Shakespeareren sonetoak Juan Garziaren ahotsean
145. Amodiok berak eginak
Amodiok berak eginak
diren ezpainok hatska: «Higuin»,
niganantz, beroz hoztuz zainak.
Baina, ikustez ni minen min,
horra bihotzera gupida,
kargu hartzeko mihi horri,
goxoz zakar erabilia,
hau irakatsiz oles berri:
«Higuin» eraldatu da amai
alaiz, nola egunaz gaua,
zeina, izpiritu-txar deslai,
zerutik doan infernura:
«Higuin» ez da jada higuintsu;
salbatu nau, esanez: «ez zu».