Egungo Euskararen Hiztegia (EEH)

babes (ETCn 75.492 agerraldi) 1 iz gordetzen, zaintzen edo zerbaitetik begiratzen duen gauza.

Aberatsak bere ondasunetan du babesa, behartsuak bere gabezian hondamendia. Elizen arteko biblia EsZ 10,15

Euskara, babesik ez duten hizkuntza guziak bezala, egoera larrian da. Herria 2002-08-15

Frantziskok babesa eskatu zion Elizari, babes horren bidez bakarrik egin baitzezakeen aurrera bere proiektuak. Askoren artean «Asisko Frantzizko, Asisko Klara», 2002 - 24. orr.

Hugolinok bere alde otoitz egiteko eskatu zion debozioz, eta gauza guztietan bere babesa eskaini zion gogo onez. Askoren artean «Asisko Frantzizko, Asisko Klara», 2002 - 229. orr.

Nik ezingo niokeela babesa ukatu nire lagun minari. Harkaitz Cano «Pasaia blues», 1999 - 131. orr.

Ibiltariak, orduan, adar luzeko pago baten babesa aukeratu eta bertan deskantsatzera etzaten da. Bernardo Atxaga «Groenlandiako lezioa», 1998 - 50. orr.

Babcock-eko langileei babesa agindu die Azkarragak. Berria - Ekonomia 2004-06-10

Ezagutzen dituzue itsasadarraren babesa utzi eta ortzi-muga zabalera, ekaitzen legera aurreratzen diren amilburu zorrotzak. Pako Aristi «Urregilearen orduak», 1998 - 24. orr.

Gauez igaro du burdin hesia eta babesa aurkitu du ghettoan. Felipe Juaristi «Azken gutuna» - Vassili Grossman, 2005 - 26. orr.

Jendeak teilapeetan bilatzen du babesa. Alberto Barandiaren «Mundu txikia», 2005 - 52. orr.

Gobernatzen zuen gotorlekuaren barruan ere gauaren babesa bilatzen zuen. Agustin Otsoa «Eraztunen Jauna III» - J.R.R. Tolkien, 2004 - 261. orr.

Uste nuen horregatik bilatu zenuela hemengo babesa. Bernardo Atxaga «Soinujolearen semea», 2003 - 93. orr.

Zulo hartara etorria zen babes bila. Karlos Zabala «Mikel Strogoff» - Jules Verne, 2002 - 163. orr.

Burua bere sorbalda gainean jarri duzu, leun, babes bila, babes eske. «Eta emakumeari sugeak esan zion», 1999 - 123. orr.

Besoarekin nire maitea esnatzen hasi naiz, laguntza eske, babes eske, bion artean heriotzari aurre egingo geniolakoan beharbada. Pako Aristi «Gauza txikien liburua», 2004 - 124. orr.

Han, babesean sentitzen ginen, habia batean bezala. Juan Kruz Igerabide «Txoria» - Oh Jung-hi, 2006 - 19. orr.

Jarri al dituzte artaldeak babesean? Bernardo Atxaga «Soinujolearen semea», 2003 - 44. orr.

Olinpon, jainkoak babesean bizi dira; ez dute haize burrunbarik, ez eurijasarik, ez elurterik. Juan Kruz Igerabide «Ulises» - Homero, 2000 - 28. orr.

Atea zabaldu eta korridorean sartu nintzen, haizearen babesean. Koro Navarro «Artistakume baten erretratua» - Dylan Thomas, 1999 - 18. orr.

Handik berriro itsasoraturik, Zipreko itsas hegiaren babesean ibili ginen, haizea kontra baikenuen. Elizen arteko biblia Eg 27,4

Batasunaren eta Euskal Herrian Euskaraz erakundearen babesa jaso zuten gazteek. Berria - Ekonomia 2006-05-06

Bouville, zeruaren babesari esker, puntako egoera ekonomikoan dago. Monika Etxebarria «Goragalea» - Jean Paul Sartre, 2003 - 85. orr.

Nork esan du begiak ixtea koldarren babesa dela? Anjel Lertxundi «Argizariaren egunak», 1998 - 181. orr.

Faraoiarengandik ihes egin eta Madian herrialdera joan zen babes hartzera. Jose Antonio Mujika «Agindutako lurraren bila I», 2002 - 148. orr.

Barneko babestokiaren gaineko azterlana, jada benetako munduan bizitzerik ez denean gizonak babes hartzen duen lekuaren mapa bat. Oskar Arana «Brooklyngo erokeriak» - Paul Auster, 2006 - 22. orr.

Ezbehar suntsigarria datorrenean, ez gaitu harrapatuko, gezurra hartu baitugu babes, maltzurkeria gordeleku. Elizen arteko biblia Is 28,15

Agindua ematen denean, epaileak neurri zibilak eta penalak abiarazten ditu eta administrazio publikoek laguntza neurriak (juridikoak, psikologoak, sanitarioak eta ekonomikoa) eta babeserako tresnak jartzen dituzte abian. Berria - Harian 2005-11-24

Itoizko urtegiaren proiektuak %40 murriztuko zituela inguruko hegaztien babeserako eremu bereziak. Edurne Elizondo «Itoiz, porlanezko gezurra», 2004 - 37. orr.

Orbelkoloreak salbatzen du igela; ile ugariaren babesak, zorria. Anjel Lertxundi «Argizariaren egunak», 1998 - 44. orr.

Industriaren Legeak aurrera egin du, PSEren babesarekin. Berria - Ekonomia 2004-10-20

EAJren babesarekin aurrera egin zuen proposamenak. Berria - Ekonomia 2004-05-13

Lodzeko Kultur Ondarearen Babeserako Elkartea bi urte geroago desegin zen. Iban Zaldua «Etorkizuna», 2005 - 35. orr.

Besarkada bana eman emazteari eta alabari eta negarrez abiatu zen, maite zituen bi emakumeak bakarrik utzirik, bat gaitzak estu-estu hartuta eta bestea babes gabe geratzeko arriskuan. ik babesgabe. Karlos Zabala «Mikel Strogoff» - Jules Verne, 2002 - 127. orr.

-Carrero Blancoren kastako odolzaleei babesik gabe geratzeak egiten die minik handiena. Juan Kruz Igerabide «Hauts bihurtu zineten», 2005 - 63. orr.

Haren seme-alabek ez dute salbabiderik izango, epaitegian zanpatuko dituzte inoren babesik gabe. Elizen arteko biblia Jb 5,4

Nota txarrek ez zuten batere garrantzirik, zergatik orduan izaki ahul eta babesik gabeko haiei kalte egin? Eskarne Mujika «Berdin dio» - Agota Kristof, 2005 - 19. orr.

2 (izenondo eta izenlagunekin)

Babes Zibilak, Erromako Udalak, Italiako Gobernuak, suhiltzaileek, Poliziak eta osasun zerbitzuek bat egin dute ezer gerta ez dadin. Berria - Harian 2005-04-05

Gorputzak ez du babes eraginkorrik eguzkitan denbora luzean egoteko. Irene Aldasoro «Giza gorputza lanean» - John Lenihan, 2006 - 74. orr.

Hirien babes ekonomiko eta sozialeko sistemaren amaiera. Koro Navarro «Ekonomiaren globalizazioa» - Jacques Adda, 2004 - 20. orr.

Nerbio-sistema gehiegi zamatzearen aurkako babes biologikoa. Xabier Olarra «Antropologo bat Marten» - Oliver Sacks, 2003 - 143. orr.

Balio natural goreneko eta babes bereziko gunetzat jotzen diren itsaslabarretan eta itsaso ingurunean. Berria - Euskal Herria 2004-04-04

Proiektuak babes juridiko bat eman nahi dio. Berria - Harian 2005-12-29

Langile eta ikasleentzako Hogar Alavés egoitza merkearen lekuan babes ofizialeko etxe bat ageri da. Iban Zaldua «Traizioak», 2001 - 69. orr.

Babes ofizialeko etxebizitzez gainera, tasatutako etxebizitzak egin beharko dira. Berria - Euskal Herria 2006-01-31

Arrisku morala saihestearren, babes sozialaren enfasia babes pasiboan baino babes aktiboan oinarritu beharko litzateke. Iñaki Heras «Txanponaren bi aldeak», 2003 - 148. orr.

Hotz zegoen, baina autoaren motorraren epeltasunak babes termiko txiki bat eskaintzen zien-. Fernando Morillo «Ortzadarra sutan», 2003 - 248. orr.

Plaza zeharkatu behar izan dut haiengana biltzeko, tente eta isilik dirauten hiritarren artean [...] baina azkenean heldu naiz haien babes epelera. Iban Zaldua «Traizioak», 2001 - 105. orr.

Ikusleak ezin konta ahala bildu ziren estalpeko babes goxora. Karlos Linazasoro «Ez balego beste mundurik», 2000 - 123. orr.

Galaiak, malkoak ezkutatzeko denborarik gabe, ihes egin zuen jauregiko babes mikatzera. J.M. Olaizola "Txiliku" «Bizitza eredugarriak», 2006 - 16. orr.

Haurtzaroraino itzultzen nintzen nire oroitzapenean, babes subirano baten sentipena berriro topatzeko. Josu Zabaleta «Gerrako pilotu» - Antoine Saint-Exupéry, 2003 - 125. orr.

Zangoetan ere brontzezko babesak zeramatzan, eta brontzezko azkona bizkarrean. Jose Antonio Mujika «Agindutako lurraren bila II», 2002 - 47. orr.

Balizko babes horrek nolakoa behar luke izan? Ana Urkiza «Zortzi unibertso, zortzi idazle», 2006 - 166. orr.

Erreferendumean baietzak irabazi arren, Itunak ez duela babes handia jaso esan zuen EAko presidenteak. Berria - Harian 2005-02-22

Legez kanpo egon arren HZk Nafarroa osoan «babes zabala» izan duela esan zuen Armendarizek. Berria - Euskal Herria 2004-06-19

Auzotarren babes osoa du Iruñeko gaztetxeak. Berria - Euskal Herria 2004-08-05

Familia, edota familia horren luzapen baizik ez zen gizartea -lagunartea, auzunea, herria- oso babes ona izaten zen pertsonarentzat haurtzaroan, alfonbra moduko bat pertsona horrek ez zezan bizitzaren lur izoztua senti. Bernardo Atxaga «Groenlandiako lezioa», 1998 - 24. orr.

Mementoz, Dorre Ilunaren aginduak ziren Frodoren babes bakarra. Agustin Otsoa «Eraztunen Jauna III» - J.R.R. Tolkien, 2004 - 219. orr.

Nor emango dit babes hoberik? Juan Kruz Igerabide «Artur erregearen heriotza», 2005 - 59. orr.

Arriskugarria da, ordea, asentu eder handiko etxearen babes gehiegia, etxezuloegi bihurtzen baikaitu. Anjel Lertxundi «Mentura dugun artean», 2001 - 51. orr.

3 (hitz elkartuetan lehen osagai gisa)

Izenak eta katalogo-zenbakiak [...] nire garai hartako agendaren babes-orrian idatzita daude. Joseba Urteaga «Gertakizuna» - Annie Ernaux, 2003 - 28. orr.

Altzari, besaulki eta dibanak, babes-oihalak kendurik, berpiztu egiten ziren. Sua itzali, irabiagailua moteldu, estalkia askatu, eta babes-mozorroa jantzi zuen. Xabier Olarra «Azken hitzordua» - Sandor Marai, 2003 - 79. orr.

Laranjondo baten babes oholetan bermatu zen lipar batean, belarrari eta pagausoei begira. Karlos Zabala «Parisen sabela» - Emile Zola, 2004 - 381. orr.

Ez dira samurrak motozaleontzat, altzairuzko babes-langak, erori eta arrastaka haien kontra joanez gero gorputza labanak legez ebakitzen dizutenak. Pako Aristi «Urregilearen orduak», 1998 - 123. orr.

Taldearen iritziz, nahikoa litzateke 300 metroko babes dike bat egitea. Berria - Harian 2006-03-14

Ez dute harresi-zulorik konpondu, ez eta babes-hormarik eraiki ere Israel herriarentzat. Lauza kendua zuten putzuzainek, zuloaren inguruan jarri beharreko babes-hesia ipini gabe. Elizen arteko biblia Ez 13,5

Harrizko muino bat zen, babes-ezponda baten antzekoa. Joxe Austin Arrieta «Homo Faber» - Max Frisch, 2001 - 170. orr.

Babes-erretena ere leku interesgarria zen Martinentzat. Koro Navarro «Zalakain abenturazalea» - Pio Baroja, 2006 - 36. orr.

Bukhara, zortzi milia ingeles baino luzeago den harresi batez inguratua, babes dorreak ugari, hiri loriosa. Karlos Zabala «Mikel Strogoff» - Jules Verne, 2002 - 49. orr.

Haren egunetan harresia berreraiki zuten eta errege-tenpluari babesdorreak jarri. Elizen arteko biblia Si 50,2

Non dira zuen jainkoak, non babes-harkaitz zenituztenak? Elizen arteko biblia Dt 32,37

Egizue garrasi, itsaso zabaleko ontziok, hondaturik baitago zuen babes-portua. Elizen arteko biblia Is 23,14

Odoleko globulu zuriak dira gorputzaren lehenengo babes-lerroa. Irene Aldasoro «Giza gorputza lanean» - John Lenihan, 2006 - 160. orr.

Veneziak bere babes-herri bihurtu zituen Adriatikoko portu asko, baina lurralde-inperiorik sortzeko ahaleginik egin gabe. Koro Navarro «Ekonomiaren globalizazioa» - Jacques Adda, 2004 - 24. orr.

Itoizko urtegiaren kaltea jasango zuten hiru naturguneak babes eremurik gabe uzten ditu. Edurne Elizondo «Itoiz, porlanezko gezurra», 2004 - 40. orr.

4 (hitz elkartuetan lehen osagai gisa, bigarrena gauza ez-fisikoa denean)

Lehenengo babes mailan galtzear dauden espezieak daude. Berria - Gaiak 2004-10-15

Estradizioa bertan behera gelditu da babes helegitea erabaki artean. Halako babes-sentsazio bat ematen zizun, hots guztiak eta gauzen abiadura bera moteldu balira bezala. Berria - Euskal Herria 2004-08-27

Egutxik ez zuen begiratu ere egin behar izan ulertzeko ezen ezker saihetsaren gainean etzanda zegoen neskatoak ez zeukala eskuineko belauna ezkerrekoaren gainean ezarrita babes-jarrera hartuz. Ibon Uribarri «Loti ederrak» - Yasunari Kawabata, 2006 - 30. orr.

Infekzioen aurkako babes-mekanismoa da odola. Irene Aldasoro «Giza gorputza lanean» - John Lenihan, 2006 - 13. orr.

Pareta baten bazterretik zutitu eta erremusina eskatu zidan babes-keinu ikusgarri batekin. Berria - Euskal Herria 2004-09-26

Babes lanak egokitu zitzaizkizun, pistola eskuan, lapurreta batean. Rafa Egiguren «Mentxakaren aitorpena» - Jose Ramon Goikoetxea, 2006 - 125. orr.

Maitasun horretatik lekutuak ziren laguntza-eskeak eta babes-aseguruak. Fernando Rey «Gure etxeko kontuak» - Natalia Ginzburg, 2004 - 208. orr.

Babes-eskakizunak arazo larria zekarkien Prusiako agintariei. J.M. Olaizola "Txiliku" «Bizitza eredugarriak», 2006 - 71. orr.

Inolako babes-neurririk hartu gabe. Anjel Lertxundi «Konpainia noblean», 2004 - 182. orr.

Gauez, batez ere, halako babes sentipen bat ematen didate. Josu Zabaleta «Anne Franken egunkaria» - Anne Frank, 2004 - 38. orr.

Hauxe izan zen santuaren asmo bakarra, Elizari babes-eskabidea egitean. Askoren artean «Asisko Frantzizko, Asisko Klara», 2002 - 294. orr.

Sedukzioa da gizadiak bidera dezakeen bortizkeriarik bikainena, inolako babes-ahalmenik gabe uzten du eta seduzitua. Anjel Lertxundi «Argizariaren egunak», 1998 - 154. orr.

Kontu intimo bat publiko egiteak sorrarazten dituen ahalkea eta babes-eza zeuden, batetik; bestetik, kontatu nahi eta kontatu ezin bat, egileak berak modu askotan adierazten duen talka. Agurtzane Juanena «Esan gabe neukana», 2003 - 13. orr.

Euskal Herriko Giza Eskubideen Babes Elkarteak antolatu bilkura. herria¬

Demagun Babes Batzordeak berrehun errublo ematen dizkidala nekazari bakoitzeko: berrehun mila errubloko kapitala duk guztira! Jose Morales «Arima hilak» - Nikolai Gogol, 1998 - 349. orr.

5 (hitz elkartuetan lehen osagai gisa, elkarteak izenondo balioa duela)

Guraso babes emanzaleetan azkena izan naiz. Oskar Arana «Lotsaizuna» - John Maxwell Coetzee, 2004 - 183. orr.

Gero eta itogarriagoa sentitzen hasita nengoen Adaren jokabide babes-nahi hura. Anjel Lertxundi «Argizariaren egunak», 1998 - 183. orr.

6 (hitz elkartuetan bigarren osagai gisa)

Kaskoaren begi-babesa goratu zuen aurpegiko izerdia lehortzeko. Iñaki Mendiguren «Harry Potter eta sorgin harria» - J.K. Rowling, 2000 - 85. orr.

Mando nekatua uhaletatik zeraman lodikoteak altzairuzko buru-babesa zerabilen, begi estuetaraino sartuta. Alberto Ladron Arana «Eguzki beltzaren sekretua», 2004 - 11. orr.

So egiten dio kalean dabilen jendeari, ziztu bizian igarotzen diren kotxeei, errejimentu bateko soldaduen buru-babes eta fusilei, dendetako iragarkiei. Jose Morales «Arima hilak» - Nikolai Gogol, 1998 - 245. orr.

Ilunpezko bular-babes batek gordetzen zituen leiho guztiak, bat izan ezik. Anton Garikano «Maitea» - Toni Morrison, 2004 - 54. orr.

Arratsaldean, zerrenda arrosez marratutako eguzki babes grisa urdaitegian jarria zegoenean, [...]. Karlos Zabala «Parisen sabela» - Emile Zola, 2004 - 341. orr.

Arratsaldean aire eta eguzkitan jarri zituzten latoizko sutondo-babes bat eta altzeiruzko suburdin multzo bat. Anton Garikano «Farorantz» - Virginia Woolf, 2001 - 138. orr.

Hiztuna, pozik, tearen beroa barruan, bere gogoeten mataza ari zen askatzen, zumitzezko besaulkian eserita jolasgelako leiho-babesaren alboan. Anton Garikano «Farorantz» - Virginia Woolf, 2001 - 139. orr.

Zoroetxe batera eramaten dute, eta honek ikaragarri zailduko dio edozein lege babes. Juan Martin Elexpuru / Bego Montorio «Filosofia apaingelan» - Sade, 2001 - 52. orr.

Horren atzean, kasurik gehienetan, estatuak ekoizpen-sistemaren eta gizarte-babesaren mekanismoen zuloak estaltzeko duen ezintasuna nabarmentzen da. Koro Navarro «Ekonomiaren globalizazioa» - Jacques Adda, 2004 - 107. orr.

Ongizate Estatuari loturiko zenbait gizarte zerbitzutan bereziki -nola ez-, gizarte babesa arrisku moralaren aldetik ere aztertu behar da. Iñaki Heras «Txanponaren bi aldeak», 2003 - 148. orr.

Uste oso-osoa izateko, honen bihotz zabalak laguntza-babes guztia opako diola. Patxi Ezkiaga «On Kixote Mantxako» - Miguel de Cervantes, 2005 - 169. orr.

7 (hiru osagaiko hitz elkartuetan)

Gizartearen babes-sare sistema. Iñaki Heras «Txanponaren bi aldeak», 2003 - 143. orr.

8 irud/hed

Gezurra hartu baitugu babes, maltzurkeria gordeleku. Elizen arteko biblia Is 28,15

Arimaren babes-sotoetan gordetzeko unea zen, baldin arimak halakorik bazuen. Harkaitz Cano «Neguko zirkua», 2005 - 167. orr.

9 (izenondo gisa)

Oharrak eta mapak leku babes batean gordetzea. J.M. Olaizola "Txiliku" «Bizitza eredugarriak», 2006 - 180. orr.

Emaiozue lurra leku eder eta babes batean; berpizten denean ikus ditzala bere betiko pago-lizarrak. Bernardo Atxaga «Soinujolearen semea», 2003 - 369. orr.

10 babes eman (82 agerraldi, 6 liburu eta 28 artikulutan, ETCn 490 agerraldi; babesa eman 402 agerraldi, 46 liburu eta 299 artikulutan; ETCn 4.987 agerraldi) du ad

Ez nuen haren aurpegian lehen gupidatu eta babes ematera bultzatzen ninduen ume trazarik aurkitu. Joxean Agirre «Romain zen bere izena», 2003 - 128. orr.

Juanito Sarasola, alkatearen iloba, bitartean, kanpoan gelditu zen, besteei babes eman eta kaleko argiak deskonektatzeko. Rafa Egiguren «Mentxakaren aitorpena» - Jose Ramon Goikoetxea, 2006 - 74. orr.

Karmenek eta biok, orduan, ezkutalekutik kontuz-kontuz irten, eta, arbolatik arbolara aurrera tiroka elkarri babes emanez. Inazio Mujika Iraola «Gerezi Denbora», 1999 - 106. orr.

Munduko herrien banderak eskuan zituzten dantzariek elkartasun kolorea eman zien babes ematera etorritakoei. · Segundo batzuen buruan, hantxe zituen hainbat senide babesa emateko prest. Berria - Harian 2006-01-22

Zer interes du Petrusek babesa emateko? Oskar Arana «Lotsaizuna» - John Maxwell Coetzee, 2004 - 183. orr.

Haren zeregin nagusia da zientziaren babesa ematea nazien teoria aldrebesei. Alberto Ladron Arana «Eguzki beltzaren sekretua», 2004 - 103. orr.

Zuhaitzek zuhaiztia ostentzen dute, bai, egia da, baina zuhaiztiak babesa ematen die zuhaitzei. Javi Cillero «Hollywood eta biok», 1998 - 75. orr.

Arduradun politiko ugarik babesa eman diete hiru inputatuei, eta «gaindituta beharko lukeen arokotzat» jo dute epaiketa Ezin dik argitu zergatik jarraitzen duten bi pertsonak, are bizitzako unerik gogorrenetan, elkarturik, elkarri laguntzen eta babesa ematen. Berria - Harian 2005-10-27

Biharamunean, eguna argitzean, dena bukatua zen, Jainkoak Judasi eman zion babesari esker. Elizen arteko biblia 2 M 13,17

Gizaseme hauek, ordea, ez ukitu, ostatua eta babesa eman baitizkiet. Elizen arteko biblia Has 19,8

Neure burua eskaintzen dizuet, aholkua, laguntza eta babesa emateko, zeuek nahi duzuen erara. Askoren artean «Asisko Frantzizko, Asisko Klara», 2002 - 484. orr.

Egin otoitz eta eskatu zeruko Jaunari zuetaz erruki dadila eta bere babesa eman diezazuela. Jose Antonio Mujika «Agindutako lurraren bila II», 2002 - 116. orr.

11 babes etxe (orobat babesetxe)

Emakume askok bizilekua utzi behar izaten dute eta babes etxeetan aurkitzen dute beharrezkoa duten laguntza eta aldi baterako ostatua. etxea uztera behartuta dauden emakumeentzako babes-etxeak, eta umeentzako eta adinekoentzako harrera zerbitzuak. Berria - Harian 2005-11-24

Euskal Autonomia Erkidegoko babes etxeen errolda egin zuen Emakundek 1999. urtean. Berria - Euskal Herria 2004-02-14

Biharamunean, hiri hartako Atzerritarren Babes Etxeko zuzendariak polizia-etxe guztiei igorritako e-mail baten medioz jakinarazten zuen, gauerdiaz geroztik, bazutela 13 urteko mutil bat beren aterpe-etxean jasoa; hari buruz ez zekitela ezer, hizkuntza arraro batean mintzo zelako Josetxo Azkona «Patata soro bat», 2004 - 72. orr.

12 babes gune ik babesgune.

13 babes herri babesten den herria; babes ematen duen herria.

Veneziak bere babes-herri bihurtu zituen Adriatikoko portu asko, baina lurralde-inperiorik sortzeko ahaleginik egin gabe, merkataritzaren interesak ez desbideratzearren. Koro Navarro «Ekonomiaren globalizazioa» - Jacques Adda, 2004 - 24. orr.

Babes-herriko hizkuntza erabiltzen du idazteko, ama-hizkuntza bazter utzirik, Agota Kristofek bezala. Eskarne Mujika «Atzo» - Agota Kristof, 2004 - 7. orr.

14 babes hiri babesten den hiria; babes ematen duen hiria.

Hala ere, gelditu ziren Bet-Surren Jainkoaren legea eta aginduak gutxiesten zituzten batzuk, hiri hura babes-hiri zelako. Elizen arteko biblia 1 M 10,14

Mendeku-eskubidea duenak, babes-hiriaren mugetatik kanpo aurkitu eta hiltzen badu, ez du hilketarik egiten. Elizen arteko biblia Zen 35,27

Kontatzen dute 1818an, Campeachyko gordeleku eta babes-hiri horretan, ronak eta jokoak eztarriak lakartu eta erraietako amorruak piztu zituzten gau batean, joko mahaiaren inguruan bi aurkari geratu zirela, gainerakoak -diru edo gogo faltaz- jokotik erretiratu zirenean. J.M. Olaizola "Txiliku" «Bizitza eredugarriak», 2006 - 128. orr.

Gasteiz bisitatu duzu, idazle jazarrien «babes hiri» bat. Berria - Kultura 2004-03-23

Horrela bada, basamortuko hareetan egiten zuten borroka elkarren aurka gerlariek, eta babes-hiritarako uzten zituzten oasiak. Xabier Aranburu «Alkimista» - Paulo Coelho, 2001 - 127. orr.

15 babes izan du ad

Nik, ordea, babes ditut zure arauak erbestealdi honetan. Elizen arteko biblia Sal 119,54

Sion sendo ezarri duela Jaunak, eta bertan izango dutela babes haren herriko dohakabeek. Elizen arteko biblia Is 14,32

Bagenekien isiltasuna genuela babes. Juan Kruz Igerabide «Txoria» - Oh Jung-hi, 2006 - 46. orr.

"Kaskagorrik" teniente biak zituen babes. Joxemari Urteaga «Ordaina zor nizun», 2001 - 65. orr.

Alargunek neu izango naute babes. Elizen arteko biblia Jr 49,11

Bertze afera klase batzuetarako bezala, abitua zuen geriza eta babes. Aingeru Epaltza «Mailuaren odola», 2006 - 19. orr.

Jauna dut indar eta babes, bera salbatzaile. - 0. orr.

16 babes leku ik babesleku.

17 lohi-babes auto, bizikleta eta kidekoetan, gurpil gaineko pieza kurbatua, bidaiariak lohi zipritinetatik babesteko ezartzen dena.

Bizikletari begira egon nintzen pixka batean; ez zirudien oso hondatua, katea irtena eta lohi-babesa okertua besterik ez nion-eta ikusten. Juan Kruz Igerabide «Hauts bihurtu zineten», 2005 - 12. orr.

Kapota leunak eta lohi-babes leunak. Koro Navarro «Zertaz ari garen maitasunaz ari garenean» - Raymond Carver, 2003 - 99. orr.

Kolpe-leungailuak atzeko argiekin bat, lohi-babesak elkar marruskatuz, motoreak marruka, ihes-tutuak ketan. Lopez de Arana «Manhattan Transfer» - John Dos Passos, 1999 - 301. orr.

Lohi-babes batek bidaztiak gordetzen ditu bideko lokatzetatik, eta larruzko estalki mardul batek, jaitsi eta erabat itxi daitekeenak, bidaiatzea samurtu eta bigundu egiten du uda parteko bero sapetan eta ekaitz gaiztoetan. Karlos Zabala «Mikel Strogoff» - Jules Verne, 2002 - 131. orr.

hitz multzoen maiztasunak (gutxienez 6 aldiz agertzen direnak)

aurkako babes (11); aurkeztutako babes (11); aurkeztutako babes helegitea (7); babes barik (6); babes berezia (8); babes bereziko (6); babes bila (53); babes dikea (9)

babes ekonomikoa (8); babes eman (9); babes ematea (6); babes ematen (7); babes ematera (11); babes eremu (6); babes eske (27); babes eza (9); babes falta (21); babes gabe (8); babes gabezia (9); babes gehiago (10); babes gehien (6); babes gisa (8); babes guztia (8); babes handia (43); babes handia eman (9); babes handia jaso (8); babes handiagoa (23); babes handiena (6); babes helegitea (55); babes helegitea aurkeztu (8); babes helegitearen (10); babes hiri (13); babes hiri zen (6); babes hiriak (10)