Gradu Amaierako Lana (GRAL) dugu Jarduera Fisikoaren eta Kirolaren Zientzietako Gradua eskuratzeko ezarritako baldintzetako bat. “Agur” esateko modu bat da, nolabait, aukera bat ikasitako mailetan zehar eskuratutako gaitasunak agiri tekniko zientifiko batean gorpuzteko eta jendaurreko ekitaldi batean agertzeko. GRALa irakasgai bat da, baina ez irakasgai soil bat, aurrera egin aurretik ezagutu beharreko hauek araututa dago: arautegi orokorra eta gida akademikoa . Era berean, proiektu pertsonala da, proban jartzen dituena, hain zuzen ere, norberaren autonomia eta ekimena, baina tutoretzapean eta zuzendaritzapean egiten dena fase guztietan: lana definitu, gauzatu eta aurkeztu.

Pasaden urtetan egindako lanak - ADDIn argitaratuak-

Zuzendariak izendatzea: GAUR aplikazioan (GRAL atalean)

Lehenengo tutoretza: urriaren 7tik 18ra

Garrantzitsua: Gradu Amaierako Lana defendatu eta ebaluatu ahal izateko, egiaztatu egin beharko da ikasleak ikasketa planeko gainerako gai guztiak gaindituta dituela da eta, hortaz, Gradu Amaierako Lanari dagozkion kredituak izan ezik, graduko titulua lortzeko beharrezkoak diren gainerako kreditu guztiak dituela.

Ikasleak Gradu Amaierako Lana irakasgaian matrikulatuko da automatrikula garaian eta ikasturtean zehar GRAL aurrera eramateko jarraibideak beteko ditu.

GRALaren proiektu on batek abiapuntu hauek izan behar ditu, gure graduaren espezifikotasunari egokitutako helburu batzuk eta norberaren eta besteen asmo profesionalak: denok dakigunez, konta ezin ahala aukera daude ondo uztartzeko eskakizun instituzionalak eta kezka bokazionalak.

Bestalde, oso gomendagarria da proiektuaren tutorearekin epe egutegi bat ezartzea GRALa defendatu egin nahi den deialditik abiatuta: otsaila, ekaina edo uztaila. Eginkizunak eta horien iraupenak jaso beharko ditu egutegi horrek, eta iristeko moduko mugarriak eta lan bilerak ezarri behar dira.

Gradu Amaierako Lana idatzizko dokumentu bat dugu, fakultatetik igarota zertarako garen gai adierazten duena. Lanaren prestakuntza eta idazketa lan motak eta lanaren zuzendaritzak emandako jarraibideek zehazten dituzte, batez ere. Edonola ere, jarraipen hauek hartu behar dira kontuan: luzapena 7.500 hitzekoa izango da gutxienez eta 10.000koa gehienez (azala –ikus eredua–, aurkibidea eta eranskinak kenduta); idazketa APA arauen (*) azken bertsioak ezarritako argibide orokorretara moldatu behar da; amaierako dokumentua PDF formatuan aurkeztu behar da.

Ezarritako parametroak betetzen ez dituzten lanak gaitzetsi egingo dira eta ezin izango dira aurkeztu.

 (*) Berezitasunak: 11ko  letra tamaina eta 1,5eko lerroartea erabiliko da.

Gainera, Unibertsitateko irakaskuntzen antolamendua eta haien kalitatea bermatzeko prozedura ezartzen dituen irailaren 28ko 822/2021 Dekretuak ezarritako ikasketa planak diseinatzeko printzipio gidariak garatuz, gradu amaierako lan guztietan jasoko da egindako lanari buruzko gogoeta bat, printzipio eta balio demokratikoei eta garapen jasangarrirako helburuei jarraituz egina. Gogoeta horrek aztertuko du GRALak balio horiekin eta JGHek osatzen duten lan esparruarekin duen lotura, eta/edo horiekiko ikuspegi kritikoak plantea ditzake.

Gogoetak arreta berezia jarri ahal izango die honako hauei:

- Giza eskubideen eta oinarrizko eskubideen errespetua, baita balio demokratikoena ere.

- Genero berdintasunaren eta tratu berdintasunaren errespetua, eta inor ez diskriminatzea, arrazoia edozein delarik ere: jaiotza, jatorri nazional edo etnikoa, erlijioa, sinesmen edo iritzia, adina, desgaitasuna, sexu orientazioa, genero identitatea edo genero adierazpena, sexu ezaugarriak, gaixotasuna, egoera sozioekonomikoa, edota beste edozein ezaugarri edo inguruabar pertsonal zein sozial.

 - Irisgarritasun unibertsalaren eta pertsona guztientzako diseinuaren printzipioen errespetua.

- Jasangarritasuna eta aldaketa klimatikoa tratatzeko era.

Gogoetak 200 hitz izango ditu gutxienik, eta atal espezifiko bat izango da lan idatzian. 822/2021 EDn aipatzen diren erreferentziazko arauekin batera, 2030 EHUagenda erabili ahal izango da gure unibertsitatearen erreferentziazko arau espezifiko gisa.

Beste links lagungarriak:

http://normasapa.com/; https://normas-apa.org/wp-content/uploads/Guia-Normas-APA-7ma-edicion.pdf

Gradu Amaierako Lana egiteko prestakuntza materialak

Nola egin lan akademiko bat

EHUagenda 2030: https://www.ehu.eus/eu/web/iraunkortasuna/ehuagenda-2030

Indarreko arautegia ontzat hartuta, GRAL defendatu eta ebaluatu ahal izateko, egiaztatu egin beharko da ikasleak ikasketa planeko gainerako gai guztiak gaindituta dituela da eta, hortaz, Graduko Amaierako Lanari dagozkion kredituak izan ezik, graduko titulua lortzeko beharrezkoak diren gainerako kreditu guztiak dituela.

Arautegi orokorrak dioen moduan, GRALa azaldu beharko da hiru kidek osatutako epaimahaiaren aurrean, saio publikoan, kontuan hartuta 6.4 artikuluak dioena: "ikasleak lanaren helburuak, metodologia, edukia eta ondorioak azaldu beharko ditu. Gero, epaimahaiko kideen galdera, argibide eske, komentario edo iradokizunei erantzun beharko die". Saioa 45 minutukoa izango da. Ikaslearen aurkezpenak gehienez 15 minutu iraungo du.

Baina lehenik eta behin ikasleak irakasgaiaren matrikula egin behar du, bai eta lana ere zuzendariaren gidaritzapean ikasturtean zehar. Ondoren tramite hauek egin behar dira:

1.- Behin betiko dokumentua aurkeztea barruko ADDIren bidez, horretarako prestatu den gidan adierazitako moduan.  Une horretatik aurrera ikaslea da bere lanaren erantzule, bai alderdi formalei dagokienez bai originaltasun eskakizunei dagokienez.

Oharra: lana igo ahal izateko, ikasleek ADDI plataformatik korreo bat jasoko dute. Erabiliko da esteka hau: http://academico.ehu.eus/submissions

2.- Defentsa eskaera GAURren bidez: lanaren behin betiko izenburua erabaki beharko da, horixe izango baita espedientean agertuko dena.

2023/24 ikasturtetik, loturaren bat izanez gero, Gradu Amaierako Lanak Garapen Jasangarrirako Helburuekin lotu beharko dira GAUR plataformaren bidez.  Lotura hau ikasleak egin beharko du GRAL aurkezpenaren eskaera egiterakoan.

Argibideak defentsa eskaera eta GIH

3.- GRALaren defentsa epaimahaiaren aurrean: aurreko tramiteak bete direla behin egiaztatuta, defentsaren eguna eta tokia jakinaraziko zaie interesatuei.

Kalifikazio gisa 9 edo gehiago lortzen duten gradu amaierako lanak barneko ADDItik ADDI orokorrera igaro ahal izango dira. Horretarako, ikasleek berariazko baimena eman beharko dute dokumentu honen bidez. Dokumentua defentsak irauten duen bitartean sinatuko da, ikasleek epaimahaiaren kalifikazioa jasotzen dutenean. Epaimahaiak ikastetxeko idazkaritzari helaraziko dio dokumentua, artxibatu dezan.

LEHENENGO DEIALDIA (24/25 IKASTURTEA)

2024/2025 ikasturtean lanen defentsa egiteko lehenengo epea 2025ko otsailaren 10etik 14ra artekoa izango da. Lana epe horretan defendatu nahi dutenek urtarrilaren 31a baino lehen egin behar dute eskaera, eta lana urtarrilaren 30a baino lehen aurkeztu beharko dute barruko ADDIren bidez.

BIGARREN DEIALDIA (24/25 IKASTURTEA)

2024/2025 ikasturtean lanen defentsa egiteko bigarren epea 2025ko ekainaren 23tik  27ra artekoa izango da. Lana epe horretan defendatu nahi dutenek ekainaren 10a baino lehen egin behar dute eskaera, eta lana ekainaren 9a baino lehen aurkeztu beharko dute barruko ADDIren bidez.

HIRUGARREN DEIALDIA (24/25 IKASTURTEA)

2024/2025 ikasturtean lanen defentsa egiteko hirugarren epea 2025ko uztailaren 14tik 18ra artekoa izango da. Lana epe horretan defendatu nahi dutenek uztailaren 3a baino lehen egin behar dute eskaera, eta lana uztailaren 2a baino lehen aurkeztu beharko dute barruko ADDIren bidez.

OHARRA: lana defendatzeko eskaera egingo duten ikasleek deialdi bat agortuko dute, ikasturteko hiru deialdietatik dagozkien bietako bat, eta AURKEZTEKE nota jarriko zaie defentsa eskubideari uko egiten badiote, lana aurkezten ez badute, edo epaimahaiaren aurrera azaltzen ez badira.