Ingurumen Ingeniaritzako Graduaren memoria egiaztatuaren arabera, Termoteknia irakasgaia M03 Ingeniaritzako oinarriak moduluan dago. Irakasgai honetan garatu beharreko gaitasun-espezifikoak eta moduluan aurreikusitako ikasketaren emaitzak, hauek dira:



M03R1: Termodinamika aplikatuari eta bero-transmisioari buruzko ezagutzak. Oinarrizko printzipioak eta haien aplikazioa ingeniaritzako arazoak konpontzeko.



M03R7: Ingeniaritzako elementuak industria-instalazioetan integratzeko oinarrizko ezagutzak.



M03R10: Sistema eta makina fluidomekanikoen oinarriak ezagutzea.



IE1: Termodinamikarekin lotutako kontzeptuak ulertzea.



IE2: Kontzeptu termodinamikoak ingeniaritzaren arazoak konpontzeko erabiltzea.

TERMOTEKNIA irakasgaiaren oinarrizko antolamendua ÇENGEL, Y. A. BERO- ETA MASA-TRANSFERENTZIA, hurbilketa praktikoa (UPV/EHU argitalpen zerbitzua. 3. edizioa, 2012) liburua jarraituz egin da. Irakasgaia 3 bloke handitan banatu daiteke. Blokeen banaketa hori aztertzen ari den bero-transferentziaren mekanismo arabera egin daiteke: eroapena, konbekzioa edo erradiazioa. Hiru bloke horiei laugarren bloke bat gehitzen zaie. Laugarren blokean masa-transferentziara sarrera bat egiten da.



GAI ZERRENDA:



1. GAIA - SARRERA ETA OINARRIZKO KONTZEPTUAK

2. GAIA - BERO-EROAPENAREN EKUAZIOA

3. GAIA - BERO-EROAPEN GELDIKORRA

4. GAIA - BERO-EROAPEN IRAGANKORRA

5. GAIA - ZENBAKIZKO METODOAK BERO-EROAPENEAN

6. GAIA - KONBEKZIOAREN OINARRIAK

7. GAIA - KANPOKO KONBEKZIO BEHARTUA

8. GAIA - BARNEKO KONBEKZIO BEHARTUA

9. GAIA - KONBEKZIO NATURALA

10. GAIA - IRAKITEA ETA KONDENTSAZIOA

11. GAIA - BERO-TRUKAGAILUAK

12. GAIA - ERRADIAZIO TERMIKOAREN OINARRIAK

13. GAIA - ERRADIAZIO BIDEZKO BERO-TRANSFERENTZIA

14. GAIA - MASA-TRANSFERENTZIA

Astero, Eskola Magistraletan Power Point aurkezpen bat egingo da. Eskola horretan gai bakoitzaren eduki teorikoa azaltzen da, gai horri buruzko galdera ezberdinak planteatuz. Eduki teorikoa barneratzeko, gelako praktiketan 2 edo 3 ariketa ebazten dira. Ariketak, irakasleak ebatzi dezake, edo ikasle bat edo lan-taldea eginez ere ebatzi daitezke.



Ikasleak frogatu egin behar du aurreikusitako gutxiengo ezagutza barneratu duela hurrengo atazak aurrera eramanez:



1. ATAZA: gai bakoitzean kontzeptu edo test motako galderak planteatzen dira. Ikasleria erantzuteko gai izan behar da, oinarrizko ezagutzak ikasitzat emateko. Erantzunak eGELA bitartez eskaintzen dira.

2. ATAZA: Gai bakoitzean ikasleak 2-3 ariketa bere kabuz edo lan-taldean ebazteko eskaintzen dira. Horrela ebatzitako ariketen zerrenda handitzen da. Ariketen emaitzak eman egiten dira.

3. ATAZA: Laborategiko 3 praktika egingo dira (bero-transmisio mekanismo bakoitzarentzako bat). Praktikak 2-3 pertsona lan-taldeetan egingo dira. Parametro batzuk neurtu beharko dira, gero kalkuluak egiteko eta dagokion txostena egiteko.

· GL1: Eroankortasun termikoaren neurketa (eroapena).

· GL2: Konbekzio-koefizientearen neurketa eta kalkulua (konbekzioa).

· GL3: Emisibitatearen neurketa (erradiazioa).

4. ATAZA: EES programarekin ordenagailuko 7 praktika egiten dira. Praktiketan gelan aurretiaz planteatu diren ariketak ebatziko dira. Softwareak erraztu egiten ditu ikasleriak egin behar dituen kalkulu parametriko edo diseinuzkoak.

· GO1: EES sarrera eta 3. eta 4. gaiei buruzko ariketak (1. Praktika da ebaluaketarik ez duen izango bakarra).

· GO2: 5. Gaiari buruzko ariketak.

· GO3: 5. Gaiari buruzko ariketak.

· GO4: 5. Gaiari buruzko ariketak.

· GO5: 6, 7 eta 8. gaiei buruzko ariketak.

· GO6: 8, 9, 10 eta 11. gaiei buruzko ariketak.

· GO7: 12 eta 13. gaiei buruzko ariketak.

5. ATAZA: 2-3 pertsonako lan-taldeetan, ahozko azalpen bat egingo da Power Point edo antzekoa den aurkezpen baten laguntzaz. Gaiak bero-transferentziarekin erlazionatuta egongo dira.

6. ATAZA: Aurreko urteetan jarritako azterketako problemak ebatziko dira. Irakasleak enuntziatuak eGELA bidez banatuko ditu. Ariketa ebatziak ere banatuko dira. Ariketa horietariko batzuk klasean egingo dira.

7. ATAZA: Proba idatzian, banaka garatu bero- eta masa-transferentziarekin erlazionaturiko 3 problemak.

8. ATAZA: Ikaskideak egindako laborategiko eta mintegiko lana ebaluatzeko txostentxo bat egin.

Etengabeko ebaluazio-sistema da. Azkeneko notaren %45 laborategiko praktika, ordenagailuko praktika eta mintegiari dagokio (GL+GO+S).



AZKEN NOTA:



IDATZIZKO PROBA (%55 eta bataz besteko geometrikoa egiten da)

ORDENAGAILUKO PRAKTIKA (6 GO x %2,5 = %15)

LABORATEGIKO PRAKTIKA ( 3 GL x %5 = %15)

MINTEGIKO AURKEZPENA (%15)



BALDINTZAK:



- BETEBEHAR MINIMOA: Irakasgaia gainditzeko, idatzizko proban %40ko gutxiengo nota lortu beharko da. Aktetan idatzizko probaren nota agertuko da, betebehar minimoa ez bada lortzen.

- GL+GO+S: PRAKTIKAK: Aurreko urtean zehar Termoteknia irakasgaian matrikulatuta egon dena eta praktiken notak (GL+GO+S) gorde nahi dituenak, irakasgaiaren koordinatzaileari jakin arazi beharko dio aurtengo kurtsoko praktikak hasi aurretik (4. astea). Kasu hau aukeratzekotan, praktiken nota totala kontutan hartuko da ohiko eta ez ohiko deialdien kalifikazioari begira. Nota gorde nahi ez izatekotan edo epez kanpo eskatzekotan, ebaluazio jarraia edo azken ebaluazioa izango dira aukera bakarrak.

- JAI EGUNAK: Jai egunak direla eta, ebaluatu beharreko praktikaren bat egiten ez bada, praktiketako noten banaketa proportzionala egingo litzateke. Horrela, dagokion pisua izango luke azken notan.

- ERRUBRIKA: Taldeko lana ebaluatzeko errubrika entregatzen ez duen ikasleak, 0,5 puntuko penalizazioa jasoko du. Gainera, errubrikan lortutako puntuazioaren arabera, penalizazio bat jaso dezake taldeko notan:

· 5 bat baino gehiagorekin ez du penalizaziorik.

· 3 eta 5 tarteko puntuazioarekin (biak barne) 0,5 puntu gutxiago.

· 3 baino gutxiagorekin 1 puntu gutxiago.

- UKO EGITEA: Uko egiten duten ikasleek aurkezteke kalifikazioa jasoko dute. Uko egiteko nahikoa da idatzizko probara ez aurkeztea.

- AZKEN EBALUAZIOA: Azken-ebaluaketa metodoa erabili nahi duen pertsonak, etengabeko ebaluazioari uko eginez, ikasgaiaren koordinatzaileari idatziz jakin arazi beharko dio irakaskuntza epea hasten denetik 9 aste igaro baino lehen. Sistema honetan idatzizko probaren formatua ohiko deialdiaren berdina da, betebehar minimoa mantenduz; baina horretaz gain, laborategiko praktikan proba bat egin beharko da (azkeneko notaren %15), ordenagailuko proba bi (azkeneko notaren %15) eta ahozko aurkezpen bat bero-transferentziarekin erlazionatutako gai baten inguruan (azkeneko notaren %15).



EBALUAKETA IRIZPIDEAK:



IDATZIZKO PROBA:

- Bero-transferentziaren mekanismoen identifikazioa.

- Oinarrizko kontzeptuen erabilera.

- Formulak era egokian idatzi.

- Garapen matematikoak eta emaitzak lortu.

- Lorturiko emaitzen ebaluazio kritikoa.



ORDENAGAILUKO PRAKTIKAK:

- EES programaren ezagutza.

- Bero-transferentzia eta diferentzia finituen oinarrizko kontzeptuen aplikazioa.

- Programazioan eginiko erroreen identifikazio eta zuzenketa.



LABORATEGIKO PRAKTIKEN TXOSTENAK:

- Neurketa egokiak egin laborategian.

- Formulen erabilera egokia.

- Formatu eta epe egokiak.



MINTEGIKO AURKEZPENA:

- Aurkezpenaren formatua eta iraupena.

- Aurkezpenaren edukia.

- Aurkezpenaren ahozko azalpena.



TALDEKO JARDUERAK:

- Lan-ekintzetan partaidetza.

- Lan-ekimenerako jarrera positiboa.

- Bileretara agertu eta sasoiz agertu

- Ikasturtean zehar eGELA plataforma birtualean argitaratuko diren materialak (power point, ariketak, enuntziatuak, txotenak…)
- ÇENGEL, Y. A. BERO- ETA MASA-TRANSFERENTZIA, hurbilketa praktikoa. UPV/EHU argitalpen zerbitzua. 3. edizioa, 2012.

Oinarrizko bibliografia

- INCROPERA, F. P. & DE WITT, D. P. Fundamentos de transferencia de calor. Prentice Hall. México. 1999.

- Carnahan B., Luther H.A., Wilkes J.O., Applied Numerical Methods.

Gehiago sakontzeko bibliografia

- CHAPMAN, A. J. Transmisión del Calor. Ed. Interciencia. Madrid. 1974.
- KREITH, F. & BOHN, M. Principios de transferencia de Calor. Thomson. Madrid. 2002.
- Ishachenko V., Osipova V., Sukomel A.,Transmisión del calor
- ASHRAE. Handbook of Fundamentals.
- ASHRAE. Handbook of System and Applications
- Eckert, E.R.G., Drake, R.M.- Análisis of Heat and Mass Transfer. Mc Graw-Hill. (1.972).
- Hotel, H.C., Sarofim, A.F.- Radiative Transfer. Mc Graw-Hill Company (1.976).
- Jacob, M.- Heat Transfer, Vol. I y II. JohnWiley and Sons. (1.957).
- Kays, W.m., London, A.L.- Compact Heat Exchangers. Mc Graw-Hill. (1.964).

Aldizkariak

- Heat Transfer Engineering. USA.
- International Journal of Heat and Mass Transfer, Elsevier.
- Applied Thermal Engineering, Elsevier.
- ASHRAE Journal. USA.
- Energy, Pergamon.