Shakespeareren sonetoak Juan Garziaren ahotsean
119. Zer edabe zikin, sirena-malkoz
Zer edabe zikin, sirena-malkoz,
infernu lako alanbike satsuz
iraziz mozkortu naiz, pekoaz poz,
pozaz peko, irabaz-ustez galduz!
Nolako huts latza ene bihotzak,
inoiz hain zoriontsu sentitzeko!
Nola zaizkit hortxe begi-konkorrak
berenetik irten, sukar eroko!
Gaixoen onura! Horra egia:
hobea gaiztoz da are hobetzen;
maitasun lur-joa, berreraikia,
geroz eder, sendo, bikainagotzen.
Gaitzetsi izatez nator pozera,
gaitzez hirutan on irabaztera.