Shakespeareren sonetoak Juan Garziaren ahotsean
025. Izarren begiko direnak beude
Izarren begiko direnak beude
harro ohorezko titulu hutsez;
ni, fortunaz halako zori gabe,
uste eztako poz, ohore hobez.
Printzeen kutunek hostaila eder,
ilenak eguzki-begian nola;
distirok, baina, ilunpera laster,
bekozko itzal batek jo ahala.
Gudari neke latzez famatua,
garaile milatan, behin galtzaile,
liburutik hor da ezabatua,
anarteko ohore oro gabe.
Zein zoriontsu ni Maiteren maitez,
elkarri fede zina diogunez!