Egungo Euskararen Hiztegia (EEH)

urruti (3296 agerraldi, 228 liburu eta 674 artikulutan) 1 adlag distantzia handira. ik urrun.

Itsasoa, urruti, zarataka ari zen oraindik ere. Koro Navarro «Artistakume baten erretratua» - Dylan Thomas, 1999 - 111. orr.

Leihoaren beste aldean, urruti, ferry bat sumatu nuen uraren eta behelainoaren artean. Bernardo Atxaga «Soinujolearen semea», 2003 - 44. orr.

Farolaren atzean, urruti, nire susmo bat dago, argitasuna: geltokia da, lau kafetegiekin. Monika Etxebarria «Goragalea» - Jean Paul Sartre, 2003 - 61. orr.

Anaia guztiei, hemen nahiz urruti direnei. Xabier Mendiguren Elizegi «16 ipuin amodiozko», 2002 - 116. orr.

Ez du urruti txistularien eskola. Iñigo Aranbarri «Sakabi, soinu txikiaren handitasuna», 2003 - 51. orr.

Santuaren aginduz, anaia batek hegaztia hartu eta urruti zegoen mahasti batean utzi zuen. Askoren artean «Asisko Frantzizko, Asisko Klara», 2002 - 386. orr.

Nik, gorputzez urruti baina espirituz hor bertan nagoen honek, [...]. Elizen arteko biblia 1 Ko 5,3

Jainkoa ez dago ez urruti, ez aldendurik. Joan Mari Lekuona «Mistika liburuak» - Eckhart-Tauler, 1997 - 14. orr.

Zergatik gaude elkarrengandik honen urruti? Josu Zabaleta «Anne Franken egunkaria» - Anne Frank, 2004 - 160. orr.

Larritasuna, herioa urruti ez zebilelako susmoa. Imanol Zurutuza «Errautsera arteko sugarra», 2002 - 18. orr.

Eduki ezazu katu hori urruti! Iñaki Mendiguren «Harry Potter eta sorgin harria» - J.K. Rowling, 2000 - 121. orr.

Globo bitxi hori, kurba handi bat eginik, itsasoan urruti erori zen. Josu Zabaleta «Fantasiazko ipuinak» - Guy de Maupassant, 2000 - 393. orr.

Zer galdu zaizu zuri hain urruti, munduaren beste puntan? «Ispiluen gainean lotan» - Jordi Sierra i Fabra, 2004 - 104. orr.

Euriak ez zirudien urruti. Anjel Lertxundi «Ihes betea», 2006 - 35. orr.

Azkenean erabaki dut Frantzia aldera jotzea, mendiz ez du urruti egon behar. Bernardo Atxaga «Soinujolearen semea», 2003 - 463. orr.

Ate joka etorrikoak ordurako urruti behar zuela kalkulatu nuenean, maleta hartu eta aterantz abiatu nintzen. Anjel Lertxundi «Ihes betea», 2006 - 239. orr.

Bigarren lehia makilarekin zen, ea nork botatzen zuen makila urrutiago. Bernardo Atxaga «Groenlandiako lezioa», 1998 - 59. orr.

Euklidesek berak adierazia zuen [...] zenbat eta gauza bat urrutiago, orduan eta txikiagoa zela hark begiaren barrenean eratzen zuen irudia. Josu Zabaleta «Irudia» - Jacques Aumont, 2004 - 39. orr.

Urrutiago, maitatuago. Bernardo Atxaga «Lekuak», 2005 - 88. orr.

Ez dut utziko urrutiegi joan dadin. Oskar Arana «Lotsaizuna» - John Maxwell Coetzee, 2004 - 28. orr.

Zakur bat zaunka ari zen, oso urruti. Josu Zabaleta «Fantasiazko ipuinak» - Guy de Maupassant, 2000 - 96. orr.

Ez kezkatu, hain larri zauritua badago, ez da oso urruti ibiliko. Iñaki Mendiguren «Harry Potter eta Azkabango presoa» - J.K. Rowling, 2002 - 227. orr.

Ez zegoen abentura bila oso-oso urruti joan beharrik. Harkaitz Cano «Piano gainean gosaltzen», 2000 - 141. orr.

Emeki-emeki atzera egin zuen, eta urruti samar gelditu zen hura zertan bukatzen zen begira. Askoren artean «Asisko Frantzizko, Asisko Klara», 2002 - 1087. orr.

Esnebiltokia nahikoa urruti zegoen. Josu Zabaleta «Gauza baten ametsa» - Pier Paolo Pasolini, 1998 - 96. orr.

Solasean egoten ziren, Parrottin urruti, urrutiago, are urrutiago zihoan, hain urruti ezen gazteak nekez jarraitzen baitzion. Monika Etxebarria «Goragalea» - Jean Paul Sartre, 2003 - 153. orr.

2 (-tik atzizkiaren eskuinean)

Bat-batean libre nintzela eta hura handik urruti zela sentitu dut. Josu Zabaleta «Fantasiazko ipuinak» - Guy de Maupassant, 2000 - 328. orr.

Handik urruti nahi nuen, baina ez nuen alde egiteko kemenik. Abadia maldatsua, han, jauregi fantastiko bat bezala lurretik urruti baztertua. Anjel Lertxundi «Ihes betea», 2006 - 103. orr.

Martin izeneko batek idiak herritik urruti eraman zituen bazkatzera. Askoren artean «Asisko Frantzizko, Asisko Klara», 2002 - 871. orr.

Diote etxetik urruti izandako gaixoaldietan sentitzen dela gehien familiaren falta. Anjel Lertxundi «Ihes betea», 2006 - 211. orr.

Eliza hau ez zegoen ospitaletik urruti, Abiatu zen David eta Saulengandik urruti joan zen, ihesi, egun hartan. Askoren artean «Asisko Frantzizko, Asisko Klara», 2002 - 573. orr.

Zeru sabaitik soka mehe batez zintzilik bezala, lurretik ez urruti, ordea, eskura ia. Felipe Juaristi «Airezko emakumeak», 2003 - 20. orr.

Berehala lurperatu zuten, lehorrera atera zuten lekutik ez urruti. Koro Navarro «Kontakizunak» - Edgar Allan Poe, 2000 - 137. orr.

Ordoki zabal baten erdi-erdian zut, ibaitik urruti ez, Keopsen piramidea! «Loroaren teorema» - Denis Guedj, 2006 - 43. orr.

Mendi txit goi baten tontorrera joan zen zubitik oso urruti. Askoren artean «Asisko Frantzizko, Asisko Klara», 2002 - 996. orr.

Basomutil hark guardiak ikusi zituela hemendik ez oso urruti, gau hartan alegia. Bernardo Atxaga «Soinujolearen semea», 2003 - 226. orr.

Nuarben [...] Ourenseko Sil ibaitik ondo urruti. Pako Aristi «Gauza txikien liburua», 2004 - 42. orr.

Weasley jaun-andreengandik urruti samar zegoen. Iñaki Mendiguren «Harry Potter eta sorgin harria» - J.K. Rowling, 2000 - 350. orr.

2a (-tik atzizkiaren ezkerrean)

Öchler urruti samar bizi zen geunden tokitik eta metroa hartu behar zuen. Anjel Lertxundi «Ihes betea», 2006 - 313. orr.

3 irud/hed

Zein urruti gelditzen zaizun Imanol. «Eta emakumeari sugeak esan zion», 1999 - 180. orr.

Txinatarrak inoiz ez ziren japoniarrak bezain urruti iritsi Mendebaldeko kulturaren mende jartzen. Iñaki Mendiguren «Historiaren azterketa II» - A.J. Toynbee, 2000 - 209. orr.

Nik, nire burua oso urruti ikusten dut hortik. Ana Urkiza «Zortzi unibertso, zortzi idazle», 2006 - 106. orr.

Berezko isuria hain dago urruti, ezen ez baitu ezer ulertzen beste jaiotze horri buruz. Joan Mari Lekuona «Mistika liburuak» - Eckhart-Tauler, 1997 - 42. orr.

Senide urruti samarrekoak gaituk emakume dontsu hori eta ni. Anjel Lertxundi «Ihes betea», 2006 - 247. orr.

ik urrun 12.

Hala ere, [psikologiaren] aitzindariek aski urruti eramanak zituzten beren azterketak. Iñaki Mendiguren «Historiaren azterketa II» - A.J. Toynbee, 2000 - 328. orr.

Ezin oso urruti iritsi horrelako izen batekin. Oskar Arana «Brooklyngo erokeriak» - Paul Auster, 2006 - 191. orr.

Hizkuntzen gaiarekin sobera urruti joateko tentaldia dago eta ez dugu horretan erori behar. Berria - Euskal Herria 2004-11-17

Gauzak urrutiegi joan dira. Iñaki Mendiguren «Harry Potter eta sekretuen ganbera» - J.K. Rowling, 2001 - 219. orr.

4 (irud/hed, -tik atzizkiaren eskuinean)

Zein urruti sentitzen naizen haiengandik, muino honen gainean. Monika Etxebarria «Goragalea» - Jean Paul Sartre, 2003 - 255. orr.

Sar zaitez bertan zeure ahalmen guztiekin, pentsamendu mugatuetatik urruti; ahantz ezazu kanporatzeko duzun joera eta isuria. Joan Mari Lekuona «Mistika liburuak» - Eckhart-Tauler, 1997 - 36. orr.

Itxuraz Beoten inor ez zen apustu-girotik urruti ibili. Xabier Etxabe «Lurtarra da begiratua», 2004 - 77. orr.

Frantziskoren kultura batez ere teologiko-espirituala izan zen, esperientziari lotua, liburuetan lorturiko teologoen jakintzatik urruti. Askoren artean «Asisko Frantzizko, Asisko Klara», 2002 - 36. orr.

Gorputzaren kutsadura orotik arima zainduz, grina txarren sugarretatik urruti. Imanol Unzurrunzaga «Hainbat idazlan» - San Agustin, 2003 - 40. orr.

Nire barrena oso urruti zegoen suhartasun euforikotik. Anjel Lertxundi «Ihes betea», 2006 - 127. orr.

5 (irud/hed, -tzetik atzizkiaren eskuinean)

Arestian zorionean murgildurik egotetik oso urruti nengoen. Monika Etxebarria «Goragalea» - Jean Paul Sartre, 2003 - 278. orr.

Bizitza izpirituzkoaren itxurak egiten dituzten pertsonak, baina hori egiaz edukitzetik oso urruti daudenak. Joan Mari Lekuona «Mistika liburuak» - Eckhart-Tauler, 1997 - 101. orr.

6 (distantzia banakoen eskuinean)

Eskua metro batzuk urrutiago zegoen leku batera begira. Rafa Egiguren «Mentxakaren aitorpena» - Jose Ramon Goikoetxea, 2006 - 145. orr.

Batez beste, 54 preso horiek 174 kilometro urrutiago daude. Berria - Euskal Herria 2004-05-11

Langar-lainoak ez zuen ezer ikusten uzten hamar metro baino urrutiago. Anjel Lertxundi «Ihes betea», 2006 - 179. orr.

Zenbait legoa urrutira ere entzuten da zarata. Koro Navarro «Kontakizunak» - Edgar Allan Poe, 2000 - 62. orr.

7 (denborari dagokiola)

Bai espazioan gugandik urruti daudenei, bai denboran urruti daudenei ere. Joxerra Garzia «Itsasoan euri», 2003 - 115. orr.

Denboran urruti galdua baita amabitxiaren bidez prebenda lortzeko ilusioa. Jon Alonso «Lisboako Setioaren Historia» - José Saramago, 2000 - 79. orr.

Pekingo Olinpiar Jokoak urruti daude. Berria - Harian 2006-02-09

Urruti daude oraindik azterketak! Iñaki Mendiguren «Harry Potter eta sorgin harria» - J.K. Rowling, 2000 - 244. orr.

Negua ez da urruti. Pello Zabala «Naturaren mintzoa», 2000 - 52. orr.

Egunsentia ez zen urruti. Anjel Lertxundi «Azkenaz beste», 2005 - 70. orr.

Oso urruti dago Getariako gau sargoritsu hura. Anjel Lertxundi «Mentura dugun artean», 2001 - 127. orr.

Egoera hori urruti dago oraindik, oso urruti, zure ustez. Rafa Egiguren «Mentxakaren aitorpena» - Jose Ramon Goikoetxea, 2006 - 106. orr.

Samuel Sanchez Euskaltel-Euskadiko asturiarra izan zen bigarrena, oso urruti: 2,32 minutura. Berria - Kirola 2004-11-30

• 8 izond urruti dagoena.

Iruditzen zitzaidan ez nengoela jada herri urruti hartako zerbitzuan. Matías Múgica «Hiltzaile baten aitormena» - Joseph Roth, 2004 - 125. orr.

-Agian ez da hego haizerik izango lagunak izozten diren leku urruti haietan. Jokin Urain «Errotarria», 2006 - 18. orr.

Efraimgo mendialde urrutienean bizi zen lebitar batek. Elizen arteko biblia Epa 19,1

ik beherago 11. Askoren artean «Asisko Frantzizko, Asisko Klara», 2002 - 574. orr.

Berehala ugarte urruti horietara nahi izan baitzuen itzuli! Ramuntxo Etxeberri «Skyroom», 2004 - 176. orr.

"India" urruti eta aberatsetara joateko gisan, bide berri bat atzeman nahi du. Ramuntxo Etxeberri «Skyroom», 2004 - 174. orr.

Suaren hotsa eta aitaren telefonoko jardun urrutiarena, ez zen besterik entzuten. Anjel Lertxundi «Ihes betea», 2006 - 146. orr.

Nahikoa zaiola hari arrunt bat bere etxean moztea Txina urrutian bizi den Mandarin baten heriotza gertarazteko. Bernardo Atxaga «Groenlandiako lezioa», 1998 - 72. orr.

Garai ez hain urrutietan kantatzen genuen hura. Anjel Lertxundi «Mentura dugun artean», 2001 - 63. orr.

Guardia ibiltarikoak ez baitziren hain paraje urrutietaraino ausartzen. Anjel Lertxundi «Ihes betea», 2006 - 343. orr.

Ez nekien gustu onaren antzeko ezer zegoenik herrialdeko bazter urrutienetan. Antton Olano «Fidel izan beharraz» - Oscar Wilde, 2000 - 126. orr.

· Etorkizun urrutian ikusten zuen Orwellek 1984ko urtea. Joxerra Garzia «Itsasoan euri», 2003 - 188. orr.

9 (izen gisa)

Gogoan izan, etxerik gabeko urrutietan, basoz baso, sukalde mutilik gabe, ibiltzen zirela. Patxi Ezkiaga «On Kixote Mantxako» - Miguel de Cervantes, 2005 - 44. orr.

Hara, sei egun dira doi-doian berori gaztelu honetan dagoena eta badatoz dagoeneko urrutietatik berorren galdez. Patxi Ezkiaga «On Kixote Mantxako» - Miguel de Cervantes, 2005 - 169. orr.

Juanen hitzek urrutiegitik egiten zioten hots. Bernardo Atxaga «Soinujolearen semea», 2003 - 271. orr.

Presoen urrutia, senideenganako sadismoa, autoen abiadura. Markos Zapiain «Errua eta maitasuna», 2002 - 115. orr.

10 urrutian adlag

Urrutian, zubiak sortzen zuen argitasuna lagun, uhinen apar punttak sumatzen ziren. Bernardo Atxaga «Soinujolearen semea», 2003 - 48. orr.

Urrutian, beheiti, Beyaziteko ibarrean, zaldi bat irrintzika ari zen, eroturik, urduri, izu. Fernando Rey «Ararat mendiaren sumina» - Yasar Kemal, 2003 - 63. orr.

Beldurrez dardar, urrutian zeuden geldi. Elizen arteko biblia Ir 20,18

Nola gaixoak Frantziskok ukitutako gauzen bidez sendatuak gertatzen ziren, bera urrutian egonik ere. Askoren artean «Asisko Frantzizko, Asisko Klara», 2002 - 221. orr.

Ateak ixteko danbada ikaragarri bat entzun nuen urrutian. Josu Zabaleta «Fantasiazko ipuinak» - Guy de Maupassant, 2000 - 402. orr.

Leihoa ireki, eta haitz pitzatu bat seinalatu zuen urrutian. Eszena berreraiki dezaket: zuhaitz bat urrutian, forma ilun eta mozkotea nire gainera heldu da lasterka. «Loroaren teorema» - Denis Guedj, 2006 - 468. orr.

Flic-ak urrutian ikusi orduko, eskaileretan behera lasterka jaitsi, tren bat hartu eta beste sarrera batean hasten ginen oihuka. Anjel Lertxundi «Ihes betea», 2006 - 323. orr.

Pianola baten musika mekanikoa entzuten zen urrutian. Anjel Lertxundi «Ihes betea», 2006 - 242. orr.

11 urrutien adlag

Hortik ateratzen da urrutien dauden planetak direla zaharrenak. Josu Zabaleta «Fantasiazko ipuinak» - Guy de Maupassant, 2000 - 388. orr.

Hurbilen dauden sarrerek 35 euro balio dute, eta urrutien daudenek 10 euro. Berria - Kultura 2004-01-20

Atea itxi eta leihotik urrutien zeuden aulkietan eseriz. Iñaki Mendiguren «Harry Potter eta sorgin harria» - J.K. Rowling, 2000 - 65. orr.

Begitik urrutien dauden elementuek ikuspen-ardatzetik hurbilago dagoen irudi bat osatzen dute. Josu Zabaleta «Irudia» - Jacques Aumont, 2004 - 41. orr.

Iheslariak atxilotu eta polizia baten eskuetatik besteenetara igarotzea, edo ahalik eta urrutien deportatzea. Jokin Urain «Errotarria», 2006 - 172. orr.

Nire kezka nagusia, zera guzti honetan, nire gurasoen begiradatik ahalik eta urrutien hiltzea da. Bernardo Atxaga «Groenlandiako lezioa», 1998 - 23. orr.

-Nora joan haiz urrutiena? Koro Navarro «Artistakume baten erretratua» - Dylan Thomas, 1999 - 78. orr.

Garden-garden ikusten ziren mendirik urrutienen islak ere. Anjel Lertxundi «Argizariaren egunak», 1998 - 125. orr.

-Begira ezak ongi, lagun hori, ibai bazter honetan eta beste aldekoan, begia iristen zaianik eta urrutienera! Karlos Zabala «Mikel Strogoff» - Jules Verne, 2002 - 348. orr.

Abuztuaren 1ean, arratsalde bero batean, Bilbotik ahalik eta urrutienetik iraganez, Elorrio eta Durangon barrena iritsi nintzen Gernikara. Txillardegi «Putzu», 1999 - 149. orr.

Albait urrutienetik ari zen Joseluren borroka-saioa ikuskatzen. Josu Landa «Odolbildua», 2002 - 136. orr.

11a urrutineneko izlag

Itzul itzazue lurraren urrutieneko bazterretatik nire seme-alabak. Elizen arteko biblia Is 43,6

Bere ahotsik lausoen eta urrutienekoa. Iñaki Mendiguren «Harry Potter eta sorgin harria» - J.K. Rowling, 2000 - 186. orr.

Herri guztiek gurtuko dute, bai eta urrutienekoek ere, nork bere lurraldean. Elizen arteko biblia So 2,11

12 urrutiko izlag

Menperatuak zituzten beren inguruetako nahiz urrutiko erregeak. Elizen arteko biblia 1 M 8,12

Hobe duzu hurbileko auzokoa urrutiko anaia baino. Elizen arteko biblia EsZ 27,10

Kent, Yorkshire eta Dundee bezain urrutiko ikusleek deitu didate. Iñaki Mendiguren «Harry Potter eta Azkabango presoa» - J.K. Rowling, 2002 - 11. orr.

Urrutiko itsasoetako arrainak eta urrutiko lurraldetako jakiak. Felipe Juaristi «Airezko emakumeak», 2003 - 261. orr.

Sobiet Batasuna oso urrutiko lurraldea zitzaion, Errusia baino urrutiagokoa. Felipe Juaristi «Airezko emakumeak», 2003 - 277. orr.

Urrutiko unibertso horietan bizi eta pentsatzeko gai direnek zer dakite guk baino gehiago? Josu Zabaleta «Fantasiazko ipuinak» - Guy de Maupassant, 2000 - 329. orr.

Urrutiko intxaurrak beti izaten direla hobeak. Hasier Etxeberria «Patri maitea», 2003 - 126. orr.

Urrutiko trumoi-hotsa bezalako burrunba batek. Iñaki Mendiguren «Harry Potter eta sekretuen ganbera» - J.K. Rowling, 2001 - 120. orr.

Tokiko merkatuak eta urrutiko merkataritza. Koro Navarro «Ekonomiaren globalizazioa» - Jacques Adda, 2004 - 19. orr.

Polo optikoa, urrutiko ikuspenari dagokiona. Josu Zabaleta «Irudia» - Jacques Aumont, 2004 - 105. orr.

Llumek urrutiko kontrolagailua hartu eta are gehiago goratzen du musikaren ozentasuna. Antton Olano «<//jokoa.com>» - Gemma Lluch, 2002 - 9. orr.

Eta 1.250 kiloko pale bat mugitzeko zerabilten urrutiko kontrolak huts egin eta azpian harrapatu zuen zornotzarra. Berria - Ekonomia 2006-04-07

Urrutiko kontrolez leherrarazitako bonbak. Berria - Mundua 2004-09-21

Urrutiko aginte batez ezartzen da martxan. Berria - Euskal Herria 2004-02-07

Urrutiko kontroldun hegazkintxoari. Iñaki Mendiguren «Harry Potter eta Azkabango presoa» - J.K. Rowling, 2002 - 25. orr.

Burura ekarri nituen Alma Bergmann, Klara Schultz, Sara Vidal eta Agnès de Espinosa, ahaide urrutiko nuena. Felipe Juaristi «Airezko emakumeak», 2003 - 201. orr.

Hirira ekarri duten musika urrutikoa. Felipe Juaristi «Airezko emakumeak», 2003 - 108. orr.

Zerk eragiten du orain abstraktu eta urrutiko egiten zaidana bestelako egoera batean zirraragarri izatea? Josu Zabaleta «Gerrako pilotu» - Antoine Saint-Exupéry, 2003 - 84. orr.

Emakumea, Juvenalia Mickevicius zen, kondesa bat bere herrian, Lituania urrutikoan. Felipe Juaristi «Airezko emakumeak», 2003 - 114. orr.

Asuero erregearen agintepeko probintzia guztietako judu guztiei, hurbilekoei bezala urrutikoei. Jose Antonio Mujika «Agindutako lurraren bila II», 2002 - 144. orr.

Handiak txikiekin elkartuak nahi zituen, jakintsuak sinpleekin anai maitasunez batuak, urrutikoak urrutikoekin amodioaren lekedaz itsatsiak. Askoren artean «Asisko Frantzizko, Asisko Klara», 2002 - 399. orr.

Urte asko pasatu dira ordutik, oso urrutikoak dira oroitzapenok. Anjel Lertxundi «Ihes betea», 2006 - 42. orr.

-Bentariaren pabana -esan zuen Damián itsuak, urrutiko, oso urrutiko zirudien ahotsaz, hitzak irristaraziz bezala. Felipe Juaristi «Airezko emakumeak», 2003 - 55. orr.

Frogak leku anitz eta oso urrutikoetatik bildu behar izan baitziren. Oskar Arana «Brooklyngo erokeriak» - Paul Auster, 2006 - 57. orr.

Hurbileko herrienak nahiz urrutikoenak, munduko ertz batetik bestera diren herrienak. Elizen arteko biblia Dt 13,8

UNED Espainiako Urrutiko Hezkuntzako Unibertsitate Nazionalaren Bergarako Ikastetxeko [...]. Berria - Euskal Herria 2004-05-07

· Urruti samarreko militarrak ere baziren Bilbon orduan. Jokin Urain «Errotarria», 2006 - 30. orr.

Erregela horretan luzatu egin zuen Frantziskok kapitulu arteko epea, urrutietako lurraldeetan bizi ziren anaien bidaia-nekeak arintzeko. Askoren artean «Asisko Frantzizko, Asisko Klara», 2002 - 485. orr.

13 urrutira adlag

Kontsolatzaile genuena urrun joan zaigu; bildotsak bezala besoetan ginderamatzanak urrutira alde egin du. Askoren artean «Asisko Frantzizko, Asisko Klara», 2002 - 174. orr.

Ez zuela urrutira alde egingo handik. Inazio Mujika Iraola «Gerezi Denbora», 1999 - 72. orr.

Zoaz, urrutira bidaltzen baitzaitut, jentil-herrietara. Elizen arteko biblia Eg 22,21

Neurri horrek urrutira bidaliko zituen behingoan Asiaren erdialdetik etorritako merkatariak. Karlos Zabala «Mikel Strogoff» - Jules Verne, 2002 - 95. orr.

Gau batez atera eta urrutira egin zuen ihes. Askoren artean «Asisko Frantzizko, Asisko Klara», 2002 - 443. orr.

Testu eder, berritzaile, iradokitzaileen bila urrutira joaten gara sarritan, Argentina nahiz Japoniara, Hego Afrika edo Libanora. Berria - Kultura 2004-08-25

Urrutira iheska zihoazenak. Fernando Rey «Paradisuko Almanaka» - Gianni Celati, 2005 - 132. orr.

Urrutira zihoazen trenetan. Gotzon Garate «India harrigarria», 2001 - 142. orr.

Gero, kolpetik, algara batean amaitu zuen, eta urrutira bota zuen erratza. Josu Zabaleta «Gauza baten ametsa» - Pier Paolo Pasolini, 1998 - 27. orr.

-Eraman nazazu oso urrutira, baita munduaren amaieraraino ere! Josetxo Azkona «Patata soro bat», 2004 - 21. orr.

Buelta eginez urrutira begiratu zuen iparralderantz, izar handien azpitik. Agustin Otsoa «Eraztunen Jauna III» - J.R.R. Tolkien, 2004 - 50. orr.

Guardiaren bistatik nahikoa urrutira iritsi zirenean, lasterka hasi ziren. Josu Zabaleta «Gauza baten ametsa» - Pier Paolo Pasolini, 1998 - 47. orr.

Urrutira, [...] Isonzo-ren arroa ageri zen mendiaren eta ordokiaren artean. Josu Zabaleta «Gauza baten ametsa» - Pier Paolo Pasolini, 1998 - 74. orr.

Urrutira nire aitaren ahotsa entzutea iruditu zitzaidan. Jon Maia «Riomundo», 2005 - 13. orr.

Neska gazteek, haiek urrutira ikustean, ihes egiten zuten, haien zorakeria itsatsiko zitzaien beldurrez. Julen Gabiria «Peter Pan» - James Matthew Barrie, 2004 - 44. orr.

Tunela hain ilun egonik, ez zuten oso urrutira ikusten aurrean. Iñaki Mendiguren «Harry Potter eta sekretuen ganbera» - J.K. Rowling, 2001 - 253. orr.

Orain arte behaturiko galaxia gazteak askoz urrunago zeuden, 9.000 argi urte urrutirago. Berria - Gaiak 2004-12-24

13a irud/hed

Pentsamendua urrutira joaten zaio, iragan garaietara. Bazakiat, ezer gutxi ahalegindu arren, urrutira iritsiko haizela. Bernardo Atxaga «Groenlandiako lezioa», 1998 - 47. orr.

-Urrutira helduko da hau, sinetsi niri. Joxemari Urteaga «Ordaina zor nizun», 2001 - 128. orr.

Ez dago urrutira joan beharrik horren arrazoia aurkitzeko. Joxerra Garzia «Kurrin-kurrun vitae», 2004 - 80. orr.

Frantziarrak oso urrutira joanak ziren beren kultur uste sendoei eragin politikoa ematean. Iñaki Mendiguren «Historiaren azterketa II» - A.J. Toynbee, 2000 - 263. orr.

Urrutira joan gabe, har dezagun urriaren 26ko El Correo Español. Iñigo Aranbarri «Hizlandia», 2006 - 98. orr.

ik beherago 18. Askoren artean «Asisko Frantzizko, Asisko Klara», 2002 - 574. orr.

Baina ez dira urrutira helduko, argi ikusiko baitute denek horien zentzugabekeria. Elizen arteko biblia 2 Tm 3,9

Hain urrutira joan gabe, badago hitzak asmatzeko beste bide oparoago bat. Iñaki Arranz «Hitza azti», 2006 - 188. orr.

Urrutira baino lehen, Frantziak aise ikasi zuen Martinikan kafea ondo hazten zela, eta handik beste uharte eta lurralde batzuetara eraman ziren landareak. · Amua urrutiegira jaurti gabe. J.M. Olaizola "Txiliku" «Bizitza eredugarriak», 2006 - 189. orr.

14 urrutiraino adlag

Urrutiraino bidali zenituen mandatariak, Hilen Egoitzaraino jaitsarazi. Jainkoaren laguntza miragarriaz indartsu egin zen eta haren izena urrutiraino zabaldu zen. Elizen arteko biblia Is 57,9

Hori ikusita, israeldarrak gainera etorri zitzaizkien, eta atzetik jarraituz urrutiraino eraso zieten. Jose Antonio Mujika «Agindutako lurraren bila II», 2002 - 158. orr.

Hain urrutiraino joan gabe ere, badira partikulartasun hori zehazki erakusten duten mamuak.· Urruti samarreraino egin nuen arraunean. Bernardo Atxaga «Groenlandiako lezioa», 1998 - 68. orr.

15 urrutitik

-Urrutitik ikusi zaitugu. Felipe Juaristi «Itzarri nahi ez zuen printzesa», 2002 - 27. orr.

Urrutitik ikusi zuten hauek etortzen eta beraiengana hurbildu baino lehen, hil behar zutela erabaki zuten. Jose Antonio Mujika «Agindutako lurraren bila I», 2002 - 106. orr.

Burua jasoz, ohartu zen geldirik zeudela turista batzuk, eta urrutitik begira zeuzkatela. «Loroaren teorema» - Denis Guedj, 2006 - 53. orr.

Urrutitik etorri dira, Babiloniatik. - 0. orr.

Ez naiz hain urrutitik etorri Lisboako harresien aurrean hiltzeko. Jon Alonso «Lisboako Setioaren Historia» - José Saramago, 2000 - 290. orr.

Anoetan urrutitik langara egin zenuen erremate hura datorkit burura. Berria - Kirola 2004-12-02

Urrutitik hartzen diot usaina: haserre zaude nirekin. Hasier Etxeberria «Patri maitea», 2003 - 121. orr.

Urrutitik hartutako argazki baten zati handitua dirudi. «Bizia lo», 2003 - 71. orr.

Uraren kontagailuak urrutitik irakurtzeko sistema bat. Berria - Gaiak 2004-12-14

Urrutitik entzuten zituzten haren garrasi mingarriak. Josu Zabaleta «Fantasiazko ipuinak» - Guy de Maupassant, 2000 - 145. orr.

Batzuei urrutitik antzematen zaie aspertuta daudela. Arantxa Iturbe «Ai, ama», 1999 - 69. orr.

Urrutitik ez nuen eskolaren izena irakurtzerik izan. «Ispiluen gainean lotan» - Jordi Sierra i Fabra, 2004 - 278. orr.

Urrutitik, beltz-beltza zirudien eta pausoak eman ahala zurirantz jotzen du areago. Monika Etxebarria «Goragalea» - Jean Paul Sartre, 2003 - 103. orr.

Amak "iu-ju!" oihu egin zuen urrutitik, eta orduan ikusi nituen. Joseba Urteaga «Lekua» - Annie Ernaux, 2003 - 59. orr.

Semeak oso urrutitik hitz egiten zidala sentitu nuen, nigandik oso urrun zegoela alegia. Pedro Alberdi «Kafka Bilbon», 2002 - 82. orr.

Nola ur freskoa eztarri lehorrarentzat, hala dira urrutitik jasotako albiste onak. Elizen arteko biblia EsZ 25,25

Segurtasun indarren arabera, urrutitik eztandarazi zituzten lehergailuak. Berria - Mundua 2006-04-25

Urrutitik agindutako lehergailu bat zartarazi zuten eta hiru soldadu hil. Berria - Mundua 2004-06-30

Ia berehalakoan bi gizon ailegatu ziren, oihuka urrutitik. Fernando Rey «Paradisuko Almanaka» - Gianni Celati, 2005 - 87. orr.

Urrutitik agertu natzaio eta esan diot: Maite zaitut, betidanik maite, horregatik natzaizu etengabe leial. Elizen arteko biblia Jr 31,3

15a irud/hed

Eroslerik aurkituko ez balu, klubaren gestioa «urrutitik» jarraituko lukeela ere esan zuen. Berria - Kirola 2004-06-22

Existentzia ez da urrutitik pentsatzeko aukera ematen duen zerbait. Monika Etxebarria «Goragalea» - Jean Paul Sartre, 2003 - 217. orr.

Koreografian zehar bikote, laukote eta hirukotean dantzatzen dute era koloretsuan, zuhaitzak, hegaztiak eta nekazari jarrerak urrutitik sujerituz. Berria - Kultura 2004-05-05

· Zuretzat biluzten ari denari gizalegez urruti samarretik begiratzen zaion une hori. Josu Zabaleta «Fantasiazko ipuinak» - Guy de Maupassant, 2000 - 242. orr.

16 txukun-urruti izond

Hori baita egin ere arraza espainolak betidanik egin duena, mairu, judu eta heretiko txukun-urrutiak oro merezi bezala tratatuz. Joxe Azurmendi «Espainiaren arimaz», 2006 - 184. orr.

Ilustrazio salbagarria txukun-txukun eskuinean eta Erromantizismo malapartatua ezkerrean txukun-urruti. Joxe Azurmendi «Euskal Herria krisian», 1999 - 163. orr.

17 urruti gabe ez urruti.

Pozas auzoan etxe bat hartu zuen, Luluren dendatik urruti gabe. Benta bat ikusi zuen berak zeraman bidetik urruti gabe. Josu Zabaleta «Jakintzaren arbola» - Pio Baroja, 2006 - 294. orr.

Berriro akiturik, eskura zegoen lehenbiziko lekuan eseri zen [...] 124aren eskaileretatik urruti gabe. Anton Garikano «Maitea» - Toni Morrison, 2004 - 81. orr.

Garai batean, sukaldean edo jendea biltzen zen lekuan, zakurren bat han izanen zen urruti gabe. Patziku Perurena «Trapuan pupua», 2001 - 170. orr.

17a (denborari dagokiola)

Ni isilik, malkoei eutsi ezinik; anaiak zerbait esan zuen, hobe zukeela, nonbait, urruti gabe sorterrian hil. Imanol Unzurrunzaga «Hainbat idazlan» - San Agustin, 2003 - 238. orr.

Euskal Herrian ere urruti gabe ea horretara hurbiltzen garen. Berria - Kirola 2004-02-28

18 urrutira gabe urrutiratu gabe.

Bechevetik urrutira gabe, bazen ibai bat eguraldia epeldu orduko yeshivako ikasle guztiak eta herriko mutil gazteak igeri egitera joaten zirena. Koro Navarro «Zortzi kontakizun» - Isaac B. Singer, 2002 - 208. orr.

Oraindik hiritik urrutira gabe zeudela, Josek etxeko arduradunari esan zion: [...]. Elizen arteko biblia Has 44,4

Clubeko loriotik oso urrutira gabe, kalean, harpalari bat ari zen. Irene Aldasoro «Dublindarrak» - James Joyce, 1999 - 78. orr.

Urrutira gabe, eta kanpoan ontzurre ederrik badagoen arren, etxeko adibideak bildu ditu, esperantza handirik gabe. Iñigo Aranbarri «Hizlandia», 2006 - 129. orr.

Nik badut lagun franko, urrutira gabe, Leitzan eta Goizuetan, euskaldun analfabeto hutsa dena. Patziku Perurena «Trapuan pupua», 2001 - 91. orr.

Urrutira gabe, barrura sartu eta bainu hotzeko gelaren aurrean izerdia botatzeko gela gangatua jarriko da. Santiago Iruretagoiena «Arkitekturaz hamar liburuak» - Vitruvio, 2000 - 2570. orr.

Esate baterako, eta urrutira gabe, Erregeen oparien miran hazi gintuzten gu gehienok. Joxerra Garzia «Itsasoan euri», 2003 - 41. orr.

Galdegaiaren garrantzia aldarrikatzen duen pasarte horretatik hiru orrialdeko urrutira gabe ageri diren honako hauek, esaterako:[...]. Joxerra Garzia «Kurrin-kurrun vitae», 2004 - 124. orr.

18a (denborari dagokiola)

Urrutira gabe, konta dezadan atzo bertan gertatua. Berria - Kultura 2006-02-12

Hori, ordea, urrutira gabe eten egin daiteke, Gonzalo Anton Alaveseko presidenteak klubaren egoera ekonomikoa hobetzeko Gasteizko Udalari eskaini baitio aipatutako lur eremua. Berria - Kirola 2004-05-08

19 urruti-min (8 agerraldi, 6 liburutan; orobat urrutimin 7 agerraldi, 4 liburutan) iz urrutitasunak eragiten duen goibeltasun egoera.

Zaharrago, mainguago eta ozpinduago sentitzen da, eta urruti minak gero eta maizago jotzen du aspaldi honetan. Aingeru Epaltza «Lasto sua», 2005 - 48. orr.

Ez zen hasperena, zerbait gehiago baizik; urruti-minaren minak eragindako oihu isila; Juvenalia herririk gabea geratua baitzen, aita-amarik gabe geratua zen bezala. Felipe Juaristi «Airezko emakumeak», 2003 - 158. orr.

Saminak nengoen eta saminak egon nahi nuen; urruti-minak horditua nengoen zu begi-bistan ez edukitzeagatik. Eduardo Matauko «Emakume ezezagun baten gutuna» - Stefan Zweig, 2005 - 26. orr.

Badaude urruti-mina ekarri edo haurtzaroa gogoratzen digutenak eta seguru asko egongo dira hilketa gertakari ezdeus eta arrunt bihurtzen duten lekuak ere. Joxean Agirre «Romain zen bere izena», 2003 - 44. orr.

Ematen zuen auzoak zerua erakartzen zuela, argia erakartzen zuela [...] urruti-mina erakartzen zuela hainbat bizitzen habia izandako auzo txiki abandonatu hark. Anjel Lertxundi «Konpainia noblean», 2004 - 176. orr.

20 urruti-urruti

Gure aurrean urruti-urruti Dunkerke eta itsasoa dira inondik ere. Josu Zabaleta «Gerrako pilotu» - Antoine Saint-Exupéry, 2003 - 64. orr.

Eta urrutira joaten ginen, urruti-urrutira, inora ez. Joan Mari Irigoien «Odolean neraman», 2004 - 228. orr.

Orduan, zure irudimenak urruti-urrutiraino garraiatu zaituenean, galdetu zeure buruari: bola horiek guztiak, espazio horiek guztiak, non daude? Bernardo Atxaga «Lekuak», 2005 - 137. orr.

Urruti-urrutian sumatzen dut, aurrean. Josu Zabaleta «Gerrako pilotu» - Antoine Saint-Exupéry, 2003 - 45. orr.

Haiei esker, urruti-urrutiko objektuak ikustea lortzen dute. Berria - Gaiak 2006-03-03

hitz multzoen maiztasunak (gutxienez 4 aldiz agertzen direnak)

aski urruti (7); bezain urruti (15)

elkarrengandik urruti (6); etxetik urruti (10); ez da urruti (11); ez dago urruti (4); ez du urruti (5); ez oso urruti (37); ez urruti (19); ez zuen urruti (4); gugandik urruti (7); hain dago urruti (6); hain urruti (58); han urruti (4); handik urruti (11); hemendik urruti (11); herritik urruti (9); hiritik urruti (7); horren urruti (6)