Datu akademikoak

<ul>

<li>Filosofian eta Hezkuntza Zientzietan lizentziaduna. Salamancako Unibertsitate Pontifikala (1979), Salamancako Unibertsitateak homologatua (1979).</li>

<li>Psikologia Klinikoan espezialista. Salamancako Unibertsitate Pontifikala (1979)

</li>

<li>Lizentzia Gradua (Tesia). Salamancako Unibertsitate Pontifikala (1979)</li>

<li>Filosofian eta Hezkuntza Zientzietan doktorea / Psikologia Atala (1986)</li>

</ul>

CV laburpena

Bere ikerketen eremuan, familia inguruneko aldagaiek haurren garapen psikologikoan duten eragina aztertzen du, ikuspegi ekologiko, sistemiko, interaktibo eta epigenetiko batetik. 2005. urtean, Fernando Olabarrieta doktorearekin eta Ainhoa Manzano eta Juan Luis Martín doktoreekin batera, Haezi-Etxadi ikertaldea sortu zuen. Talde horrek lan handia egin du ikerketan eta ezagutza gizarteari transferitzen, eta hainbat lan argitaratu ditu iturri espezializatuetan, familia testuinguruak garapen kognitiboan eta sozioemozionalean duen eragina azaltzeko; gainera, gurasotasun positiboko programak diseinatu eta balidatu ditu, ebidentzian oinarrituta, eta, programa horiek kudeatzeko, familiekin lan egiten duten erakundeekin lankidetza kontratuak sinatu ditu. Etorkizunera begira, ikertzen jarraitzeko asmoa du, garapen psikologiko osasungarria bultzatzen duten guraso konpetentzia unibertsalak sustatzeko politika publikoak garatzen laguntzeko.

Ikerketa-ildoak

<ul>

<li>Oinarrizko ikerketa: familia testuingurua, guraso konpetentziak eta haurren eta nerabeen garapen psikologikoa.</li>

<li>Giza garapen psikologikoari buruzko ikerketa eredu teorikoak eta metodologikoak.</li>

<li>Familiako ebaluazioa eta esku hartzea, ebidentzian oinarritutako gurasotasun positiboaren (P+) ikuspegitik.</li>

<li>Ezagutzaren transferentzia, familiak ahalduntzeko politika publikoak diseinatzeko, eta profesionalak eta oro har familiak prestatzeko.</li></ul>