eGela/eGelaPIren "Mezularitza" zerbitzuak erabiltzaileen artean mezu pribatuak bidaltzeko eta jasotzeko aukera ematen du. Eskuineko alboko zutabean "Mezularitza" panela zabaltzeko, goiko barran "Elkarrizketa" (1) ikonoa sakatu behar da. Ikono honen gainean agertzen den zenbakiak irakurri gabeko mezuak adierazten ditu. Panel hori pantaila osoan ere ireki daiteke, "Erabiltzailearen menuko" (2) "Mezuak" (2.1) elementuaren gainean sakatuta.

"Mezularitza" panelak (1.1) hiru atal ditu: "Nabarmendutakoak" atalean (1.2) "nabarmendutako" erabiltzaileen mezuak biltzen dira (ikus jarraian erabiltzaileak nabarmentzeko aukera); atal honetan, halaber, oroigarri gisa norberari bidalitako mezuak daude; “Taldean” (1.3) aukera hori aktibatuta duten eGela/eGelaPIko gela-taldeen elkarrizketak daude; “Pribatua” (1.4) atalean, erabiltzaileak bidalitako edo jasotako gainerako mezuak daude.

"Mezularitza" (1) paneleko "Konfigurazioa" (1.1) ikonoa sakatuz, "Mezuen hobespenak" (2) formularioa zabaltzen da. Halaber, "Mezuen hobespenak" atalean sartzeko, erabiltzailearen menuan "Aukerak" sakatu eta "Erabiltzailearen kontua" atalean “Mezuen hobespenak” aukeratu.

Lehenetsita, konfiguratuta dago "Nire kontaktuek eta nire ikastaroetako edonork" (2.1) bidalitako mezuak jaso daitezkeela, baina "Nire kontaktuek soilik" bidalitako mezuak jasotzeko alda daiteke. Mezuekin lotutako jakinarazpenak nola egingo diren ere ezar daitezke "Jakinarazpenen hobespenak" atalean (2.2).

Panel honetatik bertatik "Kontaktuen" zerrendara (1.2 ) ere sar daiteke.

Erabiltzaile baten izenaren gainean sakatuz, bere profilaren orrira (1) sar daiteke; hortik “Mezu” bat bidal daiteke (1.1) edo “Gehitu Kontaktuetara” (1.2) eska daiteke.

Erabiltzaile batek (1, “Ikasle 2”) beste erabiltzaile bati (2, “Ikasle 1”) “Mezua” (1.1) bidaltzen dionean, eta erabiltzaile horrek “Pribatutasuna” aukera aldatu du bere “Mezuen hobespenetan” “Nire kontaktuek soilik” aukerara, mezu batek “Kontaktu-eskaria bidali” (1.2) behar duela adierazten dio. "Pribatutasun" konfigurazio horrek ez die eragiten ikasgela batean irakasle-rola dutenei, beti bidali ahal izango baitizkiete mezuak ikasleei.

Hainbat hartzaileri mezu bat bidaltzeko, joan "Partaideak" orrira eta aukeratu hartzaileak (1). Jarraian, "Aukeratutako erabiltzaileekin" menu zabalgarrian (2), hautatu "Bidali mezua" (2.1). Mezu horiek banakako elkarrizketa gisa gordeko dira mezularitza-paneleko "Pribatua" atalean.

Atal honetan nabarmendutako elkarrizketak daude. Lehenetsita, erabiltzaile bakoitzak "Gune pertsonal" (1) bat du, hau da, norberarekin elkarrizketa bat du, oharrak, zirriborroak... gordetzeko.

Elkarrizketa bat "Nabarmendutakoak" atalera eramateko, hautatu "Pribatua" (1) ataleko elkarrizketa bat eta "Nabarmendu elkarrizketa" (1.1) aukeratu laster-menuan.

Talde baten mezuak gaitzeko (1), irakasleek "Bai" markatu behar dute taldearen konfigurazio-orriko "Taldeko mezularitza" (1.1) atalean. Talde honetako kideek (2) beren mezularitza-paneleko "Taldea" (2.1) atalean ikusiko dute taldearen elkarrizketa.

Irakasle-rola duen erabiltzaile bat (2) talde batean sartzen bada (1), elkarrizketa hau (1.1) ere ikusiko du mezularitza-panelean. Ikasleek bidalitako mezuak aukeratu (2.1) eta ezabatu (2.2) ahal izango ditu, egoki baderitzo.

Informazio gehiago nahi izanez gero, kontsultatu "Erabiltzaileen kudeaketa: Partaideak, Taldeak eta Matrikulazioa" eskuliburuko "Taldeak sortu eta erabiltzaileak esleitu" atala.