Euskal Herriko Unibertsitatea Euskal Herriko Unibertsitatea

Breadcrumb

Jarduera Praktikoak 2025 (Sarrera)

Jarduera Praktikoak

Unibertsitatea ezagutzeko lehen hurbilketa bat izan nahi duzu? Unibertsitateko ikastegietara joan eta graduko ikasketak modu praktikoan (esperimentuen, simulazioen, muntaketen, sorkuntzen, rol-playing-aren eta abarren bidez) ezagutu nahi al dituzu?

Euskal Herriko Unibertsitateak gonbidatu egiten zaitu, Eusko Jaurlaritzarekin elkarlanean, 2025eko urtarrilaren 13tik otsailaren 7ra bitartean egingo diren jarduera praktiko hauetan parte hartzera.

Jarduera praktikoen bideoaren transkripzioa

Parte hartu ahal dutenak

Euskal Autonomia Erkidegoko Batxiler, Lanbide Heziketako Goi Mailetako Ziklo, Arte Ikasketa eta Kirol Ikasketetako lehenengo mailako ikasleak.

Aipatutakoez gain, Bigarren Hezkuntzako ikastetxeetako irakasleak eta orientatzaileak ere bai.

Jardueren eskaintza

Tarjeta - Jarduera Praktikoak - Campus

Tarjeta - Jarduera Praktikoak - Jakintza adarrak

Tarjeta - Jarduera Praktikoak - Fakultatea / Eskola

Jarduera Praktikoak 2025 (Izena ematea)

Parte hartzeko prozedura

1. Eskaera egitea (ikasleek) Abenduaren 2tik 15era
2. Balidatzea (orientatzaileek) Abenduaren 16an eta 17an
3. Plazak zozketatu eta esleitzea Abenduaren 19an

Parte hartzeko jarraitu beharreko urratsak:

  1. Eskaera egin abenduraren 2tik 15era, esteka honetan, interesatzen zaizkizun jardueretan.  Eskaera banakakoa eta nahitaezkoa da.
    Gehienez, 5 jarduera praktiko eska ditzakezu. Jarduera bakoitzean nahi adina saio eska ditzakezu, plazen zozketan aukera gehiago izan dezazun.
  2. Bigarren Hezkuntzako zure ikastetxeko orientaziorako langileek abenduaren 16an edo 17an balidatu beharko dute zure eskaera (baieztatu beharko dute ikastetxe horretako ikaslea zarela eta lehen mailan zaudela), behin betikoa izan dadin. Esteka honetan balidatu beharko da.
    Ikastetxeak balidatu ez dituen eskaerak ez dira kontuan hartuko zozketan parte hartzeko.
  3. Abenduaren 19an zozketatuko dira plazak balidatutako pertsona guztien artean. Esteka honetan kontsulta dezakezu zozketaren emaitza.

Zozketan plazarik lortu baduzu, gordekina gorde eta/edo inprimatu behar duzu unibertsitateko ikastegian aurkezteko jarduera praktikoaren egunean eta orduan. Itxaron zerrendan geratu eta bajaren bat gertatu bada, posta elektronikoz jakinaraziko zaizu plaza esleitu zaizula.

OSO GARRANTZITSUA! Azkenean parte hartu behar ez baduzu, EZABATU zure eskaera lehenbailehen, zure plaza berresleitu ahal izateko. Jarduera praktikoa izan baino 5 egun lehenago arte ezaba dezakezu zure eskaeran sartuta.

 

Jardueretarako beharren bat izanez gero, idatzi mezu bat iaz@ehu.eus helbidera, urtarrilaren 8a baino lehen, zure egoeraren berri emateko.