Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Unibertsitate Masterra

Masterraren gakoak

Master honek bigarren hezkuntza, lanbide heziketa, batxilergo, hizkuntzen irakaskuntza eta hezkuntza-orientazioko etapa eta maila ezberdinetan irakasle izateko gaitzen du.

Programak prestakuntza psikopedagogiko eta didaktikoa eskaintzen die unibertsitateko titulu ofiziala eskuratu eta irakasle-lanak egin, hezkuntzarekiko eta orientazioarekiko interesa eduki eta hainbat gaitasun frogatzen dituztenei; komunikaziorako gaitasuna, enpatia eta ikasleak prestatzeko nahikoa lidergo duten ikasleei.

Horretarako, 8 espezialitate eskaintzen dira, ikasleen garapen-alor ezberdinekin lotutakoak, horiek didaktikoak, orientazio psikopedagogikoak, hezkuntzakoak, akademikoak zein profesionalak izan daitezke: natur zientziak eta matematikak, hezkuntza artistikoa, hezkuntza fisikoa, hezkuntza musikala, dantza eta arte eszenikoak, humanitateak eta gizarte zientziak, hizkuntza eta Literatura, hezkuntza-orientazioa eta teknologia. 

Prestakuntza-programa amaitzerakoan, ikasitako espezializazioaren curriculum edukiei buruzko beharrezko ezaguerak izango dituzte, baita baliabide psiko-sozio-didaktikoak ere irakaskuntza eta ikaskuntza prozesuak garatzeko. Horiek, halaber, aniztasun, genero-berdintasun, kultur aniztasun eta eleaniztasunarekiko jarrera proaktiboak sustatzeko helburua dute.

Gainera, programak garrantzia handia ematen dio Euskal Autonomia Erkidegoko ikastetxeetan derrigorrezko praktikak egiteari.