BEHIN BETIKO BAJAGATIK HUTSIK DAUDEN IRAKASLE EZ-FINKOEN PLAZAK

Sailek ikasturtean zehar noiznahi egin ahal izango dituzte titularraren behin betiko bajagatik hutsik dauden irakasle ez-finkoen (irakasle elkartuak, laguntzaile doktoreak) plazei buruzko proposamenak.

Arautegiari jarraituta plazak lehiaketa publiko bidez betetzeko eskatzean, 8. eranskina beteko da. Irakasle elkartuen kasuan, ebaluazio batzordeko kideak nortzuk izango diren jakinaraziko da; irakasle laguntzaile doktoreen kasuan, ebaluazio batzordeko kide posibleak proposatuko dira, batzordearen eraketa edo, hala badagokio, dagokion zozketa errazteko.