Egungo Euskararen Hiztegia (EEH)

zin

zin egin 1 ad Jainkoaren, norbere ohorearen edo kidekoen izenean hitz eman.

Egin dezagun zin. Julen Gabiria «Peter Pan» - James Matthew Barrie, 2004 - 123. orr.

Zin egiten dizut. Felipe Juaristi «Itzarri nahi ez zuen printzesa», 2002 - 186. orr.

Behin Liburu santua ukituz zin egin genuena, etengabe dugu aldarrikatzen. Askoren artean «Asisko Frantzizko, Asisko Klara», 2002 - 427. orr.

-Zin degizuet -erantzun du azkenik Axenariok, begiak pixontzian tinko-, ez dakit zer esan. Itziar Otegi «Axenario» - Jules Renard, 2006 - 29. orr.

Ana, zin egidazu gauza bat, esan dio Tupuk. Pablo Sastre «Eguzkipekoak», 2003 - 265. orr.

Emazteari hori zin egin ziola azaldu zuen. Berria - Kirola 2004-02-18

Ezin du ezer zin egin. Sonia Gonzalez «Ugerra eta kedarra», 2003 - 97. orr.

-Betiereko maitasuna zin egin baitio Orianeri! Aingeru Epaltza «Mailuaren odola», 2006 - 255. orr.

Adiskidantza osoa zin egin zioten elkarri. «Harreman arriskutsuak» - Choderlos de Laclos, 1997 - 241. orr.

Zin egin dutena lege naturalen batek aginduta badago, ez zina baizik legea bera da behartzen dituena. Esteban Antxustegi «Herritarra» - Thomas Hobbes, 2004 - 87. orr.

Eta horrelaxe egitea zin egin behar izan dugu. Txillardegi «Putzu», 1999 - 208. orr.

Herrialde diru emailek zin egin dutena ematea nahi dugu. Berria - Harian 2005-01-12

-Zin egiten diat, bihotzean tiro egin nioan. Koro Navarro «Artistakume baten erretratua» - Dylan Thomas, 1999 - 38. orr.

Zin egiten dizut: nahiago dut nire zintzilikarioa moztu, horrekin zu laztantzea baino. Patxi Zubizarreta «Mila gau eta bat gehiago» - Anonimoa, 2002 - 170. orr.

Haitiko lehen ministro Gerard Latortue gobernu berria osatzeko lanean ari da, herenegun karguari zin egin ondoren. Berria - Mundua 2004-03-14

Nire izenean egiten baduzu zin egiaz, justiziaz eta zuzenbidez, bedeinkatuko ditut beste herriak ere, eta nitaz harro agertuko dira. Elizen arteko biblia Jr 4,2

Nire ohoreagatik zin egiten dizut... Lopez de Arana «Manhattan Transfer» - John Dos Passos, 1999 - 224. orr.

Euskaldunaren beste seinale bat da zintzotasuna, egiaren errespetua, hitzaren balioa eta zin eginaren giltza, hots, zinaren beharrik eza ere, oro har. Herria 2005-07-07

2 (zin egin esaldi konpletiboekin)

Eman dute horren testigantza eta, eskuak Liburu santuen gainean ezarriz, egin dute zin eta aitortu, horrela gertatu zela eta berek ikusi zutela. Askoren artean «Asisko Frantzizko, Asisko Klara», 2002 - 902. orr.

Ez nintzela horretaz ahaztuko egin nion zin. Zin egiten dugu, herritarren eta elizaren aurrean, gu ez garela segadaren erantzule. Felipe Juaristi «Airezko emakumeak», 2003 - 11. orr.

Aitortu zuen eta zin egin egiaz sinesten zuela San Frantziskok zauri sakratuak izan zituela. Joan Mari Lekuona «Mistika liburuak» - Eckhart-Tauler, 1997 - 62. orr.

Nire baitan zin egin dut ez dudala ezer ere onartuko Inperiotik. Karlos Zabala «Parisen sabela» - Emile Zola, 2004 - 109. orr.

Neure buruari zin egin nion ez nuela berriro erreko. Joxe Austin Arrieta «Homo Faber» - Max Frisch, 2001 - 14. orr.

Harryk zin egin omen zuen hil egingo zuela Dombrowski espetxetik ateratzen zen egunean, hala esan zenuen. Oskar Arana «Brooklyngo erokeriak» - Paul Auster, 2006 - 66. orr.

Zin egidazu Jaunagatik, zeruaren eta lurraren Jainkoagatik, ez duzula nire semearentzat emazte kanaandarrik aukeratuko. Jose Antonio Mujika «Agindutako lurraren bila I», 2002 - 63. orr.

Denek zin egin baitzuten Alexisen aurrean, bizia emango zutela haren alde. Felipe Juaristi «Airezko emakumeak», 2003 - 43. orr.

Emaginak zin egin zuen bere ahaide zenduen gainean, hark agindua bete zuela, errana izan zitzaion bezalaxe. Elena Touyarou «Hautsi da katea» - Toti Mtz. de Lecea, 2004 - 48. orr.

Hark, ordea, ez zela egia zin egin zuen. Karlos Zabala «Parisen sabela» - Emile Zola, 2004 - 29. orr.

Kontzientzia publikoa legearen alde jarri zen batzuetan, eta hari men egingo zitzaiola zin egitea lortu zen. Zin degizut ezen nekez jaso nezakeela hori baino berri arraiagorik eta alegeragorik. «Legeen espirituaz II» - Montesquieu, 1999 - 188. orr.

Aukera izan bezain laster elkartuko ginela zin egin genion elkarri. Juan Martin Elexpuru / Bego Montorio «Filosofia apaingelan» - Sade, 2001 - 72. orr.

Alta, alta zin egina nuen rugby mundukoekin loturak behin betikoz moztuko nituela. Daniel Landart «Anaiaren azken hitza», 1999 - 171. orr.

3 (zin mugatuarekin)

Alberto Fujimorik presidente karguaren zina egingo du. Joseba Sarrionandia «Lagun izoztua», 2001 - 46. orr.

Karguaren zina euskaraz egin nuen. Berria - Euskal Herria 2004-03-04

Lehen ministro karguaren zina egin eta hurrengo egunean Bagdaden eginiko aurreneko agerraldian, agintari ohiak «epaiketa zuzena» izango duela gaineratu zuen Alauik. Berria - Mundua 2004-06-30

Karguaren zina egin eta «zintzotasunez» aginduko duela esan du Zelayak. Berria - Mundua 2006-01-28

Don Carlosi Foruen Zina egiteko mementoa etorria zitzaiola zabaldu zen. Txillardegi «Putzu», 1999 - 148. orr.

Odolezko zina egin behar diagu. Joseba Sarrionandia «Lagun izoztua», 2001 - 76. orr.

1813an hiri osoa oraindik sutan zela, Zubietan hiria berriro eraikitzeko zina egiteko adorea izan zuten herritarrak. Askoren artean «Rataplan» - 42. orr.

Orain bere zerbitzupean leial aritzeko zina egin baituk. Agustin Otsoa «Eraztunen Jauna III» - J.R.R. Tolkien, 2004 - 29. orr.

Israeldarrek ez zituzten hil, elkarte-arduradunek Jaunaren [...] izenean, bizia errespetatzeko zina egina baitzieten. Elizen arteko biblia Jos 9,18

Zer nolako plazerraz eginen nukeen zuretzat baizik ez bizitzeko zina. «Harreman arriskutsuak» - Choderlos de Laclos, 1997 - 103. orr.

Haien ahoari faltsukeria dario, haien eskuinak gezurrezko zina dagi. Elizen arteko biblia Ne 9,20

Entzun duzu nolako zina egin duen Raguelek, eta nik ezin dut hautsi halako zina. Elizen arteko biblia Tb 9,3-4

Jaun ahalguztidunari leialtasun-zina egingo diote. Elizen arteko biblia Is 19,18

Hitz eta berba, gezur-zinak egin, itunak izenpetu... Elizen arteko biblia Os 10,4

Agustinek, indioek pelikuletan bezalako odol zina egitea proposatu zuen. Joseba Sarrionandia «Lagun izoztua», 2001 - 76. orr.

4 (zin erakusleekin edo kidekoekin)

Ez da nahasi behar Hipokrates hori medikuntzaren aitarekin, harako zin hura egin zuenarekin. «Loroaren teorema» - Denis Guedj, 2006 - 112. orr.

Gogora itzazu Abraham, Isaak eta Jakob zeure zerbitzariak, zin hau egin baitzenien: "Zuen ondorengoak izarrak bezain ugari egingo ditut; eta agindutako lurralde hau guztia haiei emango diet, betiko ondaretzat izan dezaten". Jose Antonio Mujika «Agindutako lurraren bila I», 2002 - 189. orr.

Zin asko egiten duena maltzurkeriaz beteko da: zigorra ez da haren etxetik aldenduko. Elizen arteko biblia Si 23,11

Eta zin bat egingo diat gainera: hire anaia Gariete ez nian jakinaren gainean hil, eta biziki nozitu nian heriotza hura. Juan Kruz Igerabide «Artur erregearen heriotza», 2005 - 103. orr.

Zein da nazioko pertsona guztiek egindako zin baten espiritua? Juan Martin Elexpuru / Bego Montorio «Filosofia apaingelan» - Sade, 2001 - 235. orr.

Davidek zin ere egin zuen, esanez: [...]. Elizen arteko biblia 1 Sm 20,3

5 (zin izenlagunekin)

Izan ere, zin handia egina zuten, hil egingo zutela Mitzpara. Elizen arteko biblia Epa 21,5

Zin faltsua egitera behartu duzue, berarentzat hain zentzugabea den itun horrekin. Juan Martin Elexpuru / Bego Montorio «Filosofia apaingelan» - Sade, 2001 - 236. orr.

Pattonen taldeko ofizial bik zin ustela egiteko eskatu zioten. Edorta Jimenez «Hemingway eta euskaldunak zerbitzu sekretuetan», 2003 - 233. orr.

Ardoz betetako adarra husten zuen bitartean zin ausarta egin zian Baldorrek. Agustin Otsoa «Eraztunen Jauna III» - J.R.R. Tolkien, 2004 - 79. orr.

Erromatar armadan soldadutza egiteari dagokionez, behaztopa-harri izan zen kristauentzat [...] heriotza-zigorrak onartu eta betetzea baitzekarren, baita enperadoreari baldintzarik gabeko leialtasunaren zin militarra egitea, enperadorearen jeinua gurtu eta hari sakrifizioak eskaintzea. Iñaki Mendiguren «Historiaren azterketa II» - A.J. Toynbee, 2000 - 81. orr.

Zin egin zuen, zin larria. Fernando Rey «Ararat mendiaren sumina» - Yasar Kemal, 2003 - 123. orr.

6 zin egite (orobat zinegite)

Zin egite edo biraotzat hartzen diren hitzak, norberak nahi duen moduan ulertzen diren hitz ilunak dira. Juan Martin Elexpuru «Delituez eta zigorrez» - Cesare Beccaria, 1999 - 116. orr.

Edozein pertsonak, unibertsitatek, edo ikastetxek makur uste baldin badu beren botu, zin egite edo agintza guztiak horrelako zezen lasterketekin sainduen ohoretan edo nahi den eliza jaietan edo bestetan egiten ahal direla, ez dituzte behar josteta horiekin ez ospatu ez ohoratu. Piarres Xarriton «Enkiridion» - Martin Azpilkueta, 2006 - 104. orr.

Zin-egiteak, erreguak, kontratuak, frogapenak, gehienetan zenbait formula ezberdin edo esaldi banandu eskatzen dute. Xabier Arregi «Jakitearen arkeologia» - Michel Foucault, 2003 - 98. orr.

Eusko Legebiltzarrak osoko bilkura berezia egingo du, lehendakariaren zin egitea dela eta, Gernikan. Berria - Harian 2005-06-24

Gaizkileen hutsegiteak zigortuko dituena ez da izango zin-egiteetan lekukotzat hartutako idoloen ahalmena, baizik eta bekatarien aurkako justizia. Elizen arteko biblia Jkd 14,31

Zin-egite hutsak iraun ohi duena baino gehiago luzatu zen harrabotsa, Zeruaren babes eske otoika ere ari baitzen jendea. Xabier Aranburu «Alkimista» - Paulo Coelho, 2001 - 104. orr.

Interpreterik trebeenak pentsatzen dute lege honek zin egite faltsua debekatzen duela, eta arrazoi dute. Juan Martin Elexpuru «Delituez eta zigorrez» - Cesare Beccaria, 1999 - 116. orr.

-Nehork ez du zuzenik nire obligatzeko zin egite faltsu baten izenpetzera. Elena Touyarou «Hautsi da katea» - Toti Mtz. de Lecea, 2004 - 62. orr.

Bataioaren sarbide-errito kristaua erromatar armadan sartzerakoan erreklutari eskatzen zitzaion zin-egite militarrarekin (sacramentum) parekatzen du San Ziprianok. Iñaki Mendiguren «Historiaren azterketa II» - A.J. Toynbee, 2000 - 83. orr.

Datorren ekainaren 30ean, benetako botererik izango ez duen Gobernu baten zin egite ospakizun bat egongo da Bagdaden; ez da funtsez ezer aldatuko. Berria - Mundua 2004-05-19

hitz multzoen maiztasunak (gutxienez 3 aldiz agertzen direnak)

aitak zin egin (3); arbasoei zin egin (4); arbasoei zin eginez (17); aurrean zin eginda (3); denek zin egin (6)

egidazu zin (4); egin dut zin (3); egin nion zin (3); egin zuen zin (9); egin zuten zin (10); egindako zin (4); egiten du zin (3); egiten dute zin (3); gainean zin eginez (3); gurasoei zin eginez (3); guztiek zin egin (4)

izenean zin egin (5); izenean zin egingo (4); izenean zin egiten (5); jakobi zin eginez (10); karguari zin egin (8)

zin dagi (3); zin dagit (61); zin dagizuet (9); zin dagizut (25); zin degiat (5); zin degiat ezen (3); zin degizuet (6); zin degizut (41); zin degizut ezen (5); zin egidazu (15); zin egidazue (4)

zin egin (429); zin egin ahal (4); zin egin behar (19); zin egin beharko (3); zin egin bezala (5); zin egin dezaket (4); zin egin dio (4); zin egin du (13); zin egin dugu (3); zin egin dut (3); zin egin dute (3)

zin egin genuen (4)

zin egin nahi (3); zin egin nion (23); zin egin nuen (21)

zin egin omen (3); zin egin ondoren (4)

zin egin zenidan (3); zin egin zezala (3); zin egin zidan (3); zin egin zien (6); zin egin ziola (3); zin egin zion (43); zin egin zioten (7); zin egin zuela (5); zin egin zuen (80); zin egin zuten (26)

zin egina (17); zin egina nuen (3); zin egina zuen (4)

zin eginda (9); zin egindako (7)