Egungo Euskararen Hiztegia (EEH)

baloi (orobat baloin g.er. eta balon g.er.) 1 iz pilota handia, airez betea gehienetan, hainbat kiroletan erabiltzen dena.

Baloi bat puztu eta puztu, eta azkenean lehertzen denean bezala. Juan Kruz Igerabide «Txoria» - Oh Jung-hi, 2006 - 34. orr.

Txikitan hemen ibiltzen zineten mutil guztiak futbolean, eta baloiak maldan behera alde egiten zizuenean ni joaten nintzen korrika haren bila. Bernardo Atxaga «Soinujolearen semea», 2003 - 181. orr.

Nik ere futbola festa bihurtzen nuen baloia hanketan nuenean. Joan Mari Irigoien «Odolean neraman», 2004 - 237. orr.

Errugbian bezala: jo ostikoa, eta jarraitu baloiari. Berria - Harian 2006-01-07

Atezaina lurrean dago etzanda, baloiari bularraren pean eusten diola. Oskar Arana «Lotsaizuna» - John Maxwell Coetzee, 2004 - 101. orr.

Coirak baloi bat lapurtu, Edu Alonsori maisuki bidali, hark baloia erdiratu, Ivan Alonsok buruz utzi eta Vuckok baloia sareetara bidali zuen. Berria - Kirola 2004-02-06

Hiru pase bizkor nahikoa izan ziren Smertinek, area ertzetik boleaz baloia sareetara bidali zezan. Berria - Kirola 2004-09-30

Eskuin hegaletik jasotako zentro bat izan zen, berak ezker boleaz errematatu zuena, baloia sareetara bidaliz. Joan Mari Irigoien «Odolean neraman», 2004 - 7. orr.

Baloia hartu zuen, atzelari bat gainditu, beste bati baloia hankartetik pasatu eta gero, atezainak orkatilatik heldu ote zion ziur ez bazegoen ere, lurrera jausi zen. Aritz Gorrotxategi «Egurra Pinotxori», 2002 - 38. orr.

Baloi guztiak luzean jokatzen ditugu. Berria - Kirola 2006-03-28

Baloia datorren moduan joz gero harmailetara bota dezakezu. Berria - Kirola 2004-01-14

Karpinek 83. minutuan baloia langara bidali zuen. Berria - Kirola 2004-02-26

Laugarren minutuan baloia langa gainetik bidali zuen. Berria - Kirola 2004-02-13

3-0: Gurpegik, baloia harrotuz (77. min.). Berria - Kirola 2004-12-23

Nik, baloia lurrean jarri eta efektu izugarria emanez, angelutik sartu nuen larruzko esfera. Joan Mari Irigoien «Odolean neraman», 2004 - 58. orr.

Porteriatik hamaika pauso kontatu eta Emiliok baloia lurrean jarri zuen astiro. Joseba Sarrionandia «Lagun izoztua», 2001 - 150. orr.

Behar adina baloi irabazi eta etekin aparta atera zioten erasoari. Berria - Kirola 2004-02-08

Erdilariaren bitartez, baloia eskuratu nuelarik, tira-ahala lasterka abiatu nintzen, aurkako lerroan zuloak egiten saiatuz. Daniel Landart «Anaiaren azken hitza», 1999 - 50. orr.

Emilio Minak zentraturiko baloia. Joseba Sarrionandia «Lagun izoztua», 2001 - 349. orr.

Herren geratzen da Reala baloiaren jabetza gabe, beste talde asko bezala. Berria - Kirola 2004-02-22

Lleidak behin eta berriz sartu zuen baloia saskipera, eta han Bramlettek min handia egin zuen. Berria - Kirola 2004-12-29

Baloiarekin jolasean zebiltzan haiek olatu artean. Juan Kruz Igerabide «Hauts bihurtu zineten», 2005 - 176. orr.

Handik futbolari bat egitera tarte handia dago, nahiz eta futbolari orok jakin behar duen baloiari ostikoz ematen. J. Garzia / A. Egaña / J. Sarasua «Bat-bateko bertsolaritza», 2005 - 99. orr.

Hori baloiari ostikoa jotzen dakienaren kasu bera da. J. Garzia / A. Egaña / J. Sarasua «Bat-bateko bertsolaritza», 2005 - 99. orr.

Bularra baloi bat bezain puztuta zuela, pozez zoraturik. Koldo Biguri «On Camillo» - Giovanni Guareschi, 2001 - 120. orr.

2 (izenondo eta izenlagunekin)

Baloi txikia, ikuskizun handia. Berria - Kirola 2004-09-17

Arantxaren alabatxoa ikusi dut han goian, koloretako baloi handi batekin jolasten. Joseba Sarrionandia «Lagun izoztua», 2001 - 226. orr.

Orduan plastikozko baloi handi bat ailegatu zen gureganaino zeru aldetik parabola bat eginez. Joxemari Iturralde «Euliak ez dira argazkietan azaltzen», 2000 - 18. orr.

Nola deitzen da soka elastiko batez sabaira eta lurrera lotuta jarri duzun larruzko baloi hori? Koldo Biguri «On Camillo» - Giovanni Guareschi, 2001 - 158. orr.

Baloi larregi puztuaren antzera. Joxemari Iturralde «Euliak ez dira argazkietan azaltzen», 2000 - 40. orr.

Zabaltzaile estimatua, hari esker ni ere, hamasei urtetan, hasi nintzen baloi obalduaren haztatzen eta... maitatzen. Daniel Landart «Anaiaren azken hitza», 1999 - 51. orr.

Indarrez jaurti du hirugarren baloia. Jokin Urain «Errotarria», 2006 - 188. orr.

Real Madril futbol taldeko jokalari guztiek sinatutako baloia. Berria - Ekonomia 2004-11-24

· Baloi luzeak ziren talde laranjaren argudio bakarra, eta horrela ez zegoen ezer egiteko, Carvalhok eta Andradek erraz, oso erraz mozten zituzten eraso guztiak. Berria - Kirola 2004-07-01

Mellik baloi inozo bat bere atean sartu zuen (2-2). motel aritu zen area barruan jasotako baloi on bat aprobetxatzerakoan. Berria - Kirola 2004-09-19

Tourek baloi arriskutsu pare bat kendu zizkion Ibrahimovici. Berria - Kirola 2006-03-29

3 (hitz elkartuetan lehen osagai gisa)

Baloi ukitze batzuk egin zituzten, eta luzaketak. Berria - Kirola 2004-05-28

Gakoa arerioei kontraerasorako aukerarik ez ematea izango dela azaldu zuen, horretarako «baloi galerak mugatuz». Berria - Kirola 2004-10-24

Vieri baloi-ehizean jarri, eta Del Piero eta Totti urrutitik laguntzaile. Berria - Kirola 2004-06-15

Bazter batean zabuak, beste batean plastikozko txirrista bat eta bitartean jostailu eta gomazko baloi andana bat. Oskar Arana «Brooklyngo erokeriak» - Paul Auster, 2006 - 106. orr.

Zerria hil, eta goitik behera irekita, odolkiak egiten direnean, bada bat berezia [...] heste lodiaren muturrarekin obratzen dena eta baloi tankera duena. Iñigo Aranbarri «Hizlandia», 2006 - 146. orr.

Ohore ainitz egiten zaizkie balonjokoeri, aipamenez, telebixtaz, diruz eta espantuz, eta araberan biziki gutiago pilotari. Herria 2004-05-20

4 (hitz elkartuetan bigarren osagai gisa)

Egitura ikaragarri konplexu hori futbol baloi bat baino txikiagoa den espazioan. Joseba Sarrionandia «Lagun izoztua», 2001 - 60. orr.

5 (hiru osagaiko hitz elkartuetan)

Taldekideek Lanpard eta Makelelek zelaierdian egindako baloi lapurtze lanaren fruituak jaso zituzten. Berria - Kirola 2004-09-30

6 aireontzi biribila; puztukia. ik globo 3.

Zerua balonez betea da. Marzel Etxehandi «Alemaniara deportatua» - Grégoire Joannateguy, 2003 - 110. orr.

Zeruan baloi gidatu bat ikusi zuelarik, lasterka hurbildu zen kristalezko leihate handira. Joxan Elosegi «Durduzaz eta dardaraz» - Amélie Nothomb, 2003 - 101. orr.

Hirian aldian behin hegaldatzen zen iragarki-baloi gidatu haren aldera. Joxan Elosegi «Durduzaz eta dardaraz» - Amélie Nothomb, 2003 - 101. orr.

Albiste gutxi zekartzan gau hartan; norbaiten hitzaldi luzea, zabortegi bati buruzko plana, baloi gidagarri baten inguruko proposamena. Mirentxu Larrañaga «Hona hemen gu biok» - Dorothy Parker, 2006 - 136. orr.

Lehenik 2 eskoletako haurrak ibiliko dira etxez-etxe balon saltzen eta larunbat goizean Itsasuko plazan laxatuko dute balon andana bat. Herria 2002-12-05

Abendoaren 6 an Santa Terexa ikastetxeko burrasoen elkarteak antolatzen du balon airaldi bat, ondotik aratsean 9 etan Haritz-Barneko antzokian ikusgarri bat eta musikaldia. Herria 2002-12-05

7 esku-baloi ik eskubaloi.

8 saski-baloi ik saskibaloi.

hitz multzoen maiztasunak (gutxienez 3 aldiz agertzen direnak)

baloi asko galdu (7); baloi asko lapurtu (4); baloi elkartea (4); baloi elkarteak (4); baloi elkartearen (4); baloi galdu zituen (9); baloi gehiago (6); baloi gehiegi (5); baloi gutxi (7); baloi guztiak (8); baloi handi (7); baloi horia (4); baloi jokoa (5); baloi lehiaketa (4); baloi luze (4); baloi luzeak (10); baloi luzeekin (6); baloi mordoa (5); baloi partida (4); baloi txikia (5)