Atal honetan, bertsio berriak dituen funtzionalitate berriak deskribatuko dira, hala nola zirriborroen kudeaketa eta galderen bertsioak “Galdera-bankuan”, tenporizatzailea “Zereginak” atalean, “Datu-basea” moduluan aurrez ezarritako txantiloiak eta edukien irisgarritasuna bermatzeko tresna.

“Galdera-bankura” sartzeko, sakatu ikastaroaren barra/menuko (1) estekan.

“Galdera-bankua”ren galdera-zerrendak aukera berriak ditu, hala nola zirriborroen kudeaketa (2), galdera beraren hainbat bertsio izateko aukera (3), irakasleen artean galderei buruzko iruzkinetarako gune bat (4), galderen funtzionamendua aztertzen duten zenbait zutabe (zailtasun portzentaia  eta asmatutakoak galdetegiko erantzun guztiekin bat etortzearen portzentaia; eta galdera bat alda daitekeen erakusten duen adierazle bat) eta galdera  zenbat galdetegitan erabili den adierazten duen adierazlea.

Galderen Egoera: “Zirriborro” edo “Prest” gisa

Galderak “Zirriborro” gisa marka daitezke, eta, hala, ez dira eskuragarri egongo galdetegi batean  gehitzeko.

OHARRA:  galdera bat galdetegi batean edo gehiagotan erabiltzen ari bada (1), eta “Zirriborro” gisa markatzen bada (2), errorea gertatzen da galderara sartzean.

Galderen bertsioak

Galdera batean zuzenketa edo aldaketaren bat egiten denean, automatikoki bertsio berri bat sortzen da.

Galdera baten bertsioak ikusteko, sakatu Editar > Historia. Gorde nahi ez diren bertsioak ezaba daitezke.

Galdetegi batean galderak gehitzean, berez, “Prest” egoera dutenenen artean azken bertsioa kargatzen da. Menu zabalgarri batek beste bertsio batzuk hautatzeko aukera ematen du (1).

Gutxieneko eta Gehieneko hitz kopurua Entsegu motako galderetan

“Entsegua” galdera-motak galdera irekiak sortzeko aukera ematen du, eta “Erantzunaren aukerak” atalean, erantzunean gutxieneko eta gehieneko hitz-kopuru ezartzeko aukera ematen du.

Geratzen den denbora

Galdetegiek atzerako kontaketarako diseinu berria dute (1). Horri esker, proba amaitzeko geratzen den denbora kontrola daiteke.

Zeregina jarduerak “Denbora-muga” funtzionalitate berria  dauka.

Gainera, zereginaren “Ezarpenak” formularioan, “Deskribapena” (1) eremuaren ondoren, “Jardueraren argibideak” izeneko eremu berri bat gehitu da (2). Zereginaren aurkezpen-orrian, “Deskribapena” (1.1) atalari dagokion testua beti erakusten zaie ikasleei, baina “Jardueraren jarraibideak” (2.1) atalari dagokion testua ezarritako muga-denbora hasi denean bakarrik bistaratzen da. Gainera, goiko eskuineko aldean, “Geratzen den denbora” (3) agertzen da.

“Datu-basea” jarduerak askoz intuitiboagoa den hasierako orri berri bat du. Orri horrek txantiloian eremuak eskuz sartzeko aukera eskaintzen du (1), “Inportatu aurretiko ezarpenak”(2) edo “Erabili aurretiko ezarpena” erabiliz (3). Irudian eskuinaldean, aurretik erabilgarri dauden lau ezarpenak ikus daitezke (3.1). Aurretiko ezarpen horiek behar espezifikoetara egokitzeko alda daitezke.

“Fitxak” formatua eGelako ikastaroetan eskuragarri dagoen ikastaro formatuetako bat da. Berritasun gisa, “Fitxen ikuspegia” atalean “bertikalki” erakustea aukera daiteke bertsio honetan.

Ally funtzionalitateak edukien irisgarritasuna errazten du. Alde batetik, irakaskuntzaren ikuspegitik, ikastaroko baliabideen eskuragarritasunaren balorazioa eskaintzen du, eta oztopoak mugatzeko hobetu daitezkeen alderdiak adierazten ditu. (1) ikonoa sakatuz, baliabidearen irisgarritasunaren balorazioa duen orria zabalduko da (1.1).

Bestalde, Allyk Word eta PDF fitxategiak deskarga daitezkeen eta irakurketa egokitua errazten duten hainbat formatutara bihurtzeko aukera ematen du. Sakatu (1) konoa, formatu alternatiboen zerrenda kontsultatzeko.

Erabiltzailearen menuak “Irisgarritasuna” aukera du. Hau zabaltzerakoan, “Letra-mota lehenetsia” eta “Dislexikokoentzako letra-mota" (1) aukerak azaltzen dira, azken honek, letraren tamainaz eta guneko koloreen gamaz aldatzeko aukera ematen duelarik.

“Ikasle Galdetegia” (1) jardueran ikasleek (2) galderak sor ditzakete (3) jardueraren ezarpenetan irakasleak zehaztu duen galdera-moten errepertorioaren barruan (4).

Jarduera honetako irakasleen ikuspegian, ikasleek sortutako galderak ikus daitezke (2), eta galdera hauek (3) aukera daitezke, eta adibidez, galdera bat ez onartu edo onart daiteke edo galdera-bankuko kategoria batean gehi daiteke,  ohiko galdera-sorta bati gehitzeko. Esteka honetan, jarduera honen funtzionamenduari buruzko informazio gehiago dago.