MikrobioGUNE 2024ko Batzorde Antolatzaileak interesa duten pertsona guztiak gonbidatzen ditu beren lanaren laburpena bidal dezaten bertan aurkezteko.

Laburpenek arau hauek bete beharko dituzte:

Laburpenek GAZTELANIAZ idatzita egon behar dute, eta deskarga daitekeen eredua jarraituz bete behar dira. Mesedez, azpimarratu ekitaldian lana aurkeztuko duen pertsona.

Bidalketan, komunikazioa zein saio zientifiko edo tematikotan aurkeztu nahi den adierazi beharko da, bai eta autoreek ahozko komunikazioaren edo posterraren artean duten lehentasuna ere. Ahozko aurkezpenerako eta posterrerako proposamenak onartuko dira. Hala ere, Antolaketa Batzordeak saio bakoitzerako jasotako proposamen-kopuruaren arabera aldaketak egiteko eskubidea du. Aldaketarik izanez gero, behar den denboraz jakinaraziko zaie dagozkien egileei. Laburpenak bidaltzeko inprimakiaren bidez bidali behar dira.

OHAR GARRANTZITSUAK:

• Laburpena bidaltzeak Batzorde Antolatzailearen partez lana argitaratzeko baimena ondorioztatzen du.
• Bidalitako laburpen guztiak Batzorde Zientifikoak aztertuko ditu isilpeko eran eta berak eska dezake Batzordetik kanpoko arloko adituek aztertzea.
• Batzorde Zientifikoak erabakiko du lana onartzea eta baita ahozko edo poster moduan kokatzea.
• Onarturiko lanak aurkezten dituztenek ekitaldian parte hartzeko izena eman behar dute.
• Onarturiko laburpenak ekitaldiaren laburpen-liburuan argitaratuko dira eta bertaratzen diren guztiei banatuko zaie.
• Laburpena bidaltzeko gonbitak ez du ondorioztatzen ekitaldian aurkeztuko duenaren izen-emateak edota bidaiak sorturiko gastuen murrizketa edo salbuespena.
• Hizlari bakoitzak ezin izango du ahozko komunikazio bat baino gehiago aurkeztu.