxea gelditu zaio urruti, gero eta urrutiago; erlojuaren kontrakoa da haren ibilia, eta abiadura handikoa: auto ikaragarri bizkor batek dakar kalera txixpak hartuta, eta auto horrek berorrek entregatzen du etxean bixi-bixi. Iñaki Segurola «Gaur ere ez du hiltzeko eguraldirik egingo», 2005 - 169. orr.

Alkimiaren arragoan egiten den aldakuntzarik behinena da beruna urre bihurtzea, hots, zama arintasun, makala bizkor, itzala argitasun. Juan Kruz Igerabide «Hauts bihurtu zineten», 2005 - 217. orr.

Barkatzeko bizkor, haserretzeko nagi, buruz zorrotz, oroimenez azkar, arrazoitzen zoli, aukera egiten zentzudun eta gauza guztietan tolesgabe. Askoren artean «Asisko Frantzizko, Asisko Klara», 2002 - 233. orr.

Gizon erne eta bizkorra izan da. Herria 2005-03-31

Bizkorra zen, sen handikoa, azkarra, eta oso heldua bere adinerako, nahiz nitaz gauza bera esaten zuten. «Ispiluen gainean lotan» - Jordi Sierra i Fabra, 2004 - 208. orr.

Dirutan eta ondasun materialetan ez naiz aberatsa; ez naiz ederra, ez bizkorra, ez adimentsua; baina zoriontsua naiz, eta zoriontsu jarraituko dut! Josu Zabaleta «Anne Franken egunkaria» - Anne Frank, 2004 - 252. orr.

Bizkorra eta ikasia baitzen, Sultanak berehala izan zuen begiko Hassam. «Loroaren teorema» - Denis Guedj, 2006 - 261. orr.

Bizkorra mutila. «Loroaren teorema» - Denis Guedj, 2006 - 301. orr.

Ez zen oso trebea borrokan, ezta buruz bizkorra ere. Juan Kruz Igerabide «Ulises» - Homero, 2000 - 72. orr.

Batek ez du bizkorra izan behar ohartzeko ezen don Frantzisko ez dela Zizeron eta Kintilianoren eskolakoa. Joan Mari Irigoien «Lur bat haratago», 2000 - 37. orr.

Ulises, hire aita, beste guztiok baino bizkorragoa zuan, zuhurraren zuhurrez. Juan Kruz Igerabide «Ulises» - Homero, 2000 - 16. orr.

"Bizkorragoa hintzela uste nian", esan zuen Ubanbek mespretxuz. Bernardo Atxaga «Soinujolearen semea», 2003 - 227. orr.

Arreta galtzen du baina bizkorra da. Itziar Otegi «Axenario» - Jules Renard, 2006 - 91. orr.

Aurpegi zoragarria du, baina ez da oso-oso bizkorra, eta ikasturtea errepikatu egin beharko duela iruditzen zait. Josu Zabaleta «Anne Franken egunkaria» - Anne Frank, 2004 - 16. orr.

Jakinduria mugimendu oro baino bizkorragoa da. Elizen arteko biblia Jkd 7,24

Baina japoniar mendebaldartzaileak erneago, bizkorrago eta eraginkorragoak ziren txinatarrak baino. Iñaki Mendiguren «Historiaren azterketa II» - A.J. Toynbee, 2000 - 210. orr.

2 (adizlagun gisa)

Ezetz erantzun nion, bizkor ibili behar nuela, X izpien sailaren bila nenbilela. Iban Zaldua «Traizioak», 2001 - 19. orr.

Asto gainetik bizkor jaitsi eta makurtu egin zen Daviden aitzinean, lurreraino. Elizen arteko biblia 1 Sm 25,23

Bizkor ilundu zuen. «Loroaren teorema» - Denis Guedj, 2006 - 479. orr.

Lehen kolpe bizkor erabakiorra jo zuen. Anton Garikano «Farorantz» - Virginia Woolf, 2001 - 157. orr.

Oraindik gaua zen arren, izotza bizkor urtzen ari zen. Jose Morales «Zazpi urkatuak» - Leonid Nikolaievitx Andreiev, 2006 - 42. orr.

Ekuatore Ginean oso bizkor ari da zabaltzen GIB birusa. Berria - Gaiak 2006-04-21

Bake prozesua hasten denean, bizkor egingo duela aurrera. Berria - Harian 2006-03-23

Halako janari miragarriz haurra bizkor hazi zen, bere adinari zegokion baino bizkorrago. Askoren artean «Asisko Frantzizko, Asisko Klara», 2002 - 457. orr.

Bizkor oldartuz, zaldiak aurreko besoak jaso zituen Heliodororen aurka. Elizen arteko biblia 2 M 3,25

Harry lasterka joan zen bagoiko atera, Ronek bizkor zabaldu zion, eta atzera geratu zen Harryri sartzen uzteko. Iñaki Mendiguren «Harry Potter eta sorgin harria» - J.K. Rowling, 2000 - 64. orr.

-Bizkor, mutikoa! Iñaki Mendiguren «Harry Potter eta Azkabango presoa» - J.K. Rowling, 2002 - 36. orr.

-Bizkor jan! Iñaki Mendiguren «Harry Potter eta sekretuen ganbera» - J.K. Rowling, 2001 - 16. orr.

Horrekin esan nahi zuen bizkor ari zirela haurtzarotik irteten. Iñaki Mendiguren «Harry Potter eta sekretuen ganbera» - J.K. Rowling, 2001 - 198. orr.

Belarra bezain bizkor ihartzen baitira eta berehalaxe zimeltzen. Elizen arteko biblia Sal 37,2

Hain bizkor gertatu zenez dena, inork ez zuen ikusi nola izan zen. Iñaki Mendiguren «Harry Potter eta Azkabango presoa» - J.K. Rowling, 2002 - 31. orr.

Gaitza bizkor atzemateko testa garatu dute Bizkaian. Berria - Gaiak 2006-03-11

Bidali bizkor albiste hau Davidi: [...]. -San Brutusera -erantzun zion osaba Vernonek bizkor-. Elizen arteko biblia 2 Sm 17,16

Har nazazu zeurekin, goazen bizkor. Elizen arteko biblia Kt 1,4

Hara bideratu zen bizkor. Migel Angel Mintegi «Denak du bere prezioa», 2002 - 93. orr.

Jauna, deika naukazu, zatozkit bizkor! Elizen arteko biblia Sal 141,1

Emazkidazu betaurrekoak, bizkor! Iñaki Mendiguren «Harry Potter eta sorgin harria» - J.K. Rowling, 2000 - 146. orr.

Inork ez zuen nik baino gogo handiagoa dena bizkor eta garbi egiteko. Iñaki Mendiguren «Harry Potter eta sekretuen ganbera» - J.K. Rowling, 2001 - 107. orr.

Dumbledore jangelatik irten zen, bizkor eta isilka. Iñaki Mendiguren «Harry Potter eta sorgin harria» - J.K. Rowling, 2000 - 137. orr.

Jendarme handi batek bizkor eta profesionaltasunez miatu ninduen, besapeetatik praka laburrez jantzitako hanketaraino. Urtzi Urrutikoetxea «Zoririk ez» - Imre Kertész, 2003 - 70. orr.

Zergatik, ordea, hain bizkor, hain presaka? Anjel Lertxundi «Konpainia noblean», 2004 - 100. orr.

Erregearen agindua harturik, bizkor eta lehiaz abiatu ziren mezulariak erregearen ikuiluetako zaldi berezien gainean. Elizen arteko biblia Est 8,14

Eta haren silueta zabal iluna isilik eta bizkor desagertu zen baso sakonean. Jose Morales «Zazpi urkatuak» - Leonid Nikolaievitx Andreiev, 2006 - 107. orr.

Dena oso bizkor ari da aldatzen, Noelia. «Ispiluen gainean lotan» - Jordi Sierra i Fabra, 2004 - 25. orr.

Hori dena oso bizkor esan zuen neskak. Iñaki Mendiguren «Harry Potter eta Azkabango presoa» - J.K. Rowling, 2002 - 98. orr.

Zapore baten deira heltzen diren oroitzapenak, otordu samurraren gisa ahosabaian bizkor urtzeko. Pako Aristi «Urregilearen orduak», 1998 - 108. orr.

Atea ireki eta salto egiteko bizkor, esan nion Karmeni. Inazio Mujika Iraola «Gerezi Denbora», 1999 - 105. orr.

Bera saiatu zen azaltzen ezin zuela esplikatu nola luzatu zitzaion ilea hain bizkor. Iñaki Mendiguren «Harry Potter eta Azkabango presoa» - J.K. Rowling, 2002 - 27. orr.

Filch zetorren lasterka, ahal bezain bizkor, Peevesen oihuen aldera. Iñaki Mendiguren «Harry Potter eta Azkabango presoa» - J.K. Rowling, 2002 - 145. orr.

Gidariari eskatu nahi nion: Bizkorrago, bizkorrago! «Ispiluen gainean lotan» - Jordi Sierra i Fabra, 2004 - 285. orr.

Argitara askoz ere bizkorrago egokitzen da, gainera, begia, ilunetara baino. Josu Zabaleta «Irudia» - Jacques Aumont, 2004 - 33. orr.

Claude bizkorrago ibiltzen hasi zen, kontu-kontari beti ere. Karlos Zabala «Parisen sabela» - Emile Zola, 2004 - 48. orr.

Anezka baino bizkorrago doaz nire egunak, amaitzear daude, haria bukatzen denean bezala. Elizen arteko biblia Jb 7,6

Harik eta ezereztuta gelditu zen arte, hondakin bihurtuta, denborak bizkor baino bizkorrago higatu eta zanpatu duen koadro bateko pintzel-ukitu arin bat bailitzan. «Ispiluen gainean lotan» - Jordi Sierra i Fabra, 2004 - 18. orr.

Hain bizkor arraio ia galtzazpiak busti bainituen. Oskar Arana «Brooklyngo erokeriak» - Paul Auster, 2006 - 12. orr.

Bizkorregi fidatzen dena kaxkarina da; bekatariak bere buruari egiten kalte. Elizen arteko biblia Si 19,4

3 bizkor-bizkor izond

Beltzaran txiki bat zen, begi beltzekoa, ile luzeduna, bizkor-bizkorra. Juan Kruz Igerabide «Nire aitaren fusila» - Hiner Saleem, 2004 - 88. orr.

Ez dela gauzak ulertzen bizkor-bizkorra, gauza guztiak bi aldiz galdetzen baititu, eta hala ere ez ditu gogoan hartzen. Josu Zabaleta «Anne Franken egunkaria» - Anne Frank, 2004 - 80. orr.

4 (adizlagun gisa)

Bizkor-bizkor doan emakume horren ukituak hozkirri bat eragiten dizu bizkarrean behera. Josu Zabaleta «Fantasiazko ipuinak» - Guy de Maupassant, 2000 - 238. orr.

Bizkor-bizkor eskaileretan gora hirugarren solairura igo eta garaikurren gelarantz joan ziren hanka-puntetan. Iñaki Mendiguren «Harry Potter eta Azkabango presoa» - J.K. Rowling, 2002 - 143. orr.

Bihotzak bizkor-bizkor egiten dit taupaka, oso bikor. Josu Zabaleta «Gerrako pilotu» - Antoine Saint-Exupéry, 2003 - 53. orr.

Menua bizkor-bizkor irentsi, eta nire printzerri bakartira abiatzen nintzen. Iban Zaldua «Gezurrak, gezurrak, gezurrak», 2001 - 79. orr.

Txakurrak ezin du beroa izerdiaren bidez galdu, baina arnasestuka eginez galtzen du: ahoa ireki eta arnasa bizkor-bizkor hartuz eta botaz, alegia. Irene Aldasoro «Giza gorputza lanean» - John Lenihan, 2006 - 79. orr.

Ama eta biok bizkor-bizkor bihurgunera iritsi ginenean, espaloian etzanda ikusi genuen Joxe Mari, eta aita, ondoan, belauniko. Juan Kruz Igerabide «Hauts bihurtu zineten», 2005 - 12. orr.

Gero, kateen ondotik aurrera abiatu zen bizkor-bizkor eta, halako distantzia batera, kalea gurutzatu zuen saiheska. Irene Aldasoro «Dublindarrak» - James Joyce, 1999 - 80. orr.

Kalean gora eta behera arretaz begiratu ondoren, tabernan sartu zen bizkor-bizkor. Irene Aldasoro «Dublindarrak» - James Joyce, 1999 - 83. orr.

hitz multzoen maiztasunak (gutxienez 4 aldiz agertzen direnak)

ahal bezain bizkor (10); aski bizkor (4); baina bizkor (11); bat bizkor (8); begirada bizkor (8); begirada bizkor bat (4); begiratu bizkor (6); begiratu bizkor bat (4); begiratu zuen bizkor (5); behar bezain bizkor (5); bezain bizkor (52)

bizkor abiatu (8); bizkor abiatu zen (4); bizkor abiatu ziren (4); bizkor aldatu (5); bizkor alde (6); bizkor alde egiten (4); bizkor altxatu (4); bizkor ari (24); bizkor ari da (6); bizkor ari zen (9); bizkor asko (4); bizkor atera (6); bizkor baino (4); bizkor baino bizkorrago (4); bizkor bat (31); bizkor bat eman (5); bizkor baten (5); bizkor batez (9); bizkor bizkor (63); bizkor bizkor jantzi (4)