-
Zientzia pseudozientzia bihurtzeko mehatxua dakar adimen artifizialaren negozioak
-
Eraldaketa Digitalerako Ministerioak 4.000.000 € eman dizkio UPV/EHUren 5G/6G azpiegitura esperimental bati
-
UPV/EHUko Medikuntza eta Erizaintza Fakultatea, zazpigarrena BAME azterketaren postu onenen zerrendan
-
Itsasoko haize-erroten kokaguneak egokiak diren determinatzeko metodo berria
-
Nola murriztu CO2 isurpenak zementua eta hormigoia eratzean
Plentziako Itsas Estazioak Erasmus Mundus MER masterraren Basoa sortu du
- Kronika
Lehenengo argitaratze data: 2023/06/12
![MER basoaren sorreran parte hartu duten UPV/EHUko ikasleak](/documents/10136/45020219/mer-basoa_web.jpg/a5a2afee-17b8-3e14-fb37-f6d045fdcc19?t=1686565231429)
Ekainaren 10ean, larunbata, goizean, zuhaitzak landatzeko ekitaldia egin zen Isuskitzamendin, UPV/EHUko Plentziako Itsas Estazioak antolatuta, Plentzia Herri Lurrak elkartearekin batera. Itsas Ingurumena eta Baliabideak Erasmus Mundus (MER2030) masterraren 17. promozioko 30 ikaslek lurra prestatu eta sagarrondoak landatu zituzten MER Basoa sortzeko.
Baso honek Plentziako Itsas Estazioan ematen diren nazioarteko masterrek urtero sortzen duten CO2 aztarna konpentsatu nahi du. Ikasleek basoa zaintzen eta handitzen lan egingo dute hurrengo urteetan, ingurumen-kontzientzia eta iraunkortasunaren pedagogia sustatzeko.
Halaber, 2024ko otsailean, denboraldia egokia denean, 18. promozioak hirurehun haritz landatuko ditu MER Community Summitek 2022an utzitako CO2 aztarna konpentsatzeko. Ondoren, ondoz ondoko promozioek haritz belaunaldi berri bat landatuko dute otsailero, masterreko ikasketetan zehar munduan zehar egiten dituzten bidaien arrastoa murrizteko.
Iaz, MER Community Summit 2022ra (Erasmus Mundus masterraren 10. urteurrena, Ingurumena eta Itsas Baliabideak) mundu osoko 250 pertsona bertaratu ziren. Horrek CO2 aztarna handia utzi zuen, eta, horregatik, MER basoa sortzea pentsatu zen, iraunkortasun-eredu gisa konpentsatzeko.
Irudi galeria
-
MER masterreko ikasleak zuloak egiten sagarrondoak landatzeko. Argazkia: Fernando Gómez. UPV/EHU -
Sagarrondoetako baten landaketa bukatzen. Argazkia: Fernando Gómez. UPV/EHU -
MER masterreko hiru ikasle lanean. Argazkia: Fernando Gómez. UPV/EHU -
Taldea, MER Basoan lanean. Argazkia: Fernando Gómez. UPV/EHU