INFORMAZIO OROKORRA

IKASTURTEA: 2024/2025
ARLOA: Zientzia Esperimentalak
KREDITUAK: 3,00ECTS(*) kreditu
MATRIKULA TASA: 249,00 €(Asegurua 4,00 €)
ARDURADUN AKADEMIKOA: Maren Ortiz Zarragoitia

(*)  ECTS kreditu batek 25 orduko balioa du.

AURKEZPENA

Paleontologia Ikastaroak helburu du fosilen azterketan eta haien ilustrazio zientifikoan espezializatutako prestakuntza eskaintzea.

Parte-hartzaileek paleontologiaren oinarrizko kontzeptuak, fosilen ilustrazio-teknikak eta fosil-hondarrak, ekosistemak eta paleobiologia-birsorkuntzak zientifikoki eta zehaztasunez nola irudikatu ikasiko dute.

Bereziki azpimarratuko da marrazki bidezko paleontologia-ilustrazioa, nagusiki arkatzarekin, Lurreko bizitzaren eboluzioa ikusgarri egiteko. Paleontologiari eskainitako zatian, parte-hartzaileek fosilen sorrera-prozesuetatik hasi eta haien ondorengo analisi eta berreskurapeneraino gertatzen diren prozesuak aztertuko dituzte, iraganeko organismoen aztarnetatik abiatuta iragana berreraikitzeko metodoen ikuspegi osoa lortuz.

Ilustrazio paleontologikoaren zatian, zientzia paleontologikoaren ezagutzak gaitasun grafikoen garapenarekin uztartuko dira, marrazketa eta pintura tradizionala erabiliz, iraganeko espezieak eta ekosistemak zehaztasunez islatzeko. Ikasleek desagertutako animalien eta haien habitatetako birsorkuntza grafikoak sortzen ikasiko dute.

Ikastaroaren Helburuak eta Filosofia

1. Paleontologiaren oinarriak bereganatzea: Parte-hartzaileek fosilen jatorria eta azterketa, fosil-talde nagusien sailkapena eta fosil-hondarren sorrera-prozesuak ikasiko dituzte.
2. Ilustrazio paleontologikoko teknikak ezagutzea: Fosilak, desagertutako animaliak eta inguru prahistorikoen birsorkuntzak modu zehatzean irudikatzeko trebetasunak garatuko dituzte.
3. Paleontologoen eta ilustratzaileen arteko harremana ulertzea: Bi profil profesionalen arteko lankidetza hobetuko da paleontologiaren testuinguruan.
4. Gaitasun grafikoak garatzea: Fosilak, eskeletoak eta izaki bizidun prehistorikoak irudikatzea.
5. Dibulgazio zientifikoa sustatzea: Ilustrazioa tresna gisa erabiltzea paleontologia ezagutarazteko museoetan, argitalpenetan eta erakusketa zientifikoetan.

Aztertuko diren Gaiak eta Arloak:

1. Paleontologiaren Sarrera:
   • Paleontologiaren oinarrizko kontzeptuak.
   • Fosil motak eta haien sorrera-prozesuak.
   • Fosil-talde nagusiak (ornodunak, ornogabeak, landare fosilak).
   • Suntsipen-prozesu handiak eta haien eragina biodibertsitatean.
2. Erregistro Grafikoa Paleontologian:
   • Fosilen indusketa eta analisi-prozesua.
   • Ekosistemak fosiletatik abiatuta berreraikitzea.
   • Ilustrazioen erabilera indusketa-dokumentazioan.
   • Ilustrazio paleontologiko motak: fosilak, eskeletoak, birsorkuntzak.
3. Ilustrazio Zientifikoa Paleontologian:
   • Fosilak eta izaki desagertuak irudikatzeko ilustrazio-teknikak.
   • Arkatz bidezko eta tresna digital bidezko marrazketa-teknikak.
   • Paleontologoen eta ilustratzaileen arteko lankidetza.
   • Ilustrazioaren garrantzia paleontologia-ikerkuntzan.
4. Ilustrazio Paleontologikoen Sorkuntza:
   • Iraganeko eszenen diseinua: fauna eta flora prehistorikoa.
   • Desagertutako izaki bizidunen birsorkuntza-prozesua: eskeletoetatik aurpegi eta gorputz-birsorkuntzara.
   • Animali prehistorikoen mugimenduak eta jokabideak irudikatzea.

Ikastaro honek paleontologiaren eta ilustrazio zientifikoaren arteko zubi bat eraikitzen du, parte-hartzaileei iraganeko bizitza Lurrean ulertzeko eta irudikatzeko tresnak emanez. Zure zain gaude!

ZURE BILA GABILTZA

Ilustrazio paleontologian prestakuntza paregabea bilatzen ari zara? Ikastaro honek aukera ematen dizu paleontologia eta biziaren historia berreraikitzen adituak direnekin ikasteko, ondare natural eta zientifikoa kontserbatzeko eta komunikatzeko ezinbesteko teknika grafikoak menderatzeko.

Paleontologia, ilustrazio zientifikoa edo fosilen zaharberritzea alorrean interesa duen profesionala bazara, ikastaro hau zuretzat da.

Zure profila honakoa bada, ikastaro hau zuretzat da:

• Ilustrazio paleontologikoan espezializatu nahi baduzu
• Ondare paleontologikoa babezteko ilustrazioak garatu nahi badituzu
• Dibulgazio eta ikerketa zientifikoan grafikak sortu nahi badituzu

IRTEERA PROFESIONALAK

Ikastaro honek honako arlo hauetan jarduteko gaitasuna ematen die parte-hartzaileei:

• Ondare paleontologikoa zaharberritzea eta kontserbatzea: Fosilak eta material paleontologikoak dokumentatzeko ilustrazioa. Museo eta erakusketa interaktiboetarako berreraikuntza grafikoak garatzea.
• Komunikazio eta dibulgazio zientifikoa: Zientzia-aldizkarietarako eta komunikabideetarako material grafikoak diseinatzea. Ondare paleontologikoari buruzko eduki bisualak sortzea.
• Ikerketa paleontologikoa: Ikusizko laguntza indusketa paleontologikoetan, aurkitutako fosil eta egituren ilustrazio zehatzekin. Proiektu paleontologikoen txosten grafikoak egitea.

BALDINTZAK

Ikastaro honetan parte hartzeko, ezinbestekoa da lizentziatura edo gradua izatea. Programa hau zuzenduta dago:

• Marrazketan trebetasuna duten pertsonak
• Ilustrazio zientifikoko profesionalak
• Arte, diseinu edo ilustrazioan graduatuak
• Natur zientzietan graduatuak

Ikastaro hau beren ezagutza eta trebetasun grafikoak sakondu nahi dituzten paleontologiazaleentzat diseinatuta dago. Fosilen mundua eta ilustrazio zientifikoa maite badituzu, ikastaro hau zuretzat da.

IRAKASKUNTZA

HASIERA ETA AMAIERA DATA: 2025/04/02tik 2025/04/11ra
EMATEKO TOKIA: Presentziala: Zientzia eta Teknologia Fakultatea
HIZKUNTZA: Gaztelania

INFORMAZIOA / IZEN-EMATEA

SAIL EDO ORGANO ARDURADUNA: Zientzia eta Teknologia Fakultatea
HELBIDEA: Barrio Sarriena s/n. 48940 Leioa
TELEFONOA: 946 013 548
POSTA ELEKTRONIKOA: ilustracioncientifica.fct@ehu.eus

Twitter: @IlustraCienti
Instagram: @ehu_ilustracioncientifica
Webgunea: www.ehu.eus/ilustracion-cientifica