AZALPENAK

NORBERA: Hau izenordaina da; beraz edozein izenek bezala berak bakarrik izen-sintagma bat osa dezake.

Askotan NORBERAREN ordez BAKOITZA ezar daiteke zentzua aldatu gabe.

NOR BERE: Hemen NOR ez da galdetzailea, izenordaina baizik. NOR BERE bi atalez osatua da:

• NOR: antezedentea edo “aurrekoa” litzateke. BAKOITZAren izenordaina dugu.
• BERE: bihurkaria edo erreflexiboa da. BEREren “aurrekoa” NOR izango da, beste edozein izen balitz bezala.

Horrez gain esan beharra dago, NOR absolutuan (nor), ergatiboan (nork) edo datiboan (nori) baino ez zaigula azalduko.

Iturria: EGA-I, 98. or.

• EGLU-I: 100.-102. or.
• Gramatika laburra-1: 65.-66. or.
• EGA-I: 98., 99. or.
• EGO: 228. or.