Ingeniaritza kimikoa eta ingurugiro ingeniaritza garagardoaren ekoizpenean
- Jakintza adarra: Ingeniaritza eta Arkitektura
- Campusa: Bizkaia
- Ikastegi antolatzailea: Bilboko Ingeniaritza Eskola
- Graduak:
- Ingurumen Ingeniaritza
- Industria Teknologiaren Ingeniaritza
- Garapen-lekua (helbidea): Bilboko Ingeniaritza Eskola, , I-B eraikina (sarrera Luis Briñas kaletik Juan Antonio Zunzunegirekin, San Mameseko metro irteera). 48013 Bilbo
Egutegia eta plazak
| Data | Hizkuntza | Txanda | Ordutegia | Plazak |
|---|---|---|---|---|
| 29/01/2025 | Gaztelania | Goizez | 10:00 – 13:00 | 9 |
| 30/01/2025 | Euskara | Goizez | 10:00-13:00 | 9 |
| 05/02/2025 | Gaztelania | Goizez | 10:00-13:00 | 9 |
| 06/02/2025 | Euskara | Goizez | 10:00-13:00 | 9 |
Jardueraren deskribapen laburra
Hasiera batean, garagardoaren produkzioaren etaparik nagusienak burutuko dira: beratzea, egostea eta fermentazioa. Horrez gain, lagin desberdinen alkohol kantitatea neurtuko da dentsimetriaren bitartez.
Ondoren, industria kimikoaren prozesu nagusi bat aurkeztuko da: destilazioa (likore desberdinak lortzeko erabiliko duguna), non garagardoaren alkohol kantitatea errefraktometria bidez neurtuko den. Eta azkenik, ur tratamenduen sarrera motz bat azalduko da, CO2/karbonato sistema aztertuz. Ematen den zikloa azaldu eta bigarren fermentazio bidez lortutako CO2-aren analisi kualitatibo bat burutuko da.
Lor nahi diren helburuak honako hauek dira:
- Ingeniaritza Kimiko eta Ingurumen Ingeniaritzaren garrantziaz jabetu.
- Batxilergoan ikasitako Kimika eta Biologiako gaien ezagutza aplikatuz, garagardoaren fabrikazio etapa bakoitzeko oinarriak ulertzea, lehengaietatik abiatuta.
- Industria kimikoan aurki ditzaketen instalazioen ezaugarriak ikasteko aukera laborategi mailan.
- Ikasleak Ingeniaritza Kimiko (edo Industri Kimika espezialitatea Industri Ingeniaritzan) eta Ingurumen Ingeniaritzaren Graduetara gerturatu Bilboko Ingeniaritza Eskolan.
- Ikasleak laborategira eta praktiketara gerturatzea.
Landuko diren gaiak/edukiak
- Industria Kimikoaren garrantzia.
- Lehengaiak eta beraien papera garagardoaren produkzioan.
- Oinarri biologiko eta kimikoak garagardoaren produkzioaren etapa desberdinetan.
- Destilazioan (likore desberdinak lortzeko) erabiliko diren planta pilotoen oinarriak eta erabilera.
- Hainbat teknika analitikoen erabilerara sarrera, hala nola dentsiometria eta errefraktometria, etanolaren konzentrazioa uretan neurtzeko erabiliko direnak.
- Industria mailan oso ohikoa den absortzio prozesu baten operazio kondizioak optimizatzea laborategi mailako planta pilotu bat erabiliz.
- Uraren kimikaren oinarrizko printzipioak azido-base oreka aztertuz CO2/karbonato sistemarako.
- CO2-ren determinazioa korronte gaseoso batean.
Egingo diren ekintzak
- Euskadiko industria kimikoaren garrantzia azaltzea eta Ingeniaritza Kimikoaren garrantzia azaltzea Industria Masterrean.
- Garagardoaren produkzioa:
- Mota desberdinetako garagar, lupulu eta legamiak erabiltzea. Ekoiztu nahi den garagardo motaren arabera osagaiak aukeratzea.
- Garagar maltaren beratze prozesua burutzea eta bertan gertatzen diren prozesu biokimikoak ulertzea.
- Lupulua gehitu ondoren, egostea burutuko da. Tenperatura eta pH moduko parametroetan arreta jarriko dugu eta bukaerako produktuan duten eragina azalduko dugu.
- Lortutako nahastearen hoztea ohiko teknikak erabiliz, bero trukagailuen bidez, eta teknika berriagoak erabiliz, N2 likidoa. Nahastea fermentagailu batean sartu eta legamia gehitu. CO2-ren produkzioa hartzidura abiadurarekin erlazionatu. Tenperaturak fermentazioan duen eragina ebaluatu.
- Fermentazio prozesuaren kalitate analisia egin, momentu desberdinetan hartutako laginen alkohol kantitatea neurtuz. Horretarako dentsimetria erabiliko da.
- Destilazioaren oinarriak ulertzea. Destilazio plantaren errefluxu erlazioa aldatu eta destilatuaren purutasunean duen eragina ulertu. Destilazio ez- jarraitua erabili garagardo komertzial bat adibide moduan erabiliz. Bere alkohol kantitatea neurtu refraktometriaren bidez. Horretarako, kalibrazio kurba bat egin beharko dute, hainbat alkohol-ura disoluzio prestatuz mikropipeta automatikoak erabilita.
- Ur-tratamenduen Kimika: azido-base prozesu naturala, CO2/karbonato sistema:
- CO2-ak negutegi efektua sortarazten du eta honek klima aldaketa dakar. Hartzidura prozesuan CO2-a sortzen denez, garagardo ekoizpen jasangarri batek gas honen isuriak murriztu beharko lituzke. CO2-a horrez gain modu naturalean aurkitzen da. Ikasleei ingurumen teknologien ikuspegi bat emango zaie, uraren CO2/karbonato sistema aztertuz.
- Lehenengo oreka sistemaren oinarrizko kontzeptuak azalduko dira ikasleek barneratu dezaten.
- Esperimentalki CO2–a bigarren fermentazio pausutik erauziko da eta kualitatiboki analizatuko da Ca(OH)2 disoluzio batekin kontaktuan jarritakoan. Ca(OH)2-aren pH-a pH-metro batekin neurtuko da, CO2-a gaineratu baino lehen eta ondoren pH-aren aldaketa ebaluatzeko.