Atal honetan, 2021eko irailetik eskuragarri dagoen eGelaren azken bertsioan dagoen “Foroa” jardueraren aukera eta berrikuntza batzuk zerrendatzen dira.

“Erantzun” (1) aukera sakatuz, testu-eremu sinplifikatu bat irekitzen da, ikuspegia mezu-hari guztien gainean mantenduz. Editore osora sartzeko, sakatu “Aurreratua” (2).

Irakasleek erantzun pribatuak bidal ditzakete, "Erantzun modu pribatuan" (1) aukera markatuz. Bidaltzaileak eta hartzaileak ohar bat (2) ikusiko dute mezuaren goiko aldean, erantzun pribatua dela azaltzeko.

Mezu-harien zerrendako izenburuen (1) gainean sakatuta, antolaketa-irizpidea alda daiteke. Gainera, gai bakoitzeko hiru puntuetan (2) sakatuta, menu zabalgarri bat irekitzen da, hainbat aukerarekin: "Markatu eztabaida gogoko gisa", "Finkatu eztabaida hau", "Blokeatu eztabaida" eta "Markatu irakurrita gisa". “Finkatu eztabaida hau” eta “Blokeatu eztabaida” (2.1) aukerak irakasleentzat bakarrik daude eskuragarri. Gainera, izarren (2.2) gainean sakatuz, eztabaida hori gogokoena dela adieraz daiteke.

"Ekintza-menua" sakatuz gero, foroaren orritik "Foroko laburpen-txostena" (2) eta "Esportatu" (3) aukeretara sar daiteke.

"Foroko laburpen-txostena" foroan dagoen partaidetzarekin lotutako balio kuantitatiboak erakusten ditu. Emaitzak “Daten” edo “Taldeen” (1) arabera iragaz daitezke. Horrez gain, aukera ematen du erabiltzaile jakin baten argitalpenak datu-fitxategi batera "Esportatzeko" (2). Hautatutako erabiltzaileei ere mezuak bidal dakizkieke (3). Gainera, taulako datuak hainbat formatutan deskarga daitezke (4).

"Esportatu" aukeraren bidez, foroaren edukiak (mezuak, egileen izenak...) dituen datu-fitxategi bat lor daiteke. Lehenetsita, esportazioak "Erabiltzaile" (1) eta "Eztabaida" (2) guztiak ditu, baina eremu horiei dagozkien bilatzaileek (1.1; 2.1) eta daten iragazkiak (3) datuak mugatzeko aukera ematen dute. Fitxategiaren "Formatua" (4) ere zehaztu daiteke, testuetatik HTML etiketak ezabatu eta daten formatu lehenetsia (timestamp) formatu irakurgarri bihurtu.