Shakespeareren sonetoak Juan Garziaren ahotsean
024. Pintore antzo du ene begiak
Pintore antzo du ene begiak
zure potreta egin bihotzean;
gorputz hauxe du marko irudiak:
perspektiba du onen hainbestean;
haren artetik behar duzu jakin
non zaren ageri zu zinez iaio,
ene bular-baitan eskegia fin,
zure begiok kristalezko leiho.
Ikus zeinen begi-truke ederrak:
neureak zure itxura dit eman;
zure biok, berriz, leiho zabalak
Eki goza dadin zure barrandan.
Begiak, haatik, badu akatsik:
azala dakusa; ez, oi, bihotzik.