UPV/EHUko Nazioarteko Harremanen arloko Errektoreordetzak kudeatzen duen BUDDY PROGRAMAN har dezakete parte Fakultatearen Donostiako eta Gasteizko ikastegietako ikasleek.

Baldintzak:

• 25 ordu inguruko iraupena, ordutegi malgua.
• Europa, Asia edota Ipar Amerikako ikasleen “buddy” izateko, atzerriko hizkuntzaren bat ezagutu beharko da. Ez da hori eskatuko Hispanoamerikatik datozen ikasleekin egoteko eta laguntzeko.
•  “Buddy” ikasleak hautazko kreditu 1 lor dezake lankidetzako jardueren bitartez eta 0,5 puntu sari gisa mugikortasun programen hurrengo deialdian (fakultateak kudeatutako unibertsitateetarako).
• Informazio gehiago Errektoreordetzak kudeatzen duen Buddy Programaz

Eginkizunak (fakultateak kudeatzen duen programakoen antzekoak):

• Esleitutako atzerriko ikasleekin posta elektronikoz harremanetan jartzea, haiek iritsi baino lehenago, haien UPV/EHUko “buddy” gisa aurkezteko eta laguntza eskaintzeko.
• Iritsi bezain laster (autobus geltokian edo hiriko tokiren batean) haiekin egotea, Euskadin lehen egunetan, haien galderei erantzuteko eta, oro har, laguntzeko.
• Hiria erakutsi, ostatua bilatzen lagundu (halakorik ezean), garraio tresnez, interesguneez eta abarrez informatzea.
• Help Centre-ra laguntzea, eta bertan emango diete informazioa  UPV/EHUk eskainitako ostatuen eta hizkuntza ikastaroen gainean (espainola edota euskara).
• Fakultateko mugikortasun koordinatzailearengana eramatea bere burua aurkeztera.
• Fakultateko Mugikortasun Bulegoak antolatzen duen atzerritar ikasleei ongietorria emateko bilerara joatea.
• Fakultatea erakustea (biblioteka, kafetegia, ordenagailu gela, fotokopiak, kirol zerbitzua, …)

IZENA EMATEKO ORRIA