Udazkeneko eta Udaberriko Euskara ikastaroak (presentziala/online)
Ikastaro honen helburua ez da soilik gure hizkuntza, euskara, ikasten hastea, baita gure kultura ezagutzea ere, eskola presentzialen eta ikasgelatik kanpo egingo diren jardueren bidez. Gure artean zaudeten bitartean, eguneroko ekintzetan euskaraz komunikatzeko aukera izan dezazuen nahi dugu, eta, aldi berean, datozen hilabeteetan zuen etxea izango den herrialde honen ohituretan, gastronomian, kulturan eta mitologian sakontzea.
Informazio orokorra
![](https://www.ehu.eus/documents/2099535/4428768/Cursos-euskera.jpg/11f073e3-bc55-8bc3-2a3a-f205d09744dd?t=1540294039000)
Ikastaroen datak:
-
Udazkeneko ikastaro presentzialak: 2024ko irailaren 10etik abenduaren 19ra > Matrikula irekita
-
Udazkeneko ikastaro online: 2024ko irailaren 10etik abenduaren 19ra (30 plazako taldea espainola ez dakiten ikasleentzat bakarrik) > Matrikula irekita
-
Udaberriko ikastaro presentzialak: 2025eko urtarrilaren 21etik maiatzaren 8ra > Matrikula itxita
-
Udaberriko ikastaro online: 2025eko urtarrilaren 21etik maiatzaren 8ra (30 plazako taldea espainola ez dakiten ikasleentzat bakarrik) > Matrikula itxita
Ordutegia:
Astearte eta ostegunetan, 13:30etik 15:30era.
Zenbatekoa:
Euskara, Kultura eta Nazioartekotzearen arloko Errektoreordetzak kudeatutako truke programetako ikasleak eta ENLIGHT Europako Unibertsitateko ikasleak: Doain.
Bestelako UPV/EHUn matrikulatutako ikasleak: 180 euro (Ez ordaindu matrikula zenbatekoa ikastaroan plaza konfirmatuta izan arte).
Maila:
Ikastaro presentzialak eta online: oinarrizko maila
Ikastaroko ikaspostuak matrikula-ordenaren arabera emango dira, eta Euskara, Kultura eta Nazioartekotzearen arloko Errektoreordetzak kudeatutako truke-programetako ikasleek lehentasuna izango dute beti.
Gure ikastaroetan matrikula egin aurretik, ikasleei arautegia berrikustea gomendatzen diegu.
Udazkeneko Euskara ikastaroaren egutegia
-
Ikastaroaren hasiera ofiziala: irailaren 10a
-
Eskaeren onarpenaren azken eguna (eskaera orria online): irailaren 25a
-
Eskoletara sartzeko azken eguna (matrikulatutako ikasleak bakarrik): urriaren 1a, 13:30etan
-
Ikastaroko matrikula osatzeko behar den dokumentazioa aurkezteko azken eguna, beharrezkoa baldin bada (ikus baldintzak behean): urriaren 4a
Hasteko data ofizialaren ondoren (irailaren 10a) ikastaroetara sartzen diren ikasleek beren kabuz eguneratu beharko dituzte klasean emandako gaiak.
Matrikulatzeko behar den dokumentazioa:
Euskara, Kultura eta Nazioartekotzearen arloko Errektoreordetzak kudeatutako truke programetako ikasleak:
Ikasleak ez badute GAURen online erregistroa bete, 2024-2025 ikasturtean UPV/EHUn trukeko ikasle gisa onartu izanaren egiaztagiria eskatuko zaie (egonaldi datak jaso behar ditu).
Ikasle hauek doain parte hartu ahal izango dute ikastaroetan. Zalantzarik izanez gero eta ordainketarik egin aurretik, mesedez, idatzi mezu elektroniko bat cursosidiomas@ehu.eus helbidera.
Graduondoko programetan matrikulatutako nazioarteko ikasleak, ikertzaileak eta/edo irakasle bisitariak UPV/EHUn:
- Eskaera online egiteko imprimakia
- 2024-2025 ikasturtean UPV/EHUn ikasle, ikertzaile edo irakasle bisitari gisa onartu izanaren egiaztagiria (egonaldi datak jaso behar ditu).
- Matrikula kuota ordaindu izanaren bankuko egiaztagiria: 180 euro (Ez ordaindu matrikula zenbatekoa ikastaroan plaza konfirmatuta izan arte).
Banku kontua: Kutxabank ES97 2095 0292 99 3239003884 (adierazi ikaslearen izen-abizenak).
Euskara, Kultura eta Nazioartekotzearen arloko Errektoreordetzak kudeatutako truke programetako ikasleek lehentasuna izango dute ikastaro hauetan parte hartzeko. Ikastaroen idazkaritzak beretzat gordetzen du beste programetako ikasleei, plaza libreak izanez gero, ikaspostuak emateko eskubidea.
Gogoratu nahi dugu matrikula betetzeko, hau da, eskaera orriaz aparte beharrezkoak izan daitezkeen dokumentoak ikastaroen bulegora bidaltzeko azken eguna, urriaren 4a izango dela.
Ikastaro presentzialak emateko tokia (1. lauhilekoa)
Arabako Campusa (Vitoria-Gasteiz)
Elurreta eraikina. Nieves Cano kalea, 33
Eraikinaren kokapena
Gela: 105 (1. solairua)
Bizkaiako Campusa (Bilbo eta Leioako ikasleak)
Leioako Campuseko Hezkuntza Fakultatea. Barrio Sarriena, s/n (Leioa)
Eraikinaren kokapena Leioako Campusean
Gela: 1S02G (1. solairua, gela 2)
Gipuzkoako Campusa (Donostia/San Sebastián)
Carlos Santamaría Zentroa. Elhuyar plaza, 2
Eraikinaren kokapena
Gela: 7. Irailaren 26an eta azaroaren 7an, klaseak 5. gelan emango dira leku arazoak direla eta.
Espainola ez dakiten ikasleentzako ikastaroa online
Matrikulatutako ikasleei mezu elektronikoren bidez ikastaroaren plataforman sartzeko esteka bat bidaliko zaie.
Gogoratzen dizuegu ikastaroak online direnean, guztiz debekatuta dagoela beste ikasleei ikastaroen estekak ematea edo pasatzea ikastaroen bulegoaren onarpena eduki gabe.
Programa
Webgune honetan argitaratuta egoteaz gain, ikasleek maila bakoitzeko programa espezifikoa jasoko dute ikasturte bakoitzaren hasieran. Ikasleei gomendatzen diegu programa hau deskargatzea eta gordetzea, jatorrizko unibertsitateak kredituak baliozkotzeko eskatzen badio ere.
Ebaluazioa, ziurtagiriak eta kredituak: Ikusi ikastaroen arautegia
Laster eguneratuko da webgunea 2024-2025 ikasturterako programa espezifikoekin. Bitartean, ikastaro hauetan interesa duten ikasleek joan den ikasturteko programak berrikusi ditzakete orientabide gisa.