Shakespeareren sonetoak Juan Garziaren ahotsean
115. Aritu natzaizu gezur betean
Aritu natzaizu gezur betean,
are idatziz ez zintzakedala
maiteago: ezin jakin artean
gar goriena sut zitekeela.
Aldi nekusan, ezbeharrez malmutz,
berdin okertuz lege, zin, asmoak;
eder hauten tamal, zorrotzen kamuts:
makurbera hari gogo sendoak;
nola ez esan, bada, nik, tirano
horren beldur, «Orain zaitut maiteen»,
ziurgabe joz etorkizun oro,
unea baineukan ororen gailen?
Maitasun haurtxoa heldutzat nuen:
hazitik hor nola hazten ari den.