Egungo Euskararen Hiztegia (EEH)

zortzi 1 zenbtz zazpi eta bat, 8. (dagokion izenaren ezkerrean)

Jupiterrek zortzi esklabo ditu, Saturnok bat, Neptunok ere bat. Josu Zabaleta «Fantasiazko ipuinak» - Guy de Maupassant, 2000 - 394. orr.

Zortzi pieza dira guztira. Iñigo Aranbarri «Sakabi, soinu txikiaren handitasuna», 2003 - 63. orr.

Beti erraten du hemen edo han mina duela; eta gero, zortzi gol sartzen ditu. Berria - Kirola 2006-04-05

Ohi denez, pasa-hitzak zortzi karaktere izan beharko zituen gehienez, eta lau gutienez. Aingeru Epaltza «Rock'n'roll», 2000 - 269. orr.

Zortzi botila xanpain hustu zirela. Antton Olano «Fidel izan beharraz» - Oscar Wilde, 2000 - 22. orr.

Marmolezko zortzi mahai. Monika Etxebarria «Goragalea» - Jean Paul Sartre, 2003 - 114. orr.

Funestik ekarritako zortzi zezen suhar toreatu ziren. Txillardegi «Putzu», 1999 - 188. orr.

Itoitzekin Elkartasuna taldeko zortzi kidek. Edurne Elizondo «Itoiz, porlanezko gezurra», 2004 - 48. orr.

Han goian, tontorrean, kupula bat dago, zortzi zutabek eutsia. «Loroaren teorema» - Denis Guedj, 2006 - 148. orr.

Quintilianoren Institutiones oratoriae izenekoa edota Zizeronen zortzi diskurtsori egindako iruzkinak. Santiago Iruretagoiena «Arkitekturaz hamar liburuak» - Vitruvio, 2000 - 70. orr.

Kolomaren altuera zortzi eta erdi zatitan banatu eta horietako parte bat izango da kolomaren diametroa edo lodiera. Santiago Iruretagoiena «Arkitekturaz hamar liburuak» - Vitruvio, 2000 - 1590. orr.

Zortzi idazle hauek zortzi unibertso ezberdin eraiki dituzte. Ana Urkiza «Zortzi unibertso, zortzi idazle», 2006 - 11. orr.

Zortzi izenera aurrena, eta bostera geroxeago. Bernardo Atxaga «Soinujolearen semea», 2003 - 303. orr.

Zaldi horiekin, zazpi edo zortzi ordutan jarriko ginateke Frantzian. Bernardo Atxaga «Soinujolearen semea», 2003 - 265. orr.

Zortzi urtean Alex Calvo Garcia ordiziarra Scunthorpe United taldeko ikur bihurtu da.Zenbaki horren berredura (2139, alegia) kalkulatzeko eskatu zioten, eta han etorri zen [...] hirurogeita zortzi zifrako erantzunarekin. Berria - Kirola 2004-05-02

Prousten Denbora galduaren bilako zortzi aleak. Ana Urkiza «Zortzi unibertso, zortzi idazle», 2006 - 296. orr.

Jaun erretorak zortzi banderak bedeinkatu ditu. Txillardegi «Putzu», 1999 - 361. orr.

Azken zortzi silabak errepikatu egiten zituen. Andoni Egaña «Hogeita bina», 2004 - 178. orr.

Iruñeko espetxean sartu zituzten kableak moztu zituzten zortzi solidarioak. Edurne Elizondo «Itoiz, porlanezko gezurra», 2004 - 64. orr.

Nire bi lanparak eta tximiniako zortzi kandelak piztuta neuzkan. Josu Zabaleta «Fantasiazko ipuinak» - Guy de Maupassant, 2000 - 334. orr.

Ziegetan preso ditudan zortzi beaumondarrak ere laxatu eginen ditiat. Joan Mari Irigoien «Lur bat haratago», 2000 - 631. orr.

Arratsaldearen lehen zatian ere zortzi bertsolariek jarraituko dute oholtza gainean bertsotan. Berria - Harian 2005-12-18

Jokin Zeberioren aitak eta osabak zortzi akusatuen gurasoak izan zituzten gogoan zenbait komunikabidetara bidalitako gutunean. Berria - Harian 2005-04-24

Gutxienez berrogeita hamar urte izango zituen; zortzi seme-alaben ama zen. Anton Garikano «Farorantz» - Virginia Woolf, 2001 - 20. orr.

Zortzi ginen entzuleak. Anjel Lertxundi «Konpainia noblean», 2004 - 72. orr.

Identifikatu ditugun hogeita zortzi zibilizazioetatik (zibilizazio geraraziak zerrendan barne direla) hemezortzi hilda daude. Iñaki Mendiguren «Historiaren azterketa II» - A.J. Toynbee, 2000 - 430. orr.

Saltokiak urtean zortzi jaiegunetan zabaldu ahal izatea baimentzeko prest dago Eusko Jaurlaritza. Berria - Ekonomia 2004-11-27

Azkeneko zortzi jardunaldietan zortzi garaipen eskuratzeaz gain, jokoan zeuden 30 puntuetatik 28 batu ditu. Berria - Kirola 2004-03-19

Hemen Norvegiako kostaldetik gertu gaude, hirurogeita zortzi graduko latitudean. Koro Navarro «Kontakizunak» - Edgar Allan Poe, 2000 - 58. orr.

Zortzi eta erdiko pala finala gaur, Plentzian (22: 30). Berria - Kirola 2004-07-31

Zortzi t'erdiko txapela berak irabazi zuen. Berria - Kirola 2004-12-18

1a (hitz elkartuetan beste zenbaki batekin)

Sei-zortzi lore kontatzen zituen, urtaroaren arabera. Karlos Zabala «Parisen sabela» - Emile Zola, 2004 - 246. orr.

Han ere, aste osoari, sei-zortzi egunen uztaiari nahi diote begirada finez errepara. Pello Zabala «Zeruan zer berri», 2006 - 171. orr.

Hondar lerro batek -zortzi-hamar arkabuzari- gibelaldea babesten zuen, noizbehinka tiro eginez. Aingeru Epaltza «Mailuaren odola», 2006 - 135. orr.

Sarasa inspektoreordea, "Manolo Potzolo" goitizenez, zortzi-hamar aldiz deitu, eta denetan lelo ezaguna erantzun betiko ahots ongi-aginduak: "ezin orain telefonoan jarri". Aingeru Epaltza «Rock'n'roll», 2000 - 121. orr.

2 (dagokion izena ezabaturik)

Garai honetan beste gizon zintzo bat sartu zen Elkartean, eta honekin zortzi izatera heldu ziren. Askoren artean «Asisko Frantzizko, Asisko Klara», 2002 - 200. orr.

Sei jokalari badoaz, eta zortzi datoz, San Miguelek nabarmendu zuenez. Berria - Kirola 2004-05-19

Musu bat esan eta zortzi eman dizkidazu!”Zenbat ogi behar dituzue?" "Emaizkidak zortzi.”. Pako Aristi «Venezuela, iraultza isilaren hitzak», 2000 - 18. orr.

Hogeita zortzi, nire betaurreko beti zikinen menera. Aingeru Epaltza «Rock'n'roll», 2000 - 25. orr.

Herriotako zortzi azpian hartuko ditu betetzeko probak amaitzen direnean: Artozki, Itoitz, Muniain, Orbaitz, Gorriz, Ezkai eta Ulozi, baita Otsa eta Nagore herrien beheko aldea ere. Edurne Elizondo «Itoiz, porlanezko gezurra», 2004 - 30. orr.

R. Yanagimachi agertu zen 31 arratoi klonatu zituela besapean, haietako zortzi bere aldetik klonen klonak izaki. Pello Salaburu «XX. mendearen argi-itzalak», 2001 - 88. orr.

Zortzi dauzka. Anton Garikano «Farorantz» - Virginia Woolf, 2001 - 30. orr.

Hamar batzarkideetatik zortzik eman dute baietza. Anjel Lertxundi «Argizariaren egunak», 1998 - 231. orr.

Zortziak lotara joan ginen. Josu Zabaleta «Anne Franken egunkaria» - Anne Frank, 2004 - 273. orr.

Ontsalaz, gu zortziak baizik ez ginela joanen aipatua genuen. Daniel Landart «Anaiaren azken hitza», 1999 - 96. orr.

Sei metrotik, zazpitik, zortzitik, bederatzitik edo hamarretik, berdin zion, distantzia guztietatik modu berean jaurtitzen zuen: gogor, oso gogor, txikitzera. Berria - Kirola 2004-04-15

CPEren pareko kontratua da, baina 20 langiletik beherako enpresetan ezar daiteke; hots, Frantziako hamar konpainiatik zortzitan. Berria - Harian 2006-04-11

Malaria Tropiko Azpiko 102 herrietan hedatzen da, [...] Hego Ameriketako zenbait herritan, eta Asiako beste zortzitan endemiko bihurtu da. Pello Salaburu «XX. mendearen argi-itzalak», 2001 - 141. orr.

8-2 galtzen zuen hastetik baina zortzitan berdindurik 10-8 pasatua zuen Irujo. Herria 2004-04-29

Lau onenek final-laurdenetako kanporaketa jokatzeko txartela lortuko dute zuzenean eta gainerako zortziek final-laurdenetara sartzeko kanporaketa jokatuko dute. Berria - Kirola 2006-01-24

Saiatuko gara lehen zortzien artean sailkatzen. Berria - Kirola 2004-09-17

3 (data adierazteko)

Mila bederatziehun eta zortzian hil zuan. Xabier Olarra «Azken hitzordua» - Sandor Marai, 2003 - 100. orr.

Hori hilaren zortzian izan zen. Koldo Izagirre «Sua nahi, Mr. Churchil?», 2005 - 263. orr.

Uztailaren hogeita zortzian heldu zen noraezean Pasaiara. Koldo Izagirre «Idi orgaren karranka» - Victor Hugo, 2002 - 116. orr.

Geu ginen abuztuaren zortzia ospagarri deklaratu genuenak. Koldo Izagirre «Nik ere Germinal! egin gura nuen aldarri», 1998 - 186. orr.

Gamarra jaunak ere bere adierazpenetan erabateko ziurtasunik gabe baina maiatzaren zazpian edo zortzian kokatu zuen desehorzketa. Ramon Saizarbitoria «Gorde nazazu lurpean», 2000 - 420. orr.

Edo ez, hobe mandatari bat bidaltzen badiot; baina edozein modutan ez naiz egongo prest apirilaren zortzia baino lehen. Juan Garzia «Pedro Páramo» - Juan Rulfo, 2001 - 62. orr.

Oginoren metodoak -edo egunen metodoak- proposatzen zuen koitorik ez izatea 14 egunean -zortzitik hogeita batera-, arrisku egunak direlako. Luis Elberdin «Sexua noiznahi», 2005 - 86. orr.

Abenduaren zortziko goiza zen. Juan Garzia «Pedro Páramo» - Juan Rulfo, 2001 - 153. orr.

Abenduaren zortziko eguerdi sargori hartan. Xabier Mendiguren Elizegi «16 ipuin amodiozko», 2002 - 45. orr.

4 (ordua adierazteko)

Zortziak dira, etxeratzeko ordua. Patxi Iturritegi «Behi eroak», 2003 - 138. orr.

Arratsaldeko zortziak baino lehen. Karlos Zabala «Mikel Strogoff» - Jules Verne, 2002 - 178. orr.

Arratsaldeko bostetarik harat edozoin egunez jalgitzen ahalko ginela Pariserat [...] biharamun goizean zortziak aitzin itzultzekotan, tenoreko xuxen eta molde onean. Janbattitt Dirassar «Bihotzeko mina», 1997 - 111. orr.

Zortziak xuxen abiatu naizenean. Piarres Aintziart «Santiago oinez», 2000 - 229. orr.

Bihar goizean zortzietan esnatuko zara. Josu Zabaleta «Fantasiazko ipuinak» - Guy de Maupassant, 2000 - 319. orr.

Martin ostatura itzuli zen, jan zuen sekulako apetituz, eta zortzitan puntu-puntuan harresiko atean zegoen zain. Koro Navarro «Zalakain abenturazalea» - Pio Baroja, 2006 - 167. orr.

Goizeko zortziak arte txortan jardungo dugu eta gero gerokoak. Jon Arretxe «Ostiralak», 2000 - 74. orr.

Lucy eta biok zortziak ezkero gaude jaikita. Oskar Arana «Brooklyngo erokeriak» - Paul Auster, 2006 - 229. orr.

Zortziak aldera irten zen etxetik burua egurastera. Migel Angel Mintegi «Denak du bere prezioa», 2002 - 181. orr.

Arratsaldeko zortziak inguruan. Juan Kruz Igerabide «Hauts bihurtu zineten», 2005 - 56. orr.

Arratsaldeko zortziak-edo izango ziren Joxanek telefonoaren hotsa entzun zuenean. Paddy Rekalde «Ragga-ragga dator gaua», 2006 - 61. orr.

Han agertu nintzen, zortziak jota, santafe-opil batekin. Juan Garzia «Ipuin hautatuak» - Jorge Luis Borges, 1998 - 156. orr.

Hormako erlojuan zortziak paseak ziren. Josu Landa «Odolbildua», 2002 - 106. orr.

Goizeko zortziak eta hogei segundo ziren, zehazki. Josetxo Azkona «Patata soro bat», 2004 - 136. orr.

Zortziak eta bost, zortziak eta hamar eta Gaizka atzera sukaldean. Jon Arretxe «Ostiralak», 2000 - 79. orr.

Goizeko zortziak eta bostetan, eta arratsaldeko seiak eta laurdenetan. Herria 2002-12-26

Zortziak eta hamarrean, azkenean, saloiko argia piztu egin zen. Migel Angel Mintegi «Denak du bere prezioa», 2002 - 115. orr.

Zortziak eta hamarretan deitu ninduen. Daniel Landart «Anaiaren azken hitza», 1999 - 147. orr.

Zortziak eta laurden! Jon Arretxe «Ostiralak», 2000 - 58. orr.

Gaur goizean, zortziak eta laurdenean. Monika Etxebarria «Goragalea» - Jean Paul Sartre, 2003 - 37. orr.

Ondotik, zortziak eta laurdenetan: Pello Lizarralde nafartar idazlearen obraz mintzo, idazlea bera eta Itxaro Borda. Herria 2004-12-09

Medikua zortziak eta hogeian heldu zen. Unai Elorriaga «SPrako tranbia», 2001 - 133. orr.

Ordu erdian iristen ginen gure helmugako geltokira, bertako erlojuan zortziak eta hogeita bost zirela. Bernardo Atxaga «Soinujolearen semea», 2003 - 117. orr.

Erlojuari begiratu nion; zortziak eta hogeita zortzi minutu ziren. Xabier Olarra «Iruzurgilea» - James Cain, 2002 - 96. orr.

Erlojura begiratu nuen, zortzi eta erdiak. Aingeru Epaltza «Rock'n'roll», 2000 - 82. orr.

Zortzi eta erdiak aldera oso harro ez sentitzeko moduko gauza bat egin nuen. Xabier Olarra «Iruzurgilea» - James Cain, 2002 - 124. orr.

Zortziak eta erdi dira. Eider Rodriguez «Eta handik gutxira gaur», 2004 - 118. orr.

Gero, zortzi eta erdietan atsedenaldia izaten zen, eta jarraian pieza geldoen tartea: Orfeo negro, Petite fleur. Bernardo Atxaga «Soinujolearen semea», 2003 - 295. orr.

Aratseko meza zortziak eta erditan izanen dugu. Herria 2001-08-02

Goiz horretan, ordea, zortzi t'erdiak aldean gelariak esnatu ninduen, esanez: [...]. Josu Zabaleta «Fantasiazko ipuinak» - Guy de Maupassant, 2000 - 319. orr.

-Bost minutu falta dira zortzi eta erdietarako. Anton Garikano «Bederatzietatik bederatzietara» - Leo Perutz, 2003 - 199. orr.

Zortziak eta erdietarako alde egin behar zuen. Josu Zabaleta «Anne Franken egunkaria» - Anne Frank, 2004 - 69. orr.

Zortziak laurden gutxiago ia-ia. Jon Arretxe «Ostiralak», 2000 - 77. orr.

Zortziak laurden gutti. Filipe Bidart «Bakartasunaz bi hitz», 2004 - 37. orr.

Erlojuari begiratu diozu: arratsaldeko zortziak laurden gutxi. Sonia Gonzalez «Ugerra eta kedarra», 2003 - 70. orr.

Zortziak laurden gutxiago pasatxo ziren. Pedro Alberdi «Kafka Bilbon», 2002 - 93. orr.

Hori liburuetan dator, hogeita hamazazpiko apirilaren hogeita hamarrean, goizeko zortziak laurden gutxitan. Koldo Izagirre «Agirre zaharraren kartzelaldi berriak», 1999 - 146. orr.

Zortziak laurden gutxiagotan zehazki. Pedro Alberdi «Kafka Bilbon», 2002 - 79. orr.

Oso zoriontsua zen zortziak laurden gutxiagotatik bederatziak arte. Unai Elorriaga «SPrako tranbia», 2001 - 89. orr.

Erlojuari begiratu nion; zortziak eta hogeita zortzi minutu ziren. Xabier Olarra «Iruzurgilea» - James Cain, 2002 - 96. orr.

Zortziak jo zuten eta artean ez zuen ez argirik ezta mugimendurik ere sumatu laugarren solairuan. Migel Angel Mintegi «Denak du bere prezioa», 2002 - 114. orr.

Zortziak puntu-puntuan Bulebarrean zegoen Itziarren zain. Migel Angel Mintegi «Denak du bere prezioa», 2002 - 251. orr.

Artean goizeko zortziak ez zirela, Berarako bidean, Guardia Zibilaren kontrol batekin egin genuen topo. Iban Zaldua «Gezurrak, gezurrak, gezurrak», 2001 - 60. orr.

Iluntzeko zortzietako trenean iritsiko naizela idatzi diet. Eskarne Mujika «Berdin dio» - Agota Kristof, 2005 - 8. orr.

5 (artikulu eta kasu markarik gabe, gaur, bihar eta kidekoekin) zortzi egun barru, zortzi egunera.

Gaur zortzi irekiko dute kaiolako atea lehen pilotariak sar daitezen. Berria - Kirola 2004-10-09

EHF Kopako final-zortzirenetako itzulikoa Kroazian jokatuko du Akabak gaur zortzi. Berria - Kirola 2006-02-12

Gaur zortzi, pilota partida Eibarko Astelenan. Iñigo Aranbarri «Hizlandia», 2006 - 20. orr.

Reala bihar hasiko da lanean eta Osasunak bihar zortzi. Berria - Kirola 2004-07-11

Uztailaren 15ean, bihar zortzi, Orreaga herriaren inguruko hitzaldi batekin hasiko da egitaraua. Berria - Euskal Herria 2004-07-07

Eta larunbatean zortzi, martxoak 15, oinezko ibilaldia, Donibanetik edo Biriatutik partituz. Herria 2003-03-06

Elizkizun berezi bat izanen da ortzegun huntan zortzi, urtarrilak 25, aratseko 6-ak eta erdietan, Baionan, protestanten elizan. Herria 2001-01-18

Heldu den igandean zortzi lehiatuko dira hain zuzen Hondarribian. Herria 2005-07-28

Ni ordea, patata pizar bat ereiteko, gorotz harrotzen aritu nintzen atzo zortzi. Patziku Perurena «Trapuan pupua», 2001 - 300. orr.

Atzo zortzi iragarri zuten datorren larunbatean izango den manifestazioa. Berria - Harian 2006-03-25

Atzo zortzi irakurri nituen gainerako egunkarietan [...] inon gehiago ez zen adierazten "lehen bilbotarrarena". Iñigo Aranbarri «Hizlandia», 2006 - 24. orr.

Marinea -ke hari lerdena ezpain artetik- Donostian zen atzo zortzi. Iñigo Aranbarri «Hizlandia», 2006 - 107. orr.

Joan den astezkenean zortzi, bere azken egoitzara segitu dugu, Kattina Dachaguer, Apairikoa. Herria 2003-07-10

· Atzo zortzitik ez zegoen haren berririk, baina familia ez zen ostirala arte larritu. Berria - Euskal Herria 2004-02-10

6 (denbora unitateekin)

Zortzi minutu denbora dezente da bi maleta eta kapela-kaxa bat paratzeko. Mirentxu Larrañaga «Hona hemen gu biok» - Dorothy Parker, 2006 - 85. orr.

Zortzi orduko aldea; arratsalde erdia zen. «Loroaren teorema» - Denis Guedj, 2006 - 260. orr.

Berregoeita zortzi oren hurbil iragan dira Txominek eta Kattalinek elkar ikusi zutenetik. Eneko Bidegain «Anbroxio», 2002 - 73. orr.

Handik zortzi egunera eroetxeko ateak zabaldu zitzaizkion. Josu Zabaleta «Fantasiazko ipuinak» - Guy de Maupassant, 2000 - 84. orr.

Baina sukar txiki batek ez zion etxetik irteten utzi zortzi egunean. Karlos Zabala «Parisen sabela» - Emile Zola, 2004 - 70. orr.

Hots, zortzi egunez alaitasun eta omore on. Herria 2003-05-01

Baina zortzi egun baditu, ez dudala bertzerik entzuten, ez mintzatzen. «Harreman arriskutsuak» - Choderlos de Laclos, 1997 - 46. orr.

Zortzi egunen buruan, Tonokam deitzen den lekura helduko haiz. Aurelia Arkotxa «Septentrio», 2001 - 26. orr.

Zortzi hilabete geroago, Agirrek azpimarratutako errepresioaren datu xeheak aletu zituen "B.B."-k sinatzen dituen artikulu sailean: [...]. Jokin Urain «Errotarria», 2006 - 75. orr.

Inork ez dio esan zortzi hilabeteko bizi-itxaropena ematen diotela. Imanol Zurutuza «Errautsera arteko sugarra», 2002 - 24. orr.

Zortzi hilabetez greban egon diren 140 langileak kaleratuko dituela berretsi zuen atzo Jose Ignacio Gonzalez Caballitoko gerenteak. Berria - Ekonomia 2004-06-23

Aitatxi Migelek zortzi urte zituen. Aingeru Epaltza «Mailuaren odola», 2006 - 34. orr.

-Hi joan eta handik zortzi urtera. Xabier Olarra «Azken hitzordua» - Sandor Marai, 2003 - 100. orr.

Zortzi urteko bere semea ikastolatik noiz aterako zain zegoen. Joxerra Garzia «Kurrin-kurrun vitae», 2004 - 14. orr.

Duela zortzi urteko ametsak zer bide egin duen, eta zer emaitza, orroitarazia izan da. Herria 2003-07-17

Zortzi urtekoekin hain ondo moldatu banintzen, hamarrekoekin ere konponduko nintzela noski. Joxerra Garzia «Kurrin-kurrun vitae», 2004 - 70. orr.

Narni hiriko emakume batek zortzi urtez eskua ihartua izan zuen. Askoren artean «Asisko Frantzizko, Asisko Klara», 2002 - 270. orr.

Hurrengo zortzi urteetan sei bider baino ez ziren bildu. Xabier Montoia «Baina bihotzak dio», 2002 - 196. orr.

Orain zortzi urte despeditu zuen laguna North Wall-en. Irene Aldasoro «Dublindarrak» - James Joyce, 1999 - 101. orr.

Zakurrak, zortzi mende baino gehiagoko tratu txarra odolean eta herentzia genetikoan, burua altxatu zuen. Jon Alonso «Lisboako Setioaren Historia» - José Saramago, 2000 - 192. orr.

7 (diru unitateekin)

Zortzi dolar eta hamasei zentabo, gasolinarako dolarra barne. Berrogeita bederatzi dolar eta zortzi zentabo zauzkaat eta non arraio ibili naiz ni? Fernando Rey «Hobe nuen etxean gelditu» - Horace McCoy, 2002 - 72. orr.

Menua zortzi euro eta erdian. Iban Zaldua «Etorkizuna», 2005 - 53. orr.

Bene-benetako Cliquot bat edaten zutela, zortzi errubloan botila. Karlos Zabala «Mikel Strogoff» - Jules Verne, 2002 - 113. orr.

Zortzi ginea ordaindu behar zaizkio. Irene Aldasoro «Dublindarrak» - James Joyce, 1999 - 214. orr.

Azkenean kontratu bat sinatu zuten, zeinaren bidez zortzi ginea jasoko baitzituen Kathleenek, lau kontzertu nagusietan akonpainamendua jotzen egingo zuen lanagatik. Irene Aldasoro «Dublindarrak» - James Joyce, 1999 - 202. orr.

Zortzi libera, sos handi eta txikietan, Aingeru Epaltza «Mailuaren odola», 2006 - 138. orr.

8 (luzera neurriekin)

Ez zituen garbi ikusten egunkari normal bateko letrak -oraindik 20/80 zorroztasuna besterik ez zuen-, baina arazorik gabe ikusten zituen zortzi milimetrotik gorakoak. Xabier Olarra «Antropologo bat Marten» - Oliver Sacks, 2003 - 131. orr.

Euren zurtoin batzuek zortzi oineko luzera dute. Lopez de Arana «Manhattan Transfer» - John Dos Passos, 1999 - 162. orr.

Lanak eten egin zituzten orduan eta, aurrerantzean arriskupean ez egoteko, burdinbidea Boscaccion gelditu zuten, gure etxetik zortzi kilometrora. Koldo Biguri «On Camillo» - Giovanni Guareschi, 2001 - 36. orr.

Sorterritik zortzi mila verstara atzerriraturik. Karlos Zabala «Mikel Strogoff» - Jules Verne, 2002 - 424. orr.

Zortzi milia ingeles baino luzeago den harresi batez inguratua. Karlos Zabala «Mikel Strogoff» - Jules Verne, 2002 - 49. orr.

9 (bestelako neurri unitateekin)

Arazoa zen mukiak itxi egiten zizkiola birikak arnasa galarazteraino, eta bere gorputz txikiak, zazpi edo zortzi kilokoak, ez zeukala ahalmenik muki haiek mugitzeko. Bernardo Atxaga «Soinujolearen semea», 2003 - 23. orr.

Likido horrek fluido interstiziala eratzen du; zortzi litro in-guru izaten dira, batez beste, pertsona heldu batean. Irene Aldasoro «Giza gorputza lanean» - John Lenihan, 2006 - 161. orr.

Zeropetik hogeita zortzi graduko tenperaturara ateratzea pentsa zer zen. Eneko Bidegain «Anbroxio», 2002 - 190. orr.

• 10 iz zenbaki naturalen sailean zazpiaren ondotik datorren zenbakia.

Zortzia egiteko, seiari bere heren bat gehitzen zaio. Santiago Iruretagoiena «Arkitekturaz hamar liburuak» - Vitruvio, 2000 - 1510. orr.

Nire notak ez ziren batere txarrak: bat bakarrik nahikoaz behetik (algebran bost bat); gainerako guztiak zazpiak, bi zortzi eta bi sei. Josu Zabaleta «Anne Franken egunkaria» - Anne Frank, 2004 - 29. orr.

Baionako egoitzen kasik hiruetatik bat bizitegi sozial ekarria da, Miarritzen edo Angelun ehuneko haren lau gurpilek, ardatzaren muturretik zortzi-bederatzi oinetara jarriak, halako oreka bat bermatzen dute zuloz eta gorabeherez betetako bide horietan. Herria 2003-08-14

Zortzia ez dutelarik pasatzen. Herria 2003-08-14

· Sigmaren gainean etzanda dagoen zortzi txiki horrek infinitua adierazten du. «Loroaren teorema» - Denis Guedj, 2006 - 401. orr.

Euriak ia ezabaturiko horma-irudiak ikus zitezkeen nonahi: hemen, botak eta zortzi-itxurako opilak zeuzkaten pintaturik. Jose Morales «Arima hilak» - Nikolai Gogol, 1998 - 25. orr.

Haietako baten esanetan, zortzi kalibrekoa da. Itziar Otegi «Axenario» - Jules Renard, 2006 - 142. orr.

11 zortziko ik zortziko.

12 sei-zortzi

Sei-zortzi lore kontatzen zituen, urtaroaren arabera. Karlos Zabala «Parisen sabela» - Emile Zola, 2004 - 246. orr.

Probintziako pope literarioetariko bat zen, sei-zortzi poesia libururen egile. Aingeru Epaltza «Lasto sua», 2005 - 38. orr.

Bilbao Basketek sei-zortzi milioi euro behar ditu ACBn jokatzeko. Berria - Kirola 2004-05-26

Azken sei-zortzi urtetan gure gogoetagai izan da zenbateraino guneratu edo zenbateraino ertzeko izan. Andoni Egaña «Hogeita bina», 2004 - 30. orr.

Hemendik sei-zortzi urtera begira. Berria - Euskal Herria 2004-11-20

Sei-zortzi kilometroko atsedentxoa izango dute Olaberriko gaina igo aurretik Sei-zortziren bat ginen, isilik, miresmenez, begia gindoazen urrutiko Afrikarantz bihurturik. Ez askorik, sei-zortzi bat. Berria - Kirola 2004-04-09

13 zazpi-zortzi

Astiro-astiro zazpi-zortzi lagun bildu dira era horretan, denak gizonezkoak. Urtzi Urrutikoetxea «Zoririk ez» - Imre Kertész, 2003 - 57. orr.

Hotzikarak nago, baina badakit, zazpi-zortzi ordu barru, hemen izango dugula berriro eguzkia. Joxe Austin Arrieta «Homo Faber» - Max Frisch, 2001 - 34. orr.

Zazpi-zortzi hilabete iragan zirenean, ordea, bigarren partea ere kontatu behar ziola bururatu zitzaion Sarari. Joan Mari Irigoien «Ipuin batean bezala», 2002 - 14. orr.

Handik zazpi-zortzi egunera, haur gaixoa, berriz gaixotua, ikustera itzuli zelarik, teilapeko gizona, Villasús, hil egin zela esan zioten. Josu Zabaleta «Jakintzaren arbola» - Pio Baroja, 2006 - 281. orr.

Koadro bat zegoen zazpi-zortzi metrora, beheko solairuan, atearen ondoan. Unai Elorriaga «Van't Hoffen ilea», 2003 - 138. orr.

Zazpi-zortzi ziren, adin guztietakoak. Aingeru Epaltza «Mailuaren odola», 2006 - 161. orr.

Egutxik hirurogeita lau urte zituen orduan, eta emakumeak hogeita lau-bost edo hogeita zazpi-zortzi gehienez. Ibon Uribarri «Loti ederrak» - Yasunari Kawabata, 2006 - 78. orr.

Zazpi-zortzi mila baginen joan beha geundenak, eta kasernako beste hegal batean, emazte alde handia. Marzel Etxehandi «Alemaniara deportatua» - Grégoire Joannateguy, 2003 - 35. orr.

Euskal Herri osoko zazpi-zortzi ehun mila euskaradunetarik, 70.000, hots, 10etarik bat bakarrik gara Iparraldeko. Piarres Xarriton «De re publica edo politikaz», 2003 - 120. orr.

Grosetik ez oso urrun botatako bizikleta saltzailearentzat zazpi zortziren bat hitz. Bernardo Atxaga «Groenlandiako lezioa», 1998 - 27. orr.

14 zortzi bat (49 agerraldi, 27 liburu eta 19 artikulutan; orobat zortziren bat 27 agerraldi, 14 liburu eta 5 artikulutan)

Orduan ikusten ditut bi Jeep eta zortzi bat guardia zibil gure aurrez aurre, autobideko sarreraren eta institutuaren arteko bidegurutzean. Banderaren neurriak, zortzi bat metro luze eta horren erdia-edo zabal. Anjel Lertxundi «Zorion perfektua», 2002 - 97. orr.

Guztiok ematen baititugu gauero zortzi bat ordu ohean. Irene Aldasoro «Giza gorputza lanean» - John Lenihan, 2006 - 38. orr.

Orain zortziren bat orduko jarduna egiten dugu. Ia konturatu gabe egin nuen, eta, gainera, zazpi edo zortzi bat urte besterik ez nituen artean. Berria - Kirola 2004-06-16

Zortziren bat urteko haurra ekarri dute, istripua eduki duena. Agurtzane Juanena «Esan gabe neukana», 2003 - 87. orr.

Zortziren bat festalaguneko taldetxo bat osatua genuen ordurako. Hitzaldi honetatik zortziren bat egunera, Pedro, Joan eta Santiago berekin hartu eta mendira igo zen Jesus, otoitzera. Anjel Lertxundi «Argizariaren egunak», 1998 - 41. orr.

Sei-zortziren bat ginen, isilik, miresmenez, begia gindoazen urrutiko Afrikarantz bihurturik. Josu Zabaleta «Fantasiazko ipuinak» - Guy de Maupassant, 2000 - 111. orr.

Lasto fardelak, zortziren bat, errepidean barreiatuta gelditu ziren. Berria - Euskal Herria 2006-02-08

Biharamunean, San Juan Plaza zabalean, zortzi bat mila soldadu bolondresi [...] errebista ikusgarri hunkigarria pasa ziela Don Carlosek. Txillardegi «Putzu», 1999 - 167. orr.

Urtean zazpi edo zortzi bat mila libra. Antton Olano «Fidel izan beharraz» - Oscar Wilde, 2000 - 47. orr.

Sei-zortziren bat ginen, isilik, miresmenez, begia gindoazen urrutiko Afrikarantz bihurturik. Josu Zabaleta «Fantasiazko ipuinak» - Guy de Maupassant, 2000 - 111. orr.

Grosetik ez oso urrun botatako bizikleta saltzailearentzat zazpi zortziren bat hitz. Bernardo Atxaga «Groenlandiako lezioa», 1998 - 27. orr.

15 zortzi-bederatzi

Horrela, aldi berean asaldaturik eta gogogabeturik biziz zortzi-bederatzi hilabete egin ondoren, giltzaduretan oinazeak hasi zitzaizkion. Josu Zabaleta «Jakintzaren arbola» - Pio Baroja, 2006 - 231. orr.

Gizonezkoetan, berriz, dockerrek, esate baterako, astean zortzi-bederatzi shilling kobratzen zuten. Pablo Sastre «Eguzkipekoak», 2003 - 51. orr.

Haren lau gurpilek, ardatzaren muturretik zortzi-bederatzi oinetara jarriak, halako oreka bat bermatzen dute zuloz eta gorabeherez betetako bide horietan. Karlos Zabala «Mikel Strogoff» - Jules Verne, 2002 - 131. orr.

Buelta eman zortzi-bederatzi kilometro atzera eta bigarren mailako errepideetatik abiatzen ziren, itzulingurua eginez. Koldo Biguri «On Camillo» - Giovanni Guareschi, 2001 - 235. orr.

Arduraduna eta bi neskato: zortzi-bederatzi urte batek, eta hamaikaren bat-edo besteak. Josu Zabaleta «Anne Franken egunkaria» - Anne Frank, 2004 - 5. orr.

Zortzi-bederatzi urtetan, Garrüzeko gaztelutik Donapaleuko karrikara legoa bat eta ehun urrats gehiago direla bezain egia borobila zen niretako bi ama nituela. Aingeru Epaltza «Mailuaren odola», 2006 - 156. orr.

Izan ere, lehen hamarretik zortzi-bederatzi zeudean don Kosmerekin, eta orain, berriz, erdia-edo. Joan Mari Irigoien «Oilarraren promesa», 2003 - 65. orr.

16 zortzi mila

Saharaz hegoaldeko zortzi mila immigrante bizi dira City Snimen. Berria - Harian 2006-04-04

Behar baino zazpi edo zortzi mila pieza gutiago baizik ez zituzten zenbatu. Eneko Bidegain «Anbroxio», 2002 - 193. orr.

Lehen zenbaki hortarik atera dituzte zortzi mila ale. Herria 2001-10-18

Zortzi mila libera garai hartan ez zen inolako huskeria ni bezalako polizia ziztrin batentzat! Zortzi mila dolar garbi desfileko, bidaiak eta aseguru-poliza aparte utzita. Matías Múgica «Hiltzaile baten aitormena» - Joseph Roth, 2004 - 160. orr.

-Zortzi mila eurorekin konformatuko zinateke? -tupustean bota zion mozkoteak. Migel Angel Mintegi «Denak du bere prezioa», 2002 - 144. orr.

Zortzi mila eurotan balioetsitako bitxilorea. Hari batetik zintzilik daraman goiasmo handi batekin, nola oroiberritu lezake orduan gizonak mundua, zortzi mila metro lodiko elurpean? Migel Angel Mintegi «Denak du bere prezioa», 2002 - 250. orr.

Horren ordainetan, zortzi mila eta ehun kilo inguru zilar agindu zizkion. Elizen arteko biblia 1 M 11,28

Honek, ordainez, sei mila tonelada gari eta zortzi mila litro olio garbi eman ohi zizkion Hirami urte oroz. Elizen arteko biblia 1 Erg 5,25

Zortzi milaren bat hil ziren ezpataz nahiz sutan kiskaliak. Elizen arteko biblia 1 M 10,85

Munduko zortzi milako guztiak igotzeko. Xabier Montoia «Baina bihotzak dio», 2002 - 157. orr.

17 zortzi milioi

Nola liteke baliabide guztiak dituen zortzi milioi biztanleko herri hau oraindik ere pobrezia gorrian egotea? Berria - Kultura 2004-10-22

Zortzi milioi turista urtean zehar, kasik denak jokoan aritzeko etortzen direnak. Ramuntxo Etxeberri «Skyroom», 2004 - 108. orr.

Urtero, zortzi milioi emakumek arazoak izaten dituzte haurdunaldi denboran. Berria - Gaiak 2004-09-30

Autobuseko txartelaren truke zortzi milioi lira (bost bat euro) kobratu zidaten haranzkoan, deskontua eginda. Jon Arretxe «Ekialdeko mamuak», 2003 - 60. orr.

Ez dut uste gobernuan 17 urte egonda zortzi milioi dolar pilatu daitezkeenik. Berria - Mundua 2004-07-25

18 zortzi-zortzietan zortzietan zuzen, zortzietan puntuan.

Hartu nuen, eta zortzi-zortzietan iritsi nintzen elkartu behar genuen puntura. Juan Kruz Igerabide «Nire aitaren fusila» - Hiner Saleem, 2004 - 84. orr.

Berak idatzitako beste artikulu batzuk aldean zituela, bila etorri zitzaidan Temple hotelera igande goizeko zortzi-zortzietan. Xabier Olarra «Antropologo bat Marten» - Oliver Sacks, 2003 - 281. orr.

hitz multzoen maiztasunak (gutxienez 7 aldiz agertzen direnak)

atzo zortzi (14); aurten zortzi (7); azken zortzi (76); azken zortzi urteetan (10); azken zortzi urteotan (11); azkeneko zortzi (11); baino zortzi (20); bere zortzi (9); berrogeita zortzi (29); beste zortzi (107); beste zortzi lagun (7); bihar zortzi (11); dauden zortzi (9); duela zortzi hilabete (12); duela zortzi urte (47)