Onartua izateko irizpideak
Sarrera-profila
Programa honetarako profil egokiena material berrien diseinuari, prestaketari eta aplikazioari buruz ikertzea, jasangarritasunaren arloan funtsezkoak diren erronka teknologiko handiei aurre egiten laguntzea eta arlo honek eskaintzen dituen askotariko aukerei etekina ateratzea interesatzen zaizkion pertsonarena da.
Programa honetan parte hartzeko, beharrezkoa da zientzietan edo ingeniaritzan titulua izatea. Lehentasuna izango dute UPV/EHUren eta Kantabriako Unibertsitatearen Material Berriak Unibertsitate Arteko Masterra burutu duten ikasleek. Materialen zientzien alorrean prestakuntza maila baliokidea egiaztatzen duen eta programaren barruko ikerketa bideren batean doktorego tesia garatzeko beharrezko ezagutzak ziurtatzen dituen master titulu ofiziala dutenak ere sar daitezke. Doktorego ikasketek izaera ikertzailea dute batez ere, eta, hori dela eta, ikerketako prestakuntzan gutxienez 20 ECTS egiaztatu ezin dituzten ikasleak ezingo dira programan sartu.
Programa honetan ez da ezarri prestakuntza osagarri berezirik. Hala ere, kontuan hartuta programan gutxienez 300 ECTS kredituko iraupena duten eta, agian, ikerketako prestakuntzarako eduki espezifikoak barnean hartu ez dituzten graduetako edo goragoko tituluetako gradudunak sar daitezkeela, programaren Batzorde Akademikoak erabakiko du onartutako ikasle bakoitzaren kasuan, eta sarrera profilaren arabera, ikerketako prestakuntza hori behar duen ala ez. Prestakuntza UPV/EHUk materialen arloan eskainitako master ofizialetako irakasgaiak, 5 ECTS kreditutik 15era bitartean, eginda lortuko da, edo ikerketako konpetentzietan pareko prestakuntza eginda. Ikaslea horietan matrikulatuko da bere tutoreak edo tesiaren zuzendariak aholkatuta behin Doktorego Programan matrikulatu ondoren.Prestakuntza osagarri horiek jatorrizko titulazioaren arabera egingo dira, Material Berriak Masterra edo antzeko eduki eta ezaugarriak dituen beste bat egin ez den kasuetan:Titulazioa (Graduak eta Lizentziaturak): Kimika, Fisika, Ingeniaritza Kimikoa, Industria Ingeniaritza, Materiaren Ingeniaritza -Materialen sintesi eta prozesamendua (4 ECTS)-Materialen karakterizazioa (4 ECTS)Beste titulazio batzuk: -Materialen Zientziarako Sarrera (4 ECTS)-Materialen sintesi eta prozesamendua (4 ECTS)-Materialen karakterizazioa (4 ECTS)
Materialen Zientzia eta Teknologia Doktorego Programan sartzeko aurrez ezarritako baldintzak betetzen dituzten ikasleen kopuruak ezarritako gehienezkoa gaindituko balu, jarraian adierazten diren alderdiak baloratuko dira: 1. Egindako master ikasketak Doktorego Programaren eskakizunetara zenbateraino egokitzen diren: % 40Material Berrien Unibertsitate arteko Masterra (UPV/EHU eta Kantabriako Unibertsitatea) izateak gehienezko puntuazioa emango du. Beste master batzuekin sartzen diren hautagaien kasuan lortutako prestakuntza baloratuko da, eta gehienezko puntuazioa lor dezakete kideko gaietan egindako masterren kasuan. 2. Gradu/Lizentziatura/Ingeniaritzako espediente akademikoa: % 153. Masterreko espediente akademikoa: % 104. Prestakuntza osagarria: % 10Doktorego Programaren gaiarekin zerikusi zuzena duten beste master edo titulazio batzuk izatea baloratuko da.5. Aldez aurreko esperientzia ikerketan: % 7 Baloratuko dira materialen zientziarekin zerikusia duten teknika instrumentalak ezagutzea, enpresetako praktikak eta ikerketa laborategietako egonaldiak.6. Argitalpenak eta komunikazio zientifikoak : % 107. Elkarrizketa pertsonala: % 8Baloratuko da ikasleak doktorego tesia egiteko duen motibazioa eta taldean lan egiteko duen gaitasuna, bai eta doktorego tesia egiten duen denboran beste ikerketa zentro batzuetan egonaldiak egiteko aldez aurreko jarrera eta egonaldiak egiteko moduan egotea ere. Ingelesez eta/edo euskaraz dituen gaitasunak ere ebaluatuko dira.
Gaztelania
Ingelesa
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore eta gutxienez zuzendari bat esleituko dizkio doktoregai bakoitzari, doktorego programan parte hartzen duten UPV/EHUko irakasleen artetik.
Doktorego programak ikertzaile baten konpromisoa eskatzen duenean, zuzendaria konpromisoak dakarrena izango da eta ez da zuzendarien konpromisorik gabe datorren eskaririk onartuko.
Tutorea doktoregaiaren eta batzorde akademikoaren arteko bitartekaria izango da. Era berean, ziurtatuko du doktoregaiaren prestakuntza eta ikerketa lana bat datozela doktorego programaren eta Doktorego Eskolaren printzipioekin.
Tesi zuzendariaren ardura da doktoregaiaren ikerketa zereginak gidatzea, haren prestakuntza jarduerak koherenteak eta egokiak izatea, tesiaren gaiak bere arloan inpaktua eta berritasuna izatea, doktoregaiaren plangintza gidatzea eta bermatzea plangintza hori ondo egokitzen dela doktoregaiak egiten dituen gainerako proiektu eta jarduerekin. Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Informazio gehiago behar izanez gero, kontsultatu izapideak eta arautegia.