Shakespeareren sonetoak Juan Garziaren ahotsean
112. Amultsu duzu ezabatzen nigan
Amultsu duzu ezabatzen nigan
jendarte gaitzak ezarri makula:
zer axola niri inork zer didan,
txarra estaliz zuk ontzen nauzula?
Zu baitzara ene mundu osoa,
zure mihitik nik on-gaitz espena;
ez ni auzoaz, ez nitaz auzoa,
gara esateko zer den zuzena.
Hain nauzu axolagabe besteen
esanez, non suge-belarri hauek
hiztun garratz zein eztiei gor diren.
Desenkusa hau baitu uko horrek:
hain zaude bizirik ene gogoan,
non hiltzat baititut zure ondoan.