Egungo Euskararen Hiztegia (EEH)

Udatiarrak hasiak omen dira nondinahi agertzen, oraingoz madrildarrak gehiago paristarrak baino, Hugori sinestekotan.  Koldo Izagirre   «Idi orgaren karranka» - Victor Hugo, 2002 - 23. orr.

Hurrengo egunean atzerritar batzuk ikusi nituen toldo hori eta zuriaren itzalpean eserita, urteko lehen udatiarrak.  Bernardo Atxaga   «Soinujolearen semea», 2003 - 146. orr.

Gure auzokoek, aspaldidanik, urtero, bi apartamendu alokatzen zituzten udatiarrei.  Daniel Landart   «Anaiaren azken hitza», 1999 - 84. orr.

Gure elizetan ikusten diren udatiarretan badira elizatiar jarraikiak, badira ere hala ez direnak.  Herria   2003-09-04

Udatiarren etorreraren garrantziaz jabetzeko, esan dezagun 1901ean hamaika mila lagun inguruk aukeratu zutela Donostia udaleku gisa.  Askoren artean   «Rataplan» - 60. orr.

Gautegiz-Arteagako etxeen %48 hutsik daude edo udatiarrenak dira.  Berria - Euskal Herria   2004-03-03

Miradorerantz abiatu ginen lehenik, baina udatiarrez betea ikusi genuen.  Bernardo Atxaga   «Soinujolearen semea», 2003 - 180. orr.

Ondoan eserita dauzkan udatiar musugorriak, beren haragi nasaietan eroso, gozatzen ari dira antzezlanaz.  Oskar Arana   «Lotsaizuna» - John Maxwell Coetzee, 2004 - 248. orr.

Udatiar eskuindarrak joanda zeuden ordurako, familia eta zerbitzariekin, euren palazio zuriak ia hutsik utzita.  Joseba Sarrionandia   «Kolosala izango da», 2003 - 45. orr.

Italian, hanbat eta hanbat udatiar bisitari baduten herri hortan, kanpotiarra hezi nahi lukete hango bazterren hobeki errespetatzeko.  Herria   2003-08-14

Joanden igandean hor zen ere beraz "Delphin-Renaissance" untzia ber 640 udatiarrekin, gehienak alemanak.  Herria   2004-09-16

Oraintxe hasten zaigu sasoirik onena, negua iritsi bitartean, udatiarrek alde egin eta gero.     «Kuskue tanden», 2004 - 168. orr.

Hona zubia, udaberri hotz honetan geroko udatiarren zain, eta eliza.  Piarres Aintziart   «Santiago oinez», 2000 - 24. orr.

Nekazariak eta udatiarrak elkar hartuak zeuden beti [...] berde izpi bat agertzen zuen lursail oro erregai bilakatzen.  Aingeru Epaltza   «Rock'n'roll», 2000 - 249. orr.

Bere aurrean eseri berri den familia udatiarrez jantzita dago.  Iban Zaldua   «Traizioak», 2001 - 33. orr.

Donibaneko hondartzan, Paristar neska udatiar xarmant bat "dragatzen" nuen aldi guziz, nire izenaren jatorria esplikatu behar nion beti.  Ramuntxo Etxeberri   «Skyroom», 2004 - 154. orr.

Aurreko balkoian ikusi nuen Condomeko neska, guatekeak antolatzen zituen madrildar udatiar baten besotan barrez.  Ramon Saizarbitoria   «Gorde nazazu lurpean», 2000 - 95. orr.

Orduan probintzia osoko anarkistek juntadizoa egin eta hiriburuan udatiar zeuden Maldrilgo ministroak eta goi mailako jendea preso hartu zituzten Maria Cristina hotelean.  Koldo Izagirre   «Sua nahi, Mr. Churchil?», 2005 - 36. orr.

Ortziral arrats udatiarreko trafiko urriaren mirariak.  Aingeru Epaltza   «Rock'n'roll», 2000 - 344. orr.

Arrosa udatiarren moldean gorritu zakilak eta izar ihintz odoltsuz busti aluak, egunagatik, argiztaturik erakusten zituen peep-show denda baten parrean gelditu nintzen.  Itxaro Borda   «Entre les loups cruels», 2001 - 158. orr.

Erredakzioko goiz udatiar aspergarria alaitzeko.  Aingeru Epaltza   «Rock'n'roll», 2000 - 151. orr.

Soineko motz udatiarra zeraman jantzirik.  Aingeru Epaltza   «Lasto sua», 2005 - 28. orr.

Gerri-izterrak hain ongi markatzen zizkioten galtza fin udatiarrez.  Aingeru Epaltza   «Rock'n'roll», 2000 - 161. orr.

Bere aurpegian metafora bako begi egartiak ikusten ditut, poesiaz biluzturiko bere mingain luzea zure alu argi eta udatiarra miresten.  Eider Rodriguez   «Eta handik gutxira gaur», 2004 - 89. orr.