INFORMAZIO OROKORRA

IKASTURTEA: 2024-2025
ARLOA: Ikasketa Teknikoak
KREDITUAK: 2,00 ECTS (*) kreditu
MATRIKULA TASA: 270,00 € (Asegurua 4,00 €)
ARDURADUN AKADEMIKOA: Rodrigo Agerri

(*)  ECTS kreditu batek 25 orduko balioa du.

AURKEZPENA

Hizkuntzaren Teknologia gero eta presenteago dago gure eguneroko jardueran erabiltzen ditugun aplikazio askotan (Google Home, Amazon Alexa, Siri, Google Translate, zuzentzaile gramatikalak, Googleren bilatzailea, ChatGPT...), eta hizkuntzaren teknologian oinarritutako aplikazioak garatu ahal izango dituzten adituen beharra gero eta handiagoa da industrian zein mundu akademikoan. Ikastaro honetan, hizkuntza-teknologian oinarritutako aplikazioak eraikitzeko teknikarik erabilienak azalduko dira. Parte-hartzaileek zenbait teknika aplikatzen ikasiko dute, hala nola dokumentu sailkapena, sekuentzia etiketatzea, edota bektoreetan oinarritutako hitzen errepresentazioak (embeddings) eta aurrez prestatutako hizkuntza-ereduak oinarrizko hainbat aplikazioetan erabiltzeko, esaterako Opinion Mining, Named Entity Recognition, Fake News Detection edo Question Answering.

ZURE BILA GABILTZA

Hizkuntzaren Teknologiari aplikatutako ezagutza behar duten graduondoko ikasleentzat eta hainbat diziplinatako profesionalentzat (hizkuntzalaritza, kazetaritza, informatika, soziologia, etab.) da egokia ikastaroa. Beharrezkoak diren hizkuntza-baliabideak, tresnak eta teknika egokiak identifikatzea da helburua, arazo praktikoak konpontzeko behar den autonomia lortzeko, Hizkuntzaren Teknologian oinarritutako aplikazioak modu berritzaile eta sortzailean aplikatuz eta garatuz.

BALDINTZAK

Eduki praktikorako (kodetzeko ariketak), Python programazio lengoaian esperientziarik izatea gomendatzen da. Aurretik emango den Deep Learning for Natural Language Processing ikastarora joatea baliagarria izan daiteke, baina ez da beharrezkoa. Gainera, behar-beharrezkoa ez bada ere, Collab Pro-n harpidetzea gomendatzen dugu GPUaren prestazioak hobeto aprobetxatzeko.

IRAKASKUNTZA

HASIERA ETA AMAIERA DATA: 16/09/2024 - 20/09/2024
EMATEKO TOKIA: Birtuala
HIZKUNTZA: Ingelesa

INFORMAZIOA / IZEN-EMATEA

SAIL EDO ORGANO ARDURADUNA: HiTZ zentroa
HELBIDEA: Manuel Lardizabal, 1 - Donostia
TELEFONOA: 943 015 049
POSTA ELEKTRONIKOA: amaia.lorenzo@ehu.eus / olatz.arregi@ehu.eus