Eredu propio batekin, ad hoc prestakuntzak eskaintzen dira justiziaren eta komunitatearen eremuko pertsona bideratzaile eta profesionalentzat, adingabeen zein helduen eremuan, eta arreta berezia eskaintzen zaie kalte edo arazo zehatzei.

Esperientzia-hurbilketa batetik abiatuta, justizia errestauratiboaren kontzeptua eta bilakaera, haren modalitateak eta araudian eta politika publikoetan duen kokapena jorratzen dira, bai eta errestaurazio-prozesuak garatzeko teknikak ere (plangintzatik hasi eta aplikaziora, jarraipenera eta ebaluaziora arte). Gainbegiratzeari buruzko gogoetak ere sartu dira.