1998an sortu zenetik, ERG taldeak fideltasunez eutsi die bere helburu nagusiei, hots, teknika estatistiko-ekonometrikoen oinarrizko ikerketan aurrerapenak lortzeari, eta aurrerapen horiek alderdi sozioekonomikoekin lotutako ikerketa enpirikoan aplikatzeari. Zehazki, ERG taldeko kideak gai espezifiko hauetan ari dira lanean:

• Datu espazialetarako eta dimentsioaniztunetarako ereduen zenbatespeneko eta kontrasteko metodo espektralen ikerketa.
• Eredu mikroekonometrikoen eta denbora-serieen zenbatespen erdi parametrikoa. 
• Zenbatespen erdi parametrikoa, akats gehigarri batek nahasitako memoria luzeko prozesuen frekuentziaren domeinuan.  
• Seinaleen erauzketa, memoria luzea eta zarata duten seinale ereduetan. 
• Bandwidthak aukeratzeko teknika automatikoen proposamena, frekuentziaren domeinuko memoria-parametroen estimatzaile erdi parametrikoetan bootstrap teknikak erabiliz.
• Enpresen eta merkataritza-lokalen biziraupenaren analisia. 
• Ziklo iraunkorren antzematea, dagokien frekuentzia Fourier frekuentzia bat ez denean. 
• Zenbait ekonometria- eta estatistika-teknikaren inplementazioa Gretl programan. 
• Sasitaulen erabilera independenteak ez diren ondoz ondoko laginetan. 
• Jakintzaren gizartean lurralde adimentsuak ebaluatzeko metodologien diseinua. 
• Doikuntzaren egokitasuneko kontrasteen eraikuntza. 
• Osasunari begirako bizi-kalitateari buruzko ikerketak. 

Horiek guztiak hertsiki lotuta daude, eta lotura horrek sinergia handiak sortzen ditu taldekide guztientzat.