Ikasgaiaren helburua ikasleak termodinamika aplikatuaren oinarrizko ezagutzak bereganatzearena da. Oinarrizko ezagutzak, ariketa edo planteatuko zaizkion ingeniaritza problemak ebazteko eta ondorioak ateratzeko erabili ditzan.



G012 zeharkako konpetentzia lantzen da. Hortaz, metodologia zientifikoaren estrategiak aplikatzen dira: arazoa sortzen duen egoera kualitatiboki eta kuantitatiboki aztertzen da. Hipotesiak eta irtenbideak proposatzen dira Energia Berriztagarrien Ingeniaritzako ereduetan aplikatuko direnak.



Irakasgaia ikastearen emaitzak ezagutza edo eduki (RCO), konpetentzia (RC) eta espektro zabaleko trebetasun eso habilezietan (HE) sailkatzen dira:



EZAGUTZA EDO EDUKIAK



- RCO1: Graduatua gai izango da oinarrizko eta berariazko ikasgaien kontzeptuak eta teknikak identifikatzeko, ingeniaritzako metodo, teoria eta tresna moderno berriak ikasi ahal izateko, behar den besteko moldakortasuna emanez bere lanbidean jardutean egoera berrietara egokitzeko.



- RCO7: Graduatuak aplikatutako termodinamikaren eta bero-transferentziaren legeak identifikatuko ditu, baita fluidoen mekanikaren oinarrizko printzipioak ere, ingeniaritzaren esparruan aplikatzekoak direnak.



GAITASUNAK



- RC4: Graduatua gai izango da metodologia zientifikoaren berezko estrategiak aplikatzeko: egoera problematikoa kualitatiboki eta kuantitatiboki aztertzea, eta hipotesiak eta irtenbideak planteatzea energia berriztagarrietako ingeniaritzaren berezko ereduak erabiliz.



TREBETASUNAK ETA ABILEZIAK



- HE1: Graduatua gai izango da arazoak ekimenez, erabakiak hartuz, sormenez eta arrazoibide kritikoz konpontzeko.



- HE5: Graduatua gai izango da eraginkortasunez taldean modu eraikitzailean lan egiteko, erabakiak hartzeko gaitasunak eta ezagutzak integratuz.



- HE6: Graduatua gai izango da ezagutza eta trebetasun berriak eskuratzeko, etengabeko prestakuntza gauzatuz, baita ondorengo ikasketei ekiteko ere, autonomia maila handiarekin.

1- KAPITUA: ATARIKO KONTZEPTUAK ETA DEFINIZIOAK

Termodinamika erabiltzen- Sistemak definitzen- Sistemak eta beren portamoldea deskribatzen- Masa, luzera, denbora eta indarra neurtzen- Neur daitezkeen bi propietate: Bolumen espezifikoa eta presioa- Tenperatura neurtzen



2- KAPITULUA: ENERGIA ETA TERMODINAMIKAREN LEHEN LEGEA

Energiaren kontzeptu mekanikoak berrikusten- Lanaren kontzeptua hobeto ulertzen- Energiaren kontzeptua hobeto ulertzen- Bero bidezko energia transferentzia- Energia kontabilitatea: Energia balantzea sistema itxietan- Zikloen energia analisia



3- KAPITULUA: PROPIETATEAK BALIOESTEN

Materiaren egoera finkatzen- p-v-T erlazioa- Propietate termodinamikoak kalkulatzen- Konprimigarritasun grafiko orokortua- Gas idealen eredua- Gas idealen barne energia, entalpia eta bero espezifikoak- u aldaketa eta h aldaketaren kalkulua gas idealetan- Gas ideal baten prozesu politropikoak



4- KAPITULUA: KONTROL- BOLUMENEN ANALISIA, ENERGIA ERABILIZ

Masaren kontserbazioa kontrol bolumen batentzat- Energiaren kontserbazioa kontrol bolumen batentzat- Kontrol bolumenen analisia egoera egonkorrean



5- KAPITULUA: TERMODINAMIKAREN BIGARREN LEGEA

Bigarren legea aurkezten- Itzulezintasuna identifikatzen- Bigarren legea ziklo termodinamikoei aplikatzen- Kelvin tenperatura eskala definitzen- Bi deposituen artean gertatzen diren zikloen gehienezko errendimenduen neurketak- Carnot zikloa



6- KAPITULUA: ENTROPIA ERABILTZEN

Entropia aurkezten- Entropia aldaketa definitzen- Entropiaren datuak eskuratzen- Entropia aldaketa, prozesu barne itzulgarrietan- Entropia balantzea sistema itxietan- Entropia tasaren balantzea kontrol bolumenentzat- Prozesu isoentropikoak- Errendimendu isoentropikoak turbinetan, toberetan, konpresoreetan eta ponpetan- Bero transferentzia eta lana, egoera egonkorreko fluxu prozesu barne itzulgarrietan



7- KAPITULUA: EXERGIA ANALISIA

Exergia aurkezten- Exergia definitzen- Sistema itxien exergia balantzea- Fluxu exergia- Exergia balantzea kontrol bolumenentzat- Eraginkortasun energetikoa (bigarren legea)



8- KAPITULUA: LURRUNEZKO POTENTZIA- SISTEMAK

Lurrunezko potentzia sistemak modelatzen- Lurrunezko potentzia sistemak aztertzen. Rankine zikloa.



9- KAPITULUA: GASEZKO POTENTZIA- SISTEMAK

Gas turbinako energia instalazioak- Aire estandarreko Brayton zikloa- Gas turbina lurrun potentzia ziklo konbinatua



10- KAPITULUA: HOZTEKO ETA BERO PONPA BIDEZKO SISTEMAK

Lurrun bidezko hozte sistemak- Lurrunaren konpresio bidezko hozte sistemak aztertzen- Hozgarrien propietateak- Bero ponpazko sistemak

M: Magistrala. Irakasleak oinarri teorikoak azaltzen ditu, kontzeptu eta formulazioaren inguruan, adibide teorikoak, ondorioztapen matematikoak eta erreferentzia ariketak erabiliz. Ikasleak apunteak hartu beharko ditu.



GA:Gela praktikak. Irakasleak nahiz ikasleak ariketak egingo dituzte klase magistraletan hartutako ezagutzak bereganatu eta sakontzeko.



GL:Laborategi praktikak. Ikasleak, irakaslearen laguntzarekin, laborategian dagoen ekipamenduarekin praktikak egin beharko ditu klase magistraletan hartutako ezagutzak bereganatu eta sakontzeko.

Etengabeko ebaluazio sistema lehenetsita dago eta jarraian deskribatzen da.



Eskolaz kanpoko aldian egin beharreko idatzizko proba 1, azken notaren % 50eko pisuarekin. Lau ariketa ebatziko dira, eta ariketen ebazpen praktikoa eskatuko da, kontzeptu teorikoekin konbinatuta. Gutxienez 5/10 puntuazioa behar da proba honetan irakasgaia gainditu ahal izateko.





Test motako proba 1 (azken notaren % 5), proba bakoitzeko 2 problema ebaztea (azken notaren % 20), 5 talde-lan egitea (azken notaren % 15) eta lanak, irakurketak eta abar azaltzea (azken notaren % 10). Proba horiek irakastaldian egiten dira, eta gutxienez 5/10 puntuazioa behar da proba horietan, irakasgaia gainditu ahal izateko.



Deskribatutako ebaluazio-sistemara egokitzeko, nahitaezkoa da laborategiko praktiketara joatea, ez etorrera egiaztatzen duen agiri baten bidez justifikatzen ez bada. Ez etorrera justifikatzeak praktikak beste talde batekin egitea ahalbidetuko du ikaslea ahal den neurrian. Praktikak beste talde batekin egin ezin badira, galdutako praktika-kopuruaren baliokidea den puntuazioa galduko da. Ez etorrera ez justifikatzeak berekin ekarriko du galdutako praktika-kopuruaren baliokidea den puntuazioa galtzea, eta inola ere ezingo dira errepikatu praktikak beste talde batekin.



Azken ebaluazio-sistema ikasleak eskatu behar du eta EHUko Ikasleen Ebaluaziorako Arautegiak ezarritako epeak bete behar ditu eta idatziz jakinarazi behar dio irakasgaiaren irakasleari. Idatzizko proba bat egingo da, 4 ariketakoa (azken notaren % 90)eta laborategiko praktika bati buruzko proba bat gehituko zaio (azken notaren % 10). Gutxienez 5/10 puntuazioa behar da proba horietan, irakasgaia gainditu ahal izateko.



Idatzizko probara aurkezten ez den ikasleak, edozein deialditan, ebaluazio-deialdi horri uko egitea ekarriko du, eta ez aurkeztua agertuko da.



Ikasgaia laborategiko praktikak egin ondoren egin duten ikasleei azterketa partzialak egiteko edo ez egiteko aukera ematen zaie. Erabaki hori irakasleari jakinarazi beharko zaio lehen azterketa partziala egin aurretik. Jakinarazpenik jaso ezean, aukera horri uko egiten diola ulertuko da. Azterketa partzialak egitea erabakitzen bada, amaierako azterketaren pisua nota osoaren % 65ekoa izango da. Azterketa partzialak ez egitea erabakitzen bada, amaierako azterketaren pisua nota osoaren % 85ekoa izango da.

Ikasgaia jarraitzeko beharrezkoa izango den materiala, e-gela plataforman egongo da. Honetaz gain kontsultarako ondorengo argitalpena gomendatzen da:

"Ingenieritza- Termodinamikaren oinarriak". Michael J.Moran; Howard N.Shapiro

Oinarrizko bibliografia

"Ingenieritza- Termodinamikaren oinarriak" Michael J.Moran; Howard N.Shapiro

"Termodinámica" Yunus A. Cengel; Michael A.Boles

"Ingenieritza Termikoa" Iñaki Gómez Arriarán; J.L. Gutierrez de Rozas Salterain

Gehiago sakontzeko bibliografia

"Termodinámica Técnica" José Segura
"Termodinámica de fluidos y el método de análisis exergético" José María Sala Lizarraga
"Ciclos termodinámicos de potencia y refrigeración" Haywood

Aldizkariak

International Journal of Thermodynamics
ISSN: 1301-9724E-ISSN: 2146-1511
Entropy
ISSN: 1099-4300
International Journal of Exergy
ISSN: 1742-8297E-ISSN: 1742-8300
Applied Thermal Engineering
ISSN: 1359-4311
International Journal of Thermal Sciences
ISSN: 1290-0729
Case Studies in Thermal Engineering
ISSN: 2214-157X
Journal of Thermal Science and Engineering Applications
ISSN: 1948-5085E-ISSN: 1948-5093
Thermal Science
ISSN: 0354-9836