Menu nagusia:

• Sorrera
• Edukiak
• Helburuak
• Kokapena
• Datu baseak
  • Dokumentuak
  • Bibliografia
  • Mediateka
  • Testu liburuak
• Baliabideak
• Iradokizunak

Datu baseak

Interesa duenak hainbat eremuren arabera kontsultatu ahal izango du datu basea. Horretarako aukera emango du aurkezten dugun web gunearen diseinuak:

• Gai nagusiak: Bost eremu nagusi biltzen dira bertan: haurtzaroa, alfabetizazioa, Hezkuntza Erakundeak, Hezkuntza Politika eta Pentsamendu pedagogikoa. Dokumentazio guztiak du deskriptore hau; beraz, hala nahi izanez gero, eremu hauetako baten inguruan dagoen dokumentazio guztia ezagutu liteke, baita dokumentu horien artean egon litezkeen harremanak ere.
• Bigarren mailako gaiak: Katalogazio indize bat da; dokumentuaren beraren gaiarekin zerikusia duten deskriptore zerrenda zabala jasotzen da indize horretan. Deskriptore horietako gehienek gai nagusiekin lotura dute. Oro har, dokumentu bakoitzak elkarrekin harremana duten hiru deskriptore baino gehiago izaten ditu; dokumentuan zer-nolako edukiak jasotzen diren erakusten dute deskriptore horiek. Gai nagusietara mugatutako tesaurus bat da; dokumentu baten indizea egiterakoan erabili daitezkeen maila gehienak biltzen saiatzen den tesaurusa. Aldian behin, tesaurus horren barne-ebaluazioa egiten da. Nolanahi ere, badago aukera bilaketa “testu librea”-ren bidez egiteko; hala, datu basearen indizean jasotako laburpenaren bidez berreskuratu liteke dokumentua, tesaurusean jaso gabe dauden hitzak erabilita ere.
• Lurraldeak: Indizea egina duten dokumentu guztiek nahitaez hiru datu eduki behar dituzte haiek bilatzeko: bat lurraldea da, bestea dokumentuaren data, eta, hirugarrena, dokumentu horren jatorrizkoa zein Artxibotan dagoen. Eremu honetan Euskal Herriko lurralde historikoak jasotzen dira.
• Artxiboa: Eremu honetara sartzeko, zerrenda bat zabaldu beharko da; dokumentazioa bildu izan den artxibo guztiak agertuko dira zerrenda horretan. Litekeena da erabiltzaileak datu hau ez ezagutzea, baina, edozein modutan, erabiltzaile askorentzat interesgarria ere izan liteke jakitea zenbat dokumentu dauden indizean, kontsultatutako artxibo horietatik etorritako zenbat dokumentu, alegia.
• Data: Zenbakien eremu bat da. Urte jakinen arabera edo urte batetik besterako epeen arabera iritsi liteke dokumentaziora. Bigarren aukera horretan, hasierako urte bat eta amaierako urte bat zehaztu beharko dira bilaketa egiteko.
• Dokumentuaren eskuragarritasuna sarean: Eremu honek erakutsiko du erabiltzaileak bilatutako dokumentuak zerbitzarian bertan eskaneatuta eta eskueran dauden. Gerta liteke dokumentu asko eskaneatuta egotea, baina gero, datu basea jasotzen duen zerbitzarian denen eskuragarri ez izatea. Dokumentua sarean egonez gero, zuzenean sartu ahal izango du erabiltzaileak.
• Bilaketaren ordena: Sistema informatikoak dokumentazioa zein eremuren arabera ordenatzea nahi duen aukeratu ahal izango du erabiltzaileak. Horretarako, aurrez deskribatutako eremuen arabera jokatu beharko du.

Erabiltzaileak kontsulta egiteko nahi dituen eremuak betetakoan, sistemak, zerrenda bat osatu eta pantailan erakutsiko du. Aurrez aipatutako datu horiek guztiak azalduko dira dokumentu bakoitzean. Eta sarearen bidez zerbitzuaren kudeatzaileei eskaera egiteko aukera izango du, dokumentu horien kopia lortu ahal izateko.